بالنسبة لتهريب الذهب....نعمل شنو؟؟؟؟؟؟

08:43 PM January, 04 2021

سودانيز اون لاين
Nasr-Los Angeles
مكتبتى
رابط مختصر

الضجة التي نشبت الأسبوع الماضي عن قبض عملية تهريب ذهب
(مع إنه يبدو عليها وكأنها فرقعة إعلامية)
نبهتي لحقيقة خطيرة
وهي :
إذا الذهب بيتهرب بالطريقة دي فإيقاف تهريبه أسهل ما يكون
يجب أن نعلم ان الشائع أن أكثر من 150 طن تهرب من خلال مطار الخرطوم
وهي خسارة بآلاف الملايين للسودان
ممكن براحة توقف صفوف الرغيف والعاز والجاز

ببساطة شديدة
بعد أن تتوجه الطيارة المغادرة للخليج الصالة في طريقها للرنوي
تصلها فرقة مكافحة التهريب وتطلب منها التوقف للبفتيش
تطلع الفرقة وبمساعدة كاشف الدهب
تمر علي كل الطائرة
في 10 دقائق تكون مسحت كل الصالة الداخلية للطيارة
لو في ذهب الجهاز بيكورك

يا مسؤولين
كلمناكم وأديناكم النصيحة
فإذا إنتو جادين في مكافحة تهريب الذهب ورونا

أعمل زيهم ما فيش حد احسن من حد ههههها

اذا البردعي هو السلطان سليمان ( الغانوني) ذاتو منو البيقدر يقول أم الملك عزبا

البرادعي حميدتي هو المسؤول الاول عن تهريب الذهب من السودان وبحماية مالية خبيثة من الإمارات
يبقى نحن شايفين الفيل ، نطعن في ضله ؟ الحرامي قاعد معانا وكمان لبسوهو دبابير، وبالغانون

شكرا ترهاقا علي التبيه

Quote: البرادعي حميدتي هو المسؤول الاول عن تهريب الذهب من السودان وبحماية مالية خبيثة من الإمارات

أترايه المسائل في السودان أعقد مما نظن
حاميها حراميا
وغابة كلابها ديابها
زي ما قال أحمد نجم

يا لسداجتنا
يعني الزول القبض 7 كيلو دهب ما أظن نشوفه قريب

طيب نعمل شنو للناس البهربوا الدهب
وكثير منهم معروف معروف !!!!!!

القبض علي مهربين آخرين
أدانا شوية أمل
ذي قروش كثيرة والحلول دي ساهلة
نسمع رأيكم

حميدتى واسرته يمتلكون شركة طيران خاصة لتهريب اسمها (الجنيد)
https://sudaneseonline.com/msg/board/510/msg/1607540058/rn/2.html

السلام عليكم Nasr، والضيوف الكرام ..


ياخ والله نحنا مصيبتنا مصيبة
نلقاها من وين ولا وين ؟
من الكيزان الاوغاد ، الذين دمروا البلد ، ومازالو .
ولا من حميدتي واخوانه
ولا من الزواحف المتاسلمين
ولا من لجنه البشير الامنية القاعدة لينا شوكة حوت
ولا الحكومة المدنية الضعيفة التي لاحول ولا قوة لها
----
رغم هذه الماسي ، الا انه هناك بصيص أمل ، وكلنا في انتظار هذا الامل ، لكن حال البلد لايسر عدو او صديق .


تحياتي رغم الالام والاوجاع ،،،

تهريب الذهب هو تهريب القيمة من الاقتصاد السوداني

وهو مشكلة كبيرة ومستفحلة ودوافعها مختلفة ابتداء من الدافع الشخصي للثراء وانتهاء بدافع تفشيل الحكومــة المدنيــة

احمد الشايقي

نعم يا هاشم

Quote: رغم هذه الماسي ، الا انه هناك بصيص أمل ، وكلنا في انتظار هذا الامل ، لكن حال البلد لايسر عدو او صديق .

هناك أمل ولازم نحول الامل لواقع بإبتداع الحلول
عشان ما يجونا بيروقراطية جهاز الدولة من عينة مدير الجمارك
يقولوا ليك بتتهرب حوالي 50 من كثير من السلع المهمة
وما في علاج للتهريب

فعلا كبيرة يا أحمد

Quote: وهو مشكلة كبيرة ومستفحلة ودوافعها مختلفة ابتداء من الدافع الشخصي للثراء وانتهاء بدافع تفشيل الحكومــة المدنيــة

طيب ناس حكومتنا ما شايفنها ليه ؟؟؟
عمي بصيرة
ناس بهربوا دهب بمليارات ممكن تحل ليك مشاكل كتيرة متلتلة
ما قادرين توقفوا تهريب بيمر معظمه من مطار واحد ؟؟؟؟
ولرحلة أو رحلتين في اليوم ماشات دبي؟؟؟؟
وعارفين أن التهريب دا مقصود بيه إفشالكم يا حكوممة يا مدنية؟؟؟؟
والحل في كاشف دهب يمر في الطيارة قبل ما تقلع ؟؟؟؟؟
معقولة بس؟؟؟