***** اها حمدوك جاب كم في الانجليزي ؟؟ *****

12:44 PM January, 07 2021

سودانيز اون لاين
ABUHUSSEIN-السعودية الرياض
مكتبتى
رابط مختصر

😂😂😂😂😂😂😂

الموضوع دا محتاج ليه مؤتمر صحفي في منبر سونا ..... 😂😂😂😂

بعدين دا رئيس وزراء ما اي كلام ...
قدمو دعوات لي محطات عالمية ....
الامريكية جلوها بكونو مشغولين مع هبالات طرمبة .... 😂😂😂

200فى المية يسلم دكتور حمدوك

ابو حسين ازيك يا اخي، ولعلك طيب
حمدوك ما بنعرفه ، لكن اتوقع يكون قفل الانجليزي،
قفل الانقليزي دي ذكرتني نكتة واحد اخونا طلع من الامتحان ولقى زميلتة قدامه، فسألها اشتغلت كيف؟
فقالت بزهج : زي وشي ده .
وكانت جميلة فقال لها : يعني قفلتيه .
اتقدم شوية وسال واحدة تانية، ولم تكن صاحبة جمال فردت عليه :
- زي وشي ده.
فكان رده : ماقلنا أقروا .. هههه
المهم ان نتيجة حمدوك ننتظرها منك، الا في واحد رد على القراي
بنفس طريقة تهكمه على وزير التربية المباد بقوله:

Quote: القراي ...نقد علمي .. قادني الفضول (على قول وزير التربية) ...و الفضول يقود إلى الفضيحة ..كما قاد فضول القراي لفضيحة عبدالمحمود ..المهم قادني الفضول للبحث في مؤهلات السيد القراي البتخليه دائماً يتفاخر قدام العالمين بأنه ماشايف في السودان أحسن منه عشان يمسك المركز القومي للمناهج و كانت المفاجأة كالأتي !!! - لقيت في الباحث العلمي Google Scholar (للناس الماعارفين هو الموقع البكون موجود فيهو بروفايل لكل باحث و أبحاثه النشرها و عدد المرات الرجعوا فيها الناس لأبحاث الباحث عشان يستفيدوا منها ). لقيت البروفايل بتاع القراي . - طبعا محتاج إيميل رسمي تبع جهة أكاديمية عشان تعمل بروفايل.. القراي مسجل فيهو بإيميله في جامعة ظفار العمانية ودا الإيميل [email protected] - القراي في البروفايل ما عنده إلا ورقة علمية وااااحدة فقط عن التعليم كاتب إنه قدمها في مؤتمر، لكن الورقة ما لقيتها في المؤتمر و إنما لقيتها في البرفايل بتاعه في ResearchGate وهنا كانت الطامة لمن عملت تحقق من نسبة السرقة في الورقة ودا إجراء عادي بتعمل للبحوث عشان يتأكده من إنها ما مسروقة و بنسميه Palagrizm Checkالمفاجأة إنه نسبة السرقة كانت 100%...!! البحث كله مسروق و مقدمه القراي على إنه بحث حقه. - مرفق صور من السرقة(اللون الاحمر دي كلها عبارات مسروقة من بحوث و مكتوب بالجنبة اليمين نسبة السرقة 100%) - البحث نفسه ركيك للغاية، المراجع ما صحيحة، ياخ من الله خلقني ما شفت بحث بختوا في المراجع بتاعته بوست من الفيس بوك!!. القراي صفحة فيس بوك خاتيها في المراجع!! - لمن تكون بتسرق أبحاث و لمن تكتبها ما بتعرف تعمل حتى المرجع بصورة صحيحة إنت مامفروض تتكلم عن التعليم نهائيا. - عشان كدا ما مستغرب من كمية النسخ و اللصق الحصل في المناهج من ويكيبيديا... دي طريقته و دا مبلغه من العلم - مرفق تحت ملف في قوقل درايف للورقة و تقرير السرقة عشان ما يمش يمسح الفضايح دي رفعتها عندي في ومتاحة لكل زول . - كل العناوين الخاتيها القراي في البرفايل بتاعه على إنها أبحاث إشتغلها ..كلها غير موجودة في الإنترنت. - كل الأبحاث بتاعته حتى المدعي إنه نشرها في مؤتمرات ماكانت عن التعليم لا من قريب و لا من بعيد. - عدد Citations (المرات الرجعوا فيها الناس لأبحاث القراي) 4 مرات فقط للورقة الواحدة .. و عشان تعرف الفرق مثلا بروف الفحل عدد الCitations بتاعته أكثر من 11 ألف !ودا بوريك الفرق بين العلماء الحقيقين و المدعيين الكذابين . - القراي عنده Doctor of Education و دي رجة مهنية و ليست أكاديمية . يعني ما عندي PhD in Education والفرق بينهم كبير و جوهري. - الدرجة دي أخدها من مشرفه Steve Howard ودا زول كل أبحاثه في الفكر الجمهوري و محمود محمد طه ...ممكن تقول عليهو جمهوري أمريكي. - القراي داااائما بتكلم عن الأخلاق ... من الأخلاق و أعظمها هو الصدق و عدم الكذب و الرسول الكريم قال لايكذب المؤمن... القراي كذاب و سراق من ناحية البحث العلمي و الأدلة قدامكم. - الخلاصة القراي ما مؤهل يدرس في روضة ناهيك يتولى إدارة وقيادة المركز القومي للمناهج. ................ المرفقات بروفايل القراي في قوقل https://scholar.google.com/citations؟hl=enanduser=Sso9UQEAAAAJandview_op=list_works الورقة بتاعته و تقرير السرقه من البحوث و النسبة بتاعة السرقة https://drive.google.com/drive/folders/1xOLu1Cb51d7QH4rNNy1Si7tptfSN75nv؟usp=sharing بروفايل المشرف بتاعه إستيف هاورد.. لاحظ لأبحاثه كلها عن الفكر الجمهوري https://www.ohio.edu/scripps-college/mdia/faculty-staff/howard[/QUOTE]

---

Post: #6 Title: Re: ***** اها حمدوك جاب كم في الانجليزي ؟؟ ***** Author: ABUHUSSEIN Date: 01-07-2021, 02:30 PM Parent: #5 اهلا و سهلا اخونا عمر دي مصيبة شنو الجبتها دي ؟؟؟؟ اها ناسو البلعلو ديل يودو وشهم وين ... ؟؟؟ الموضوع دا عايز ليه بحث و تمحيص ....

---

Post: #7 Title: Re: ***** اها حمدوك جاب كم في الانجليزي ؟؟ ***** Author: ABUHUSSEIN Date: 01-07-2021, 11:36 PM Parent: #6 Quote: 200فى المية يسلم دكتور حمدوك القراي بعملها 20% 😂😂😂😂