Post: #1 Title: البرهان قال متفق مع ابي احمد ومافي اي اجندة خارجية !!! Author: Gafar Bashir Date: 01-17-2021, 10:33 AM
نازك شمام / الأناضول
قال رئيس مجلس السيادة السوداني عبد الفتاح البرهان، السبت، إنه لا توجد أجندة خفية في النزاع القائم الآن على الحدود مع إثيوبيا.
وأوضح خلال تدشينه مبادرة للقطاع الخاص في مؤتمر بالخرطوم، أن الحديث عن أن يكون هذا النزاع مدفوعا من جهات أخرى هو أمر عار من الصحة.
وتهدف المبادرة التي يدعمها القطاع الخاص، إلى جمع تبرعات مادية وعينية لدعم الجيش في وجوده عند الحدود السودانية الإثيوبية.
وكشف البرهان عن اتفاق مع رئيس الوزراء الإثيوبي آبي أحمد، على غلق الحدود المشتركة، مبينا أن ذلك ما قام به الجيش السوداني حاليا.
وأشار إلى عدم عزم السودان شن حرب مع إثيوبيا، مؤكدا رغبة البلدين في التوصل إلى حلول.
وأكد البرهان، أن بلاده ليس لديها أية مصلحة لمحاربة أي دولة من دول الجوار.
وشدد على أهمية وضع العلامات الحدودية مع إثيوبيا، مضيفا: "هذا حق من حقوقنا".
بدوره، شدد رئيس الوزراء عبد الله حمدوك، خلال التدشين، على ضرورة تنمية منطقة الفشقة (شرق) المتنازع عليها من قبل البلدين، "وتحويلها من منطقة احتراب إلى منطقة تنعم بالسلام".
ومؤخرا، شهدت حدود البلدين تطورات عديدة لافتة، انطلقت شرارتها بهجوم مسلح استهدف قوة للجيش السوداني في جبل "طورية" (شرق) منتصف ديسمبر/ كانون الأول 2020.
وفي 31 ديسمبر الماضي، أعلن وزير الخارجية السوداني عمر قمر الدين، سيطرة الجيش على كامل أراضي بلاده الحدودية مع إثيوبيا.
وتقول الخرطوم إن "مليشيات إثيوبية" تستولي على أراضي مزارعين سودانيين بمنطقة "الفشقة"، بعد طردهم منها بقوة السلاح، متهمة الجيش الإثيوبي بدعم تلك العصابات، وهو ما تنفيه أديس أبابا وتقول إنها "جماعات خارجة عن القانون.
Post: #2 Title: Re: البرهان قال متفق مع ابي احمد ومافي اي اجند Author: محمد البشرى الخضر Date: 01-17-2021, 11:31 AM Parent: #1
جو بايدن كبس هههههههه
Post: #3 Title: Re: البرهان قال متفق مع ابي احمد ومافي اي اجند Author: صديق مهدى على Date: 01-17-2021, 11:33 AM Parent: #2
اها رايك شنو فى كلام البرهان ياجعفر ؟
Post: #4 Title: Re: البرهان قال متفق مع ابي احمد ومافي اي اجند Author: Gafar Bashir Date: 01-17-2021, 12:21 PM Parent: #3
يا صديق البرهان زاتو رايو شنو النسوان ماتوا قدام القيادة / انسي الهرطقة والكلام الما عندو معني ده كلام زول متفق مع ابي احمد
Post: #5 Title: Re: البرهان قال متفق مع ابي احمد ومافي اي اجند Author: محمد حمزة الحسين Date: 01-17-2021, 12:48 PM Parent: #4
يا جعفر يا خوووي خلي كل شوكة التمرق بي دربا ... مساندة القوات المسلحة داخل حدود 1902 واجب كل وطني غيور ...
القوات المسلحة هي الضامن لوحدة وتراب البلد فالنقف خلفها ... هم الآن اكثر توداً وقوةً وعزيمة وإرادة ...
الجيش جيش السودان ...
Post: #6 Title: Re: البرهان قال متفق مع ابي احمد ومافي اي اجند Author: Abureesh Date: 01-17-2021, 01:55 PM Parent: #5
Quote: وتقول الخرطوم إن "مليشيات إثيوبية" تستولي على أراضي مزارعين سودانيين بمنطقة "الفشقة"، بعد طردهم منها
تستولي على أراضي مزارعين سودانيين بمنطقة "الفشقة"
بعد طردهم منها
واحد يفسـر لينا الكلام دا..
Post: #8 Title: Re: البرهان قال متفق مع ابي احمد ومافي اي اجند Author: Gafar Bashir Date: 01-17-2021, 02:36 PM Parent: #5
سلام يا محمد
صحيح كلامك يا محمد وحدة الجيش والشعب هي صمام الامان والمساندة واجبة لكن سؤالي لماذا الفشقة وليس حلايب
يعني لو البرهان قال استرداد جميع الاراضي شاملة الفشقة وحلايب نقدر نقول الجيش يعمل لحفظ الاراضي السودانية لكن اختار الفشقة من دون حلايب مع فارق ان الفشقة ما محتلة بي جيش لكن حلايب محتلة بي جيش
اها انت رايك شنو؟ عندك اجابة للسؤال لي الفشقة وما حلايب
Post: #7 Title: Re: البرهان قال متفق مع ابي احمد ومافي اي اجند Author: Gafar Bashir Date: 01-17-2021, 02:25 PM Parent: #2
Quote: جو بايدن كبس هههههههه
كبس كبسسسه شكلو البرهان لسة ما عرف انو ترمب شال عفشو ولا اصحابو المصريين كلموهو مفروض ابو حسين يرسل ليهو رسالة علي الخاص كدة
Post: #9 Title: Re: البرهان قال متفق مع ابي احمد ومافي اي اجند Author: أحمد الشايقي Date: 01-17-2021, 02:42 PM Parent: #7
الواضح أنه ليس هناك حرب متوقعــة
وللأسف تم تصعيد كلامي واعلامي بما يوحي بوجود توقع لحرب بين البلدين
وفي النهاية اتضح ان هناك اتفاق على الانفتاح شرقاً في أماكن انسحب منها الجيش الاثيوبي ربما لملء الفراغ حتى لا تستغله قوات الانفصاليين التيقراي
مبروك الوطنية التي ظهرت ومطلوب تعزيزها والتمدد شمالاً بعد شرقاً
أحمد الشايقي
Post: #10 Title: Re: البرهان قال متفق مع ابي احمد ومافي اي اجند Author: Gafar Bashir Date: 01-17-2021, 05:35 PM Parent: #9
اخونا الشايقي
اهنيك علي حسن النوايا وياريت يكون الموضوع زي ما تفضلت بس ما عارف الاعلام المصري مشعللها خالص طبول الحرب ليي وبي توجيه من منو ولمصلحة منو
Post: #11 Title: Re: البرهان قال متفق مع ابي احمد ومافي اي اجند Author: Mutasim Idris Date: 01-17-2021, 06:45 PM Parent: #10
المصري الاماراتي والسعودي وقااالوا الجزيرة زاااتها خشت بإيقاعها كمان وما تنسي كمان الكيزان.. كل يضرب طبله علي ايقاعه.. لصالح منو دي يا جعفر ما مهمة بقت.. المهم ما لصالحنا.. سلامات جعفر وضيوفه..
Quote: بس ما عارف الاعلام المصري مشعللها خالص طبول الحرب ليي وبي توجيه من منو ولمصلحة منو
Post: #12 Title: Re: البرهان قال متفق مع ابي احمد ومافي اي اجند Author: محمد البشرى الخضر Date: 01-18-2021, 07:49 AM Parent: #11
الاجندة الخارجية في! لكن شكلها جات في الصالح
Post: #13 Title: Re: البرهان قال متفق مع ابي احمد ومافي اي اجند Author: Gafar Bashir Date: 01-18-2021, 01:51 PM Parent: #12
هههه مارشات عسكرية كمان البعشوم ياخي اي شافع ماشي في الشارع عارف البير وغطاها من العايز يحارب ومنو المغفل النافع
Post: #14 Title: Re: البرهان قال متفق مع ابي احمد ومافي اي اجند Author: Gafar Bashir Date: 01-18-2021, 01:53 PM Parent: #13
Quote: وقااالوا الجزيرة زاااتها خشت بإيقاعها كمان وما تنسي
الجزيرة صراحة فجاة دخلت في الموضوع واظن قبل المصالحة كانت بتجيب الاثيوبيين وبعد المصالحة مشت تجيب السودانيين الجزيرة دي حرقت نفسها زمان يا معلم لحد العظم مافضل زاتو حاجة تتحرق فيها بعد ما كانت طارحة نفسها مدرسة اعلامية اتضح انها زي اي جريدة حائطية ولا خطبة جمعة