Post: #1
Title: يا ناس الجيش.. خصوصاً برهان.. شنو الغلفة وعدم المهنية؟!
Author: Abureesh
Date: 01-25-2021, 09:43 PM
Parent: #0
08:43 PM January, 25 2021 سودانيز اون لاين
Abureesh-أمريكا
مكتبتى
رابط مختصر
زمان الجيش وحتى دون أن يدخل المعارك.. عنده لافتات ممنوع الإقتراب والتصويــر. الحصل عليكم شنو..
لو فى عدو فرد واحد شاف الفيديوهات التى تنقلوها من الميدان فى طريقكم للمعركة، يستطيـع ببندقية واحدة يركبكم التونسيـة.. أيه العبط دا؟ أوقفوا بث الفيديوهات فى ارض المعارك.. ممكن تتنشر
فيمل بعد كتأريخ.. تخيل لو المصريين نشروا فيديوها حية على الهواء للجيش وهو يعبر قناة السويس فى المراكب قبل تحطيم بارليف!!!
وأنا أرجع السبب لأن الجيش استطاب حياة العاصمة واللايفات بتاعة فيسبوك والإسكريم والشير شيــر شيــر وسبسكرايب، ولا تنسى الإعجاب. يا أخوانا دى عسكرية شنو الإبتلينا بيها دى..
الاليات والمدرعات ظاهرة.. وطريقة حركتها وصفوفها وكيف تتحرك، بل المنطقة واضحة بجيالها وتضاريسها.. بقليل من تحليلات GIS ممكن العدو يعرفهم هم وين وعددهم كم ومتجهين على وين، وسوف يصلون الساعة كم ..
كلها ممكن تتعرف ببساطة من الفيديوهات دى.. أوقفوا التصوير والضباط اللى فى الميدان يرجعوا الكلية الحربية.
|
Post: #2
Title: Re: يا ناس الجيش.. خصوصاً برهان.. شنو الغلفة وع�
Author: امتثال عبدالله
Date: 01-26-2021, 04:25 AM
والله كلامك منطقي يا ابو الريش،،
،اظنهم بيستعرضوا عضلاتهم ،،،،
واظن الاثيوبيين بيضحكوا من هذا الهبل ....ونتمنى من جيشنا ان يعملوا باحترافية شوية،،
،،ولا هم اختلطوا مع الجنجويد وتاثروا بيهم وبقوا يتصرفوا بسبهللية زيهم،،
،بالامس القريب كنت بقرا في مذكرات ضابط سوداني بالمعاش وكان بتكلم عن ضباط في الجيش السوداني زمان ،ومن بينهم عبد الماجد حامد خليل، وابوكدوك، وسعد بحر ، وحسن بشير نصر واخرين شاركوا في معارك ضد اسرائيل وضد ايطاليا قي الحدود الاثيوبية السودانية ،..
،،وتحدث عن شجاعتهم وصرامتهم وشهرتهم في القوات المسلحة، وتحدث عنهم وكانه يتحدث عن مونتجمري وجورج باتون
...
والان لا نسمع ولا نقرأ عن ضباط اشتهروا بالشجاعة والاقدام والضبط والربط غير ما نقرا ان استخباراتهم تعتقل المواطنين
السودانيين الثوار وتعذبهم حتى الموت..
|
Post: #3
Title: Re: يا ناس الجيش.. خصوصاً برهان.. شنو الغلفة وع�
Author: Deng
Date: 01-26-2021, 08:25 AM
Parent: #2
الاخ ابو الريش
ما هي الفائدة التي ترجى من جيش كل حروبه وبطولاته كانت ضد الشعب السوداني؟
جأتهم الفرصة لغاية عندهم في مبنى القيادة العامة وكان ممكن يدخلون التاريخ لو قاموا بحماية المعتصمين أمام مبنى القيادة العامة للقوات المسلحة من بطش الجنجويد ومليشيات الكيزان، ولكنهم فضلوا أن يتفرجون على قتل وسحل واغتصاب السودانيين أمامهم.
|
Post: #4
Title: Re: يا ناس الجيش.. خصوصاً برهان.. شنو الغلفة وع�
Author: Hassan Farah
Date: 01-26-2021, 09:18 AM
والله عندكم الف حق فى ما ذكرتوه الاخ ابوالريش وضيوفه
جيش الزمن دا نسى اهم قانون فى العسكرية: الظبط والربط
والله شفت صور وفديوهات لمجموعات ضخمة من العسكر يتحركون فى فوضى شاملة التقول داخلين على ملعب كرة قدم وليس على حدود بلد معادى
والله لو الاثيوبيون اطلقوا عليهم دانة مدفع واحدة لماتوا بالمئات
|
Post: #5
Title: Re: يا ناس الجيش.. خصوصاً برهان.. شنو الغلفة وع�
Author: muntasir
Date: 01-26-2021, 09:20 AM
Parent: #4
الغفلة يا باشمهندس 😂
|
|