Post: #2 Title: Re: ياريت السيد الموصلي يعطينا شرح اوفي للصو� Author: محمد الامين محمد Date: 01-14-2021, 08:23 PM Parent: #1
https://top4top.io//IMG]
Post: #3 Title: Re: ياريت السيد الموصلي يعطينا شرح اوفي للصو� Author: Asim Ali Date: 01-14-2021, 09:28 PM
فيديو ظهر مصور بواسطه ندى القلعه يظهر فيه غبدالقادر سالم و عمر احساس طبعا غير شرحبيل ظاهر واضح هنا ويبدو انو مصور فى القياده العامه
Post: #4 Title: Re: ياريت السيد الموصلي يعطينا شرح اوفي للصو� Author: Mahjob Abdalla Date: 01-14-2021, 09:51 PM Parent: #3
من امس اشوف صور الجكس بالزى العسكرى و اقول متين باب التجنيد فتح للجكس و في الغالب المقولة البتقول (نديكم طرحنا يا رجال السودان) اتطبقت و الفشقة و حلايب قريبا الي حضن السودان.
و شرحبيل ده متمحن كدا مالو. افتكرتو كان يظهر بالجيتار, بقى علي الكيبورد.
_______________ وينا فيهن ندى القلعة و هل عائشة الجبل معاهن
Post: #5 Title: Re: ياريت السيد الموصلي يعطينا شرح اوفي للصو� Author: Asim Ali Date: 01-14-2021, 10:02 PM Parent: #4
Post: #6 Title: Re: ياريت السيد الموصلي يعطينا شرح اوفي للصو� Author: Mahjob Abdalla Date: 01-14-2021, 10:51 PM Parent: #5
شكرا عاصم في الصورة ادت عنقرتها للكاميرا و للموصلى.
_____________ سلام محمد الامين, معليش استلمنا البوست
Post: #7 Title: Re: ياريت السيد الموصلي يعطينا شرح اوفي للصو� Author: يحي قباني Date: 01-14-2021, 11:14 PM Parent: #6
Post: #8 Title: Re: ياريت السيد الموصلي يعطينا شرح اوفي للصو� Author: جلالدونا Date: 01-14-2021, 11:45 PM Parent: #7
اتوقع ثوست جامد من اخونا معروفخاصة و هو ما برضى يهبشوا ليهو الحبش
Post: #9 Title: Re: ياريت السيد الموصلي يعطينا شرح اوفي للصو� Author: اْسامة اْباّرو Date: 01-14-2021, 11:50 PM Parent: #4
Quote: ورينا فيهن ندى القلعة و هل عائشة الجبل معاهن
ههههه دار تبقى مسقف ي الحبيب 🤣 غايتو محن آخر الزمان ، ندى القلعة مطبقة شعار الثورة لا زالت طفل ما يقوم ...
Post: #10 Title: Re: ياريت السيد الموصلي يعطينا شرح اوفي للصو� Author: طارق محمد الطيب Date: 01-15-2021, 04:05 AM Parent: #9
السلام عليكم جمعه مباركه مافيها حاجه عادي جدا فنان يغني لجيش وطنه الشي العجيب وجود حنان بلوبلو لونها الفني محصور علي (أغاني البنات) ؟؟؟
Post: #11 Title: Re: ياريت السيد الموصلي يعطينا شرح اوفي للصو� Author: أحمد محمد عمر Date: 01-15-2021, 11:08 AM Parent: #10
نجهز نسخة (تسلم الأيادي) حقتنا بنحتاج ليها يوم التفويض
Post: #12 Title: Re: ياريت السيد الموصلي يعطينا شرح اوفي للصو� Author: Asim Ali Date: 01-15-2021, 11:23 PM Parent: #11
مابعرف عنو كتير غير كم فيديو لكن كلامو مقعول هنا
Post: #13 Title: Re: ياريت السيد الموصلي يعطينا شرح اوفي للصو� Author: منتصر صلاح Date: 01-16-2021, 00:17 AM Parent: #12
أصبحت تحدث اشياء غريبة ، ما هذا ؟؟ عقلية النظام البائد مسيطرة تماما .. الفن وسمعة ومكانة جيشنا راحت شمار في مرقة الكيزان .
تحية لكم صاحب وزوار البوست .. وفي انتظار فنانا الموصلي للتوضيح
Post: #14 Title: Re: ياريت السيد الموصلي يعطينا شرح اوفي للصو� Author: مدثر صديق Date: 01-17-2021, 07:09 AM Parent: #13
برضوا حمدوك واقف بدعم الجيش
Quote: والدكتور عبد الله حمدوك رئيس مجلس الوزراء مساء اليوم بقاعة الصداقة" مبادرة القطاع الخاص لدعم وإسناد القوات المسلحة"
!!!!!!!!!!!!!! !!!!!!!!! !
Post: #15 Title: Re: ياريت السيد الموصلي يعطينا شرح اوفي للصو� Author: ياسر السر Date: 01-17-2021, 07:35 AM Parent: #14
السلام عليكم جميعا
Quote: مافيها حاجه عادي جدا فنان يغني لجيش وطنه
فعلا عادي جدا فنان يغني لجيش بلده فما الغريب في ذلك ,, كل وحدة عسكرية لها فرقة موسيقية وفنانين مجندون ويشاركون بما يعرف بمنافسة الوحدات العسكرية او مهرجان الجلالات العسكرية وهي منافسة بين الوحدات العسكرية تقام سنويا منذ سنين طويلة وهذا شي ليس بجديد ولكن الان الميديا والانتشار اكبر من زمان لذلك نجد ان الموضوع اخد حيز وانتشار بسرعة كبيرة ولكنه شي عادي .. فلي تجرية ماضية قبل سنين طويلة مع فرقة الدفاع الجوي فكم غنينا وكم انشدنا للجيش وللوطن وكان في نفس الفرقة عدد كبير من الاخوة الفنانين على سبيل المثال لا الحصر الاخ الفانا عصام محمد نور والاخ الفنان وليد زاكي الدين والاخ الفنان ياسر عبد الوهاب وغيرهم وايضا كان عدد من الفنانين ينتمون لفرق عسكرية اخرى مثل الاخ الفنان عبد العزيز بقالة والاخ الفنان عاطف السماني والاخ الفنان ازهري الامين ولا اعتقد ان غناء فنان لجيشه يستحق كل هذه الضجة ,,
تحياتي : ياسر العيلفون ...
Post: #16 Title: Re: ياريت السيد الموصلي يعطينا شرح اوفي للصو� Author: Hamid Elsawi Date: 01-17-2021, 07:46 AM Parent: #15
منقول داليا كباشي : لا تنكأ الجرح القديم!
*******
(أرض القيادة) كما أسماها المعتصمون هناك (تحببا).. ميدان انتصاراتهم وفردوسهم المفقود..
في كل شبر هناك ذكريات.. دماء عزل سالت.. فصول من الخذلان.. وطعم مرار..
انا متأكدة انو في ناس - حتى اللحظه - ما مروا بشارع القيادة تاني.. وبعرف ناس لمن يمروا من هناك بيصمتوا دقائق حزن وحداد حتى لو راكبين في المواصلات..!
الملابسات دي ما مرت عليها سنوات كتيرة... الكلام دا قريب جدا.. لو مات في أسرتك زول واحد ما بتكون اتجاوزت حزنك عليهو.. فما بالكم بشعب فقد المئات في ليله واحدة برصاص الغدر!
صور وفديوهات المطربين والمطربات وهم متجولين في القيادة العام ه للقوات المسلحة اعادت لنفوس الكثيرين ذكريات في حقبتين مريرتين!
اشهر الاعتصام.. وحقبه (التجييش) و (العسكرة) اللي كانت بتعملها الإنقاذ للفنانين وللشخصيات العامه وتنشر المظاهر العسكرية حولنا في فترات حرب الجنوب.. والدفاع الشعبي.. والحروب ضد سودانيين من بني جلدتنا اسمتهم (المتمردين)!
نحن ك ناس بنعرف نفرز الحاجات فاهمين تماما انو دي حرب مع دولة أخرى.. وفاهمين واجبنا ك شعب في الوقوف مع الجيش الذي يحمي ارض الوطن.. لكن الظرف حقنا في السودان مختلف نظرا ل اننا اصلا في بلد اي شي فيها مختلف عن الظروف الطبيعيه!
مظهر الفنانين اللابسين الكاكي بالنسبه لينا منفر.. لانو مرتبط جوانا ذهنيا ب ازمنه الانقاذ الغابره.. نفس الربط الذهني الحصل لينا من موسيقى الجيش اللي بقت مرتبطه لينا ب (ساحات الفداء)!
عشان الربط دا يتفكا بنحتاج لزمن طويل جدا.. لعمل حقيقي وخطوات جادة تنقلنا من مربع الحسرة ل مربع الوقوف خلف الجيش الوطني.. الناس ما عندها مفتاح ON and OFF جوه قلوبها.. ما ممكن تطلب منهم يدفعوا بحماسهم نحو منظومه عندهم معاها خذلان مرير.. ما ممكن تفرض عليهم يرحبوا بعمل فني يدار من نفس المكان الذي سالت فيه دماء ابنائهم.. ما ممكن يهتف لناس بيتصوروا ويضحكوا كأنهم في (رحله نيليه) في نفس المكان اللي (عفصت) فيهو الابوات وجوههم!
كنا نتمنى من الفنانين الجايين يدعموا الجيش ان يدخلوا القيادة بوقار.. ويصدروا لينا مشاعر احترامهم للمكان المدثر بدماء الصائمين..
مظهر الفنان المجيش دا بالنسبه لينا منفر.. اكسرو الحزن والنفور اللي اتراكم جوه الشعب دا.. واعملوا ليهم نقله حقيقيه في مشاعرهم.. سوقوهم معاكم..
الأوبريت هدفوا استحثاث الدعم المعنوي للشعب تجاه الجيش المدافع عن أرض الوطن.. في الحقيقه وللأسف.. الصور والفديوهات الطلعت للاوبريت بس عملت العكس تماما.. واستثارت مشاعر الغبن والغضب والحزن العميق!
نفس العمل دا كان ممكن يتم بالازياء السودانيه التقليديه بمختلف اشكالها..! يتصور في مكان تاني غير القيادة.. يمرر مشاعر الحماس والدعم والمحبه للوطن وللمدافعين عنه ويخلق التفاف جماهيري حقيقي..
ما تزايدوا على حب الناس لتراب السودان.. ومافي زول يستهجن او يستغرب من نفور الناس من صور الأوبريت ويتهمهم بعدم الوطنيه! الناس دي نفسها مرقت.. وقاتلت.. وماتت في نفس المكان الواقفين فيهو دا من أجل السودان دا زاتو! الدماء التي تسيل هناك في ارض المعركه.. سالت قبلا في ارض القيادة لتسقط نظام البطش البائد داك!
اعملوا الحاجات الكويسه بالطرق الما بتسنهض الأسى جوه نفوس الناس.. ما ممكن تعمل اغنيه عشان تشجع بيها الجيش تقوم تستفز
بيها مشاعر الآخرين! وشستفادت الأمه؟!
لازم نخت في بالنا انو الخطوات الحقيقيه للمحاسبه واخذ الحقوق واستجلاب عداله انتقاليه وتضميد الجراح لسه ما حصلت.. ولا حتى الموسسات اللي مفروض تشتغل عليها ما تم انشائها.. ولا الاوعيه اللي ممكن تستوعبها اكتملت..
ف من الصعب جدا انك تتجاوز دا كلو وتقول للناس دي اغنيه للجيش وتجي تتصور ليهم بالكاكي وتضحك وتمرح وتتصور لينا خاتي يدك في نصك!
كان ما راعيت الانضباط الواجب في الجهاز البيمثل سيادة السودان.. راعي الانضباط الواجب تجاه أهالي الشهداء الماتو في نفس الحته البتتضاحكوا فيها دي!
هل انتو فارزين انكم بتغنوا اغنيه وطنيه في ظروف حرب؟ وهل فارزين الفرق بينها وبين (القيدومه) وحنه العريس؟ بتتضاحكوا مالكم يا ناس والبيضحك في الحرب شنو؟
نحن (الملكيه) الساي ديل عندنا غيره على الكاكي دا اكتر منكم يا جيشنا!
وما رضيناها ليكم!
Post: #17 Title: Re: ياريت السيد الموصلي يعطينا شرح اوفي للصو� Author: أحمد محمد عمر Date: 01-18-2021, 07:36 AM Parent: #16
الدقيقة 4:04
Post: #18 Title: Re: ياريت السيد الموصلي يعطينا شرح اوفي للصو� Author: علاء سيداحمد Date: 01-18-2021, 11:40 AM Parent: #17
منذ انطلاقة ثورتنا العظيمة كنتى ولا تزالين كبيرة بمواقفك الثورية يا نانسى
Post: #19 Title: Re: ياريت السيد الموصلي يعطينا شرح اوفي للصو� Author: علاء سيداحمد Date: 01-18-2021, 11:55 AM Parent: #18
كلام نانسى فى المقطع "
( الفنان ما مفروض يكون هو البدعو للحرب ممكن يدعم بلدو بطرق مختلفة لا أن يدعم الحرب ذاتها فى روحها . الصورة التى كانت متداولة كان فيها نشاز بصرى ليه ؟ لانو الفنان بطبيعة الحال لامن تجيب لى فنان لابس لبس الجيش لانو الجيش قائم على النظام وعلى الاوامر والفنان بطبيعتو متمرد وما ممكن تحطو فى حتة زى دى ما بينفع انو الفنان يغنى للحرب لذلك انا ضد الفكرة وهذا رأيي الشخصى . )
/IMG]
