الدكتورة آمنة أحمد المكي واليا لنهر النيل حتي نهاية الفترة الإنتقالية

06:51 AM January, 19 2021

سودانيز اون لاين
عبدالعظيم عثمان-
مكتبتى
رابط مختصر

مش كان قطعتوا الطريق يا كيزان
كان طرتوا السما
الدكتورة آمنة المكي واليا لنهر النيل حتي نهاية الفترة الإنتقالية
إنتهى

أرخوا جسمكم يا كيزان عشان الدواء يشتغل
لجنة إزالة التمكين في الولاية مستمرة في عملها حتي تفكيك
التمكين في الولاية

لكن عصرت على الحرامية شديد اهلنا في شندي
مبسوطين منها ماتسمع جعجعة الحرامية من الله خلقنا
ماسمعنا بكيانات قبلية في نهر النيل معقول نرجع بعد قرن
للقبلية والكلام الفارغ الكيزان بعملوا في كيانات وهمية

.

قال شندي راضين منها هههه
هي شندي ما شافتها الا من على طريق التحدي..
وخليها شندي، قبل يومين في عطبرة، شوية طلاب كانوا عايزين يضربوها لو ما حجزتهم الشرطة

السلام عليكم
قصة انهم ح يضربوها دي دليل علي الهمجية
وطبعاً عضلات من دون عقل ، معقولة قبيلة
كاملة ترضي تصويرها بالهمجية ، الدنيا
تغيرت وال كان زمان يعتبر بطولة اسع ما
دليل علي اي شئ . قول مطالبكم 1,2,3
وغلطة وين برضو1,2,3
بس قصة نحن ما تحكمنا مرة خلوها نمرة 4

مقدرة زعلكم ولو جابوها الخرطوم ورسلوا لكم
نمر يكون ريحونا وريحوكم

إحنا أي زول بيكرهوا الكيزان نحن نؤيده ، فرطقيهم فرطقهم البلا

Quote: معقولة قبيلة كاملة ترضي تصويرها بالهمجية

انت بتصدقي جعجعة الكيزان عمرنا كلو عايشين في شندي والله ما بتعرف قبيلة جارك بالحيطة ولا كانت في يوم من الايام محل بحث من سنين طويلة تجاوزنا القبلية انا اتحدث عن شندي المدينة
الاهم من كده في ناس ما بتستحق الرد بنعمل ليهم قيمة في الفاضي

الدكتورة آمنة أحمد المكي ترفض الجلوس مع الفلول
وترفض طلبا من المركز بالجلوس مع المعتصمين
البل بس يا كيزان

Quote: لخرطوم: العودة رفضت والي ولاية نهر النيل د. آمنة المكي اي تفاوض مع الفلول الذين أغلقوا شارع التحدي الايام الماضية . ووفقا لمعلومات تحصلت عليها (العودة ) فإن المكي رفضت توجيهاً من المركز بالجلوس مع المعتصمين وأصرت على عدم التفاوض مع فلول النظام المباد حتى لا تنتقص من الثورة وتضعف قوتها وتفتح باباً للحوار مع الذين أسقطهم الشعب السوداني . وتشير الملعلومات إلى تراخي القوات النظامية في التعامل مع الفلول الذين أغلقوا الطريق القومي واحتجزوا عربات الوقود والغاز والدقيق واستعملوها كدروع لحماية أنفسهم . وعلمت العودة إن الوفد الذي الحكومي بقيادة وزير الحكم الاتحادي تسلم طلباً واحد من الفلول وهو اقالة الوالي ووعدهم برفع الطلب إلى رئيس مجلس الوزراء عبدالله حمدوك خلال ١٥ يوم وتم فتح الطريق في الساعات الأولى من صباح اليوم

الكيزان وقعتهم سودا مع الدكتورة آمنة
دي زولة كاربة وكنداكة راكزة من أيام كانت
طالبة في جامعة الجزيرة.. كيزان جامعة الجزيرة
بيعرفوها كويس

الى الامام بت المكي ولا نامت اعين الجبناء.
ناس عايزين يضربوها ديل كدي النشوف رجالتهم لو زارهم حميدتي مثلا 😆

رفع الإضراب عن ولاية نهر النيل شمال السودان

يا عمر التاج

Quote: قبل يومين في عطبرة، شوية طلاب كانوا عايزين يضربوها لو ما حجزتهم الشرطة

الهمج الدايرين يضربوا ليهم مرة وكمان الوالي
يكونوا شنو لو ما كانوا كيزان؟؟؟؟؟
كويس إنك قلت أنهم شوية
يعني ما غالب الطلاب

يا عبد العظيم
عارفين الوالي دي من ناسكم (الإتحاديين)
لكن
طالما هي كنداكة وعينتها حكومة ثورتنا فبندافع عنها حتي النهاية
فقط بنذكركم موالاتكم لفلول الكيزان والسلفيين في مسألة تغيير المناهج
والحملة علي د القراي
ما تعملوها تاني
نحن في خندق الثورة سوا
عارفين أصدقاءنا وعارفين أعداءنا

Quote: الهمج الدايرين يضربوا ليهم مرة وكمان الوالي يكونوا شنو لو ما كانوا كيزان؟؟؟؟؟

ديل ما همج ولا حاجة يانصر
شوية طلاب استقبلوا الوالية الاستقبال الذي يليق بها ..
بالطوب والدراب ..
بعد ان تأكد لهم ان هذا هو الاسلوب الوحيد الذي يليق بهذه الشمطاء المخرفة بتاعة الشريف الرضي
مش الطوب ده برضه كان سلاحكم لما كنتم طلبة يا نصر؟
طيب خليني اكلمك عن الهمج الحقيقي وين ..
الوالي السابق سبق له ان صفع الولية في اول اجتماع لها
لأنها اتهمت الجيش بالتواطؤ مع احداث بداية حكمها
والتي من ضمنها سرقة خزائن المالية في بربر والدامر
ومن يومها "رخت" الوالية جسمها وتركت الجيش في حاله،
وقيدت السرقة ضد شوية صرافين مساكين ..
والهمج التاني قبل حوالي اسبوعين..كف صاموتي تاني
تلقته الولية الشليقة في بيت عزاء في عطبرة.
والمسؤول مما يكتر عليه الضرب يفترض ينسحب بكرامته قبل ما الموضع يكبر ..
يلا نجي لصاحب البوست، البيتشدق بأنه الوالية من عنديهم.. ويقصد اتحادية ختمية..
واقول لك ياتو اتحادي ده؟
مايكون بتاع سيدي جعفوري وحاتم السر وبتاع المعلومات داك راجل المذيعة، الكانوا مع البشير حتي اخر يوم في حكمه
يا اخي حقو تختشي على دمك ودم سيدك وتشوفوا ليكم والي زي البشر يحل ازمة الجعليين ويملأ عيونهم

حبيبنا عبدالعظيم تحياتي
عندنا في الشمالية بروف آمال محمد عزالدين ( الوالية)
شغلها تمام والاهم الغاء قرارات الاراضي لمجموعة سد مروي
وتفاهمها مع المستثمرين ..
فقط هي لا تصرح ولا تظهر في الاعلام بكثرة

دكتورة آمنة أكثرت من التصريحات والظهور الاعلامي
نفس طريقة القراي
وحبيبنا الجميل أكرم
وزير الاوقاف عرف اللعبة وابتعد عن وسائل الاعلام
ووزير العدل كذلك ابتعد وصمت وبدأ يعمل في صمت

كثرة التصريحات لا بد أن يتخللها عثرات والكيزان واصطياد الاخطاء
هكذا الحكومات تميل نحو المجموعة حتى لو كان الفرد على حق
كما في حالة القراي ..

تحياتي عبدالعظيم .. يمكن لها ان تجتمع مع هؤلاء وتمتص غضبهم
لأن التوجه القبلي خطير ..

مع التحية الاحباب

ما سمعنا بهده الكفوف
لكن طوالي تمشي تفتح بلاغ تعدي في البوليس ضد هذا العسكري الخايب
ورئيس هذا العسكري المباشر يياشر في التحقيق معه
ما خجلان يتراجل ليه مع ولية !!!!
وبرضو تفتح بلاغ في الكف التاني

عليك الله ديل رجال شنو البضربوا النسوان ديل ؟؟؟؟
برضو ما تخلف وما همجية ؟؟؟؟؟
الكنداكات في أصل وفصل ثورتنا هذه
وعندما كن يرجعن مسيلات الدموع للعسكر
كان في ضباط تتلاصقف كتار أكتافهم بالصقور
ضاربين الجرسة وما عارفين يقيفوا مع الديكتاتور ولا مع الثورة

الكنداكات في حدقات الأعين وإن شاء الله سيتبوأن أعلي المناصب

قادرين على إغلاق كافة الشوارع ، وشل الحركة نهائيا
من والي العاصمه والولايات الأخرى التي يمر طريقها
بمدينة عطبره ....
وهو الخيار الذي سنلجأ اليه ، عند أي مساس بالوالي
المدني (نتفق او نختلف عليه) ، فلا الكيزان ولا اي
مكون (قبلي) تحت اي مسمى (شوري) او غيرها
له الحق في اصدار التوجيهات لتلبية اوامره ...
الكيزان الذين (يتخفون) تحت ستار المكون القبلي ،
يجب أن يعلمو ، ان ولاية نهر النيل عصية
على ما يطمعون ..
وأننا في لجان مقاومة عطبرة ، لن نصمت
وسنسقط الحكومة المدنية نفسها لو تهاونت
في هذا الأمر .....
الوالي المدني يسقطه الثوار فقط ، ولا يتم
اسقاطه وتغييره عن طريق (الكيزان)..
ويجب أن يعلم الجميع ، ان كان هنالك حق
لمكون (قبلي) ما في تغيير ارادة شعب الولاية
أو حتى الدولة نفسها ، فغدا ستخرج جميع
المكونات القبلية الأخرى (السودان زاخر بالقبائل) ،
لتعلن عن انها (لا تريد S وتريد x من الناس) ، وهو
اول مظهر من مظاهر تفكك الدولة السودانية ...
نحن في لجان مقاومة عطبرة لن نعلن عن موكب
أو مواكب اخري هذه المره ...
ولكننا سنعلن عن بتر العلاقة نهائيا مع الحكومة المشوهة
وما بعدها ، فليتحمل المسؤلية كاملة من جلس
ومن تفاوض ، ومن تهاون ، ومن تمايع مع الكيزان (تحت أي مسمى واي ظروف) ...
ولا عذر لمن انذر ....

#انتهي ...


https://www.facebook.com/103127471035770/posts/422685645746616/https://www.facebook.com/103127471035770/posts/422685645746616/

كيزان شرق السودان ، نجحوا في اقالة الوالى عمار .........
!!!!!!!!!!
!!!!
!

قال علي

Quote: دكتورة آمنة أكثرت من التصريحات والظهور الاعلامي نفس طريقة القراي وحبيبنا الجميل أكرم وزير الاوقاف عرف اللعبة وابتعد عن وسائل الاعلام

أسمح لي أن أختلف معك
أنا أحترم المسؤول الذي يتواصل مع الشعب
عشان الشعب يعرفه أول حاجة شغال ولا ما شغال
تانيا شغال في شنو
هسع الوزراء القلتهم دي عارفهم شغالين ولا ما شغالين ؟؟؟؟؟
ربما هم صامتون لأن ليس لهم ما يقولون وليس لأنهم يعملون في صمت
وبعدين ياخي دائما الناس تلوم الضحية
يعني الكيزان لأن لجنة التمكين زنقتهم في أراضي نهر النيل
قاموا علي الوالي
أها نحن طوالي نلوم الوالي (الضحية)
ونخلي المجرم الحقيقي اللي هو الكيزان
الكيزان عندهم معركة مع الثورة وبخوضوها خطوة خطوة
المرة دي كانت مع والي نهر النيل
مش لأنه صرحت كتير لكن لأنه الكيزان هناك كانت لهم شوكة ومصالح
والتمكين ماشي عليهم
وبكرة دي بيدوروا معركة مع وزير العدل
هذا الذي يعمل في صمت

ما أظن القراي أو أكرم أضر بهم كثرة التصريحات
ولكن لأنهم من أحسن كوادر الثورة ولذلك اشتد الهجوم عليهم
والي نهر النيل من أحسن الولاة في السودان
والكيزان ما دايرين والي ولا وزير كويس

فلنصحي يا شعب
الثورة ثورتنا والولاة والولاة جلدنا
الذي يجب أن نجره في الشوك
وكما صحينا أعداءنا صاحين

الحبيب ناصر تحياتي
شكرا لاهتمامك بمداخلتي ..
أنا قصدي في الأصل أسلوب الخطابة
وطريقة مخاطبة الحضور
مع عدم إثارة أي طرف آخر وبعيداً عن التهديد لأن هذا يثير الغضب
ويحدث نوع من الشرخ في المجتمع ..
نعم يمكن يومياً الظهور والحديث من المنابر ولكن بطريقة مقبولة للجميع
حتى إذا كانت هناك اشياء يمكن طرحها للمتلقي ليقرأها من خلف السطور
وليس مباشرة ..

يمكن الحديث عن السلبيات والنقد البناء ولكن خلال اسلوب مقبول للجميع

( طريقة ترامب ) نعم كان يتحدث عن حقائق ولكن طريقة التقديم لم تكن موفقة

مثال طعام شهي ورائع في طعمه ومكوناته ولكن طريقة التقديم يمكن ان تشوه كل شيء

تحياتي الحبيب ناصر .. اتمنى أن أكون قدمت شرح عن قصدي

تحياتي الحبيب ناصر .. شكرا كثير لقد فتحت لي مجال لطرح راي
مع التحية للحبيب عبدالعظيم ..

عندنا في دنقلا الوالية تؤدي دورها بطريقة رائعة جداً وربما تكون من أحسن الولاة
الذين مروا على الولاية الشمالية .. يكفيها الغاء القرار 206 وارجاع اراضي السدود
وتعمل على تصفية الكيزان في صمت مطبق ..

تحياتي وآسف للاطالة

رغم أني لا أجيد الامثال العامية ولكن هناك مثل يقول ( خلي عدوك يحتار فيك)
هكذا السياسي كلما كان موقفه واضح تجاه الآخر يكون حافز للعدو لتجهيز نفسه
وحشد قوته ..

آمنة حفرت قبرها بيدها
واصلا هي ما كانت مؤهلة لمنصب والي حتى ولو اتحولت لرجل
تصريحاتها الشتراء وانغماسها في صراعات الهوامش
أضاع الولاية وأضاع هيبة المنصب ..
واصلا هي ربيبة كيزان عشان ما يسرق النشطاء الجدد
أحلام الثورة زي ما سرقوها القحاتة..
آمنة تاني ما حاتشمها مش لو رشحها الحزب
لو رشحها حمدوك هيمسيلف ما حاترجع والية في التشكيل الجديد
انتهى..