يا ناس الأقاشى والشــــــر مـــــــــــــــــــــوط

10:03 PM January, 11 2021

سودانيز اون لاين
Abureesh-أمريكا
مكتبتى
رابط مختصر

رأيت دعاية جديدة لشركة سودانية أمريكية .

أرجو النظر الى هذه النقاط الهامة:

(الأطعمة العضوية: اللحوم ولبن البدرة..الخ)
1. مافى معلومات كافية عن الشركة (الإسم .. العنوان.. الخ (About us)
2. مكونات المنتج (نسبة الدهون، الملح، ...الخ)
3. تأريخ إنتهاء الصلاحية

4. مافى validation للمعلومات الشخصية.. يعنى أنا كتبت اسم وعنوان البيت ورقم تلفون.. كله أصفار .. وبرضو النظام قبله ومشيت لصفحة الدفع (؟؟؟)
5. صفحة الدفع هى جزء من الموقع .. يعنى ما يحولك ل gateway وهذه فيها خطورة لبعض الناس الما يعرفوكم.. يعنى انتم الذين تتلقون رقم الكريدت كارد وباقى المعلومات الشخصية..
دى. يعنى الحين انتم تشيلوا معلومات كرت الزبون، ثم تنزلوها يدويا فى موقع البنك او شركات فيزا وماستركاد...الخ. Hazardous
حلوها بسرعـة

الإعلان المقصود أعلى المنبر

بارك الله فيك الأخ أبوالريش على لفت نظرنا للإنتباه
لهذه المعلومات المهمة جدا جدا لنا

شكرا صباح على التعليق
ونسيت أنبه هؤلاء الأخوة (إن لم يكونوا قد إتخذوا هذه الخطوة بالفعل).. أن يلتزموا بشروط وزارة الزراعة فى الولايات المتحدة
States Department of Agriculture ( USDA ) Food Safety Inspection Service (FSIS) regulations
وإستخراج شهادة تفتيش.. USDA inspected
لو ما عملوا الإجراءات دى ستواجههم صعوبات وربما غرامات. نحن السودانيين العفوية كاتلانا.. عاوزين نعمل بزنس فى امريكا بنفس الطريقة فى السودان!! لا يا حبايبنا.
أما موضوع الدفع دا براه.. أرجو تعالجوا هذه النقاط بسرعة وأتمنى لكم التوفيق.

السلام عليكم ورحمة الله وبركاته
الأخ محمد عثمان
غالباً جماعتنا كالعادة
ماشين بالبركة
___
الحليلة

Quote: غالباً جماعتنا كالعادة ماشين بالبركة

عليكم السلام الأخ الحليلة

صدقت ودا الكلام القلتو أنا فوق بعبارة اخرى.. ولو هم ما ذكروا انهم يبيعون فى أمريكا لما اهتميت.. لأنه فى السودان مافى حكومة وكل زول يبيع أى حاجة.. لا صحة لا بتاع.. وزارات بس..وزير ومدير المكتب بتاعه
هنا لو أخواننا ديل ما إتنبهوا وطبعوا القونين الأمريكية وختوها قدامهم مراية، يروحون أوانطة ساكت..

سلام يا باشمهندس في جماعة هنا في أمريكا ما داير اجيب إسمهم وأعمل ليهم دعاية مجانية يقوم أب صلعة يرشنا لكن بتعامل معاهم عندهم أبلكيشن وشغلهم منظم تدفع في أمريكا بيسلموا المواد التموينية للسودان خلال ٢٤ ساعة وهي طريقة ممتازة لإرسال المواد التموينية للأهل وللأسر المتعففة ونستخدم خدمتهم شهريا للمواد التموينية واشتريت منهم ثلاجة قبل كده وخبرتي معاهم إيجابية جداً

دا كلام كويس..
عندهم ممثلين فى بورتسودان واللا الخرطوم بس. فكرة ممتازة.
لو ممكن معلوماتهم فى الخاص,

قمت بارساله لك في الخاص على حسب الابليكشن بتاعهم عندهم الخدمة لبورتسودان وجميع المدن الرئيسية