Post: #1
Title: هل سنعبر وننتصر ام ح نفضل (ننتظر)؟؟
Author: Mutasim Idris
Date: 01-19-2021, 03:14 PM
02:14 PM January, 19 2021 سودانيز اون لاين
Mutasim Idris-Sacramento
مكتبتى
رابط مختصر
جابوا لينا خبير اقتصادي (لانقاذنا) وتنفيذ برنامج محدد مكتوب جااااهز طلع
بنفذ في برنامج معد سلفا ومتفق عليه (لانقاذهم).. متناغم للنخاع.
فترة رئاسته للوزارة كووووولها انتظار.. وغول الغلاء ينهش في لحم البسطاء
(الشاكرين).. ومنتظر..
|
Post: #2
Title: Re: هل سنعبر وننتصر ام ح نفضل (ننتظر)؟؟
Author: Mutasim Idris
Date: 01-19-2021, 03:17 PM
Parent: #1
بعد اول شهر من تعيينه وفي اول لقاء تم معاه في الرياض قال (منتظر) برنامج قوي الاعلان!!
وتوالت رحلة الانتظارات..
انتظر السلام يتم بعد تسليم ملفه (للجنة الكيزان) الامنية..
انتظر تعيين الولاة.. وفضل منتظر..
--
والشارع ينطحن ويشكر ربنا و (ينتظر) الفرج..
|
Post: #3
Title: Re: هل سنعبر وننتصر ام ح نفضل (ننتظر)؟؟
Author: Mutasim Idris
Date: 01-19-2021, 03:27 PM
Parent: #2
حمدوك (المنتظر)..
لا يملك من السياسة والدبلوماسية (التكتح) وفضل سائق الناس مع حميدتي (بالخلا)..
ستة وزارات بدون وزراء والراجل (منتظر)..
غايتو كويس ما طلع من (الامة) لانه كان اتعمل ليه (ضريح)..
قالوا ما عنده ميول سياسية.. طلع مايل..
غاااايتو..
صورة زي دي في دولة (محترمة) تغطس حجرك.. عندنا بتعني (متفق عليه)..
الصورة قالوا قديمة..
|
Post: #4
Title: Re: هل سنعبر وننتصر ام ح نفضل (ننتظر)؟؟
Author: Asim Ali
Date: 01-19-2021, 03:35 PM
Parent: #2
عبور شنو يامعتصم الا لو كان عبور للماضى الاسود
ازمه الخبز تتفاقم
الدمازين مكركبه لليوم التانى بسبب الازمات
وهو ماقادر يجمع كروت اللعبه فى يدو
جداد حمدوك يجى يقول ليك اتنصارات خارجيه وتطبيع ورفع اسم السودان من شنو .....الخ
دا كلو حيكون لصالح منو ؟
والبلد من يوم ليوم العسكر يحكمو السيطره والكيزان بدو ينفضو غبار الجحور الكانو فيها
انتصارات خارجيه وفك عزله عن السودان عشان يتسلمها العسكر وانقاذ2مقشره
والشعب فى محطه تشبه تسعينات القران الماضى معاناه وازمات
.
غايتو الا يكون عبورنا كشعب لغابه شيروود
|
|