Post: #1
Title: السكران الذي بكي حتي سقط مغشيا عليه
Author: زهير عثمان حمد
Date: 01-10-2021, 08:00 PM
07:00 PM January, 10 2021 سودانيز اون لاين
زهير عثمان حمد-السودان الخرطوم
مكتبتى
رابط مختصر
لما تشتري نوع تاني من شراب ما شربته قبال كدا بتكون حذر وماعايز تنطلق بعدد مقدر من الكاسات خصوصا لو أنت منتظر ضيف قول نديم دا كمان نديم كلامو كتير جدا زي سماسرة الاراضي في السوق الشبعي
المهم أن في ليلة السبت لا والله الجمعه أظنها ما متأكد لكين نهاية الاسبوع المهم مشيت للجزار التونسي صاحبي قلت يا ود ياله عيد أيام أمجادك في الوطن الجميل أشتريت كيلو كامل لحمة ضأن وكل حاجات الحله يا حليل أمدر ولياليها
الرفاق في الحفر والدباغة القديمة وجنوب الحارات العرقي هناك تاريخي الطعم وأحتفالي النكهة ولمة الاخوان المثقفاتية تسعدك أنشالله ما تكون الظروف الاقتصادية شردتم والمرض الدولي ما يكون قرضم المهم الاخبار مقطوعة ديل ممكن
الواحد منهم ما يشتري تلفون ذكي عشان السلامة الشخصية في الاماكن هنا حكومة مافي قوتك وضراعك وكوم الوهم اللي معك هي أمنك وبعدين السكاري ما بحبو المضاربة الشكل هنا نبذ بس لانو الجميع راقدين سلطه عشان يقيف بقع من طوال
المهم أخذت اللحمة وأنا كنت أشتريت من الاون لين قزازة صينية الصنع عرقي رز لكين ظريف قلت التغيير مهم في ظروفك النفسية ولاانسانية دي
طبعا ساكن أنا في حته قريبه من شارع العرب وبقع في منطقة "بوكيت بنتانغ" Bukit Bintang هي قلب العاصمة الماليزية كوالالمبوروهنا تنتشر في منطقة البوكيت مراكز التدليك (المساج)، وخاصة في منطقة الممشى الصيني. فهنالك،
نجد العناية بتدليك القدمين وبالعلاج بطرق تبدو غريبة ولكنها مستوحاة من التراث الصيني القديم. إلى جانب مساج القدمين، هنالك عروض لتدليك له مآرب أخرى وهنا أيضا تجد الجكس المتضهب باحثا عن ليله رهيب مع عرمان من
أفريقيا او الدول العربية ما عندي موضوع بس عابر طريق ساي وأتصلت بالود المتعب خوزاق عشان يجي يتونس معاي ويشرب ويتعشي وكمان هو طالب ماجستير حالتو كعبه لدرجة أنو ممكن يسوي عرقي الرز في البيت وكمان مدمن
عدس بيقول دايما أن العدس كان ما كان أكل محترم مابيجي في القران لان قال القران ولحم طير مماتشتهون المهم خليط مابين ثفاقتين أسلامية ماعندها أساس وغربية متجذره فيهو والله ظريف بغني حقيبه بصوت قريب من صوت الراحل
بادي وبعدين يعني دا الزول الوحيد المتوفر قريب مني
زبطت الحله وبدايت اكبكب وخازوق أتصل بيهو يقول جاي خلاص وصلت المهم أنا كنت وصلت بدات التواهان الغير مضر بالانسان والطبيعة وقعدت أغني لمحتك وقلت بر آمن بديت أحلم ألملم قدرتي الباقيه وأشد ساعد علي المقداف
تلوح لي مدن عينيك أهضرب وأقول مصطفي سيدأحمد حسي فارق دنيانا يعقدوا يعيشوا ناس خازوق المعفنيين ديل جا داخل قلت أنت متاخر عني بسبعة كاسات طويلة حتشرب الان أتنين one go وبعدها تاني مرة عشان تكون معاي في
المود المهم هو شرفان طوالي ما صدق أني سمحت بالاكب الحاتمي دا وزلكم بدأ يرضع زي الشافع اللي أمو حايمة طوال ورجعت العصر دي من ملة الشراب بالبوز علي مشرع أبي روف في بدايات الكيزان التعيسة كنا نشرب ونصرح
هل رأى الفقر «سكارى» مثلنا!
المهم أنا ياشباب فقدت كل الحواس وبدايت أتذكر مشاكلي العاطفية القديمة والحسي وأنسكارات قلبي هو قلبي دا ما مات زمان يا بر أبو البتول دا من الصالحين عندنا في أمدرمان قعدت أبكي زي ما قال الشاعر علي حمدان
(وينك كرهت العمر بعدك
كرهت درب ما بجيبك
وكرهت دنيا ما تحت
عيونك )
وظللت أنادي منفعل لا تحكمي علي ﺑَــﻤﺎ تري وتسمعي مني ولكن المعايشة هي الاصدق ﻟﻮ تعلمين ﺧﻔﺎﻳﺎ قلبي لخرس للسانك
بس كيف أشرح وأعبر
وبعدها قلبي كتم وبكيت ووقعت في نوم الي فجر الاتنين
*نص بغيض أعلم
|
Post: #2
Title: Re: السكران الذي بكي حتي سقط مغشيا عليه
Author: صديق مهدى على
Date: 01-10-2021, 08:13 PM
Parent: #1
زهير انت دخلت غلط هههههه
|
Post: #3
Title: Re: السكران الذي بكي حتي سقط مغشيا عليه
Author: زهير عثمان حمد
Date: 01-10-2021, 08:16 PM
Parent: #2
ياصديق أخوي دخلت غلط وين أشرح لي
|
Post: #4
Title: Re: السكران الذي بكي حتي سقط مغشيا عليه
Author: عبداللطيف حسن علي
Date: 01-10-2021, 09:25 PM
Parent: #3
| Quote: ياصديق أخوي دخلت غلط وين أشرح لي |
يازهير صديق الراجل الطيب الصديق افتكرك كنت عايز ترسلها
في الواتساب لصديق لك
واصبعك خانك ولصقتها هنا 
ابدا يا صديق ، دي ما اول مرة زهير يكتب عن المتع الصغيرة دي
والليلة كتابته فيها تداعيات جميلة خالس خالس
مابين كوالا لاامبور وغرب الحارات او جنوب الحارات في حضرة مثقفين
ببعدين منهجيته هي كتابة المستحيل الكتابة فيه والمستحيل مجرد التفكير فيه
بس العرقي رغم متعه الصغيرة المؤقتة يتلف الجهاز العصبي في وقت انت
في اشد الحاجة له ، والبحث عن المتع الصغيرة يوجد في القهوة والشاي
والسجائر ، والقراءة والكتابة والمشي وزيارة الناس الجميلين الخ
هي مرحلة في حياة كثير من الناس في كل ارجاء المعمورة والمابسمع كلام مرتو ماراجل
|
Post: #5
Title: Re: السكران الذي بكي حتي سقط مغشيا عليه
Author: دفع الله ود الأصيل
Date: 01-11-2021, 04:28 AM
Parent: #4
● معليش زوزو يا فردة ؛ مولانا ود مهدينا الله يهديه
و يهدينا هو اللي خاشي الصينية شمال و بدون فرامل.
أظن بكون فاكرو دا جامع الرحمن بعد التامنة و مشارف
مدينةالنيل. يلا قوللو: دي القماير حفر في بطن خور الكبجاب ؛
بس تورا بورا بتاعتنا . علا تعال ما قلت لي: جنوب الحارات دي
أوعة بس تكون زقلونا بس؟يا شقي الوداك بهناك شنو . كدي أمش
هسي الليلةعتب بهناك و الله علا يمرقنك كرعينك بي ساق كلب!
براهن سفايف الرُّكب سايحات مع متع "البرجوازية الضغيرة" دي.
ياخي رجعتنا ورا شديد، و متعتنا معاك لامن أسلت لعابنا
ياخي شاحد إلاهي و سيَّدي يمتعك بعفوٍ وعافيةٍ.
|
Post: #6
Title: Re: السكران الذي بكي حتي سقط مغشيا عليه
Author: زهير عثمان حمد
Date: 01-11-2021, 05:41 PM
Parent: #5
أهلابيك أخ عبداللطيف
ولك كل الود
|
Post: #7
Title: Re: السكران الذي بكي حتي سقط مغشيا عليه
Author: زهير عثمان حمد
Date: 01-11-2021, 05:57 PM
Parent: #5
صديقي ود الاصيل تحياتي ومتعك ربي بالعافية
تعرف يا صديق دي محاولة جربان لعمل أدب معاصر للخمور والسكاري وأظنها عرجا
المهم لسه في الكتير بحاول أكتب ذكريات التشرد في المنافي
عسي نصل لما نصبو
مع ودي كن بخير
|
|