Post: #1
Title: ناس zain.sd بتختو الدمغة وين
Author: عبدالحفيظ ابوسن
Date: 01-04-2021, 03:22 AM
02:22 AM January, 03 2021 سودانيز اون لاين
عبدالحفيظ ابوسن-no where
مكتبتى
رابط مختصر
قاطعت زين مقاطعة جزئية
وقفت النت منهم
وقفت الاتصالات
اسعارهم تفوق ميزانيتي
شبكتهم رديئة ممكن تقطع يوم يومين ساي كدة
لكن خليت الشريحة استقبال
امس دخلت رصيد عشرة ج جاتني رسالة طوالي
تم خصم 5 ج من رصيدك رسوم دمغة ؟؟
كيف يعني ؟
هسة انا من هواة جمع الدمغات ودايرة الدمغة الاشتريتها غصبا عني
دة مبلغ مهول سلفقة ساي . 5 ج مضروب في كم مشترك
غير كدة
الحكومة مافاضية لينا وناس الاتصالات لقو امها مافي ودورو فينا
يكون بحاسبونا بالدولار رغم اننا بنتكلم بالسوداني ؟
|
Post: #2
Title: Re: ناس zain.sd بتختو الدمغة وين
Author: عبدالحفيظ ابوسن
Date: 01-04-2021, 03:27 AM
Parent: #1
بالمناسبة الحكومة زادت ضريبة القيمة المضافة علي الاتصالات وبقت 40%
دي بندفعها نحن للحكومة وبتتحصلها مننا شركات الاتصالات
يعني العشرة ج الدخلتها الحكومة بتشيل منها 4 ج لو استهلكتها
بدخل عشرة ج بدي الحكومة 4 وبشيل 6 ج
|
Post: #3
Title: Re: ناس zain.sd بتختو الدمغة وين
Author: قسم الفضيل مضوي محمد
Date: 01-04-2021, 05:23 AM
Parent: #2
.
يا ود ابوسن ما تظلم ناس زين ساي ..
لي 3 سنة شغال بشريحة زين انترنت ..
الخدمة بتاعهم بصنفها جيد جدا والشبكة عندنا في الخرطوم نادر جدا ما تقطع ..
صحيح انهم قاعدين يزودوا التعريفة بدون أي اخطار للزبون ولكن بالنسبة للامور المتردية في السودان فخدماتم تعتبر كويسة جدا ..
قبل دخول سنة 2021 كنت بفعل منها 500 ميقا بسعر 31 ج تقريبا شاملة الضريبة ..
الان بعد دخول السنة الجديدة بقت نفس الخدمة بسعر 51 جنيه شاملة الضريبة ..
.
..
.
|
Post: #4
Title: Re: ناس zain.sd بتختو الدمغة وين
Author: عبدالحفيظ ابوسن
Date: 01-04-2021, 05:33 AM
Parent: #3
حبابك قسم
انا كنت بفعل 5 قيقا اخر مرة ووقفتها ب 155 تقريبا حاليا 452 ج
الاتصالات لاحظت نفاذ الرصيد بشكل اسرع سألت قالوا زادو التعرفة
كنت بنشط خدمة الاتصال ل 5 اشخاص بي 2 ج هسة عملت اربعة ج وحاجة
دة كوم وفي كوستي كوم تاني بتقطع بالساعات والايام وبشكل متكرر
الاتصال ردئ جدا وبضطر اطلب من المتصل يضرب لي في سوداني
وبلغتهم وعرفت انو المشكلة من الابراج . وتيم الصيانة في الخرطوم ودة اذا جا
بالمناسبة مش انا براي مجموعة كبيرة من معارفي تشكو نفس الشكوى
رداءة الاتصال مع غلاء الاسعار
دة كلو كوم وحكاية ال5ج حقت الدمغة كوم تاني
لو عندهم بس مليون مشترك دي 5 مليون يعني 5 مليار
بالمناسبة للمقارنة بنشط اريبا 5 قيقا بي 192 ج
|
Post: #5
Title: Re: ناس zain.sd بتختو الدمغة وين
Author: Asim Ali
Date: 01-04-2021, 07:33 AM
Parent: #4
سلام عليكم
زين فى الخرطوم نفس المشكله بتقطع لدرجه بديت اسعتمل سودانى سواء انترنت او اتصالات شبكه زين حتى لو داير اتصل على رقم زين
دمغتهم دى ذكرتنى دمغه الجريح البائده
|
|