عارفين قصة Game Stop التى تشغل السوشال ميديا ؟

02:12 AM January, 28 2021

سودانيز اون لاين
النصرى أمين-كالغرى, كندا
مكتبتى
رابط مختصر

دخلت المنبر متوقع على الاقل يكون فى بوست واحد عن الزلزال الذى يهز عالم المال والاعمال فى امريكا.
لقيت الجماعة لسه فى حالهم القديم 😉...
المهم

الفيلم كله بدأ فى تطبيق اسمه Reddit، غير منتشر وسط مجتمعات السودانيين .

Reddit مثل الفيسبوك ؛ بوستات و نقاش و تبادل معلومات.

طيب ، ماهى Game Stop وعلاقتها ب Reddit ؟
Game Stop شركة امريكية متخصصة فى ألعاب الفيديو و عندها اكثر من خمسة الف (دكان) منتشرة فى انحاء الولايات المتحدة خاصة المولات الكبيرة ....
جات الكورونا و دمرت الشركة ماليا و اوشكت على الافلاس و اغلاق ابوابها للأبد.

ول أبا النصري أمين
أها .. متابعين ..

بريمة

اهلا بريمة
حمدلله على السلامه...


الشركات المدمرة دى تتعرض لحاجة اسمها ال short selling
ومعناه (حسب فهمى ) حاجة كده زى نظام الكسر عندنا

انو المستثمرين ياجروا اسهم هذه الشركات و يبيعوها طوالى و بعد فترة يشتروها رخيصة و يرجعوها لأصحابها ..
مثال ؛
شركة سعر السهم مية دولار.... يستلفوها الجماعة ديل و يبيعوها فى نفس اليوم ..
بعد فترة سعرها ينزل (حسب المتوقع ) و يشتروها مرة اخرى بثمانين دولار .
و يرجعوها لاصحابها ..
كده يكونوا ربحوا عشرين دولار

طبعا عملية الكسر دى فيها خطورة لو الأسهم دى لم تهبط اسعارها .
حسب حسابات المستثمرين ديل مافى اى سبب على وجه الارض يخلى سعر الاسهم دى يرتفع ..
مافى نهائى سبب ..
و العمليات دى مدروسة و محسوبة
مثلا Game Stop تتعرض لمشاكل كتيرة بسبب الكورونا، يعنى لازم اسعار الاسهم تنزل و تستمر فى النزول لغاية النهاية.


بعدها جاءت المفاجاة

مجموعة من الصبية دون العشرين قاعد فى منبر داخل Reddit اسمه
Wall Street bets
قرروا انهم كلهم يمشو يشتروا اسهم Game Stop...

لحسن الحظ هناك تطبيق يبسط عملية البيع والشراء فى الاسهم اسمه Robinhood
هذا التطبيق يمكن اى شخص من شراء الاسهم دون ان يحتاج ل broker

اها الشباب ديل قاموا بشراء اسهم Game Stop و منعوا من انهيارها بل سعرها بدأ يرتفع ....

عمالقة وول استريت قعدوا يبكو و يصرخو و يتهموا الشباب ديل بالعبط .
الغريب انه حملة الشباب لشراء الاسهم كانت بنظام ال memes وهى الصور والمقاطع المضحكة

صراخ مليونيرات وول استريت اتى بنتائج عكسية حيث تعاطف الناس مع الشباب فى حملتهم و بدأو فى شراء اسهم Game Stop ( سعر السهم كان حوالى عشرين دولار قبل بداية الحملة)
سعر السهم وصل 400 دولار فى يومين .
صراخ وول ستريت زاد مما اضطر تطبيق Robinhood الى تعليق عملية الشراء فى خطوة هيجت
سياسيين فى الكونغرس و طالبوا بمحاكمة Robinhood بتهمة منع الناس العاديين من ممارسة حقوقهم و رضوخهم لضغوطات وول استريت.

الجدير بالذكر ان سطر واحد المليونير المثير للجدل Elon Musk تأييدا للشباب ديل رفع الاسعار بصورة جنونية

أخوك جاري في الزفة .. وما عارف أهل العريس ولا الفنانين .. لكن زفة لها شنة ورنة وهاج جنوني ..
والله أمريكا مرات تحفة عديل ..!

كتير خيرك .. والله أنت صبور خلاص .. وقعت لينا القصة تب .

واصل ..

بريمة

سلام النصري بعد كلامك ده مشيت قريت عنها وفعلاً القصة تخليك تقيف مع الشباب ديل بي نفس الاحساس البخليك تتمنى انه الهنود الحمر ينتصروا في افلام الويسترن رغم انك عارف النتيجة ، لقيت الشورت سيلينغ زي يكون اتنين بيلعبوا بكره وواحد بي برة بيلعب انه في شخص معين حيخسر اذا خسر الشخص البرة حيكسب واذا كسب الجوة مفروض الراهن على الخسارة يدفع مبلغ الخسارة ، وشكلهم الشباب ديل عملوا القصة دي مع بلاك بيري ومايسيس وشركة السينما اي ام سي

اهلا بريمة
الايام دى فى اجازتى السنوية و بالى فايق ورايق
رغم ذلك الفلم ده فاتني لانى لو كشفتوا من اول لحظة كنت حسى مليونير

اهلا منتصر
فعلا قصة مثيرة خاصة خاصة بعد تدخل ثلاثى النغم فى الكونجرس
الحان عمر و اليكساندريا اوكتيز لمحاكمة Robinhood

Quote: سياسيين فى الكونغرس و طالبوا بمحاكمة Robinhood بتهمة منع الناس العاديين من ممارسة حقوقهم و رضوخهم لضغوطات وول استريت.

مش Game Stop وحدها التى منع منها الزبائن.. برضو أمس كان AMC .. واليوم SNDL .. يبدو حصل فيهم نفس الشيئ مع Game Stop

والأخيرتين دخلت رجولي فيهم بعد أصلجة .. أنت عارف يوم الثلاثاء المساء AMC وهى شركة مسؤولة من مسارح السينماء في أمريكا .. كان سعر السهم ب اقل من 5 دولار .. وأنا سمعت الرئيس بايدن أعطاهم 9 مليون .. منحة ساكت ل الله.
قلت أوكي ... ألحق ال hype .. أشتريت حاجة بسيطة لزوم الضهب .. أصبحت الصباح لقيت سعر السهم 16 دولار .. لما السوق فتح وصل 25 دولار في أقل من عشرة دقائق .. والهلا هلا قامت .. والعجاجة وقفت في السماء .. وقعنا Robinhood في الوطاة .. ساعة ما قادرين نرجعوا للموقع ..
هنا الرسالة التي أرسلها الموقع يوم 27 يناير 2021

Quote: Update ⚠ The markets are experiencing significant volatility and there may be increased risk. It’s as important as ever to be an informed investor.

وبنفس الطريقة .. اليوم متقاتلين في شركة SNDL وهى شركة منتجات وجبات غذائية جاهزة من منتجات عضوية .. سعر السهم أقل من 9 سنتات يعني 0.9 دولار وأقل .. برضو وقعت Robinhood ..
وهنا رسالة الموقع اليوم ..

Quote: In light of the extraordinary market conditions this week, we temporarily limited buying for certain securities this morning. Starting tomorrow, we plan to allow limited buys of these securities. We’ll continue to monitor the situation and may make adjustments as needed.

متعة عديل يا النصري ..


بريمة

النصري ول أبا

Quote: رغم ذلك الفلم ده فاتني لانى لو كشفتوا من اول لحظة كنت حسى مليونير

أخوك لأنه مفلس .. قاعد ألعب "سييف" safe .. خايف أنضرب في الأنكل وأقع تاني ما ح ألحق الجكة .. بغرف حاجة بسيطة وبجري، أخلي أم دفسيبة قايمة وعجاجتها فوق .. دون رجعة ..

ناس المنبر شحدتهم يسلفوني قروش أبووا .. حسي كان عملت فيهم زول مليونير .. بما فيهم منتصر !

بريمة

المشكلة يا بريمة لو بعت بدري حتخسر قمة المكسب ولو انتظرت لحدي ما الفقاعة تنفجر بتلحق أم الحسين

هوووي .. الكلام دا ككيف؟

Quote: The cannabis company is likely the target of a short squeeze.

الشركة دي قاعد تزرع الماريوانا .. أنا جاكي منها بعيد .. ما في زول يدخل خلوهم يقاتلوا براهم في البانقو بتاعهم ..

منتصر، BB رهيبة .. أخوك أندرع جك معاهم مثل القرادة الجابت السمسم مع الجمل من القضارف .. ولما وصلت مدني تلب نزلت ..

أنا نزلت "سييف" والحمد الله.

بريمة

نعم يا بريمة
و شكله الفيلم ده فى بدايته

المجازفه مهمة فى البزنس و النجاح ...
المشى تحت الحيطه و فى الضل البارد عمره ما يؤدى للنجاح.

اكتر وصف للنجاح فى البزنس عجبنى هو انه عشان تنجح لازم تمر بمرحلة pain

انا غايتو مفلس لانى جربت مليون حاجة و ما صدقت معاى
و مستعد اجرب مليون حاجة اخرى

لازم تصدق فى النهاية

أها يا منتصر،

Quote: المشكلة يا بريمة لو بعت بدري حتخسر قمة المكسب ولو انتظرت لحدي ما الفقاعة تنفجر بتلحق أم الحسين

أها خطتك شنو؟

بريمة

النصري،

Quote: نعم يا بريمةو شكله الفيلم ده فى بدايته

أنا عندي ليكم خطة عمل جماعية ..
هناك موقع يسمي finviz .com .. الموقع دا أفادني جداً في معرفة الأخبار المتأخرة .. ودائماً تأتي الأخبار المهمة بعد قفل السوق .. وفي فترة ال extended hours .. إذا لقيت الخبر ومازال السوق غير الرسمي فاتح .. طوالي خش دون تردد وفي الصباح لا تندم ..

لو عندكم مواقع أنشروها بالله حتى تعم الفائدة.

-------------------------
عفواً أسم الموقع ليس findviz .. بل الصحيح finviz .com

بريمة

بريمة
امشى اشترى Dogecoin سعرها اقل من عشرة سنت يتوقع تصل دولار خلال ايام
اقنع ليك من مية دولار واشترى

Quote: بريمة امشى اشترى Dogecoin سعرها اقل من عشرة سنت يتوقع تصل دولار خلال ايام اقنع ليك من مية دولار واشترى

تمام يا النصري.. لكن الشيئ دا ما سوق أسهم .. دا سوق "بت كوين" .. ودا شعر أنا ما عندي له رقبة ..


لكن كدي أشرح لينا السوق يتعاملوا معه كيف؟ ما هى طبيعة securities هنا ..؟

بريمة

سلامات يا النصري
نفس الشباب الجهجهو الاستوك ماركت امس
بتاعين Reddit
عملوها تاني مع Dogecoin
رفعوا سعرها ل تمنمية في المية %800
في ٢٤ ساعة
Reddit group drives Dogecoin, a cryptocurrency originally started as a joke, up over 800%

سلام أستاذ النصري وزوارك
حسب ما فهمت إنه بدأ ينقلب السحر على الساحر
أسواق المال هي بدعة النظام الرأسمالي وممكن تجيب أجله
مثلاً ضربة 11 سبتمبر أو كارثة مؤسسات التمويل أدت لخساير ببلايين الدولارات خلال أيام
المؤسف إنه كل المستثمرين الصغار هم بإستمرار ضحايا التماسيح الكبيرة HEDGING FUNDSوغيرها
والأحتيال في أسواق المال لا حد له خاصة شركات التجارب الطبية حيث خبر واحد
يرفع مليون نفر للثراء في لحظات ويفلس بمليون آخرين
لو تم تسريب خبر إجازة دواء جديد قبل إعلانه رسمياً ممكن التماسيح يعملوا منه ملايين في لحظة
القيم استوب دي ما نهتها الكرونا بل نهتها ال ONLINEGAMES
قبل أكتر من عشرة سنوات كان أي طفل في إمريكا أسعد أيامه لما أهله يسوقوه لمحلات القيم إستوب
ويشتروا أو يأجروا ليه قيم جديد للبلاي استيشن الكانت ماسكة السوق (بلاي استشن 1 و2 و3 )
بعدظهرت الأقيام أونلاين الشفع بقوا يكتفوا بأقيام التلفون والتابلت والأيباد
سهم القيم إستوب GME دخل السوق سنة 2002 ب10 دولار
وأعلى سعر وصل ليه سنة 2008 كان 62 دولار
بعديها مع ضهور الأقيام أونلاين بدأت أرباح الشركة تنقص وقفلت مئات الدكاكين
وإستمر نزوله لحدي ما وصل السنة الفاتت 3 دولارات ونص
المؤسسات المالية الكبيرى الهيدج فند هم العاملين شورت لكل المؤسسات الخاسرة
لأنها حسب المحللين الماليين منتهية وماشة نحو الإفلاس لا محالة
الشورت زي ما قلت هو بيع بالإستدانة لأسهم الشركة التي يرى المستدين إنها ماشة نحو الخسارة
والبيع بالإستدانة short sell نظام مسموح بيه لكل مضارب
يعني لو السعر الحالي 10 دولار وانت متأكد إنه ماشي على نقيصة
ممكن تطلب حسب ما عندك من قروش إنه تبيع ألف من أسهم هذه الشركة
بشرط أن ترجع هذه الألف سهم في أي وقت يعجبك أنشاءالله بعد مية سنة
بس بشرطين
إنه أولاً تخت ضمانة مبلغ يساوي سعر الأسهم التي ستبيعها بالسلفة
وإنه تانياً يكون الشركة المعينة لا زال لديها أسهم للبيع بالسلفة
لأنه التماسيح أحياناً بكونوا كوشوا على كل الأسهم الممنوحة للسلفة
ما حصل الآن إنه دخلوا في السوق هؤلاء الشباب المغامرين (مغامرة غير مأمونة العواقب)
وقرروا يفضحوا هشاشة هذه الأسواق ويمارسوا نفس الإبتزاز بقوة المال الكان
فارضنها التماسيح الكبار على السوق طيلة الزمن الماضي
هم شباب يمتلك كل واحد منهم مبلغ مالي لا بأس به
قرروا يتنظموا عبر الرديت ويستفيدوا من منابر زي الروبينهود
وبقوة المال المتجمع عندهم بدأوا يتفقوا وين يشتروا أو يبيعوا لحدي ما عملوا قوة مالية كبيرة
عرفوا إنه القوة في المال، المعلومة، التقنية
قرروا هذه المرة يستعرضوا القوة ومش بس يحققوا أرباح خيالية لكن كمان يتحدوا ويمرمغوا أنف
أساطين الأسواق الحاليين
وجدوا أن أموال خيالية مستثمرة في ال short sell بتاع القيم استوب بحسبانها شركة متجهة نحو الإفلاس
وأن أسهمها ماشة في نقصان وبالتالي زيادة أرباح الشركات والأفراد العاملين short sell
لأنه المستلف الأسهم دي وكان سعر السهم 5 دولار لما يجي يرجع الألف سهم بيشتري السهم بدولارين
لأنه السهم نزل من 5 لدولارين
يعني هو باع بالإستلاف ألف سهم بخمسة ألف دولار على أن يرجع السهم في المستقبل
الآن سعر السهم 2 دولار فحيشتري الألف بألفين دولار ويرجعه للسوق ويكون ربح 3 ألف دولار في كل الف سهم
أها الشباب ديل بتنظيمم الجديد وقعوا شراء في هذا السهم بنهم كبير وحسب قانون العرض والطلب
بدا سعر السهم يرتفع ل5، 10، 20 لحدي ما وصل الليلة 300 دولار
تخيلي البايع ليه ألف بالإستلاف قبل دخول الشباب ديل أكيد بايع الالف بمبلغ بين 4الف ل40 الف
هسة عشان يرجع الالف لازم يشتريها ب300 الف
لاحظ الشركات الكبيرة بتكون عاملة شورت بملايين يعني خسارة ببلايين
وفي الغالب لو انت متدين قروش من السوق السوق تلقائياً حيشتري بالسعر الغالي غصباً عنك
وكل القروش الموضوعة ضمان تروح شمار في مرقة
لكن مشكلة الشباب ديل إنهم رافعين سعر سهم شركة لا يسوى 3 دولار ل300 دولار
والشركة بكرة لو أعلنت إفلاسها كما هو محتمل تكون البلايين راحت عليهم
أكيد المؤسسات المراقبة للسوق محتارة تعمل شنو في السرقة بالقانون دي بعد أن سكتت عليها
كل السنوات السابقة
الخلاصة هذه تعرية للأساس الهش لأسواق المال ومغامرات غير محسوبة النتائج

العزيزة صباح

Quote: والشركة بكرة لو أعلنت إفلاسها كما هو محتمل

كيف تعلن إفلاسها .. وهى صارت الأن ضمن ال large cap .. راس المال الجاري صار 13 بليون دولار ونص .. دي تانى ح تبقي زي تسلا ..

والله يا صباح .. الشباب لما عملوا العملة دي .. أنا كنت متابعهم في موقع مباشر علي اليوتيوب في الصباح .. قالوا الليل كله قضوه دون نوم في تواصل مستمر وكانوا ينفذوا في العملية .. وكانوا منتشيين إنتشاء ما تتخيلهو زي شنو ..
واحد فيهم قال شركة "قيم أستوب" بقت أحسن من الحكومة الأمريكية في توزيع رأس المال للغلابة من صغار التجار .. وكلمات "اف ورد" .. راقدة رج لناس "هيدج فند" ..

في تغيير في اسس اللعبة .. لكن سؤالي ليك .. الفهم الجديد شنو؟ الخطة تكون ككيف للأستفادة من المفارقات الجارية؟

بريمة

اهلا و سهلا صباح
ماشاءالله معلومات دسمة و غنية ..
لكن زى ما قال بريمة ؛ الحاجة دى ماشا لوين ؟

I bought game stop and sold it multiple times before it crashes today

but I kept small position just in case

القصة وما فيها يا النصري إنو نسبة االـ short selling في السهم كانت عالية جداً وده واحد من الأسباب الرئيسية للذعر الحصل وسط short sellers لمن السهم بدأ يطلع

المستثمر الرئيسي في القصة دي كلها طلع بخسارة 5 بليون دولار

Quote: المستثمر الرئيسي في القصة دي كلها طلع بخسارة 5 بليون دولار

الهادي،
الزول ول أم زقدة دا .. كان ح يمص دم الناس .. وقع في شر أعماله ..!

الهادي بالله الفهم شنو في اللعب الجديد مع ظهور الشباب ديل ..؟

بريمة

سلام يا أخ بريمة
القيمة بتاعت السهم هسة ما بتسندها material ground
الأساس القايمة عليه هارِ ، وفي يد أصحاب الشركة (قيم استوب) القاعدين يتفرجوا في البحصل
بدون يد ليهم فيه وهم الحاجة الوحيدة شباب الروبينهود الما بتحكموا فيها
الأولاد يل يا أخواني منجضين شغلهم ومتحدين لحدي اللحظة
السوق قفل بسبب قرارات تجميد البيع والشراء مؤقتاً في حدود 190 دولار
العيال ديل رفعوا السعر لحدي هسة ل 311 دولار
يعني أي زول عاوز يغامر وعنده 10 الف ممكن يكسب معاهم وممكن يخسر
لكن الحيحصل إنه الشباب ديل متهورين
يعني أي زول الليلة عنده 50 ألف ممكن يعمل شورت للإستوك دا في سعر 300
وحيكسب مئات الآلاف في إسبوع
لأنه أول ما يتأكد إنه دي بداية رجوع السعر لدولارين
وهذا لا محالة حاصل
كل التكالب على الشراء حيبقى تكالب على البيع
حأديكم مثال سريع
واحد هندي عمل قبل 4 سنوات شركة إسمها Longfin
وكان عارف لعبة السوق
نزل سهم شركة ما عندها أي أساس ورخصها كشركة كربتو كرنسي
وإعتمد على الvolatility بتاعة السوق وعمليات ال pump and dump
بدا سعر الشركة بدون أي أساس مادي قوي ب20 دولار
وبدأ الجماعة بتاعنه ينفخوا في السعر لحدي ما وصلوه 400 دولار للسهم
قبل ما التحقيقات في مؤسسات السوق تبدأ
وكذلك محامين ضحايا ال pump and dump
تخيل سعر السهم خلال أيام نزل ل3 دولار
واليوم 3 أسهم بدولار

هذا لقاء مواجهة مع الهندي المحتال صاحب الشركة
والكان ورا عملية ال pump and dump

الاستاذ النصري
تحياتي
تعرف أخوك منذ عام ونص فقد كل ما يملك في الفركس تجارة العملات عشان بقيت بعيد من المال دا
لكين لك سرد ممتع حفظك ربي
مع كل الود

ود الخواجية،

Quote: الاستاذ النصريتحياتيتعرف أخوك منذ عام ونص فقد كل ما يملك في الفركس تجارة العملات عشان بقيت بعيد من المال دالكين لك سرد ممتع حفظك ربيمع كل الود

أنت ال دخلك في شرك أم جيجي شنو؟ .. أنت محلك المكاجرة مع الفلول ...!

الجري والطيران غلبوا النعام ..!

بريمة

هنا الصفحة التى أنطلق منها الشباب ..
https://www.reddit.com

بريمة

الأخ بريمة..

في رأي المتواضع جداً الشباب ديل شغلهم ده شغل مضاربة طبعاً..

و اعتمادهم الأساسي على التحليل الفني وخلق hype وزخم حول سهم بعينه ( تتوفر فيه شروط معينة )

وهم في الجانب ده بعضهم متمرسين و بيعرفوا يحققوا أرباح ويطلعوا متين من السهم.( وعندهم تقاليد في الجانب ده يطول شرحها)

والقصة دي في رأي ما حا تستمر كتير لكنها كظاهرة (إذا جازت التسمية ) لفتت الأنظار لخلل موجود في وول ستريت خصوصاً ما يتعلق بموضوع الـ short selling

وشركات الوساطة وصناع السوق وغيره..

زمان سوق الأسهم كان بتستثمر في شركة وحسب نجاح الشركة دي وغالباً بيكون عندها منتج محسوس وحسب نجاح الشركة بترتفع أسهمها والناس بتربح لكن من الثمانينيات القصة دخلوا فيها ناس الرياضيات بنظريات ومعاملات لخلق المال من لا شيئ أو من الهواء وكده جات نظريات الشورت سيلينغ وهي قمار ولا أكثر وإستنكاح رأسمالي يعني في ناس بتتحكم في صناديق سيادية وصناديق تقاعد بالمليارات مدورين بالمليارات في لعبة الملوص دي وأثروا البروكر بالمليارات دون منتج وده الشي الخلو سوق العقارات ينهار في ٢٠٠٨ باللعب في القروض وبيعها كمنتج وده الربا القاصده ربنا ذاتو

١
انا طالب ماجستير فى القانون التجارى ، بنظام المحاضرات.
والبحث التكميلى بتاعى ح يكون عن قانون " سوق الخرطوم للاوراق المالية ".
ومما له علاقة قدرية وطريفة بموضوع البوست ، انو الماجستير عبارة عن تلاتة سيمسترات ، واحنا بنشطب فى التانى عشان الامتحانات ، كانت اخر محاضرة فى مادة "الاسواق المالية" واللى هى البورصات مع الرائع دكتور "أسعد" ، واعتذر الدكتور انو "الخرطوم" فيها مظاهرات شديدة ، وطلب مننا المغادرة ، لانو ممكن تتم مداهمة الجامعة ، كانت الساعة زى خمسة مساء ، وكانت "الخرطوم" تحت سحبات هائلة من دخان الغاز المسيل للدموع ، شطة تحرق عيونك ورائتيك وجلدك ، وهى واحدة من اولى المظاهرات الديسمبرية القوية فى وسط العاصمة ، والتى ادت فيما بعد لسقوط المخلوع وبقاء انصاره فى الحكم.
ولحدى الليلة يا مؤمن يا مصدق ، لا الجامعة فتحت .. لا الماجستير تم !.
***
***
ما يتحدث عنه استاذ/ النصرى ، فى هذا البوست الشيق والمهم للغاية.
عبارة عن مشكلة كبيرة.
المشكلة اساسا ، فى التطبيق.
اقصد تطبيق على الموبايل ، تقوم بانزاله ، ويجعلك تقوم بشراء وبيع الاسهم بنفسك ولنفسك.
زى ما بتشترى اون لاين قميص ، او كتاب ، او جهاز تنعيم كعب القدم.
***
***
عندنا هنا فى السودان بورصة ، هى طبعا زي اى حاجة فى السودان تعبانة تعب الموت ، اسمها زى ما قلتا "سوق الخرطوم للاوراق المالية" ، وتقع شرق موقف "شرونى".
الاسماء بتختلف للبورصات فى الدول المختلفة ، لكن المعنى واحد ، زى مثلا اسماء البرلمانات ، تلقى "مجلس الامة" ، او "مجلس النواب" ، او "الجمعية الوطنية" الخ ، وكلها برلمانات للتشريع.
فتلقى مثلا اسم "سوق دبي المالى" ، او سوق المناخ الكويتى.
لكن فى نهاية المطاف الاسم الاكثر شيوعا واستخداما عند العامة والخاصة هو البورصة.
ويقال انو التسمية على واحد اسمه "فان دى بورص" ، تاجر بلجيكي ، كان عنده فندق بيجتمع فيهو التجار وتتم فيهو المعاملات والتبادلات التجارية.
***
***
التعامل فى بورصتنا السودانية التعبانة دى ، وفى الغالبية الساحقة من البورصات ، بيتم عن طريق شركات وساطة ، والوسيط = سمسار.
افرض عندى ١٠ جنيه ، وعايز ابقى مليونير ، وسمعتا انك ممكن تبقى غنى عن طريق البورصة فى يوم وليلة.
ما بشيل ال ١٠ جنيه فى جيبى وامشى ادخل قاعدة التداول واقول ادونى الاسهم دى ، والاسهم ديك كيف ، سمحة ؟ .. او امشى اعرض اسهمى براي على طريقة
- علينا جاى.
لا.
ما من حقك اصلا تدخل قاعة التداول (البيتم فيها بيع وشراء الاسهم) ، لانك ما ح تفهم حاجة ، شاشات وارقام ، ومصطلحات ما انزل الله بها من سلطان ، والما مصدق يحضر النشرات الاقتصادية.
بتشيل ال ١٠ جنيه بتاعتك وتمشى لشركة وساطة مالية مسجلة فى البورصة ، وبيتم فتح كود خاص بيك ، بيتم بيهو التعامل.
لو انتا شفت ومقطع السمكة وديلها وفاهم شوية فى شراء وبيع الاسهم ، ممكن تتناقش مع الوسيط ، وتقترح مثلا انو يشترى ليك اسهم فى شركة "الزهرة الحمراء للحديد والصلب" ، لانها شركة ماشية كويس وعندها مستقبل.
لو ما ناقش ابو النوم ، بتخلى الوسيط يتصرف براحته ، ويكون مرشدك ، يبيع ويشترى ليك.
وكل عملية بيع وشراء ، للوسيط (عمولة).
اواصل.
شاهين.

٢
هى الناس دى بتهبب شنو فى البورصة ؟.
بتبيع شنو ، وتشترى شنو ؟ .. وهى شنو ذاتها الاسهم دى ؟.
انا افهم ، عندى ١٠ جنيه ، اشترى قفة سمك بلطى ، وافرشها فى السوق ، وابيعها ب ١٥ جنيه ، اكون كسبان ، او مافى زول يشتريها وتعفن منى ، واخسر ، كده دى قصة واضحة ، والواضح ما فاضح.
لكن اسهم تطلع وتنزل ، ده ياهو ذاتو قصة سمك فى موية.
***
***
طيب.
الاسهم فى القانون والاقتصاد ، هى اوراق مالية.
ومن الاوراق المالية برضو ، السندات.
وفى حاجة تانية اسمها الاوراق التجارية ، زى الشيك والكمبيالة.
ديل كلهم بيشتركوا فى انهم عندهم قيمة مالية ، لكن هم ما قروش.
بمعنى ، السهم القيمتو ١٠ جنيه يساوى عشرة جنيه ، لكن ما بتقدر تمشى الدكان تشترى كيلو طحنية بواحد سهم ، او تدى بتاع الهايس فى المشوار سند وكمبيالة.
اشرط ورقة كراس مدرسى عادية ، دى ورقة عادية جدا ، لكن لو قمتا فى نفس الورقة كتبتا
( اقر انا شاهين شاهين ، اننى قد استلفت مبلغ وقدره ١٠ جنيهات من النصرى امين) ، هنا تحولت الورقة العادية ، لورقة تجارية ملزمة بما هو مدون فيها من مبلغ مالى ، واصبحت ورقة لها قيمة مالية.
تمام ؟.
***
***
فى البورصات التعامل بيتم فقط على الاوراق المالية.
وفى فرق جوهرى بين الاسهم والسندات.
(أ)
الاسهم :-
افرض مثلا ، مثلا ، انو عندى مصنع بتاع تصنيع حلويات شعبية ، وماشى زى الورد.
طيب ، فكرتا ذات ليلة رومانسية ، انى ازيد راس مال مصنعى ده من ١٠ جنيه لعشرين جنيه ، عشان اصنع برضو "شيبس" مع الحلويات.
طيب ، اجيب ال ١٠ جنيه التانية من وين ؟.
اما امشى بنك واخد سلفية ، وسلفيات البنوك مشكلة ، فوائد عالية ، ولو الفكرة فشلت وما قدرتا اسدد الاقساط عادى بيحجزوا على مصنعى ويتباع.
او امشى البورصة واسجل شركتى فيها (الاسم الفنى .. القيد والادراج) ، واطرح ١٠ اسهم ، كل سهم = واحد جنيه فقط لا غير.
وبكده يا معلم ضربتا ١٠ جنيه فى جيبك ، وزاد راس مالك ل ٢٠ جنيه.
طيب ما كويس ، فكرة ذكية يا تفتيحة ، لا فوائد بنكية لا اقساط.
لا ، للاسف ما كويسة شديد.
ليه يا زعيم الاغلبية ؟ .. لانى ما بقيت صاحب المصنع براى ، الناس اللى اشترت الاسهم وبحكم القانون اصبحوا شركاء معى فى المصنع ، ليهم حق التصويت فى اجتماعات الجمعية العمومية والترشح لعضوية مجلس الادارة ، وكل سهم = صوت عند التصويت ، وهيصة بنت كلب.
***
***
قانون الشركات السودانى بيعرف الاسهم انها
(اى جزء من الاجزاء المتساوية ، من راس المال الاسمى المبين فى عقد التأسيس للشركة).
معليش هو كلام قانونى مجعلص حبتين ، بس عشان تاخدوا فكرة عن الموضوع.
وبالتالى ، الاسهم الصادرة من جهة الاصدار لازم تكون بقيمة متساوية ، يعنى اى سهم يصدر = واحد جنيه مثلا ، مش اطرح اسهم كل واحد منهم عندو قيمة مختلفة عن التانى ، لا ، ممنوع قانونا (الاجزاء المتساوية ، من راس المال الاسمى).
ودى من خصائص الاسهم .. تساوى القيمة الاسمية.
***
***
انا لما طرحت الاسهم بتاعتى اول مرة فى البورصة ، طرحتها فى حاجة اسمها "سوق الاصدار او السوق الاولى".
ودى السوق البيتم فيها عرض الاسهم للبيع لاول مرة من اصحاب الشركات ، وعائد عملية البيع هنا بيدخل مباشرة فى راس مال مصنعى.
بعد ما الناس اشترت منى الاسهم ، بتمشى حاجة اسمها "سوق التداول او السوق الثانوى".
وبعدها تنقطع صلتى انا صاحب المصنع بهذه الاسهم ، ويتم تداولها بيعا وشراء بين الجمهور ، بدون ما يدخل جيبى قرش واحد.
وطبعا مصطلحى سوق اصدار وسوق تدوال ، هما مصطلحات فنية اكتر من انها جغرافية ، عشان ما تمشى بكرة بورصة الخرطوم ، وتقول ليهم
- وين سوق الاصدار يا شباب ، ووين سوق التداول ؟.
اواصل.
شاهين.

Quote: بيتم عن طريق شركات وساطة ، والوسيط = سمسار. افرض عندى ١٠ جنيه ، وعايز ابقى مليونير ، وسمعتا انك ممكن تبقى غنى عن طريق البورصة فى يوم وليلة.

الأخ شاهين.. التطبيق ده نفسو هو عبارة عن شركة الوساطة المالية القلتها دي ـ هو السوف وير أو ( الأداة ) لشركة الوساطة المالية للتعامل معاك وعشان يدخلك السوق زيو زي الكمبيوتر بالضبط

وكل شركات الوساطة المالية عندهم سوفت وير ـ لكن روبن هود أصبح السمسار الأشهر أونلاين لأنو كان ما بيشيل عمولة منك كمشتري أو بائع على تنفيذ عمليات التداول ـ بيطلع عمولته بطريقة أخرى من صناع السوق والصناديق المالية

خليك مواصل يا شاهين عشان تفهمنا حكاية البورصة المعقدة دي....
تلقى واحد ساكن في غرفة وسخانة في بيزمنت وما عنه شغل وعاطل
وما قادر ياكل يقول ليك ان ضاربت في البورصة وربحت ٢٠٠ الف دولار
وفي جيبه مافي دولار واحد.....وما قادر يشرب ليه قهوة بدولارين...طيب
وينها ال٢٠٠ الف دولار !!!!؟؟؟؟
حاجة ما مفهومة .......ويقولوا ليك بورصة.....
عاوزينك تفهمنا حكاية البورصة دي خطوة خطوة....

شاهين
سلام ..

Quote: انا لما طرحت الاسهم بتاعتى اول مرة فى البورصة ، طرحتها فى حاجة اسمها "سوق الاصدار او السوق الاولى". ودى السوق البيتم فيها عرض الاسهم للبيع لاول مرة من اصحاب الشركات ، وعائد عملية البيع هنا بيدخل مباشرة فى راس مال مصنعى.

هذي أسمها ال IPO في الغرب .. Initial Public Offering .. وبدخا فيها بيوتات المال الكبيرة .. عامة الشعب مثلي أنا والكاشف أخوي .. بننتظرها تصل المحلة دي:

Quote: بتمشى حاجة اسمها "سوق التداول او السوق الثانوى"

وبعد داك ندقل بيها ..

سؤال: كيف تستمر الشركة في أدخال مزيد من رأس المال؟ ..

هنا في الغرب كل ما الشركة إحتاجت لرأسمال زيادة .. ترجع وتعيد سيرتها الأولي ليس من خلال ال IPO بل من خلال ال Public Offering عن طريق الجهة الحكومية المسؤولية من تنظيم عمل البورصات .. تسجل ملايين الأسهم ..


واصل السرد الجميل ..

بريمة

الهادي،
سلام ..

Quote: و اعتمادهم الأساسي على التحليل الفني وخلق hype وزخم حول سهم بعينه ( تتوفر فيه شروط معينة ) وهم في الجانب ده بعضهم متمرسين و بيعرفوا يحققوا أرباح ويطلعوا متين من السهم.( وعندهم تقاليد في الجانب ده يطول شرحها)

والطريقة دي إسمها Technical Analysis

الطريقة الأخري هى Fundamental Analysis

الهادي أنت ؟التبس" بتاعت شنو في التحليل التقني ؟ .. أنا تعجبني ال 3Bars Play .. ونجمة الصباح ونجمة المغرب .. والشاكوش.. لكن ناس ال Doji و الجنود البيض الثلاثة 3while soldjers والغربان الثلاثة 3Crows ديل أي كلام عندي.

أي زول داخل في التحليل التقني يكتب لينا فكرته شنو؟


بريمة

هديلك حمامتين شايفهم فوق راسي :)
غايتو عبارة (كأن على رؤوسهم الطير) شفت في روحي صورة وصوت
عندي اصحابي حاولوا يغروني بعالم البورصة دة لكن مسألة عدم وجود المنتج دي أبت تدخل راسي
واحد فيهم طبيب خلى الطب بقى مراقب الموبايل طوال اليوم وشغال يخش دورات تدريبية واندمج في الموضوع شديد .. مرة قاعد معاهو في البيت فتح قناة اقتصادية ومتابع النشرة باهتمام مع الزول الماسك العصاية وبقول في طلاسم وتعويذات داك
لما لقاني بضحك فيه قال لي أنا ذاتي زمان كنت زيك كدة ما فاهم حاجة هسة المؤشرات دي حافظها بالشولة

المهم
شاهين وصباح واصلوا خلونا نستفيد

دا وين دا ؟
انتوا بتهظروا ولا بى جدكم ؟
يا سادة يا كرام الامر ما بالبساطة دي في حاجة اسمها (المؤشر)
ودا بقيس التغير في أسعار أسهم الشركات المدرجة في سوق الأوراق المالية خلال فترة معينة
وفي السودان في حاجة اسمها (السوق الموازية)

ول أبا أحمد يسن
ول أبا أحمد عمر
هنا وصلة Robinhood .. لو عايزين أدخلوا هنا .. والموضوع مجاناً ..
ح تعرفوا .. كيف تدخلوا أرجلكم .. لو الموضوع أصلج .. أرموا لي ماسنجر .. ممكن الواحد يبدأ بأي شيئ .. إن شاء الله 10 دولار .. والتجربة خير دليل (أبيت أكتب برهان)!

https://join.robinhood.com/biraima

إذا دخلتوا من خلال وصلتي .. ح يدوكم أقل حاجة ..سهم مجاني لشركة ما .. حسب حظ الواحد .. وأنا ذاتي بدوني سهم .. win-win لينا نحن الأثنين ..

الأسم كامل Biraima Adam

وأي زول يعمل كوبي أند بست .. ويكتب أسمي ..

بريمة

ول ابا بريمة
المعروف ان روبن هود كان بيشيل من الاغنياء ويعطي الفقراء
وهسع انت داير تشيل مننا نحن الفقراء ونديكم انتو الاغنياء..
كدي . هسع اشرح لينا البورصة دي خطوة خطوة...
وواحد ما عنده دولار في جيبه ويقول ليك انا ربحت في البورصة الليلة ٢٠٠ الف دولار..

حبيبنا بريمة
دخلتا وجاتني الرسالة دي
Sorry! We’re not currently able to accept applications from outside the United States.
ما مشكلة انا حاسلمك مبلغ وانت شغله بى معرفتك.. وانت وشطارتك
انا عارف راسك دا ما ساهل

بتنا أمتثال ول أبا أحمد يسن
سلام ..
أنتظروا بعد الدوام .. بشرح ليكم نحن في أمريكا بنعمل شنو ..

نتواصل إن شاء الله .. والله دفسيبة خلوها ساكت ..ّ سوق أم دفسو بس ..

بريمة

سلام النصرى وضيوفه..
نتكلم من فوق فوق.. ونخلى التفاصيل الفنية دى شوية.. ومع ان هذه التفاصيل والمساهمات المهنية مهمة، إلا ان المسح الجوى
يفيد لرسـم إستراتيجية طويلة المدى. ونحن الويم نعيش فى عالم جديد تماما، يتحور يومياً.. وهؤلاء الشباب الذين ترونهم
اليوم هم نفس الشباب الذين احتلوا وول ستريت فى معركة Occupy Wall Street المشهورة قبل أعوام قليلة، وحين
فشلوا فى إحتلاله مباشرة، وصلوا الى نتيجة انهم لا بد يستعملوا نفس أسلحة البنوك ومؤسسات وول ستريت ليحاربوهم بها..
هذه حركة تحرر إنسانى ن شئت أن تسميها.. بدأت بنسخ منتجات مايكروسوفت لأنهم حينها كانوا يرون أن اسطوانة البرنامج
مثل أوفس تكلف أقل من 5 سنت، ولكن مايكروسوفت تبيعها ب 300 دولار.. وبدأت هذه الحركة الشبابية بنسخ برامج
الشركات مثل مايكروسوفت وفوتوشوب.. الخ ثم تنشر المفاتيح أو كلمات السر مجانا فى الإنترنت.. مثل برامج Keygen . الخ.
ولم يكتفوا بذلك خصوصا ان الشركات وكثيرون من عامة الناس لم يستطيعون مخالفة القوانين ويستعملون البرامج المنسوخة.
ظهر شاب من أوروبا اسمه لينوس، وطور نظام تشغيل بهدف وندوس نفسه وليس البرامج التطبيقية
فكانت ولادة لينوكس، يوزع مجانا ومعه كود النصدر.. وبدأت مرحلة النظم المفتوحة.. Open source community ..
وهم مجموة من الشباب ألوا على أنفسهم لتصبح كل البرامج مجانية.. وتطوع الاف المطورين الشباب الذين يؤمنون
بعذه المبادئ حول العالم يشاركون فى تطوير لينوكس بدون مقابل سوى راحة الضمير أنهم يساعدون البشرية بعيدا عن
الجشع الرأسمالى. والان صار مجتمع النظم المفتوحة عملاقاً وأنتج ما كان يباع بالاف الدولارات وجعله فى يد جميع
الأفراد فى العالم مجانا وبدون أن يدفعوا مليما واحدا..
الان هؤلاء الشباب جزء من هذه الحركة وسوف يفرضون على الشركات الكبرى، إما أن تتخلى عن الجشع ويبيعوا
منتجاتهم بأسعارها الخقيقة (التكلفة زائدا هامش ربح معقول) أو سيقومون بمحاربتهم، وسوف ينتصرون.. الشكر
بعد الله للإنترنت التى كانت شبه معدومة وأيضا لبقية وسائل الإتصالات الحديثة. رفعهم لأسعار redit مؤقت والهدف
منه تأديب وول ستريت..
أقرأ هذه العبارة من خطاب الاستاذ محمود للسيد John Voll فى 17 يوليو عام 1963 أى قبل 58 سنة:

Quote: This state of affairs will not be allowed to continue. Our present civilization of collectivism and impersonal bigness is giving way to the age of small things - the individual, the-man-in-the-street. Every individual is, authentically, an end in himself

Quote: يا سادة يا كرام الامر ما بالبساطة دي في حاجة اسمها (المؤشر)

يا احمد يسن
سلامات
بعد م بريمة يجهز ليك روبندهود هاك الاستراجية دي اشتغل بيها
و ليبيا فتحت و بالمناسبة اقترح ليك ويبول Weibull بدل روبنهوود
فيها ميزة تبيع و تشتري قبل السوق م يفتح وبعد السوق يقفل
pre hour and after hour
و الاكسيكيوشن بتاع الاوبشن اسرع من روبنهود
ناس روبنهوود حرامية , تي دي اميريتريد ممتاز شركة بروكر امريكي كامل الدسم.
المهم الاستراجية فيها مؤشرين فقط بإعداداتهم الإفتراضية
الموفنق افرج خمسة moving average 5
و البولنغرباند Bollinger bands 20,0,0
الاستراجية دي بتشتغل في السوقين
بورصة منهاتن نيويورك ال stocks market
و الفوركس تداول العملة forex stands for foreign exchange
وديل سوقين ما عندهم اي علاقة مع بعض
المهم نرجع للاستراجية . قلنا فيها مؤشرين ممكن تضيفهم لل chart بتاعك في البلاتفورم بتاعك و MT4 احسن بلاتفورم للفوركس و
Thinkorswim احسن للاستوك -الاسهم
طيب . البولنقرباند فيهو خطين واحد فوق والتاني تحت وبينهم بيجري القراف او الشمعات البشير لسعر السهم او سعر جوز العملة و احسن جوز عملة الناس شغالة عليهو اليوروvsالدولار EURUSD
في وسط البولنغرباند بين الخطين بيجري الموفنق أفرج حركة سعر السهم طالع نازل و مابيكسر الباند الفوق أو التحت
الاستراجية كالأتي : في كل مرة تلامس الشمعة , السعر, تلامس خط البولنغرباند الفوق تقوم تبيع طوالي لانو السعر لازم ينزل و يجي يلامس الموفنق افرج والعكس صحيح
في اي لحظة السعر يلامس الباند بتاعة بولنغر التحت فشنو السعر ح يرتفع و هكذا استراتيجة ىسهلة و مضمونة و دايما استعملها لمن الفوتالتي بتاعة السوق تكون عالية .
ده بزنس ممتع جدا و فيه عائد مادي مخيف لكن فيه مخاطر يا ساتر و فيه ديرتي قيم بيلعبوها الكبار والاخبار السالبة وحتي الموجبة الفيك , و دي كانت هواية طرمبة المفضلة والناس لسع بتتذكر كوداك

شكرا يا النصري، دائماً بوستاتك مميز 🌹👌

شكرا يا النصري للبوست الجميل

حبيبنا محمد عثمان بكري

يا ريت تزيدنا من علمك في تصريحك ادناه

Quote: ناس روبنهوود حرامية

سلامات ومنورنا يا محمد عثمان بكري

Quote: بالمناسبة اقترح ليك ويبول Weibull بدل روبنهوود فيها ميزة تبيع و تشتري قبل السوق م يفتح وبعد السوق يقفل pre hour and after hour و الاكسيكيوشن بتاع الاوبشن اسرع من روبنهود ناس روبنهوود حرامية , تي دي اميريتريد ممتاز شركة بروكر امريكي كامل الدسم. المهم الاستراجية فيها مؤشرين فقط بإعداداتهم الإفتراضية

ياخ انت وين من زمان ياخ
كلامك دا كلام زول خبير وبتاع اسواق مالية وناسداك
انا حامشي بى كلامك دا وحأخر روبن هود شوية بعد ما اتكلمت مع ناسي في (ميريلاند)

الأستاذ أحمد يسن نصيحة لوجه الله أبعد عن الإستوك ماركت
وإن كان لابد
إياك أن تدخل ك daily trader
أدخل كlong في شركة مأمونة زي
mu, qcom, akr, actl, amd,,orcl
ودي كلها Zack #1
بس تخت قروشك في واحد منها وتنتظر سنة أو أكتر
حتلقى أرباح معقولة وليست ضخمة عادت ليك
ما مهم ياتو منبر تشتري فيه
بس Ameritrade سهل خاصة عنده ال streamerوطوررها
هسة في تطبيق اسمه thinkorswim

Quote: الأستاذ أحمد يسن نصيحة لوجه الله أبعد عن الإستوك ماركت وإن كان لابد إياك أن تدخل ك daily trader

والله يا صباح حسين يديك العافية
حاجة محيرة فعلا في الاول كلام بريمة كا مشجع جدا واستعديت للدخول بقوة
لكن جاء اخونا محمدعثمان غير راي الى ناحية تانية
ولكن اعمل بى نصيحتك لاني بقيت ملاوز

الأخ محمد عثمان بكري
سلامات ..

Quote: اقترح ليك ويبول Weibull بدل روبنهوود

أظنك تقصد Webull .com

صححنا ..

بريمة

أخونا بريمة
سلامات
كلامك صاح
أيوا أقصد Webull
جربها أحسن من روبنهود تشتغل من ٤ صباحا لغاية ٨ مساء
Webull supports full extended hours trading, which includes full pre-market (4:00 AM - 9:30 AM ET) and after hours (4:00 PM - 8:00 PM ET)

ول أبا أحمد يسين والأبنة إمتثال
جيتكم ..

Quote: والله يا صباح حسين يديك العافية حاجة محيرة فعلا في الاول كلام بريمة كا مشجع جدا واستعديت للدخول بقوة لكن جاء اخونا محمدعثمان غير راي الى ناحية تانية ولكن اعمل بى نصيحتك لاني بقيت ملاوز

طبعاً كلام العزيزة صباح .. يبدو عليها لدغت .. والملدوغ بيخاف من جر الحبل .. رجاء يا صباح توضيح لينا المخاطر التى تعرضي لها.

ول أبا أحمد وأمتثال:
أنا كنت متخوف جداً من التجربة .. مثلكم .. ولم أعرف من أين نبدأ .. ومتردد .. لكن عصرت علي نفسي .. وفي منتصف أغسطس 2020، أغسطس الماضي بدأت فتح حساب مع روبنهود ..
وبدأت برأس مال بسيط .. ثم ضاعفت المبلغ في شهر سبتمبر .. وأكتور تباعاً .. حتى هذه اللحظة في أخر أجراء حساب عام نسبة الأرباح وصلت معدل 29.69% .. أي حوالي 30%

خلاصتي ما تخافوا قبل ما تجربوا ..

ح أواصل ..

بريمة

نواصل ..

وعكس صباح تماماً .. وهذه ميزة التجارة في الأسهم والبورصات عموماً .. هناك عدة مدارس ..
الأولي هى مدرسة Warren Buffets أغني رجل في تجارة البورصات .. تشتري الأسهم .. وتحتفظ بها أطول مدة .. ورين بافت محتفظ بعض الاسهم أكثر من 20 - 30 سنة ..
المدرسة الثانية هى مدرسة Swing Trading .. وهى مدرسة تقول ليس هناك سوق دائم .. تشتري وتحتفظ بالأسهم متي ما صعدت قيمتها تبيعها ثم تدور المبلغ ..
المدرسة الثالثة هى Day Trading .. هؤلاء أصحاب رزق اليوم باليوم .. تشتري الأسهم وإن شاء الله تجيب ليك ربح 50 دولار .. أنت ربحان .. تشيلها وغداً يوم أخر ..

في الفترة البسيطة التى قضيتها في الأستوك .. وهى حوالي 6 أشهر حتى الأن .. عرفت أن الثلاثة أنماط يمكن أن تمارسهم جميعاً .. ما الذي يمنع أن أكون في Blue Chip وهى الشركات الكبيرة أبيل، مايكروسفت، قوقل، .. ووو .. وهى شركات رأس المال الكبير .. في أسهم طويلة الأجل ..
وفي ذات الوقت أكون في شركات رأس المال المتوسط في فترات زمنية أقل تتراوح ما بين أسبوعين .. إلي 3 أشهر أو أكثر ..
وفي ذات الوقت أكون مع ناس التجارة اليومية في Penny Stocks .. ناس سوق أم دفسو ..

أنا مندفس تماماً مع المجموعة الأخيرة ..

بريمة

نواصل ..
الأختلاف بين الثلاثة مجموعات هو مستوي Risk الخطورة في ضياع رأس المال .. ففي حين الشركات الكبيرة Blue Chips من النادر أن تخسر رأس المال (كلام العزيزة صباح) إلا أن العائد ضعيف أحسن من ناس البنوك بشوية من ناحية Dividend وتزيد أسعار أسهمها سنوياً .. لكن الجعان (المفلس مثلي) فورة البرمة عليه قاسية ..!
مجموعة ال Penny Stocks ديل فيهم أرباح خرافية .. ومع رأس مال لا يسوي أي شيئ .. مثلاً لو السهم ب 10 سنتات .. مية دولار تجيب ليك ألف سهم .. وإذا أرتفع السهم وصار ب 50 سنت .. نص دولار أنا أكون ربحت 40 دولار يعنى 40% ربح .. لو ختيت ألف دولار أربح 400 دولار ..
لكن من ناحية المخاطر كبيرة .. ممكن الشركة بكرة تقع وتطلع من البزنس و تسقط من البورصة .. وأنت المستثمر فيها تلحس شنبك وترجي المولي ..

خلاصة الكلام .. في أنك كيف تقدر تقلل المخاطر .. ولدي المستثمرين نسبة متعارف عليها هى أن لا تخسر أكثر من 10 % من رأس المال .. يجب أن تبيع الأسهم بالكسر وتقبل الخسارة .. فالأمر تجارة فيها الربح والخسارة كشأن أي تجارة ..

حالياً أنا 100% في ال Penny Stocks .. محل أكبر مخاطر علي الأطلاق .. ما ممكن أضيع وقت قدام الكمبيوتر .. أبحلق في الأسعار طالعة نازلة .. ساكت ... أنا أقرأ ال Technical Analysis بالنسبة للأسعار طالعة نازلة .. يعنى نتفهم ال Candles ..
والمؤشرات التي ذكرها الأستاذ محمد عثمان بكري .. وعلي ضوئها نقرر مباشر علي الهواء هل أنا مستمر في العملية التجارية أم متخارج منها بأرباح أو بخسارة .. دا أم دفسوا ..

في ال 6 شهورالتى مضت ممكن أكون نفذات أكثر من 100عملية تجارية في شركات مختلفة (أكثر من مرة في ذات الشركة الواحدة) .. ممكن أكون خسرت في 10 فقط منهم .. وكل الخسائر محكومة بحد أقصي هو 10% .. يعنى مجازفنها بحرفنة عالية ..

بريمة

عشان ما نكتر الكلام .. نديكم تجربة أخري ..
قبل حوالي 6 سنوات .. أنا بدأت البحث في كيف أدخل في سوق الأوراق المالية .. وشبكت في الكتب والمحاضرات .. وقوقل واليوتيوب .. وأصحاب الخبرة في هذا المجال (زوراً) يقولون تحتاج ل 3 سنوات دارسة .. أنا قرأت أكثر من 3 سنوات .. لكن ندمت ندامة الكسعي ..

تقنع من رأس مال بسيط .. 100 - 200 دولار .. وتدقش الشركات التى تريد أن تضع فيها راس المال .. وتدور المبلغ كل يومين ثلاثة إلي أقصي شيئ 3 أسبيع .. في خلال شهرين تكون عرفت كل شيئ .. وح تنطلق وأهم شيئ أنك تكسر الحاجس النفسي ..

أكبر مصيبة واجهتني هى أني أستجيب للمؤثرات .. ما بنفذ الخطة التى أعددتها .. رغم أني بعمل كل شيئ أتوماتيك في الصباح وأخلي الكمبيوتر ينفذ الخطة .. إلا أني مصر أتابع الأسهم من ساعة لأخري لأتأكد أن الخطة تسري علي ما يرام .. مرات قلبي يحرقني أقول خلاص كفاية هنا .. أطلع وتستمر الأسعار مواصلة الأرتفاع حتى المحلة التى برمجتها .. وأكون خسرت (رغم أني طلعت بربح)، أقوم أنفعل وأدخل تاني .. وهناك ينقلب عليّ السوق وأدق الدلجة .. أهم حاجة علي الأطلاق التحكم في Sentiment أثناء العملية التجارية .. الخطة سواء رابحة أو خسرانة أصبر عليها لنهايتها ..

كل زول لازم يجرب .. البنوك قسماً شايلة قروشنا مجان ساكت .. ما حصل البنك أداني مية دولار عوائد في رأس المال .. نفس المبلغ التى تضعه سنين في البنك ممكن يتضاعف مرات في سوق الأوراق المالية .. والأمر هو متاح لأي إنسان ..

ولكم خالص الشكر وأسف علي الأطالة ..

بريمة

الف شكر ول أبا محمد عثمان بكري
تم الأمر ..

Quote: أخونا بريمة سلامات كلامك صاح أيوا أقصد Webull جربها أحسن من روبنهود تشتغل من ٤ صباحا لغاية ٨ مساء Webull supports full extended hours trading, which includes full pre-market (4:00 AM - 9:30 AM ET) and after hours (4:00 PM - 8:00 PM ET)

تعرفت علي الموقع من قبل عن طريق .. الرجل القدير في اليوتيوب يسمي StockMoe .. وحاولت لكن وجدت رخصتي أنتهت .. واليوم وصلت وأكلمت بقية الأجراءات .. مازلت أتعرف علي الموقع الأن ..

بالذات مسألة ال extended hours مآكلة معي جنبه في روبنهود .. كما أن الوقعة الأخيرة ل روبنهود أكدت لي أنه ماسورة كبيرة .. في تعامله مع GME ول AMC ول BB .. كلها تعامل فيها بصورة عشوائية جداً .. وبعيدة عن المهنية.

بريمة

الأخ بريمة
إحصائيات السوق بتقول 80% من ال day trader بيخسروا
ونصهم بيخسروا كل ما يملكوا
الما بخسروا ديل المحترفين لأنه حركة الأسعار ما بتحكمها أي قوانين
عشان كدا نظام السوق عمل ترتيبات لتقليل الخسائر زي Stop loss order
الday trading أقرب للقمار من المضاربة
وزي ما قلت انت أخطر عامل فيه العواطف والعامل النفسي
لأنه في كتير من الأحيان انت بتشوف سهم سعره طالع بسرعة
طوالي عاطفة الطمع في الغنى تسوقك تشتري بدون ما تفكر إنه الباع ليك باع لسبب
وفي اللحظة البتشتري فيها ينزل السعر وكتيرين ما بيعملوا بالقانون الجيد بتاع
أطلع أول ما تخسر 10% في المية ويقولوا ليكي السعر حيطلع ويخسر أكتر
وهكذا حتى تخسر معظم قروشك ولا لو مشتري بمارجن الشركة تبيع اسهمك
عشان تضمن حقها وهنا الخسارة مضاعفة
أي خبر فجائي ممكن يكلع سعر السهم الانت مشتريه ضعفين أو ينزله ضعفين
ولو ما حامي نفسك بStop losses فقد ثكلتك أمك
صعب تتحكم في العواطف وفي تماسيح السوق وفي الأخبار الفجائية
شركة سترون والأدوبها عيال الreddit أعلنت اليوم إنها وقفت أي شغل بتاع
ٍShort selling والشركة دي بالذات يا ما دمرت بيوت
لأنها كانت فجأة بتطلع تقرير عن إنه الشركة المعينة حتنزل أسعارها لأسباب محددة
وفي اللحظة دي بكون عصابات الشورت بدت تشتغل shorting في أسهم الشركة
قبل من المضاربين العاديين يكون وصل ليهم الخبر وأي زول مشتري السهم وووب عليه
أنا دخلت في المواضيع دي بحكم التخصص لكن لا أملك أسهم ولا أعمل ك broker
وكانت نصيحتي للأخ أحمد يسن لأنه كل من دخل السوق في day trading
بدون خطة محكمة وخبرة فقد كل ما إستثمر
عشان كدا وصيته لو عاوز يستثمر يشتري كlong من الشركات المضمونة
لأنه الحاجة الوحيدة الثابتة في السوق إنه بإستمرار مؤشراته طالعة
الداو جونز وصل فوق ال30 الف

العزيزة الأستاذة صباح،
سلام ..

Quote: عشان كدا وصيته لو عاوز يستثمر يشتري كlong من الشركات المضمونة

كلامك والله درر .. لكن يا صباح التجربة خير برهان .. أنا أقول الناس تجرب بالبسيط وبعد داك تحكم وقع حركتها ..

أنا تهمنى فقط قوانين العرض والطلب .. وأهم شيئ عندي ال volatility بتاعت السوق .. "سيولة السوق" المعنى .. يعنى شركة إذا قل المتداول من أسهمها أقل من 5 مليون سهم ما بخش فيها من الأساس ..
سيولة السوق كلما كانت كبيرة .. اللبع بكون صاح .. إما لابع يا ملبوع .. والمسألة دي ربما لأني بقاري متعود الدواس والضرب .. تعجبني جداً ..

أنت ذكرت وسترن .. وهو مركز أبحاث أبن لذينه .. يسقط الشركات عشان أعوانه يعملوا لهن Short Selling كما قلتي .. أن أنضربت مرتين في 6 أشهر الماضية من قبل هذا المركز .. وأخيراً الشباب أدبوهم أدب ناس المدايح ..
شركة Solo وشركة Kandi هما شركتين للعربات الكهربائية .. مثل تسلا .. لكن شركات صغيرة Penny stocks ودا محل أنا حاقص .. أشتريت منهم أسهم مرات ومرات .. وأبداً لم أخسر يوماً .. أطمأنيت أنو الشركات الصغيرة دي يوماً تكون عملاقة (وحتى الأن أظن كذلك)، أشتريت أسهم كثيرة فيها بما يعدل 25% من قيمة البرتوفوليو بتاعي ..
وذات يوم أصبحت وإذا بأسهم الشركتين في وطاة الله .. بحثت عن السبب ووجدت التوتير الاتي:

Quote: Citron Research @CitronResearch $SOLO is the EV trade for the real sucker..not one real institutional investor here....they had a going concern just a few weeks ago. OMG..over $1 bil mkt cap 12:03 PM · Nov 20, 2020

التويت دا وحده فقط .. تداولته كل بيوتات المال والنشطاء في يوتيوب .. وقّع الشركتين ويداب بدأوا التعافي .. أنا عملت تخفيض Dilution للاسهم بتاعي حوالي 5 مرات .. حتى قدرت أخرج بأرباح بسيطة .. في حين كانت الشركات رابحة بنسبة كبيرة ..

نعم المخاطر حقيقية .. لكن في ذات الوقت الفرص حقيقية وزيادة .. والأرباح تتضاعف حسب قيمة رأس المال .. راسمالك كبير .. تجني ذهب ..

ا-------------------------------------
Disclaimer الكلام دا للعلم فقط .. وليس دعوة للأستثمار أو عدم الأستثمار

بريمة

الجني دا

طلع The Wolf of Wall Street
صراحة ابهرني .. مع معلومات محمد عثمان وصباح المالية في عالم المال
اما اخوانا الاعزاء بكري ابوبكر والنصري واحمد محمد عمر ومنتصر نقول ليهم... (الفاتحة) ياجماعة

أحمد يس انت زول مزازيك شيل ليك ١٠ الف دولار وأديها ضهرا يا شلتها تتو ولا إعتبر نفسك ضيعتها في طربيزة مع ترباس ورحمة الشيخ

منتصر
كلام بريمة دا كلام زول خبير ودارس الاستوك كويس يعني (الرسك) ما عالي
ترباس جنه حريق ويصر لازم يلعبوا بى تلاتة جواكر وفي الخلفية رحمة الشيخ بتغني ليهم (شوف العين قالت دا لالا) لابي صلاح

ول أبا أحمد يسن
سلامات

Quote: كلام بريمة دا كلام زول خبير ودارس الاستوك كويس يعني (الرسك) ما عالي

ول أبا أحمد، لا يا أخي، الرسك عالي جداً .. لكن تقللو بقتل ال Sentiment .. تتعامل مع مسألة الربح والخسارة بأعصاب باردة ..
أنت لو خشيت معانا ح تشوف قول المولي عز وجل في نفسك وفي السوق .. خلق الأنسان هلوعا إذا مسه الخير منوعا وإذا مسه الشر جزوعا ..
العواطف والأنفعالات البشيرية .. صعب التحكم فيها .. وخير من عبر عنها العزيزة صباح في أخر مداخلة لها .. عملت لي مداخلتها كابشن وح أخليها قريب "أقول صباح قالت كدي .. ".
أخوك ذو حمية في الموضوع مثل حمية الجاهلية .. ود موضوع ذو شجون!

ح أجيكم مع منتصر أتونس معاك شوية .. صحيت يداب وعلي فرض ..

بريمة

هنا الشاب قائد العملية القردية .. في الول أستريت ..

Quote: Meet Keith Gill, the man who drove the GameStop Reddit mania and made millions By NANCY DILLON NEW YORK DAILY NEWS | JAN 29, 2021 AT 5:27 PM Meet Keith Gill, the newly minted millionaire and financial folk hero who sparked the GameStop trading frenzy that caused big losses for established hedge funds this week. He’s a 34-year-old Massachusetts dad who wears corny cat T-shirts and a collection of headbands while running his “Roaring Kitty” YouTube channel from the basement of his rented residence. Known as “DeepF---kingValue” on the Reddit forum WallStreetBets, Gill worked in marketing for Massachusetts Mutual Life Insurance Co. before sending shock waves through the financial firmament. “I didn’t expect this,” Gill told the Wall Street Journal in his first interview since his GameStop evangelizing made him incredibly rich in the span of a few days. “I thought this trade would be successful,” he said, “but I never expected what happened over the past week.” Gill shared a screenshot of his brokerage account Wednesday showing a roughly $20 million daily gain on his GameStop stock and options after the company’s shares hit intraday high of $380, The Journal reported. Keith Gill, the Reddit user and newly minted millionaire who sparked the GameStop trading frenzy that upended Wall Street and caused big losses for established hedge funds this week. Keith Gill, the Reddit user and newly minted millionaire who sparked the GameStop trading frenzy that upended Wall Street and caused big losses for established hedge funds this week. (YouTube) Another screenshot shared Thursday showed a $15 million loss. After Thursday’s market close, Gill’s E*Trade account held around $33 million, including GameStop stock, options and millions in cash, The Journal reported. Gill has championed GameStop for months and posted a celebratory YouTube video Jan. 22 when its stock closed at $65 per share after hovering around $19 at the start of January. Wearing his signature headband, matching wristband and aviator sunglasses, he sipped from a flute of Prosecco and thanks his fellow traders for their insights and “ongoing support.” “Thank you, to all of you, for so much,” he said. “It’s really important you understand how I feel and how my family feels.” Beyond Gill’s promotion of GameStop, the retail traders who flocked to the stock this week also were drawn by the bearish bets hedge fund managers made. Those positions, known as shorts, presented an opportunity — if enough small time buyers managed to push GameStop’s price above a certain point, the hedge fund managers would be forced to exit their positions at a loss. The squeeze scheme worked, turning Gill into an everyman icon. “(Gill) will go down as the greatest legend in the history of WallStreetBets,” Jon Hagedorn, a 34-year-old training supervisor based in Ronkonkoma, N.Y., told WSJ. “He’s the original OG,” Hagerdorn said. “This story is so much bigger than me,” Gill told The Journal. “I support these retail investors, their ability to make a statement.” He started investing in GameStop around June 2019, when it was trading around $5 a share. He considered it undervalued, liked its fundamentals and believed it was poised to “pivot” and regain momentum. “He always liked money,” his mom Elaine Gill told WSJ. She said when her son was young, “he would get money from those scratch tickets that people didn’t know they’d won. People would throw them on the ground…A lot of times there was still money on them.” Still a resident of Gill’s hometown of Brockton, Mass., the mom said she was worried her son might get in trouble for being at the center of the week’s market mania. “The first thing that I had asked him when this craziness started was: is this illegal or anything dishonest؟ He said, ‘No mom, it’s not,’” she said. “I’m not out for anybody,” Gill told the Wall Street Journal. “Roaring Kitty was an educational channel where I was showcasing my investment philosophy.” Looking ahead, Gill, the father of a 2-year-old daughter, said he was still mulling his future options thanks to his newfound wealth. He hopes to continue “Roaring Kitty” and maybe buy a house. “I always wanted to build an indoor track facility or a field house in Brockton,” he said. “And now, it looks like I actually could do that.”

بريمة

الراجل الذكي دا .. عمل 33 مليون دولار في أسابيع بس ..

للهم أرزقنا يا رب .. وأرزق جميع السودانيين ..
الدواس الحار في السودان سببه الفلس بس .. لو كنا غنيانين ما كان قتلنا بعضنا البعض من أجل تقاسم الثروة.

بريمة

الخبير والمحلل المالي والاقتصادي بريمة محمد آدم

Quote: الرسك عالي جداً .. لكن تقللو بقتل ال Sentiment .. تتعامل مع مسألة الربح والخسارة بأعصاب باردة

الحاجة الوحيدة المابفهم فيها كويس ياها مسألة الاسهم و المؤشرات دي ومتين تشتري ومتين تبيع
هو زاتو الشراء دا كيف ، وابيع لى للمشترين كيف ؟ دي مسالة بالنسبة لي معقدة زي حساب المثلثات
لذلك يا (بيق بوس) ويا خبيرنا الدولي نحن من ايدك دي لى ايدك دي .. قلت لينا خش بى كدة حنخش ونحن مغمضين
لكن من هسي خليك عارف انا حكاية الانفعالات دي ما بقدر اتحكم فيها .. انا برسل ليك وانت انفعل

بريمة وشركاه
رسلت ليك (الايميل الخاص ) باسمي وبموقع الشركة بتاعتي

Quote: The Wolf of Wall Street

في الفيلم دة ليوناردو دي كابريو قال ليهم الناس كلها بتكون فرحانة وشايلين في حساباتهم ملايين لكن هي كلها عبارة عن ورق
أصحابي الاتكلمت عنهم ديل يا أحمد يس شغالين بمحفظة الراجحي أو حاجة بالشكل دة .. المهم التطبيق تبع البنك ومربوط بحساباتهم .. واحد فيهم شايل قرض 100 ألف ريال وشغال بقالب بيه في البورصة الأرباح البتجيهو بحولها حسابه طوالي ما عندو أطماع بتاعة يزيد راس المال .. بحسب كلامه إنه الشغلة دي مكفية ليه الإيجار والبنزين وسداد القرض، وقروش القرض قاعدة. ما بدخل مجازفات
في الحقيقةهم كلهم بلعبوا في هامش تحملهم يعني الواحد فيهم بطلع 20 ألف ريال مثلاً يكون مدخرها للزمن ربحت معاهو خير وبركة خسرت ما بتدخلو السجن يعني ما فارقة معاهو كتير

يا بريمة قول لي عندك مشروع بتاع برمجة بدخل معاك بي يدي وكرعي لكن بيع وشراء الهواء دة أنا ما زوله ولا عندي ليه فايض قروش أخسرها وانا مبتسم زي اصحابي الفوق ديل
الوضع قد يكون مغري لما تسمع الأرباح الكتيرة لكن في نفس الوقت لعبة غير مأمونة العواقب ولا فيها منتج ولا أصول .. ممكن تكون بتجيب قروش لكن تظل ما شغل حقيقي
عارف كلامي دة كلام عنقالة بعيدين عن المجال لكن أنا شايف المال مفروض يكون نتيجة لشغل حقيقي عشان يبقى مال حقيقي .. يعني القروش نفسها ما هدف كافي بالنسبة لي للدخول في أي مجال وإنما العمل الحلو المؤسس حتى لو دخله بسيط بمتعني

ول أبا أحمد،

Quote: الخبير والمحلل المالي والاقتصادي بريمة محمد آدم

دا وسام شرف كبير جداً وأفتخر به ..

لكن خلي بالك من منتصر .. الزول دا شدييد شدة .. شفت النقطة التالية .. تعنى منتصر خاشي في حاجة أسمها ETFs ماركت .. وفي السوق دا أنا مازلت في فرق الليق .. لما نصل فرق درجة تانية بجئ برشه ليكم ..

Quote: في ناس بتتحكم في صناديق سيادية وصناديق تقاعد بالمليارات مدورين بالمليارات في لعبة الملوص دي وأثروا البروكر بالمليارات

بريمة

ول أبا أحمد عمر

Quote: يا بريمة قول لي عندك مشروع بتاع برمجة بدخل معاك بي يدي وكرعي لكن بيع وشراء الهواء دة أنا ما زوله ولا عندي ليه فايض قروش أخسرها

والله يا ول أبا أحمد عمر .. أنت ح تفكك طلاسم سوق المال في أسبوع واحد فقط .. وح تعرف كيف تتعامل مع روبن هود، وإي تريد .. وويي بوول .. أي منهم في ساعات .. هذه برامج زيها زي أي برامج نتعامل معها يومياً في مجال الشغل.

ليه ما تجرب بنفسك وتحكم ..؟ يا أخي 100 - 200 دولار أنت ممكن تصرفها في أي شيئ لا قيمة له ..
عشان تطلع قروش وتبدأ بيها .. راجع حساباتك .. مثلاً أنا مشترك في محلة Tanning عندي نقص في فايتمين دي .. لكن لمدة سنة لم أذهب وبشيلوا مني 27 دولار شهرياً ولليوم مستمرين .. عندي كم دومين نيم .. وكل واحد يتجدد سنوياً زي 30 دولار ..
وهناك الكثير .. كلها الأن بعد دخولنا في المعمعة .. بقيت أفتش فيها وأحزفها وأضيف رصيدها في حساب الأستوك .. 30 دولار تعنى 30 سهم بقيمة السهم دولار .. لو ختيها في شركة مبتدئة وصارت مثل تسلا .. يعنى تكون عملت قرابة 30 ألف دولار ..

دي وصيتي .. أدقش ..

بريمة

الليلة ووووب على قولة المرحوم ميرغنى شمشوم
مبالغة لكن ،
اهتمام شديد بموضوع البوست و معدل مطالعة لا نرى مثله الا فى بوستات الشخصنة و المشاكل .



شكرا للحميع على المشاركة...
شكر خاص للذين رفدوا البوست بمعلومات فنية
الاخت صباح
والاخ شاهين
والاخ محمد عثمان
و شوية 😄 ابريش
و شكر خاص لقائد الاسطول بريمة .

عالم الاسهم والمال و الأوراق المالية عالم سحرى
الاهتمام و المعرفة بخباياه لا يضر اطلاقا .
انا شخصيا لى تجربة واحدة ، فاشلة تماما ؛ اشتتريت اسهم فى شركة نفط صغيرة
و كنت (متوقع) تنجح و تكبر ..خلال ايام فقدت ربع قيمتها و شوية شوية تفقد زيادة و انا منتظر استرد راس مالى و كان 500 دولار ، بعد فترة الشركة went under و القروش كلها اتلحست.

المهم


بالنسبة لناس كندا تطبيق Robinhood غير متوفر .
بعد البحث نزلت تطبيق مشابه اسمه Wealthsimpleو شعاره حرف W

واضح انه سهل جدا لكن بصراحة لم اودع قروش فى الحساب بعد فى انتظار الرى .

بالنسبة للخلاف حول التعاملات اليومية daily Trade و طويلة الاجل ، ايهما افضل !!
انا من انصار التعاملات اليومية بشرط انه راس المال المستثمر يكون صغير و مايكون حق الإيجار و رسوم المدارس 🙂

اعتقد مبلغ 500 دولار معقول جدا خاصة فى تعاملات ال penny stock ، فوجئت امس انا سعر سهم بومباردير صانعة الطائرات خمسين سنت !! بصراحة لم اتحقق عن السبب.

ميزة التعاملات اليومية انها تجبرك على متابعة النشرات الاقتصاديَّة و متابعة حركة الاسهم و ال Trend فى السوق .
يعد فترة تجد نفسك عفريت عديل فى عالم البورصة (بافتراض راسمالك ما طش من اول اسبوع)

شكرا شباب امريكا بقيادة الاخ النصري وبريمة علي المعلومات القيمة والمفيدة...

التحايا لكم وضيوف البوست.

يا النصري
عاوزة اسألك سؤال واحد لكن الاجابة تكون واضحة وبينة بنعم او لا:
هل انت مما دخلت في عالم البورصة دخل في حسابك اي مبلغ، ان شاء
الله ٢٠ دولار وسحبت المبلغ ده من حسابك واستفدت منه في شراء اي شئ؟؟؟
ام ان الارباح الانتو بتتكلموا عنها دي في الورق بس، وما ممكن يدخل في جيبك ولا
سنت واحد!!؟؟

اهلا يا امتثال
كما ذكرت فى المداخلة السابقة ان لى تجربة واحدة فقط فى الشراء فى سوق الاسهم ، باءت بالفشل
و خسرت كل المبلغ المستثمر
لدى بعض التجارب فى بيع و شراء العملات الرقمية و لا زلت حتى هذه اللحظة املك
مبالغ صغيرة جدا فى حسابى معها بعد ان بعت معظمها بعد خسارة طفيفة
الغريب ابنى الاصغر ، استثمر معى فى نفس الوقت قبل حوالى سنتين(عملت بوست هنا بهذا الخصوص) ،

قبل حوالى شهر باع عملاته الرقمية و اشترى اخر جهاز Playstation و ادانى 300 دولار .



بالنسبة لعملية البيع و الشراء فى البورصة بسيطة جدا ...
تحول قروش من حسابك فى البنك الى حساب التطبيق
تشترى اسهم

تبيع اسهم
يمكن بعدها تحول اى مبلغ من التطبيق الى حسابك فى البنك
عملية بسيطة وغير معقدة .
المشكلة كلها فى اختيار الاسهم الصحيحة
و مدى الاحتفاظ بها قبل البيع

أيوة يا الحبيبة إمتثال أرباح حقيقية
ممكن تدخلي بألفين وتربحي ألفين وتطلعيها لحسابك البنكي
وتتصرفي فيها في نفس اليوم
والمضاربة في البورصة أسهل حتى من لبشراء في wallmart
بتفتحي حساب الليلة في أي شركة عندها منبر في البورصة
وفي نفس اللحظة بيفتحوا ليك البورصة كلها في جوالك أو كمبيوترك
تشتري حسب ما عندك من قروش وكمان بيسلفوك ضعف ما عندك
في نفس اللحظة لو كنت عاوزة
تشتري أي سهم سمعتي أو حللتي إنه حيرتفع
أو تبيعي أي سهم سمعت أو إنه شركته حتنخفض أسعار أسهمها
مثال لو أسعار البترول نازلة تبيعي بالسلفة short sell سهم أي شضركة
وترجعي ليهم لما سعر السهم ينخفض بعد أن تشتريه بالسعر المنخفض
وانتي في الأصل بعتيه مسبقاً بسعر عالي وجيتي إشتريتيه بسعر منخفض
نحن بنعرف إنه في الحالات العادية التاجر بشتري البضاعة أول ويبيعها بعد ذلك
في السوق مسموح ليك تبيع بضاعة لسة ما إمتلكتها وتمتلكها لاحقاً وسعرها منخفض
ترجعها ليهم
مهم إنه في المضاربات دي انت عشان ما تربحي لازم غيرك يخسر
عشان كدا لازم تتمتعي بميزات أعلى من غيرك
لأنه انت بتربحي على حسابهم
فهل انت بتمتلكي هذه الميزات مثل المعرفة والصبر وعدم الإنفعال
والوصول للأخبار قبل غيرك ووووو
عشان كدا 80% وربما الأكتر من الناس البدخلوا في البورصة
لو ما معاهم خبير (broker) أو صديق خبرة بيطلعوا صفر اليدين
قلتي قبل كدا في زول بقول كسب 200 الف وهو مقطع
أطمنك القروش بتاعته دي في يده في أي لحظة يشيلها يعمل بيها الدايره
مرة ثانية لا أنصح أي حد بالدخول كمضارب يومي
الشيء المأمون شراء أسهم الشركات الناجحة والإنتظار شهور أو سنوات
قبل بيعها وقطف ثمار أرباحها
أدكر زمان إشتريت 1000 سهم من أمازون بحساب 16 دولار للسهم
وبعتها بعد شهرين بحساب 18 دولار للسهم
لو إحتفظت بيها لحدي هسة
كان أرباحي تكون 3 مليون وشوية
لو عاوزة تشتري على الأمد الطويل
مثلاً اشتريتي ب16 تعمل طلب توقيف خساير بالبيع في نفس الوقت على 14
لو نزل السعر
عشان لو لاقدر الله بدا ينزل لأي سبب غير متوقع ما تخسري كتير
وترجعي تشتري نفس السهم ب 12 أو 13 لما يبدأ يرتفع من جديد
ولما يوصل 18 تحركي طلبتوقيف الخساير بالبيع بدل 14 في 16 ولما يصل 25
تحركي طلب توقيف الخساير ل23

لأي زول أو زولة عاوزة تدخل البورصة
أهم قاعدة بالإضافة لعدم الإنفعال والمغامرة أو بالأصح المقامرة
أن تشتغل على حركة مؤشر السهم المعين والتي تعرف بال trend
the trend is your friend
ما تشتري إلا من شركة سهمها طالع وتبيع طوالي ما تنتظر السهم يبلغ أقصى طلوع
لو في شركة سهمها بدأ ينزل ما تنخدعي وتقولي الشركة دي سهمها بقى رخيص
ونزل شديد وأنا حأشتريه عشان أبيعه لما سعره يرجع
لأنه انت ما عارفه سعره إنخفض من البداية لشنو
دي الحتة البنضربوا منها معظم الناس
الواحدة تشتري السهم لأنه سعره إنخفض من 20 ل 16
على أمل يرجع ل20 بدون ما تمشي وتبحث إنخفض ليه من الأساس
لأنه ما كل إنخفاض هو حركة volatility
وتروحي مشترياه ب16 وينزل 15ثم 14 ثم 12 ثم 10 ويقعد شهر في 10
وتتضطري تبيعي ما إشتريتيه ب16 ب10
يعني في كل ألف سهم تخسري ستة الف جنيه
ولو كنت مشترية بمارجن تخسري أكتر من 10 الف

صباح
شكرا عزيزتي للشرح الوافي ....الان انتي حليتي لي ٧٠% من لغز البورصة بس فضل لي ال30% الباقية من اللغز واكون فهمت معنى البورصة واحتمال انضم ليكم لمن اعرف كيف القى حسابات الشركات دي وكيف اضمن اديهم رقم حسابي في البنك والقى الشركة وهمية ويشطفوا القريشات اللميتن بجهد جهيد بالشغل في اوقات الفراغ مرة كاشير في Gap ومرة floor clerk في ساكس Saks of Fifh Ave. ...يعني كيف نتاكد من الشركة الوهمية وغير الوهمية...المهم بنتشاور برضه مع عمنا قوقل يمكن يفيدنا...
والله يديك الصحة والعافية

لا لا يا إمتثال ما تخافي دي شركات راسمالها بلايين والمشتركين فيها بودعوا فيها بلايين
فنظام التأمين عندهم عالي جداً أصلاً ما تخافي
لكن ما بنصحك نهائي تدخلي البورصة
لكن لومصرة فنصيحتي ليك
أمشي موقع Ameritrade
أفتحي حساب معاهم
بيخلوك تعملي تعريف دخول وباسوورد
وبالتالي انت وحدك من سيسيطر على حركة قروشك
لو قالوا ليك عاوزة تشتغلي بمارجن margin
قولي لا
دا في الخيارات بتاعتك في الحساب بتاعك
دا معناه إنك ما عاوزة تتسلفي منهم ضعفين ما عندك في كل مضاربة
لأنه دا من ناحية ربا ومن ناحية قاتل
بعد داك إتصلي ببريمة خليه يقول ليك تشتري شنو ومتين
وتبيعي كم ومتين على مسئوليته
لو إحتجت أي نصيحة أخرى ممكن أكلمك بالتلفون
لكن بكرر لا تدعي الكلام المغري أعلاه يغريك بالدخول في البورصة

إمتثال والجميع ..
سلام ..
هنا صورة لصفحة من روبن هود .. تظهر فيها ال Tickers لشركات قام صاحب الأرفاق بشرائها ..

نأخذوا مثال واحد، شركة Tesla ... ,ورمزها TSLA.. في الجدول أعلاه ..
في شركة تسلا ، الزول أشتري 4 أسهم قيمة السهم 400.71 دولار .. والأن في لحظة أخذ الصورة أرتفع السعر إلي 874.75 دولار .. الزول دا ربحان 471.04 دولار .. لو ضربتي المبلغ في 4 تجدين القيمة في عمود الارباح وهى تجدينها 1696.17 دولار .. مفروض تكون (1696.20 دولار ..والفارق هو العمولة التى تدفعينها مقابل السهم الواحد ك fees .. وكمان يقولوا ليك الصفحة مجانية) ..العمود الأخير بتاع ال Equity هو إجمالي القيمة ..

لو نقرتي في شركة تسلا .. تظهر ليك صفحة البيع والشراء .. ح تبيعي الأربع أسهم بقيمة السهم 874.75 دولار ... وممكن تحسبي الزول دا صرف كم في تسلا: 4 سهم مضروب 400.71 دولار = 1602.84 دولار.. .. وكم الربح ذكرناه 1696.17 دولار .. ربحان 105.8% .. فوق مية المية.

أتمني أن تكون الصورة وضحت ..

بريمة

خلونا نشموا لقدام ..

ونطرح السؤال التالي: كيفية إيجاد الشركات الرابحة ؟ .. طبعاً هناك عدد مهول للشركات في السوق .. أنا لو قلت ليكم ما ح تصدقوا: ممكن بورصة Nasdaq في نيويورك وحدها ممكن يكون فيها 60 ألف شركة مسجلة ويمكن بيع أو شراء أسهمها يومياً في البورصة.
أضف أن هناك ما يسمي بال ETFs ..وهى ما يسمي بال Electronic Traded Funds .. زايد عشرات الانواع الأخري مثل Bitcoin وال Cryptocurrency وعيييك ..

لكن أنت لو دخلت سوق الخضار .. عارف أنت عايز ياتو خضار .. طماطم، فجل، فقوس .. وهكذا ..

وهذا السؤال نطرحه لخبيرتنا العزيزة صباح .. كيف يا صباح أنا أعرف الشركات الرابحة؟ ..

وأنا عندي طريقتي .. وهى قراءة مصادر دخل الشركة ومصادر منصرفاتها .. لو الدخل أكثر .. الشركة تكون أمان .. قروشك ما بتروح (ما بتتمحي من الوجود) لكن يبقي سؤال الربح قائم؟

هناك سؤال أخر منفصل سوف أحضره .. سوف أئتي إليه ..

بريمة

السؤال الثاني: ما هو دور قطاع الأقتصاد في ربحية الشركة؟

يعنى أنا أشتري في شركات الذهب .. قطاع التعدين ..
شركات البترول .. شركات قطاع الطاقة ..
أم أشتري في قطاع التكولنولجي مثل شركة أبل
وووو



حالياً أنا في الزفة كما قلت ليكم .. قطاع الطاقة البديلة (شركات الطاقة الخضراء)، شركات السيارات الكهربائية .. وحالياً ما تصدقوا عيني علي العربات التى تطير عديل .. ناس GM .. جنرال موتر أعلنوا ح يصنعوا عربات تطير (مفكر أشتري عديل عربات أجرة تطير وأشغلها في جنوب كردفان لأن هناك طرق ما في .. وأخوالي النوبة عانوا شديد من عدم المواصلات) .. وخاشي في الأغذية النباتية .. ولحوم الماعز (لأن الاسويين .. ما بأكلوا لحمة غير الماعز .. الناس ديل شطار لحمة الماعز ما فيها دهون مثل لحمة الدجاج الرومي) .. وكذلك منتظر بفارق الصبر .. الرحلات الفضائية SpaceX تطرح أسهمها ..

بريمة
بريمة

Quote: والطريقة دي إسمها Technical Analysis الطريقة الأخري هى Fundamental Analysis الهادي أنت ؟التبس" بتاعت شنو في التحليل التقني ؟

صحيح يا بريمة ـ شغل المضاربة أساساً بيعتمد على مسألة technical breakout / breakdown

وبالتالي بيحتاج لمعرفة بأدوات التحليل الفني (technical analysis tools) ـ ولا ده يبقى شغل حظ وقمار ساكت

والحصل في الأسبوع أو الأسبوعين الفاتوا ديل انو مجموعة الريديتورز ديل شافوا فرصة ولعبوا عليها :

they monitored certain technical indicators for instance, "the short interest", and then they start building up a buying pressure to eventually force a "short squeeze" among certain securities

ده ما معناهو إنو الشركات أو الأسهم دي كويسة يعني، أو حا تستمر طالعة ..

لا هم شافوا فرصة هنا بحسب المعطيات الفنية العندهم ـ ولعبوا عليها.. لا أكتر ولا أقل..

وقعت ليك ؟؟

بالنسبة لي أنا ما متفرغ للشغل ده ـ بالتالي صعب جداً علي أقعد أتابع نجمة طلعت ونجمة نزلت ..

لكن عموماً بشتري بناءاً على معطيات أساسية معينة.. لكن لو حصل يعني قاعد ولاحت لي فرصة ما بفوتها طبعاً ـ بحلل الوضع بسرعة شديدة حسب المعطيات الموجودة قدامي وأشوف الحاصل شنو

لكن ما بدخل أشتري شختك بختك، أو لانو الناس اشترت لأنو هنا بتجي خطورة انك ممكن داخل متأخر شديد، وبالتالي الناس دي حا تبيع ليك وتتخارج ويخلوك انت معلق من رجلينك فوق وقاعد تتلفت

الأخ الهادي

Quote: لكن عموماً بشتري بناءاً على معطيات أساسية معينة..

هل ممكن نقول أنت بتاع Fundamental Analysis ..؟
وأين تستقي معلوماتك ..؟

أنا بجمع الأخبار + وبستمع ليوتيوب عن الشركة + وبفتش عن اساسيات الشركة Fundamentals + والكلام البقولوا الناس في النقاشات + زايد أراء الخبراء المحليين في upgrade أو downgrade لأسهم الشركة .. وبعد داك بتوكل علي المولي وبقع بثقلي جلبوغ!

بريمة

الأخ الكريم بريمة
المعلومات عن الشركات الآن في شركات متخصصة بتعمل دراسات كاملة وجاهزة وتوفرها
للمشتركين فيها لكن لازم انت تكون بتعرف تحلل الأسس المالية للشركة ومجال ومستقبل البزنس
والمديونية وجدولة السداد والكاش والإعفاءات الضريبية وحجم العمالة وتكلفة الإنتاج والشركات المنافسة
عندك مثلاً شركات الأدوية بتكون الFundemental فيها ضعيفة لكن لما ال FDA لما يجيز ليها دواء واحد
زي ما حصل مع مديرنا سعرها بيتضاعف ممكن 10 مرات حسب أهمية الدواء
أشيد بفكرتك شراء أسهم السيارات الكهربائية ففي هذا قراءة للمتغيرات السياسية
بايدن حيشجع كل صناعة صديقة للبيئة لذا أسعار هذه السيارات من تسلا ل NKLA، NIO, WKHS وغيرها
قفزت قفزات عالية. الأخبار والشائعات،والأبقريد/داونقريد، والتقرير ربع السنوي أهم عند ال day trader من ال Fundamentals
لأن كل الذي عليه فعله هو البحث عن مواضع ال Volatility ويبحث عن أي شركة حصل فيها زيادة في حجم
التعاطي في هذا اليوم . لو حجم المشترين أكبر بكثير من حجم البائعين (as such or short) المضارب
اليومي بنتظر السعر يطلع ثم ينزل شيئاً ما فيدخل ويخرج بعد إرتفاع السعر بنسبة معلومة
في هذا السوق متى تطلع من السهم أهم من متى تشتريه

زي ما قالت ليك الآخت صباح يا بريمة في مواقع كتيرة بتوفر ليك المعلومات دي جاهزة

لكن انت لمن تقراها لازم تكون بتقدر تعرف المعلومات دي يعني شنو في الشركة الانت مقدم على الاستثمار فيها ...

على سبيل المثال واحدة من الأدوات المستخدمة على نطاق واسع لتقييم الشركات المدرجة في الأسواق المالية : Earnings Per Share ويرمز ليهو اختصاراً بـ EPS

ده في مواقع بتديك ليهو جاهز كرقم ـ وممكن تحسبو براك ـ لكن انت كان ما عارفو يعني شنو ما حا يفيدك براهو كرقم حا تقراهو زيو زي أي رقم تاني

واللي هو يعني باختصار مقدار ربح السهم الواحد من "صافي" مداخيل أو أرباح الشركة لفترة معينة ـ يعني لو الشركة حققت مداخيل كلية 20 مليون دولار السهم الواحد نصيبو كم من المداخيل دي ؟؟ علماً انو الشركة عندها 10 مليون سهم، بقسمة العشرين مليون دولار على عدد الأسهم (10 مليون ) = 2 دولار

وإذا كان الرقم ده بالسالب ـ فده يعني ببساطة أن الشركة تحقق خسائر..

أبصم على كلام الأخت صباح ( في هذا السوق متى تطلع من السهم أهم من متى تشتريه ) ـ أهم حاجة الواحد يكون عارف اشترى لي ؟ وحا يطلع متين ووين

ايه رايكم نختار سهم معين وكلنا نشتريه فى وقت واحد .
اقترح فى حدود 200 دولار ..
الاختيار يتم بواسطة الخبراء فى البوست .
عليهم فقط يدونا ساعة الصفر عشان نهجم

الأخت صباح والأخ الهادي
غايتو أنتم الأثنين .. تتبعون للمدارس الأقتصادية الكلاسيكية .. بتركزوا شديد علي أساسيات أقتصاد الشركات .. وأنا أتفق معكم فقط في حالة الواحد رأسماله ضعيف .. وعايز ينميه .. وفي هذه النقطة الصبر سيدة الموقف.

في عصر المعلومة السريعة .. والميديا .. واليوتيوب . وسرعة وقع عجلة الحياة .. الشغل دا بمشي بسرعة البرق أكثر بكثير من تصوركم الهنا دي .. وبالتالي ما لم تكن أنت أصلاً داخل في أستثمار طويل الأجل .. أفضل وأقصر الطرق هى قراءة ال price actions
بدون الواحد ما يوجع رأسه بفهم أساسيات الأقتصاد ..

هنا مثلاً شركة تسلا .. لو أنا فاضي ما شغال ممكن أنفذ فيها أي عدة من الشراء والبيع في اليوم الواحد .. حينما ينزل السعر تحت .. ح أشتري .. وبعد دا أعتمد علي التحليل التقني لأقدر أعلي سعر ح يصل ليه السهم .. لما يقرب هناك بعمل Limit Order وح أبيع لما السعر يصل ما أنا عايزة ..
أول ما بعت الاسهم .. تاني بحرسها تنزل .. أستعمل التحليل التقنى أعرف تصل إلي أي حد أدني .. لما تقرب لتحليلي بعمل Limit Order للشراء وح أشتري .. أول ما بدأت ترتفع أحلل تاني وأعمل Limit Order للبيع .. ح أحلبها اليوم كله ..

ومش كده وبس بحلبها بكرة وبعد بكرة .. والبعده .. لما السهم يبقي غالي .. أو الزقزاق Volatility تكون ضعيفة .. بمشي بشوف غيرها .. أو في ذات الزمن بحلب ليك 4 أو 5 شركات .. بنفس الطريقة .. لأني مشغول ببرمج عملية واحدة موقوفة ب "لمنع الخسارة".


دا الشغل .. رأيكم في الكلام دا شنو؟


بريمة

Quote: حبيبنا محمد عثمان بكري يا ريت تزيدنا من علمك في تصريحك ادناه Quote: ناس روبنهوود حرامية

يا بكري
سلامات ياحبيب
روبنهود فيه مشاكل كثيرة كلها توحي بعدم الشفافية في تعاملهم مع العملاء.
اولا الناس ديل ما عندهم أي تلفون نهائي للتعامل و الكستمر سيرفس كلها تتم
عن طريق الايميل و يجيك الرد بعد ٣ ايام.
ثانيا , هل تصدق الناس ديل ما عندهم اي فيزكال أدرس ولا في زول عارف الهدكوارتر بتاعهم وين ؟
طبعا هم ما بياخدو اي كمشن من العميل لكن بيعملو ارباحهم بطرق ملتوية
بالنسبة للتداول عن طريق الآب بتاعهم فحدث ولا حرج , اول حاجة لو داير تقفل عملية او صفقة انت ربحان فيها و عملت click sale
فيستحيل يعملوا ليك execution للاوردر بال strike price ال انت
شايفو قدامك و عايز تبيع بيهو و ينزل السعرو يكنصلو الاوردر , و الالم وين لم تجي تشتري استوك يكون متحرك بسرعة ,
تختار السعر قدامك و تشتري و قبل ما يعملو ليك اكسيسيوشن للاوردر بتاعك
يكون سعر السهم زاد ٥٠ سنت و يكنصلوا الاوردر , عذبوا الناس بالطرقة دي الاسبوع الفات . احياناَ الصفقة تكون خسرانة وعايز تطلع منها بسرعة ,
برضو يعلقوك و تلقي السعر نزل اكتر و اكتر و اسطكيت في التريدة .
بالاضافة لذلك الآب نفسو بيحصل ليهو glitch كتير خاصة لم تكون volatility بتاعة السوق عالية و الترفك عالي high traffic
فشنو بتلقى نفسك you get stuck in a trade
ولو داير تبيع بتلقى السوق اتغير تماما لمن يرجع الآب.
في حاجة تانية مهمة جدا , الناس ديل ما عندهم اي بلاتفورم تشتغل عليهو , بس ياهو الآب و ال chart الفيهو ده , البلاتفورم مهم جدا
فيهو الاندكس كلها و المؤشرات و الباند زي البولنغر و فابوناتشي و الماكدي و الموفنق افردج دي كلها Indexes أو indices لحركة سعر السهم
و بدونها لا تستطيع بتاتاً ان ترسم trend للسعر و لا حتى تعرف اتجاهو طالع ولا نازل و قراءة الشمعات اليابانية و التحليل
و تشتري بتين وتبيع بتين بعتمد علي الحاجات دي و روبنهود يخربهم,
اما لو جيت لل options trading
خاصة الاستراجيات strategies
زي الفيرتكال و البترفلاي و الايون كوندورس و الكالندرز
فدي ما تشتغلها معاهم نهائي ح يعذبوك و ياخدو قروشك بالمانوبوليش ال ح يلعبو معاك,
في بروكر كتيرين في اميركا , شركات امريكية بتلفوناتهم و عناوينهم و كستمر سيرفيس راقية جدا زي
TDameritrade
E trade
Interactive

روبنهود اصاحبو هنود
اما ويبول ف اصحابو امركان و Chinese و الهدكوارتر في الصين و عندهم مكتب في منهاتن , الامركان الشركاء لزوم اللايسنس

شكرا يا حبيبنا محمد بكري
ونبدنا من الاخر

Quote: روبنهود اصاحبو هنود

هذه المعلومة غير صحيحة
اكتشف الطالبان بجامعة standford بكلفورنيا Vladimir Tenev و Baiju Bhatt تطبيق روبن هود وهم امريكان واحد من اصل هندي و الاخر من اصل بلغاري الهندي علي ما اظنه خريج فيزياء و البلغاري خريج رياضيات.......

Quote: عن طريق الايميل و يجيك الرد بعد ٣ ايام.

لدي معاهو ٥ شهور الرد بجيني بعد دقايق.......

Quote: هل تصدق الناس ديل ما عندهم اي فيزكال أدرس ولا في زول عارف الهدكوارتر بتاعهم وين ؟

الشركة معروفة في واي السيلكون
مزيد من التفاصيل
https://en.wikipedia.org/wiki/Robinhood_(company)

Quote: بيعملو ارباحهم بطرق ملتوية بالنسبة للتداول عن طريق الآب بتاعهم فحدث ولا حرج , اول حاجة لو داير تقفل عملية او صفقة انت ربحان فيها و عملت click sale فيستحيل يعملوا ليك execution للاوردر بال strike price ال انت شايفو قدامك و عايز تبيع بيهو و ينزل السعرو يكنصلو الاوردر , و الالم وين لم تجي تشتري استوك يكون متحرك بسرعة , تختار السعر قدامك و تشتري و قبل ما يعملو ليك اكسيسيوشن للاوردر بتاعك يكون سعر السهم زاد ٥٠ سنت و يكنصلوا الاوردر , عذبوا الناس بالطرقة دي الاسبوع الفات . احياناَ الصفقة تكون خسرانة وعايز تطلع منها بسرعة , برضو يعلقوك و تلقي السعر نزل اكتر و اكتر و اسطكيت في التريدة . بالاضافة لذلك الآب نفسو بيحصل ليهو glitch كتير خاصة لم تكون volatility بتاعة السوق عالية و الترفك عالي high traffic فشنو بتلقى نفسك you get stuck in a trade ولو داير تبيع بتلقى السوق اتغير تماما لمن يرجع الآب.

من خلال تجربتي معاهو لم يحصل لي اي شي من اعلاه و الله علي ما ااقول شهيد......

من خلال تجربتي مع brokers
merrill edge
TDameritrade
robinhood
webull

كلهم ذي بعض بس كل واحد بميزاتو و احسن حاجة تعملها يكون عندك حساب مع كم brokers

يا بريمة أخوي انت بتنسى البتكتبو ولا شنو؟ انت مش كتبت عن نفسك

Quote: أنا بجمع الأخبار + وبستمع ليوتيوب عن الشركة + وبفتش عن اساسيات الشركة Fundamentals + والكلام البقولوا الناس في النقاشات + زايد أراء الخبراء المحليين في upgrade أو downgrade لأسهم الشركة .. وبعد داك بتوكل علي المولي وبقع بثقلي جلبوغ!

وأنا رديت بإنه ال Fundamentals ما مهمة كتير لل day trader

وأضفت

Quote: مثلاً شركات الأدوية بتكون الFundemental فيها ضعيفة لكن لما ال FDA لما يجيز ليها دواء واحد زي ما حصل مع شركة ميديرنا mrna، هذه الشركات سعرها بيتضاعف ممكن 10 مرات حسب أهمية الدواء المجاز، الأخبار والشائعات،والأبقريد/داونقريد، والتقرير ربع السنوي أهم عند ال day trader من ال Fundamentals لأن كل الذي عليه فعله هو البحث عن مواضع ال Volatility ويبحث عن أي شركة حصل فيها زيادة في حجم التعاطي في هذا اليوم . لو حجم المشترين أكبر بكثير من حجم البائعين (as such or short) المضارب اليومي بنتظر السعر يطلع ثم ينزل شيئاً ما فيدخل ويخرج بعد إرتفاع السعر بنسبة معلومة

فما فاهمة قصة صباح والهادي مدارس كلاسيكية بنركز على الFundamental في مداخلتك الأخيرة دي الهدف منها شنو

Quote: الأخت صباح والأخ الهادي غايتو أنتم الأثنين .. تتبعون للمدارس الأقتصادية الكلاسيكية .. بتركزوا شديد علي أساسيات أقتصاد الشركات .. وأنا أتفق معكم فقط في حالة الواحد رأسماله ضعيف .. وعايز ينميه .. وفي هذه النقطة الصبر سيدة الموقف.

أعتقد أن ما يتنظره الزملاء الما عندهم معرفة بالبورصة ليس كتابة مصطلحات لا يفهمونها بل التبسيط بقدر الإمكان والصدق
شركة تسلا مثلاً كان معروف قبل إسبوع من إرتفاع سعرها إنها وكل القطاع الصديق للبيئة حترتفع أسهمه هو والأسهم الصينية أو ما يفوز بايدن
لكن أعمل حسابك من شركة تسلا لأن قيمة السهم الحقيقية تساوي أقل من ثلث سعره الحالي
وحيخبط الأرض بصورة مفاجئة في أي لحظة فأحرس قروشك ب stop losses
بالإضافة لإنه تكنيك إشتري وأبيع لما يزيد وإنتظر لما ينخفض إشتري تاني دا تكنيك قاتل
لأنه تكنيك تماسيح السوق البيرفعوا السهم بشكل سريع وسعر عالي، عشان يتخلصوا من كل ما إشتروه، بإستخدام خداع الطيبين
بتكنيك طلّع سعر السهم ثم نزّله شوية، ثم طلعه أكثر هذه المرة ثم نزله تاني، ثم طلعه أكثر المرة الثالثةثم نزّله أيضاً
وفي هذه التنزيلة من أعلى سعر وصله السهم يبيعوا كل ما اشتروه في المرات الأربعة الماضية، ويبدأ سعر السهم ينزل شوية شوية
عشان الناس الصدقوا حبكة بنزل ويطلع كل مرة، يروحوا مشترين على أساس إنه سعر السهم حيطلع زي كل مرة،
لكن هذه المرة السهم لا حد لنزوله، فلا يطلع أبداً، ويروحوا فيها الطيبين
هكذا تماسيح السوق بيسرقوا قروش الناس ولو أي واحد بحث في قوقل عن مخاطرة المضاربة اليومية حيلقى معلومات مفيدة جداً
الحصانة الوحيدة في المضاربة اليومية هي متابعة الtrend إذا السهم طالع تشتري، نازل تبيع

العزيزة صباح،
سلام ..

نعم أنتم مدرسة كلاسك في تجارة الأسهم (وهذا ليس شيئ كعب .. بل العكس أقتصاديات الدول والشركات تبني هكذا عل أساسيات الأقتصاد) ..

أنا مختلف، في خلال ال 6 شهور الماضية .. أنا أحتفظت بشركتين .. الوقعوا .. لمدة 45 يوم ثم أرتفعت الأسهم شوية وبدون أرباح تذكر تخارجت منهم .. كيف أنا قدرت أنتظر هذه الأيام؟ أعتمدت فقط علي قراءتي لل Fundamentals
أنا ك Swing Trader .. ليس هناك ما يمنع أن نجمع بين التحليل التقني وأساسيات أقتصاد الشركة .... لكن في حالتكم أنتم في حالة الأستثمار طويل الأمد .. فقط تحتاج لل fundamentals .. أي حسابات الشركة الأقتصادية ..

في ال أسونج تريد Swing Trade .. أنا يهمنى أساسيات الشركة لكي أحمي ظهري في حالة السوق أنقلب عليّ .. لكن ليس مصدر ربح بالنسبة لي .. مصدر الربح جاي من ال price actions .. وهذه مصدرها فهم التحليل التقني.


واضح نحن مدرستين مختلفتين .. ودا مفروض يكون واضح للقراء حتى يتثني لهم فهم .. مكانزمات التحليل والتفكير في كيفية شراء وبيع الأسهم ..

بريمة

ول أبا النصري

Quote: ايه رايكم نختار سهم معين وكلنا نشتريه فى وقت واحد . اقترح فى حدود 200 دولار .. الاختيار يتم بواسطة الخبراء فى البوست . عليهم فقط يدونا ساعة الصفر عشان نهجم

هيا يا النصري ..
أنا جهزت أختياري ..

لكن الموضوع يكون كتامي وبين مجموعات متضامنه لا تكشف أسرارها .. حتى لو الأمر بقي فيه رش .. ما نقعوا ونتفقلوا ..

بريمة

أقسم بالله صباح كتلتني بالمغسة في أسهم أمازون الباعتها ، حصلتي الراجل الاشترى عدد ٢ بيتزا من بابا جونز بي ١٠ الف بيتوكوين سنة ٢٠١٠

باشمهندس بكري أبو بكر
أنت برضوا تاجر طويل الأمد .. السوق الحار دا زي ال gameStop بتاع ناس تقلب .. مرات في اليوم ..

لذة الشغلة في أم دفسو بتاعت ال ديي تريد .. Day Trade

بريمة

ما اختلفنا يا بريمة..

أنا القاصد أوصلو أنو بالاعتماد على الـ technical analysis وحدها وإغفال الـ fundamentals

هنا الريسك بيكون أعلى بكتير لأنو انت بتشتري في شركة ممكن تكون garbage ساكت ويقوم ينفخوا سعر السهم some how عشان يعلقوك فوق وبعدين يجوا يعملوا ليك offering ويخلوك ضحية للـ short attack

فلازم في حالة زي دي الواحد يكون عندو القدرة والخبرة على إدارة المخاطر في دخول زي ده Risk management ، أو كمان وده الشيء الأهم : الاستعداد لتقبل الخسارة

أنا شخصياً قاعد مرات قاعد أخد ريسك ـ وريسك عالي كمان ـ لكن عندي الخبرة الكافية في إدارة مخاطر استثمار زي ده أو بالعدم تقبل الخسارة.. لأنو أنا قاعد في السوق ده من فترة وبقدر أقيم الأوضاع بسرعة شديدة

بس ما بقدر أنصح زول مبتدئ في إنو يمشي وراي في الطريق ده ـ فدي البوينت

https://twitter.com/AhmedZaky/status/1355179542323855361؟s=20https://twitter.com/AhmedZaky/status/1355179542323855361؟s=20

الأخ شاهين
سلام

Quote: Nearly 2 million new users joined /r/wallstreetbets that day, and its numbers continue to grow.

شوف في يوم وقعوا GameStop .. الشباب عددهم وصل 2 مليون شاب وشابة .. من جميع أنحاء العالم ..

يا النصري أخوي .. ما أظن نقدروا علي الشغل دا ..

من الأفضل كلنا ننضم ليهم .. ونتبع جكتهم هم ..

بريمة

الشاب Keith Gill المليونير الجديد كتب الأتي في صفحة المجموعة ..

Quote: Paying for heart surgeries of 2 children from around the world as my way of giving back from my $GME gains. ❤️❤️🚀🚀🌕🌕 Donation I would first like to say that I truly love each and every one of you retards and autists. We’ve not only changed the game for the little guys but we’ve improved the lives of many individuals, including myself. I invested in GME when it was $9 because you bat.s.hit crazy motherfu..ckers told me to do so back late last year. So I took all my PLTR gains and dropped it in GME stock and diamond handed this bitch. Needless to say, it’s the best decision I ever made. I made more money than I ever thought I could make. It still doesn’t feel real knowing that when GME goes to $10,000 a share, I will have an 8 figure net worth.

------------------------------------
أحزفوا النقاط في الكلمتين التاليتين: bat.s.hit crazy motherfu..ckers عشان تفهموا هو قاصد شنو ..

بريمة

يا بريمة أخوي كيث دا شايلاه الحماسة ساي لدرجة إنو بحلم يوصل سعر سهم القيم استوب لعشرة الف دولار
النظام الراسمالي دا ما تسمع كلمة الحرية في المضاربة عندو خطوط حمر لو إتخطيتها حتدمر راسمالك
ما بعيد يكون كيث والشباب مستخدمين بدون ما يدروا لضرب مافيا الهيدج فند الأصبحت بعض مجموعاتها
نهمة للربح بدون أخلاق لدرجة إنو ما عاد هناك من يتحكم فيها وأضرت بسمعة البورصة كثيراً لكن مراكز القوة
النهائية ما عند الشباب ديل وأول ما يصلوا الخطوط الحمر حتكون مرثية ومسرحية يحكوها في تاريخ البورصة

ازيك يا النصري

شايفهم قبلوا علي الفضة

صباح،
الحرب تستعر في روبن هود ..



كلامك من خشمك ما نزل .. 50 شركة تم حظرها في روبن هود بسبب الشباب ديل مستهدفنها ..

يا أخ خلونا نربوها .. حرب علي القديم .. أنا أشتركت مع الشباب رغم أني عجيّز ..

بريمة

مزيد من الأخبار .. روبن هود أتعصر .. ما سندان الشباب ومطرقة القديم وال SEC .. الجهة الحكومية المنظمة لعمل البورصات ..


أنا أشتغلت أكثر من 3 سنوات ونصف .. في ال Sec.. كل الفورمات التى تتعامل معها البورصات برمجناها .. ما فيها أي شيئ يمنع الشباب مما يعملوا فيه .. إلا الكنغرس يسن قوانين جديدة.


بريمة

Quote: ازيك يا النصريشايفهم قبلوا علي الفضة

الأخ أسامة
نزل لينا ال "تكير" بتاع شركة الدهب ..

بريمة

Symbol Shares Options contracts
AMC 10 10
BB 700 700
EXPR 20 20
GME 1 5
GNUS 600 600
KOSS 2 N/A
NAKD 600 N/A
NOK 2000 1000

هذه الشركات .. تم حصر أسهما وال options إلي الحد أعلاه في روبن هود

لاحظوا سهم واحد ل Game Stop .. وعشرة أسهم ل AMC

بريمة

مكن نسأل عن حته فقهية عن ال SHORT SELLING
وهي بيع ما لا تملكه لانه يعتمد هلى ان تبيع السهم ثم ترجع تشتريه
لأني اشتغلت هذا الشغل في اواخر تسعينيات القرن الماضي عن طيق E*TRADE
وكنت فعلا بايع وقتها و حققنا مكاسب خرافية عند ضربة 11 سبتمبر
و لكن الطمع ودر ما جمع زي ما بيقولوا
لبوست ممتع و اعاد لنا ذكريات قديمة

أنا غايتو عن نفسي ما حصل عملت شورتنق لسهم كلو كلو

للتذكير كتبت يوم 29 يناير الآتي

Quote: يعني أي زول الليلة عنده 50 ألف ممكن يعمل شورت للإستوك دا في سعر 300 وحيكسب مئات الآلاف في إسبوع لأنه أول ما يتأكد إنه دي بداية رجوع السعر لدولارين وهذا لا محالة حاصل

هذه اللحظة السهم ب 230
يعني أي زول عمل شورت يوميها هسة جيبو منفوخ دولارات


__________________________________________________

منتصر يا أخوي مالك بتنكأ الجراح

للمتابعين

الليلة شباب Reddit هبشو شوق الفضة دايرين يلعبو نفس اللعبة
سوق الفضة اكبر بي كتير من موضوع اسهم GameStop
في اعتقادي لو مشو فيو حيجيب خبرهم و حيفلس بيهم ..

نراقب و نشوف ..

موقع finviz .com قال GameStop ضمن أعلي الخاسرين .. موقع ياهو (فاينانشيال) أورد الأرقام التالية سعر سهم "قيم أستوب" نزل إلي 189.56 دولار بخسارة (-15.75%) ...



أستاذة صباح، الشاب دا ح يفلس ..

بريمة

هنا النجيضة عن Game Stop





بريمة

انا جيت اشترى doge coin بمئة دولار 😀 ، حولت القروش من حسابى فى البنك لحساب التطبيق ، اكتشفت العملية تاخد خمسة يوم عمل ، حسى انا راجى الرى فى انتظار إكمال العملية.
و بعد ده كله التطبيق لا يبيع هذه العملة
غايتو جنس دروشه

رغم تعاطفي مع هؤلاء الشباب وأهدافهم النبيلة إلا أنني محتارة في هذه الضربات التي يتعرضون إليها
كما تنبأ الأخ قباني بأن دخولهم في سوق الفضة خطوة غير محسوبة
فقدوا الآن معظم ما كسبوه
القاعدة الإقتصادية الشائعة تقول أنه بعد أن يشتري كل الشورت ما باعوه مسبقاً
لن يكون هنالك مجال كبير لإرتفاع سعر السهم
وكل الشورت تقريباً غطوا استحقاقاتهم
إن إفلاس هؤلاء الشباب وخروجهم من السوق يعني خروج 30% على الأقل من المستثمرين
وهذا فيه خسارة كبيرة لمستقبل البورصة

في لاس فيغاس واتلانتيك سيتي the house always win لأنه القمرتجي never know when to cash out and call it for the night انت اشتريت بي ١٠٠ وصلت ٣٠٠ تبيع وتحول القروش في حسابك وتقفل اللاب توب والتلفون فضة ايه ودهب بتاع الساعة كم

من أمس .. وطوال الليل .. الشباب متمترسين حول شراء GME AMC and BB .. تشتري وتحفظ ما تبيع أبداً .. إلا ال Shorts يحصل لهم Run over ..

والله العظيم متعة مبالغة فيها .. الشباب صمود وتحدي أمام أكبر آلة مالية عرفتها البشيرية .. مجموعات Hedge Funds ..

دعماً للشباب أنا مشتري AMC .. وميت معهم تب في الهدف بتاعهم .. إلا نوقعوا مجموعات رأس الكبيرة المتحكمة .. إما قروشنا تتمسح أو قوروشهم يتمسحن .. ما في أي حل وسط ..

رأس برأس .. الرجال والنساء تموت متوافيه .. كما يقول عادل أمين !


بريمة

الله يكون في عونكم بريمة أخوي وانتم تخوضون معركة مالية وفكرية ضد ال status quo
أتمنى أن ينضم إليكم بعض الشرفاء من البليونيرات حتى لا تكون مذبحة
لابد أن تتدخل اللجان الإقتصادية في المجلس النيابي لحماية صغار المستثمرين

هبط سعر القيم استوب الان الى 92 دولار فقط

نزل السهم وسط حركة المد والجزر بين الشباب و الووا استريت حتى 74 دولار ثم بدأ يصعد من جديد والآن رجع لتخوم المائة دولار

صباح،

Quote: الله يكون في عونكم بريمة أخوي وانتم تخوضون معركة مالية وفكرية ضد ال status quo أتمنى أن ينضم إليكم بعض الشرفاء من البليونيرات حتى لا تكون مذبحة لابد أن تتدخل اللجان الإقتصادية في المجلس النيابي لحماية صغار المستثمرين

أقسم بالله .. قبل 15 دقيقة .. مجزرة أبشع من مجزرة القيادة تمت للنشطاء في AMC

من 20$

الفلول رمونا في الوطاة .. خسرنا أكثر من 70% من موقفنا المالي ..
دون ل:
$6.58

ومازالت المعركة لها قعقعة .. ح ينتصر الشباب بإذن الله.

بريمة

Quote: رغم تعاطفي مع هؤلاء الشباب وأهدافهم النبيلة إلا أنني محتارة في هذه الضربات التي يتعرضون إليها كما تنبأ الأخ قباني بأن دخولهم في سوق الفضة خطوة غير محسوبة فقدوا الآن معظم ما كسبوه القاعدة الإقتصادية الشائعة تقول أنه بعد أن يشتري كل الشورت ما باعوه مسبقاً لن يكون هنالك مجال كبير لإرتفاع سعر السهم وكل الشورت تقريباً غطوا استحقاقاتهم إن إفلاس هؤلاء الشباب وخروجهم من السوق يعني خروج 30% على الأقل من المستثمرين وهذا فيه خسارة كبيرة لمستقبل البورصة

سلام اختنا صباح

حجم ال GameStop حوالي ٦ بليون دولار
الشباب driven by adrenaline مع عدم الخبره و الهدوء في اتخاذ القرار تصوروا
انهم ممكن يعملو نفس الشي مع سوق الفضة الحجمه in trillions
النتيجة الافلاس

تابعوا الشباب علي الوصلة التالية .. دا الموقع الذي قضي علي أسطورة ال "الهيدج فند" .. الرسمالية الطفيلية العالمية ..

أي زول فيكم يعمل إضافة لنفسه .. قالوا ما تضعوا أسماء حقيقية .. أسماء مستعارة .. وتدلي بصوتك كما تريد .. to strategize معهم ..
https://discord.com/channels/725851172266573915/804240584747122688

الأن الشباب يهزموا الطفيلية الراسمالية في AMC ... حجم التداول وصل 350 مليون دولار .. تبادلتها الأيدي .. في خلال 3 ساعات الماضية!


بريمة

Quote: من 20$ دون ل: $6.58 الفلول رمونا في الوطاةخسرنا أكثر من 70% من موقفنا المالي

يعني انا لو ايميلك وصلني كان رحت فيها ..

Quote: أقسم بالله .. قبل 15 دقيقة .. مجزرة أبشع من مجزرة القيادة تمت للنشطاء في AMC من 20$ الفلول رمونا في الوطاة .. خسرنا أكثر من 70% من موقفنا المالي .. دون ل: $6.58 ومازالت المعركة لها قعقعة .. ح ينتصر الشباب بإذن الله.

اوسكار يا بريمه على قولة امتثال....

غايتو نحن بنتفرح بس

ول ابا أحمد يسن ..

Quote: يعني انا لو ايميلك وصلني كان رحت فيها ..

ما تخاف يا ول ابا أحمد .. أخوك حريف واضع خطة ال Diversification لل positions .. يعنى لو وقعت في جهة هناك أخري تسندك ..


أنا في مواجهتين .. في AMC وNAKD .. رفعت أي خطة ضد المخاطر فيهما .. يعنى خطة 10% خسائر وتمرق شلتها بره عنادة ساكت .. دا موقف تضامني مع الشباب .. قول أنا في ترس من التروس بتاعت الشباب ..
الأن الشباب عملوا push back .. والفلول مندحرين .. وصلنا 5% خسائر .. علي وشك كسب المعركة .. في الحالتين !

أدخل في الوصلة .. في مداخلتي السابقة ..


تابعوا ..
بريمة

Quote: إلا أنني محتارة في هذه الضربات التي يتعرضون إليها

الحاصل يا صباح هو coordinated short attack

الهيدج فند قاعدين بيبعوا لي بعضهم البعض..

they 're selling to each other to drive the price lower to create a panic selling among the retail investors

وبكده يقدروا يعملوا حالة ذعر وسط صغار المستثمرين والناس الما عندهم خبرة لمن يشوفوا في حالة نزول متواصل في الأسعار

Quote: Modother Mohammed احمد ياسين ابعد من بريمة ده قريمان 2 معقولة تكون بالسذاجة دي؟؟؟ أ Modother Mohammed آخر تحذير لكل السذج ببساطة العبار ده عنده زمن عاطل وعايش على الضمان وعمره تعدى سن التجنيد في مليشيا الجنجويد فشنو مافي زول يغامر ويديه دولار واحد برنامج قريمان ٢ وسوق مواسير ٢

ههههاي ..! ..

بريمة

بريمة بالله انت بتقرا التعليقات التحت !!
ياخ انا مرات تعليقات البوست نفسه بفطها

أها يا جماعة .. الناس المتابعين البوست .. هنا يمكنكم متابعتنا حتة بحته .. لكي تفهموا الحاصل ..
أنا أخترت أشرح ليهم متابعة عمل البورصات من خلال yahoo finance
أولاً أكتب : أنقر هنا

هنا تري في الوصلة إلي أعلي .. الصورة التالية ..
جواركلمة Yahoo! Finance .. توجد محلة للبحث .. أدخلوا الأتي: GME أو أي تكير أخري (AMC أو NAKD) .. ودوس علي أبحث .. المحلة باللون الأزرق ..


بعد ما تعملوا البحث أعلاه .. يظهر ليكم رسم بياني قريب من الأتي:

في الصفحة السابقة .. أنقرو ا نقرة واحدة في محلة الرسم البياني .. تظهر ليكم الصورة التالية .. هنا يمكنكم متابعة حركة السعر صعوداً وهبوطاً .. ممكن تغيروا المد من يوم 1D إلي أسبوع 1W .. أو شهر أو سنة




هنا الوصلة بتاعت الشباب .. تابعوا أسماء الشركات التي يكتبوها .. وأدخلوها في ياهو ..
https://discord.com/channels/725851172266573915/804240584747122688

بريمة

لو في زول غلبته حاجة يشرح لينا أين المشكلة .

شيئ أخر ترون في الرسومات السابقة ترون ما يسمى بالشموع .. بعضها أخضر (تعنى السعر صاعد) وبعضها أحمر (تعنى السعر نازل) .. لو ظهر ليكم رسم في شكل خط بدون الشموع .. أبحثوا جوار كلمة Full Screen تلقوا شمعتين زي بعض تشبهان شخصين واقفين جوار بعض .. أنقروا فيهن .. وأختاروا Candles

من هناك ألعبوا بالرسم البياني .. كبروه أو صغروه .. شوفوه لمدة يوم، أو أسبوع أو سنة .. لكي تروا حركة الأسعار ..


بريمة

Quote: أنا في مواجهتين .. في AMC وNAKD

Both of them are garbage

be careful bro

الأستاذة صباح
الجماعة أكلوا نيم معانا في AMC .. في هذه اللحظة دارشنهم درش الجن .. من 7.92$ .. الأن سايقنهم ل 9.50$

والشباب قالوا لو فوتناهم فوق ال 10$ .. سوف يتساقط الفلول واحد تلو الأخر ..

دق زي الدق ... ييي يي يي ..

---------------------------------------
الفلول هم الرسمالية الطفيلية العالمية .. the Hedge Funds ..

بريمة

الهادي،
سلامات .. خش الأن الساعة 1 ظهراً توقيت الساحل الشرقي .. وصلناهم 9.75$ .. وما في تراجع مهما عملوا

Quote: Both of them are garbage be careful bro

أدخل معانا .. أشتري وأعمل hold .. ما تبيع عشان الفلول ما يكسبوا ..


بريمة

AMC ؟؟

No man, don't like it

but in my opinion, NAKD is going to squeeze very hard

I been watching it consolidating for long time now, should breakout if it keep it's momentum

buying pressure at it's highest at this moment

but still be careful out there

good luck

الهادي،

ما تنسي نحن اليوم أكثر من 3 مليون .. لم أر الرقم النهائي .. وهؤلاء الشباب متضامنين في قصة ال AMC ..

هناك حوالي 43.82% من رأس مال الشركة مازال في حالة Shorts .. يعنى الدواس مدور وعايزين نطلعوا من يدهم 101.95 مليون دولار .. وهم عشان يغطوا الشورت لازم يشتروا .. ودي الحتة نحن القايدنهم لها .. الخنق !

لم نصل هناك بعد .. holding strong
هناك 4000 سهم فقط معروضة .. يعنى ما ح تفك الزنقة ..


بريمة

Quote: in my opinion, NAKD is going to squeeze very hard

هى حصلت مرحلة ال squeeze الساعة 12 ظهراً ..

برضوا الناس ثابته .. لم يتراجعوا رغم أن هناك دفع مضاد .. وضغط رهيب أن الناس تبيع ال positions بتاعتها ..

ما ح نطلع .. دت إلا يأكلوا نيم ..


بريمة

بريمة

GME
ِAMC

الوضع ينفجر مرة أخري ..

بريمة

سؤال يا اساتذة عن أسهم Dogecoin . حسب تصريحات روبنهود أن ليست لديهم أي معلومات عن الجهة المالكة لهذه الأسهم. السؤال هو: هل يعني ذلك أن الاستثمار في أسهم Dogecoin مخاطرة؟ وإذا كانت الإجابة لا، ما هي الضمانات؟

نعم مخاطرة كبيرة مثلها مثل كل الكربتو كرنسي
رغم أني متفائلة بإستمرار مضاعفة أسعارها بسبب مساندة مجموعات كبيرة من الشباب
لا سيما في Reddit وغيرها لهذا النظام وتداوله فيما بينهم بشكل منتظم لأكثر من ستة سنوات ثم
دعم اسنوب دوق له بل حتى تغييره dog في اسمه بdoge في اسم Dogecoin والمرتبط بعينة
ممتازة من الكلاب وصورة الكلب في العملة ثم دخول ايلان مسك بتاع تسلا ومارك كوبن بتاع المافرك في الخط مما رفع
سعر العملة مقابل منظومة الكربتوكرنسي. المنظومة يتم إنتاجها خلال سوفت وير معينة كجزء
من نظام العملات الجديد الموازي للعملات المعروفة..وإحتمالات إفلاسها واردة وبالتالي تصبح قيمة
ما تمتلكه منها مهما عظم صفر

قصة ال Dogecoin في: ما هى إستعمالاتها؟
حتى الأن ظهرت لها حوالي ثلاثة إستعمالات .. في الدور الما كويسة (الله يكرمكم)، في شراء الهدايا، والثالث نسيته .. وهذه لا تؤهل لتبني كبير للعملة ..

مثلاً ال Bitcoin .. بدأ يستعملها ال Paypal كمصدر لدفع المعاملات التجارية ..

ما قادر أحدد موقف .. لكن بعدت منها ..


بريمة

يا بريمة
سلامات
شكلك ما شغال بالفوركس
كدي جرب سوق الفوركس , شغال ٢٤ ساعة
و هو سوق تداول العملات و امسك ليك جواز واحد و اقعد سكو
تعمل ليك ٣٠٠ دولار في ساعة تقفل كومبوترك و تمشي تشوف
ال NAKD
am in 10K
و شايفو going up
اقوى جوز فوركس اليورو/دولار
EUR/USD

شكرا لكما أستاذة صباح وأستاذ بريمة

3 أسابيع من النزيف المستمر في الأسواق الأمريكية..

أها يا بريمة خسائرك كم ؟؟ رققت ضنيبك يا عمك وعملت رايح

سخط واستياء واسع على بايدن وإدارته.. بصراحة ترامب كان احسن لجهة التعامل مع الأسواق المالية