الأشرجي تراهو للإشاره اداهو نزلوه سيمافوره لي مروره براهو ..
Post: #2 Title: Re: قلبي زاد خفقانو .. زاد كمان في ولاهو .. كابل� Author: Amira Hussien Date: 01-27-2021, 10:25 PM Parent: #1
الله الله إيه الجمال ده كلو
Post: #3 Title: Re: قلبي زاد خفقانو .. زاد كمان في ولاهو .. كابل� Author: يحي قباني Date: 01-28-2021, 07:31 AM Parent: #2
Quote: الله الله إيه الجمال ده كلو
شفتي كيف يا اميره ..
كابلي ده لامن يغني غنا الغير .. ببدع ..
Post: #4 Title: Re: قلبي زاد خفقانو .. زاد كمان في ولاهو .. كابل� Author: علي عبدالوهاب عثمان Date: 01-28-2021, 08:34 AM Parent: #3
حبيبنا قباني .. تحياتي يا سلام صدقني إنت جميل
ابداع وطرب
تحياتي
Post: #5 Title: Re: قلبي زاد خفقانو .. زاد كمان في ولاهو .. كابل� Author: Salah Zubeir Date: 01-28-2021, 09:37 AM Parent: #4
Quote: الأشرجي تراهو للإشاره اداهو نزلوه سيمافوره لي مروره براهو
يا سبحان الله ... دا يا ود قباني بروتوكول عديييل بتاع الداتا ترانسمشن ... الأشرجي شايل علمين واحد أخدر والتاني أحمر ... بتاع الصنفور لن يسمح بمرور القطر لو ما الأشرجي رفع العلم الأخدر .. دا ما ياهو ال encryption ظاااااتو ...
Post: #6 Title: Re: قلبي زاد خفقانو .. زاد كمان في ولاهو .. كابل� Author: زهير عثمان حمد Date: 01-28-2021, 09:46 AM Parent: #4
يا سلام عليك يا هندسة تحياتي وكن بخير أخي
Post: #7 Title: Re: قلبي زاد خفقانو .. زاد كمان في ولاهو .. كابل� Author: Amira Hussien Date: 01-28-2021, 09:48 AM Parent: #1
Quote: كابلي ده لامن يغني غنا الغير .. ببدع ..
لانه مبدع حقيقى ولانو صوتو لايدانيه صوت وحنجرة طيعة وذوقو و اختياراتو عظيمة ولانه لمن يغنى للغير يغنى الغنا الحبا وعجبو وترنم به بينو وبين نفسو ........ ورغم كل هذا تظل أغنياته هى الأجمل
Post: #8 Title: Re: قلبي زاد خفقانو .. زاد كمان في ولاهو .. كابل� Author: Ahmed Yassin Date: 01-28-2021, 10:34 AM Parent: #7
السلطان كابلي دا (أُبهَة) اكتر فنان يتسلطن مع الغنا ويخليك تتسلطن وتتجنن وتتبهدل استحضر سريع كدة وهو جالس بغني (دمعة الشوق كبي) بعد ان حررها وختاها على ميزان العشرة بلدي او بغني (ياقمر دورين) .. اما في (حسنك فاح مشاعر) دا فيلم طويل من التنغيم. في القطر دا.. المستقبل يعد الثواني ولا يطيق صبرا ويكاد يطير أمتى يظهر نورو الليهو ديمة أراغب للحبيب الماري الليهو زاد شوقي القطار يتهادى حلّ في وادينا يلا نجري نشوفو المن زمان ناسينا في السلامة سلامة آه انا الجنيتا وفي المحطة بكيتا --- اما في نفس المحطة ومن خلف دموع الوداع والفراق المودع قال سكان الأبيض جو وفي المحطة ودعو نبي الله العليك نزور وفي العين تخسر البابور ياالرهد صباحك نور تحتفل بملك الحور الليلة القطار صياح وفي ميعادو ستة صباح
Post: #9 Title: Re: قلبي زاد خفقانو .. زاد كمان في ولاهو .. كابل� Author: يحي قباني Date: 01-28-2021, 06:11 PM Parent: #8
Quote: حبيبنا قباني .. تحياتي يا سلام صدقني إنت جميل
ابداع وطرب
تحياتي
عمك يا علي ..
كابلي مدرسة شاملة .. ابداع لا يضاهى ..
اضاف لاغاني الغير ابعاد بديعه و ساعده في ذلك جمال اخراج الحروف و الكلمات بوضوح يحسد عليه كابلي ..
Post: #10 Title: Re: قلبي زاد خفقانو .. زاد كمان في ولاهو .. كابل� Author: علي عبدالوهاب عثمان Date: 01-28-2021, 10:15 PM Parent: #9
حبيبنا قباني .. تحياتي قبل ساعة تقريبا كنت أتابع برنامج جميل ( استديو علي شمو ) تسجيلات قديمة جداً يا سلام على العاصمة كانت اناقة وجمال وترتيب رائع
الكابلي في عز الشباب قدم اغنية ومحمدية الله يرحمه صغير يافع
برنامج جميل .. الناس كانوا في منتهى الاناقة وشابات بدون ثوب عادي اغنية كابلي رائعةجداً
تحياتي الحبيب قباني
تحياتي قباني ..
Post: #11 Title: Re: قلبي زاد خفقانو .. زاد كمان في ولاهو .. كابل� Author: Shinteer Date: 01-29-2021, 00:01 AM Parent: #10
يا سلام يا سلام يا قبابينو. الشيء الـ الجبتو دا اسو مساج القلوب heart massage وقولوبنا بقت كلها فلايت وقطايع. في ميزان حسناتك قطع شك، لو مساج القلوب فيه حسنات.
دي الأنغام البتعيد التوازن. انت زول فنان جد (وحكايتك بايظة لأنك ذوّاقة وبتجيب تسجيلات بتغتّس حجرك وحجرنا ونحن دايرين ننسى ونعمل فيها فلبينيين أو أي حاجة).
مشكور على المتعة دي.
Post: #12 Title: Re: قلبي زاد خفقانو .. زاد كمان في ولاهو .. كابل� Author: يحي قباني Date: 01-30-2021, 03:57 PM Parent: #11
Quote: يا سبحان الله ... دا يا ود قباني بروتوكول عديييل بتاع الداتا ترانسمشن ... الأشرجي شايل علمين واحد أخدر والتاني أحمر ... بتاع الصنفور لن يسمح بمرور القطر لو ما الأشرجي رفع العلم الأخدر .. دا ما ياهو ال encryption ظاااااتو ...
لما كان عندنا قطارات يابو صلاح ..
تصريح سفر .. و السناطور و ليمونادة السكة حديد ..
Post: #13 Title: Re: قلبي زاد خفقانو .. زاد كمان في ولاهو .. كابل� Author: abdalla elshaikh Date: 02-01-2021, 06:44 AM Parent: #12
Up
Post: #14 Title: Re: قلبي زاد خفقانو .. زاد كمان في ولاهو .. كابل� Author: abdalla elshaikh Date: 02-01-2021, 06:46 AM Parent: #12
Up
Post: #15 Title: Re: قلبي زاد خفقانو .. زاد كمان في ولاهو .. كابل� Author: ياسر السر Date: 02-01-2021, 08:32 AM Parent: #14
قبل ما يقارب 21 عاما كنت اشارك في منتدى فلاحة البساتين تحت رعاية الاخ الدكتور الجميل نصر الدين شلقامي فإتصل بي الأخ الدكتور نصر الدين وطلب مني الذهاب لمحلات دنيا الموسيقى بشارع الجمهورية عمارة صحارى وطلب مني ان اقوم باختيار عود مناسب لإهداءه للفنان الكبير المبدع عبد الكريم الكابلي في ليلة تكريمه بقاعة الصداقة في اسبوع معرض الزهور السنوي فحاولت الاعتزار ولكنه رفض وطلب مني ان اذهب واختار العود فكانت المهمة صعبة جدا علي لان الاستاذ عبد الكريم الكابلي فنان قامة عالية ورقم لا يمكن تجاوزه في خارطة الغناء السوداني وهو من اميز من يعزفون على العود ولابد من اختيار عود يليق به وبمكانته فتوكلت على الله الحي الدائم ومشيت واخترت عود كان مزركش بصورة لافته لا تضاهي وما زالت ارى الاستاذ كابلي يتغني به في عدد من تسجيلاته في التلفزيون وقد نال استحسانه والحمد لله وكان شرف عظيم لي بان اقوم انا بهذه المهمة الصعبة . سردت لك هذه المقدمة الطويلة لكي ابين لك حبي واعجابيالكبير بالاستاذ الكابلي لان الاستاذ عبد الكريم الكابلي رجل مبدع حد النخاع وهو من العمالقة الكبار الذين تربعو على عرش الطرب السوداني العريض فالكابلي مدرسة في كل شي في التطريب وفي الاداء وفي التلحين وفي اختيار الكلمات وفي نظم الشعر والاغاني ايضا فلا غرابة ان نراه يبدع في تناول اغاني زملاءه الفنانين فكم كانت تجاربه ثرة في هذا المجال فقد غنى واطرب لكثير من اغاني الشفيع وابو داؤود وحسن عطية وغيرهم ... التحية لك اخي الباش مهندس يحيى قباني فانت دوما تبحر بنا في عوالم جميلة منتقاة بدقة عالية ... وانا في الرصيف مستني وللثواني بحاسب إمنى يسطع نورو الليهو ديمه براقب ... يا سلااااااام ياخ ود القرشي ده زي الحديقة كل زهرة اجمل من التانية ..
تحياتي : ياسر العيلفون .....
Post: #16 Title: Re: قلبي زاد خفقانو .. زاد كمان في ولاهو .. كابل� Author: يحي قباني Date: 02-01-2021, 07:33 PM
Quote: لانه مبدع حقيقى ولانو صوتو لايدانيه صوت وحنجرة طيعة وذوقو و اختياراتو عظيمة ولانه لمن يغنى للغير يغنى الغنا الحبا وعجبو وترنم به بينو وبين نفسو ........ ورغم كل هذا تظل أغنياته هى الأجمل