الاخ عمر التاج سألتك عن بوست " نهاية الدعم السريع" دا في بوستك "الفترة الانتقامية" و دا ردك
Quote: حبابك ناصر اخوي ، وانت كقحاتي واعي ومتحضر اسمح لي استغل زيارتك الكريمة دي لكي اجد افادة عن الوضع الراهن.. واجد إجابة للسؤال.. لماذا تفعل حكومتكم ماتفعله الان بالمواطن ؟ لماذا تطبع الجنيه من غير تغطية فتزيد التضخم والم المواطن؟ لماذا تزيد الرسوم فتزيد الغلاء وتسحق الضعفاء؟ لماذا الأسعار في عهدها تزيد كل يوم وتكوي بها العامل المسكين اين الرفاهية يا اخي والمجانية التي كان يحلم بها الشعب عندما ثار ضد الكيزان وازاحهم؟ .. اما عن البوست فقد قلنا فيه ما اردنا قوله ، ثم حدث ما حدث.. رغم انه موجود
ما موجود و انت حذفت المداخلة الاولى و العنوان عشان تخفي البوست
يا عمر التاج دا جبن منك ....عايز تتنمر و تتراجل على السلطة الانتقالية التنفيذية
و خايف من الجيش و الدعامة والكلام دا في الصفحة الثالثة من المنبر
طبعا زول ما عندو خلفية بتاعة IT مابقدر يخش فيهو و لا يفتحو
شكلك حقارتك في السلطة المدنية و بس. انا عايز تبرير و القراء لعملتك دي...بس
... .. .
Post: #2 Title: Re: عمر التاج عايزك شوية هنا...و لو سمحت Author: Nasser Amin Date: 01-05-2021, 11:57 PM Parent: #1
Post: #3 Title: Re: عمر التاج عايزك شوية هنا...و لو سمحت Author: النذير حجازي Date: 01-06-2021, 00:01 AM Parent: #2
😁😁🙈😁🙈😁 يا أبو نصرة، عوقت الراجل دا 😁🙈😁
Post: #4 Title: Re: عمر التاج عايزك شوية هنا...و لو سمحت Author: Nasser Amin Date: 01-06-2021, 01:30 AM Parent: #3
ابو النيز البوست بتاعو هسي فوق و سيظل
وأي كوز ندوسو دوس
رحمة ما في
Post: #5 Title: Re: عمر التاج عايزك شوية هنا...و لو سمحت Author: أحمد محمد عمر Date: 01-06-2021, 03:46 AM Parent: #4
بالنسبة للمداخلة الأولى القلت حذفها .. قصدك دي؟
Quote: اذا لم تمح هذه المؤسسة من الوجود فلن يكتب للسودان استقرارا ولا للمواطن أمانا ... ابدا وقبل المحو، لابد من سحب الاعتراف بهذه القوة كقوة عسكرية نظامية موازية للجيش تمارس مهامها الدستورية وفقا لقانونها الخاص من الوثيقة الدستورية .
والطريقة المثلى لذلك هو تسريحها الفوري تحت ضغط المد الثوري أو دمجها بكامل هياكلها - في إطار عملية السلام الشامل- في القوات المسلحة، ومن ثم تخضع لقانون القوات المسلحة فحسب .. غير كدة فإن وجود هذه المؤسسة وتضخمها المستمر من غير رقابة ولا ضوابط هو ما سيعجل بنهاية السودان ..
Post: #6 Title: Re: عمر التاج عايزك شوية هنا...و لو سمحت Author: محمد البشرى الخضر Date: 01-06-2021, 04:37 AM Parent: #5
شنو هو الحدث ما حدث يا ود التاج؟ اذا جاتك رسايل تهديد قول بنتضامن معاك ما تخاف
Post: #7 Title: Re: عمر التاج عايزك شوية هنا...و لو سمحت Author: أحمد محمد عمر Date: 01-06-2021, 05:29 AM Parent: #6
أوعك تسمع كلام الفوق دة :) علي الحلال الناس دي حدها معاك هاشتاق يومين وبس القراي يعمل مؤتمر ينسوا حنانك تاني ما يتذكروك إلا في المشرحة :)
Post: #8 Title: Re: عمر التاج عايزك شوية هنا...و لو سمحت Author: muntasir Date: 01-06-2021, 05:34 AM Parent: #7
قلوبنا معكم كلنا ذلك الكوز
Post: #9 Title: Re: عمر التاج عايزك شوية هنا...و لو سمحت Author: محمد البشرى الخضر Date: 01-06-2021, 07:19 AM Parent: #7
يومين زاتها كتيرة! لكن الفكرة ما في المدة الفكرة في التضامن نفسه! انت بس اطلع منها خلي بيننا و بين المناضل ود التاج
آخر مناضل عمل الحركة دي في سودانيز كان ابراهيم بقال من محل نت في برج البركة و اتضامننا معاه
Post: #10 Title: Re: عمر التاج عايزك شوية هنا...و لو سمحت Author: خضر الطيب Date: 01-06-2021, 07:35 AM Parent: #9
هو مالو؟ :)
Post: #11 Title: Re: عمر التاج عايزك شوية هنا...و لو سمحت Author: عمر التاج Date: 01-06-2021, 08:12 AM Parent: #10
Quote: شكلك حقارتك في السلطة المدنية و بس. انا عايز تبرير و القراء لعملتك دي...بس
حبابك ناصر امين وضيوفه مافي جبن ولا تهديد ولا اغراء ولا حاجة الجيش والدعم السريع وجهاز الامن والشرطة قلت فيهم في هذا البورد مالم يقله احد غيري ورسالاتي كلها واضحة بخصوص رفض تدخل العسكر في السلطة والحكم الشمولي .. والبوست المقصود باختصار قلت فيه ما أحببت قوله وشعرت انه أدى رسالته وكان في نيتي قضاء اجازة تصف فترة بعيدا عن الموقع لذا ما احببت ان تتواصل التعليقات في بوستي وانا غائب ولا ارد عليها.. هذا كل ما في الأمر شاكرا لك المتابعة
Post: #12 Title: Re: عمر التاج عايزك شوية هنا...و لو سمحت Author: محمد البشرى الخضر Date: 01-06-2021, 08:18 AM Parent: #11
Quote: لذا ما احببت ان تتواصل التعليقات في بوستي وانا غائب ولا ارد عليها..
أححححححححح.. الحمدلله كنت خايف لايكون نقيب ولا ملازم خلا كدا هدد المناضل العظيم أو هرشه الحمد لله طلعت اجازة صيف وكدا طيب يا ود التاج بعد أن تقوم بقص قنابير القراء ما تنسى تحذف زي خرتمية و خممين بوست العملتها في نقد حمدوك وهبة و القراي و الحكومة الانتقالية برمتها بل و الثورة في رقبتها عشان لا تستمر التعليقات في غيابك!
خخخخخخخخخخ
Post: #13 Title: Re: عمر التاج عايزك شوية هنا...و لو سمحت Author: أحمد محمد عمر Date: 01-06-2021, 08:47 AM Parent: #12
أنا شايف تفتح بوست عن مشرحة امدرمان وهل شالوا الطبيب داك بس ولا غيروا الإدارة كلها؟ لأنه ما أظن ناس الدعم السريع يكون عندهم دكتور واحد بس! انت افتحه وأجز ونحن بنرعاه ليك بالتضامن في غيابك لحدي ما تنضف المشرحة بالكامل موضوع المشرحة دة مهم شديد لأنه لو لسة ماسكينها معناها بكتلو أي معارض ليهم ويقولوا اتسمم بي فتة فول
ما تتنسى المشرحة وكلمة السر كتكوت
Post: #14 Title: Re: عمر التاج عايزك شوية هنا...و لو سمحت Author: Maawya Hussein Date: 01-06-2021, 09:25 AM Parent: #13
حجتك ضعيفه يا عمر التاج ،، مافي زول بجبرك ترد او تناقش او حتي تفتح الموقع لو انت ما عندك زمن او رغبه ،،
Post: #25 Title: Re: عمر التاج عايزك شوية هنا...و لو سمحت Author: عمر التاج Date: 01-06-2021, 01:58 PM Parent: #14
Quote: آخر مناضل عمل الحركة دي في سودانيز كان ابراهيم بقال من محل نت في برج البركة و اتضامننا معاه
اريتكم ما اتضامنتو معاه خليتوهو معولق، لاهو لامي في الكيزان ولا راكب سرج الثورة ولا ماكل في قدح حميدتي.
Quote: حجتك ضعيفه يا عمر التاج ،، مافي زول بجبرك ترد او تناقش او حتي تفتح الموقع لو انت ما عندك زمن او رغبه
حاليا ما عندي أقوى منها يا معاوية .. بس عندي طبعة ما بقدر اغادر وعندي بوست في الصفحة الأولى .. بنتظر لحدي ما يغطس، وكان ما غطس بغطس حجره ثم امضي في حال قيلولتي
Post: #15 Title: Re: عمر التاج عايزك شوية هنا...و لو سمحت Author: عمر التاج Date: 01-06-2021, 09:26 AM Parent: #13
رسائل التهديد اصلا انا ما شغال بيها ، اذا جات ولا ما جات والمواجهة انا سيدها يا ود البشرى ، ممكن اغير رأي بالمنطق او اتنازل بالحسنى لكن التهديد بزيدني اصرار للمضي في طريقي.. قبل يومين كان تعاملي ودي جدا مع المدعو خضر .. نتناقش ونضحك ونسخر من بعض زي (الاخوان) الا مما تغير اسلوبه وقال يغير نهجه بمثل حانرحلك وحانفعلك صرفت له بركاوي .. وقبلها بيومين راجعت قناتي على اليوتيوب الخاصة بسودانيز وهي بالمناسبة مجرد مخزن لي للفيديوهات التي أحب استخدمها في الموقع ولا لشئ اخر .. المهم وجدت فيها مجموعة من التهديدات بانو بلغنا عنك وحا نرحلك ووو.. قلت في نفسي ده السيد خضر عايز يواصل لي جاي .. مسحت كل التعليقات وردمت القناة بعدة فيديوهات .. ساي لله.. ورسلت ووضعت رسالة مفادها لو تعلمون ان الكيزان هددني بالقتل عديل قبل كدة ..وما اشتغلت بيهم ما كنتم هددتموني بما هو أخف.. عشان كدة ، والرسالة لكل من يظن أنه يمكن ان يهددني .. اشتغل شغلك وما تضيع زمنك في تهديد .. ولو حد عايزني اجي بمفردي في اي مكان خالي ، فلينصب مشنقته وسأدخلها بأرجلي الحافية. قصة انه انا بهاجم الحكومة المدنية اكثر .. ده ما سببه انا .. ده سببه الحكومة الفاشلة نفسها .. الحكومة التي تعد المواطن بخير ثم تخلف وعدها .. حكومة كل يوم تشعر المواطن بأنه عدوها ، فتشدد عليه وتضغط عليه وتفرض عليه الرسوم وتزيد الجبايات حكومة لاخير فيها ابدا.. التبرير الفطير بتاع انه السبب الكيزان والدولة العميقة ما عاد يضحك السذج كالاول .. السلطة بيدك والكيزان في يدك فماذا فعلت بهم والشعب غير ان زدته معاناة وبلة وورم . اما فزاعة الجيش والدعم السريع فهي قشة لا يتعلق بها الا المحبطون ، صحيح هم معوقين ولكن ارادة الدولة يفترض تكون أقوى.. ولكن لأن القيادات السياسية مسيرة من برة ، فهي لا ترى ضررا من تمكين العسكر ومشاركتهم السلطة هذه القيادات هي من وقعت اتفاقية الشراكة مع الجيش لا الشعب، وهي من مكنت للدعم السريع ليصبح القوة رقم واحد بعد ام كان مجرد جندي في هيئة عمليات جهاز الامن . وهي من فوضتها الثورة لتعيد للبلد هيبته والشعب كرامته وللمواطن خيراته فشقت عليه بالجبايات والرسوم والغلاء .. ورسولنا الكريم يقول فيما معناه (اللهم من ولي من امر المسلمين فشق عليها ، اللهم فاشقق عليه) .. وما تمر به الحكومة المدنية من ازمات واذلال لهو ثمرة لهذا الدعاء الكريم.. نختم بحديث الببغاوات الذين يرددون بان ٣٠ سنة من الخراب لا يمكن إصلاحها في سنة.. وهو القال ليكم اصلحوا خراب الله سنة منو؟ والفوضكم منو؟ الحكومة الانتقالية كان عشمنا توقف فقط الفساد، وتحافظ على المستوى الذي خلفته الانقاذ .. لا ان تنحدر منه وتصل بنا القاع الذي لم يصله الكيزان .. واقسم بالله لو استمرت الحكومة المدنية بهذا المستوى ٦٠ عاما في الحكم لما وصلت للنقطة التي بدأت منها مما تركته حكومة الكيزان .. وفي بالنا حكومة انتقالية سوية جادة، استطاعت ان تفرض هيبة الدولة ، وتعيد للاقتصاد انتعاشه وللاسعار توازنها وفي اقل من سنة اصلحت خراب ١٦ عام، ثم اسلمت السلطة للشعب طائعة مختارة .. العملية ما صعبة اذا حسنت النوايا .. ولكن الخلفيات والاجندة الاجنبية لا تسمح بذلك.. وشكرا مجددا اخ ناصر والمتداخلين.
Post: #16 Title: Re: عمر التاج عايزك شوية هنا...و لو سمحت Author: أحمد محمد عمر Date: 01-06-2021, 09:31 AM Parent: #15
قريت المعلقة الفوق دي وبرضو ما فهمت إنت عاوز تأجز اشمعنى قفلت بوست الجنجويد وخليت باقي البوستات
Post: #17 Title: Re: عمر التاج عايزك شوية هنا...و لو سمحت Author: Nasser Amin Date: 01-06-2021, 09:31 AM Parent: #13
Quote: بالنسبة للمداخلة الأولى القلت حذفها .. قصدك دي؟
ههههههه بدَل المداخلة الاولى بدعاء...المفروض تكون: "مضارفة المؤمن على نفسه حسنة"
سؤال للدكتور: ماهو الفرق بين الكابشر و التاتشر؟
Post: #18 Title: Re: عمر التاج عايزك شوية هنا...و لو سمحت Author: عمر التاج Date: 01-06-2021, 09:42 AM Parent: #17
Quote: قريت المعلقة الفوق دي وبرضو ما فهمت إنت عاوز تأجز اشمعنى قفلت بوست الجنجويد وخليت باقي البوستات
هم كانوا بوستين في الصفحة الأولى، حذفت المداخلة الأولى من كليهما من أجل ايقاف التداخل وحتى اضمن -في غيابي- ألا احد يطلب مني ردا او تبريرا .. . . بخصوص المشرحة البوست التاني -الذي اوقفته -كان عن المشرحة ، وهو الأخطر و المقصود بالطبل لا بوست الدعم البطئ .. اما موضوع التضامن والتعاطف، فالأولى ان يتعاطف المنبر مع من سبق ترحيلهم عنوة ايام الانقاذ .. تم سجنهم هنا وهناك لاكثر من عام ونصف، ثم خرجوا من الثورة بقد القفة .. عرفتهم يا بتاع الحفر .. احفر في بوستاتي كدة لامن تقرص
Post: #19 Title: Re: عمر التاج عايزك شوية هنا...و لو سمحت Author: علاء سيداحمد Date: 01-06-2021, 09:45 AM Parent: #17
بالله السوق دا فاتنا دا بوست 2020 بدون منازع ليه عايز تكتل البوست دا يا ود التاج - دا بوست فى السلك
Post: #20 Title: Re: عمر التاج عايزك شوية هنا...و لو سمحت Author: محمد البشرى الخضر Date: 01-06-2021, 09:58 AM Parent: #19
مشغول والله لذا حاليا اكتفي بي دي لغاية بعدين
لكن الله يحلك من احدهم دا لايوق وشغال من البيت و السريفرات كلها أب and رااننيغ
Post: #21 Title: Re: عمر التاج عايزك شوية هنا...و لو سمحت Author: أحمد محمد عمر Date: 01-06-2021, 10:01 AM Parent: #19
Quote: اما موضوع التضامن والتعاطف، فالأولى ان يتعاطف المنبر مع من سبق ترحيلهم عنوة ايام الانقاذ .. تم سجنهم هنا وهناك لاكثر من عام ونصف، ثم خرجوا من الثورة بقد القفة .. عرفتهم يا بتاع الحفر
ما عرفتهم لكن شكلك خايف من الترحيل شديد
Quote: احفر في بوستاتي كدة لامن تقرص
الدكتور فقد المنطق
Post: #22 Title: Re: عمر التاج عايزك شوية هنا...و لو سمحت Author: muntasir Date: 01-06-2021, 10:19 AM Parent: #21
غايتو أنا شخصياً إقتنعت بتبرير الإجازة لكن للحاقدين وأسراب الجراد الرماد وتحيا السنبلة
Post: #23 Title: Re: عمر التاج عايزك شوية هنا...و لو سمحت Author: أحمد محمد عمر Date: 01-06-2021, 11:27 AM Parent: #22
Quote: لكن الله يحلك من احدهم دا لايوق وشغال من البيت و السريفرات كلها أب and رااننيغ
وحتى جوة البيت في إجازة لحدي 17 يناير .. شفت العوجة
عاطف الوليد خش بي رجلك اليمين ما عجبتك رانننننيغ دي؟
Post: #24 Title: Re: عمر التاج عايزك شوية هنا...و لو سمحت Author: محمد أبوالعزائم أبوالريش Date: 01-06-2021, 11:37 AM Parent: #23
Quote: آخر مناضل عمل الحركة دي في سودانيز كان ابراهيم بقال من محل نت في برج البركة و اتضامننا معاه
يقع فيكم العدو ..... أصلو ما بتنسوا!
Post: #26 Title: Re: عمر التاج عايزك شوية هنا...و لو سمحت Author: محمد أبوجودة Date: 01-06-2021, 02:15 PM Parent: #24
سلام يا ناصر وضيوف البوست، وقريبي المحتفى به، عمر التاج .. وواضح أن أخانا عمر التاج، انزرّ زرّة ............x طاحونة وأعتقد أنّ الزرّة في صالِحه .. فربّ زرّة في سودانيز أبهى وأسلَم من زرّةx مشــرحة
وإن كان من نُصح، فــ يا عمر أخوي، فَـتــّــِــح عينك! أو أدِر زاوية شوفك الملتاثة ببعض " كوزنية مقيتة" .. تركها الناس، وبالذات ناس البورد دا. أو الحَق بأخينا "ود الباوقة"
Post: #28 Title: Re: عمر التاج عايزك شوية هنا...و لو سمحت Author: عبدالعظيم عثمان Date: 01-06-2021, 02:42 PM Parent: #26
يا ناصر كدي فهمني صفحتي دي جات هنا كيف ؟
Post: #27 Title: Re: عمر التاج عايزك شوية هنا...و لو سمحت Author: عمر التاج Date: 01-06-2021, 02:21 PM Parent: #24
Quote: غايتو أنا شخصياً إقتنعت بتبرير الإجازة
طيب ايه رايك هي ما كانت اجازة ! هههه بالنسبة للجنجويد يا احدهم قضيتهم الان اكبر مني ومن حكومتك وبوستاتنا دي عاملة زي واحد أدروب قال ماشي يجاهد ، وفي أول معركة ما شاف غير الدبابات والراجمات و الصواريخ والدانات تتفجر من حوله ضرب طلقتين قدامه في اللاشئ، ثم طبق كلاشه وقال للقائد "وحات سيدي الحسن المشكلة دي ما تنحل بالطريقة دي" ان شاء الله دي اقنعتك يا معاوية ..
Post: #29 Title: Re: عمر التاج عايزك شوية هنا...و لو سمحت Author: سيف النصر محي الدين Date: 01-06-2021, 03:33 PM Parent: #27
الصفحة لايف يا عبد العظيم..اي زول بشوف اسمه فيها.
Post: #30 Title: Re: عمر التاج عايزك شوية هنا...و لو سمحت Author: عمر التاج Date: 01-06-2021, 05:12 PM Parent: #29
سلامات اخانا ابو جودة ..
Quote: فربّ زرّة في سودانيز أبهى وأسلَم من زرّةx مشــرحة
وإن كان من نُصح، فــ يا عمر أخوي، فَـتــّــِــح عينك! أو أدِر زاوية شوفك الملتاثة ببعض " كوزنية مقيتة" ..
والى حين عودة اخونا ناصر، او مباصرة تبرير اكثر اقناعا اسمح لي بالرد على هذه النقطة .. اصلا مافي حاجة اسمها كوز في المرحلة دي .. في منظمين تبع تنظيم الاخوان المسلمون او المؤتمر الوطني او الشعبي وديل كلهم انا ما فيهم .. والمرء لا يولد كوزا او يحمل فكرة الكيزان ولكن الحكومة هي من تكوزنه او تشوعنه او تكفر ميتينو ذاتو .. يعني خد عندك ، انا وقفت مع التغيير قلبا وقالبا ، (ثم ندمت عليه: لا) ولكن هدفي من التغيير كان محددا في ثلاث نقاط : - اولا وقف الفساد في كل مرافق الدولة (سياسي ، مالي، سلطوي ..الخ) - تحسين وضع المواطن المعيشي ووضعه في عتبات الرفاهية التي تعيشها اغلب شعوب العالم - الديمقراطية والحكم المدني.. الان يا ابو جودة الفساد منتشر كالجراد ، ومافي خدمة بتتقدم للمواطن العادي بدون مايدفع.. والشمولية في اوج عظمتها، الوضع المعيشي والاقتصادي للمواطن العادي زي الزفت ، والمواطن ما فضل ليه الا ينتحر .. الديمقراطية بقت ابعد من الساعة ، حصل شفت مسؤول اتكلم عن الانتخابات منذ قيام حكومة الثورة؟ الحكم العسكري أصبح اشد وطأة ، والعسكري أصبح اكثر تميزا ونفوذا ، يضربك بالدبشك في الشارع ولا واحد يقدر يسأله.. يلا نرجع للحديث .. (نضمي الفوق) المواطن العادي لا يولد كوزا او كارها للحكومة ولكن الحكومة هي التي ترغبه في العيش في وطنه او تكرهه اليوم الجات فيه حكومة للبلد.
Post: #31 Title: Re: عمر التاج عايزك شوية هنا...و لو سمحت Author: Nasser Amin Date: 01-07-2021, 08:29 AM Parent: #30
Quote: وأعتقد أنّ الزرّة في صالِحه .. فربّ زرّة في سودانيز أبهى وأسلَم من زرّةx مشــرحة
Quote: الحكم العسكري أصبح اشد وطأة ، والعسكري أصبح اكثر تميزا ونفوذا ، يضربك بالدبشك في الشارع ولا واحد يقدر يسأله.. يلا نرجع للحديث .. (نضمي الفوق)
اخونا ود التاج....عشان كدا الناس كلها تتحد من اجل المدنية و الديمقراطية
حتى المخالفين و الكيزان ينتقدوا بس يدعموا المدنية ضد الشمولية
هسي اي زول يقدر ينتقد حمدوك و ناس ق ح ت وفي التلفزيون مافي
زول بتجيهو عوجة...اما التانين تركب التاتشر و المشرحة.
الفهم انو الناس المخالفة ما تحاول تضعف المدنية لانو دا بقوى العساكر
وفي النهاية ح يكونوا هم اول ضحايا العسكر.
Post: #32 Title: Re: عمر التاج عايزك شوية هنا...و لو سمحت Author: محمد محمد قاضي Date: 01-07-2021, 12:05 PM Parent: #1
Quote: هسي اي زول يقدر ينتقد حمدوك و ناس ق ح ت وفي التلفزيون مافي
زول بتجيهو عوجة...اما التانين تركب التاتشر و المشرحة.
وطيب لو ركبوه التاتشر كيف يرد ليكم في بوستاتو وهو في المشرحة؟ هههههه سلام يا ناصر وضيوفك الكرام ------------------------- قارئ لم يتم قص قنبوره بعد (متابع ومعجب) بود التاج الزاحف
Post: #33 Title: Re: عمر التاج عايزك شوية هنا...و لو سمحت Author: Nasser Amin Date: 01-09-2021, 12:06 PM Parent: #32
Quote: قارئ لم يتم قص قنبوره بعد (متابع ومعجب) بود التاج الزاحف
ههههههه ...و عليكم السلام محمد قاضي
قالوا : سهر الجداد و لاّ نومو😀
Post: #34 Title: Re: عمر التاج عايزك شوية هنا...و لو سمحت Author: عمر التاج Date: 05-19-2021, 10:18 AM Parent: #33
شكرا ناصر، ونفتقدك
Post: #35 Title: Re: عمر التاج عايزك شوية هنا...و لو سمحت Author: Hasheem Karouri Date: 05-19-2021, 11:47 AM Parent: #34
السلام عليكم
هو المشكله شنو ؟ اكتر من كذا بوست في الصفحه الاولي ، كلها باسم عمر التاج. بغض النظر عن السجالات القائمة ، فانا اتفق معه في الكثير مما يقول ، فهي حقائق واقعه فعلا .
Post: #36 Title: Re: عمر التاج عايزك شوية هنا...و لو سمحت Author: طلحة عبدالله Date: 05-19-2021, 12:18 PM Parent: #35
.......... علي الطلاغ عمروف دا لو سمع كلامي اللول الزمان داك كان يكون اسحن زول في المنبر دا.
Post: #37 Title: Re: عمر التاج عايزك شوية هنا...و لو سمحت Author: Haytham Ghaly Date: 05-20-2021, 07:13 AM Parent: #36
الوست دا نكتوهو من وين .. لواييق خلاس
اتاري الزول بدا يودع هههههههههههه
Quote: واحد أدروب قال ماشي يجاهد ، وفي أول معركة ما شاف غير الدبابات والراجمات و الصواريخ والدانات تتفجر من حوله ضرب طلقتين قدامه في اللاشئ، ثم طبق كلاشه وقال للقائد "وحات سيدي الحسن المشكلة دي ما تنحل بالطريقة دي"
