Post: #1
Title: بهدوء جدا
Author: عبدالحفيظ ابوسن
Date: 01-21-2021, 08:18 AM
Parent: #0
07:18 AM January, 21 2021 سودانيز اون لاين
عبدالحفيظ ابوسن-no where
مكتبتى
رابط مختصر
شنو التراجع المريع دة في الالتجاء للتكتلات القبلية بعد ثورة قامت دون اعتبار للقبيلة ؟
ولماذا يوافق البرهان وحميدتى الالتقاء بالمكونات القبلية ويحتفون بها ؟
هل الصراع القادم في السودان قبليا؟
ان نجح المكون العسكرى في اذكاء روح القبلية فلنجهز انفسنا لحرب اهلية لا تبق ولا تذر
|
Post: #2
Title: Re: بهدوء جدا
Author: محمد البشرى الخضر
Date: 01-21-2021, 08:46 AM
Parent: #1
يا قريبك المكوّن العسكري ما ح يذكي رزح القبلية لانها اساسا موجودة وليها تلتين سنة الانقاذ شغالة فيها شغل ممنهج و عندها ادارات و موظفين
هسي ببساطة بعد حل واجهاتم الرسمية لجؤوا للورقة الخاتنها لليوم دا
|
Post: #3
Title: Re: بهدوء جدا
Author: علي عبدالوهاب عثمان
Date: 01-21-2021, 08:55 AM
Parent: #2
الحبيب أبوسن .. تحياتي
صدقت ..
لأول بعد عمرنا هذا أن نقرأ أو نسمع عن
تعيين ناظر عموم الدناقلة هذا الكلام سائد في مواقع التواصل
والقروبات والغريبة معظمهم من الشباب
مع الدناقلة ليست قبيلة ولا تنتمي إلى جد أو تسلسل عائلي
عالبا ( منسوبة الى المنطقة دنقلا)
البوست مهم والموضوع مهم
ولكن الثابت أن الشخص يلجأ لهذه الأمور عندما تضعف الدولة وتعجز عن حماية الفرد
تحياتي الحبيب أبوسن ..
|
Post: #4
Title: Re: بهدوء جدا
Author: Asim Ali
Date: 01-21-2021, 10:32 AM
Parent: #3
سلام عليكم
الكيزان فى اى بلد معتادين غلى استخدام ارهاب المتطرفين لتمرير اجنده ليهم كمعارضه او اطلاق حرب عصابات فى حال فقد الحكم ليبيا ومصر مثال
فى حاله السودان ما حصل دا ليه ؟
لاعتبارات دوليه واقليميه ضمن احراءات الحرب على الارهاب وقوات مكافحه الارهاب المنتشرع فى المنطقه
محليا السودان قاعده من قواعد جماعه الاخوان وهم حريصين على تامين اصولهم فى السودان
وحرصهم على تثبيت كل اجراءات فك الحصار ورفع اسم السودان من قائمه الارهاب تهيئه للهبوط الناعم وانتاج انقاذ2 خالى من قيود جرائم انقاذ 1
لذلك الكيزان بيديرو حربهم باسلوب مختلف يخليهم فى الظاهر خارج الصوره التقليديه بشعارات ومظاهر الجماعه..
حرب الشائعات وحرب تفكيك وحده قوى الثوره (الظهير السياسى)وحرب اقتصاديه على الشعب ...الخ
بالتالى من اليوم الاول اللجنه الامنيه كانت ضمن سعيها لضرب الثوره وتفكيك وحدتها انها لجات للاداره الاهليه ولو تذكرو افطارات رمضان خاصه بتاعت العباسيه
الكيزان اخبث خلق الله ومامطلوب قراءتهم بالاساليب التقليديه
|
Post: #5
Title: Re: بهدوء جدا
Author: عبدالحفيظ ابوسن
Date: 01-21-2021, 11:01 AM
Parent: #4
ياودو مامتخيلها تفوت علي فطنتك
قلت اذكاء
يعنى مولعة وهباها وزدها حطب
|
Post: #6
Title: Re: بهدوء جدا
Author: محمد البشرى الخضر
Date: 01-21-2021, 11:28 AM
Parent: #5
أيوة فهمتك يا قريبك، بس قصدي الموضوع دا غير العساكر للكيزان سهم كبير فيه، هاك تحليل سيد الطيبQuote: المجرم ما عندو قبيلة
✍🏽سيد الطيب
تحت سمع وبصر الحكومة الانتقالية وبرعاية الاجهزة النظامية وطناش النيابة والقضاء يتصاعد الخطاب القبلي الذي اهدرت بسببه دماء الابرياء في شرق وغرب السودان
لا يوجد سوداني ذا بصيرة لا يشاهد هذه الايام الفتنة تتجه نحو الوسط والشمال وتقدل على مهل بكيزان وامنجية خرجوا من جحورهم في نهر النيل وسيخرجوا في النيل الابيض والشمالية والجزيرة وسنار كما فعلوها في الغرب والشرق
سيخرج كيزان بإسم المحس والدناقلة والحلفاويين يطالبوا بإطلاق سراح بكري حسن صالح وعبدالرحيم محمد حسين ..
سيخرج كيزان بإسم الشوايقة يطالبوا بإطلاق سراح علي عثمان
سيخرج كيزان بإسم الكواهلة يطالبوا بإطلاق سراح غندور
سيخرج كيزان بإسم البرقو يطالبوا بإطلاق سراح احمد هارون
سيخرج كيزان بإسم الجعليين يطالبوا بإطلاق سراح نافع
سيخرج كيزان بإسم البرتي يطالبوا بإطلاق سراح محمد يوسف كبر
سيخرج الكيزان بأسماء كل قبائل السودان فالواضح للعيان انها الطريقة الاسرع في الضغط على الحكومة وفي نشر الفتن واراقة اكبر قدر من الدماء بعد ان اصبح خطاب المتاجرة بالدين لا يلقى الاستجابة الكافية.
ما لم ترفع الدولة شعار المجرم ما عندو قبيلة لتحمي المجتمعات من الفتن التي تتصاعد يوما تلو الاخر سيحولوا كل ولاية في السودان لدارفور جديدة فمن تاجر بدين الله لن يتوانى في المتاجرة باسم قبيلته.
حسنا فعلت والي نهر النيل برفضها التفاوض مع كيزان الولاية الذين خرجوا باسم القبيلة ليدافعوا عن اراضي ومشاريع نهبوها دون وجه حق.
انا احد ابناء القبيلة بقول ليك المجرم ما عندو قبيلة، الحرامي السرق حق الناس ما عندو قبلية، الفاسد ما عندو قبيلة، القاتل ما عندو قبيلة. دوسي الكوز. |
|
Post: #7
Title: Re: بهدوء جدا
Author: عبدالحفيظ ابوسن
Date: 01-21-2021, 01:44 PM
Parent: #6
صدقت يا علي
امر مؤسف
|
Post: #8
Title: Re: بهدوء جدا
Author: عبدالحفيظ ابوسن
Date: 01-22-2021, 07:46 AM
مرحب عاصم
كلام صاح
المطلوب مننا شنو
نربع يدينا ويسو الدايرنو ولا نفرفر ؟
اهو وزيرة المالية تراجعت عن كلامها في شركات الجيش
|
Post: #9
Title: Re: بهدوء جدا
Author: Asim Ali
Date: 01-22-2021, 11:13 AM
Parent: #8
Quote:
المطلوب مننا شنو
نربع يدينا ويسو الدايرنو ولا نفرفر ؟
|
سلام عليكم
الثوره لسه ناقصه وملوثه لازم نطهرها من تلوث لكيزان واذيالهم مدنى او عسكر- البنعمل فيهو هسى بنطعن فى ضل الفيل؟ ضنب الافعى كان مليشيات او عسكر او ..الخ الفيل /راس الافعى هم الكيزان- ونستكمل طريق الثوره .
غير كدا الالتهابات فى جسم الثوره وهيكل الدوله حتقود لتدهور فى صحه الثوره والموت فى غرفه الانعاش
لكن استعاده زمام قياده الثوره دايره اسلوب مختلف ومفقود اول شىء جسم ثورى متماسك وتفعيل لجان المقاومه واعلام موجه يكشف مخططات الفلول و يعبىء وبستعين ويشرك قواعد الشعب فى الفعل (مش رد الفعل) لاحباط تحرك الكيزان واذيالهم تحت اى مسمى او واجهه
وشيىء اخر هو تجاوز بروباغندا ومثاليات ازاله التمكين وبعث حاله من الشرعيه الثوريه المطلوبه بعد سقوط انظمه زى نظام الكيزان
|
|