حاضنة جماهيرية جديدة

03:29 PM December, 27 2020

سودانيز اون لاين
عبدالحفيظ ابوسن-no where
مكتبتى
رابط مختصر

عااااجل اصطفاف سياسي جديد يعلن عن توافقه على قضايا مهمة ويضم
١/ الحركة الشعبية قيادة الحلو
٢/ الحزب الاتحادي الأصل قيادة مولانا المرغني
٣/ الحزب الشيوعي السوداني
٤/ تجمع المهنيين المنتخب
٥/ حزب التحالف السوداني
٦/ الحزب القومي السوداني
٧/ تجمع القوى المدنية
٨/ الاتحاد النسائي السوداني
٩/حزب مؤتمر البجا القيادة التصحيحية
١٠/مؤتمر كوش
منقول

مولانا المرغني!! معقولة
بتاع حاتم السر القال تاني الا صف الصلاة!!!
لكن صحي والله عملوا بالوصية و استنوا لحدي ما الفتة بردت حتى دخلوا ايدهم😀

مالو الحضن بقى كتير اليومين ديل ... ؟؟؟
عرفو انو الشعب فاقد حنان و قعدو يحضنو من طرف .. ؟؟؟

نشوف الحضن دا بصل لي وين ... 😂😂😂

الشيوعي في حالة يأس شديدة
لدرجة الدهاب والتحالف مع حزب الميرغني وأولاده
السقط مع الكيزان , الشيوعي بعد خروجه من الحريه والتغيير
أصبح فاقد للبوصلة تارة يتحالف مع الكيزان في الشارع لإسقاط الحكومة المدنية
وتارة يذهب يتحالف مع حزب الميرغني السقط مع الكيزان
غايتو الحزب العجوز دا بقى مشوش شديد

اولا دا بيان للقاءات مشتركة اتفقوا في نقاط محددة لا حاضنة جديدة وانما الحاضنة تخص الحكومة كانت قحت انقلبوا عليها بالعبث والتزوير على الوثيقة ليحل محلها مجلس شركاء الدم ، وماذا عن الحاضنة الجديدة للحكومة وتحالفاتها مع المليشيات واللجنة الامنية لنظام الانقاذ الذين قتلوا واغتصبوا وفضوا اعتصام القيادة وحتى الان المليشيات تقتل في المواطنيين ، لاول مرة نعرف انو حميدتي واللجنة الامنية لنظام الانقاذ كانوا في صف المعارضة ومعارضتهم للانقاذ وماذا عن حمدوك حتى اللحظة يتحدث عن الشراكة مع اللجنة الامنية للنظام وقال هي التعبير الحقيقي للثورة ، وماذا عن الاتحاديين مجموعة الشريف والان هم في قلب تجمع الاتحاديين شاركوا مع الانقاذ قبل الاتحادي الاصل ، والي الخرطوم الان الاتحادي وقرار منه وتعيينه للكيزان في مناسبة ٢١ اكتوبر ٢٠٢٠

يا ودو
المهم الجماهير بقت واعية جدا وكل مرة غربالها الشايلوهو فتحاتو بتكبر

عيب لي الحضن يا ابوحسين
بالذات لو كان دافئ وحنين

ياعبدالعظيم دة تكتيك الكيزان . كل ما الجماهير تقرر تمرق يقولو مارقين
فهل دة بعني تحالف الجماهير مع الكيزان في الخروج ؟

يا الشريف انا قلت حاضنة جماهيرية . ولم لقل حاضنة سياسية للحكومة
الجماهير لسة تنادى بالخروج والمطالبة بتحقيق شعارات الثورة

ابو سن تحياتنا
لن اقصدك اعرف مواقفك النبيلة لكن الكلام موجه لهؤلاء الذين يتحالفون مع القتلة ومع اللجنة الامنية والمليشيات وبصقوا على برنامج الثورة الذين وقعوا عليه وينتقدون التقاء الاحزاب السياسية في مواصلة الحراك لتنفيذ شعارات الثورة

الشيوعي بي تحالفه الأخير مع حزب الميرغني الذي سقط مع الكيزان
يكون كتب نهايته بي تخبطه وغبائه...
واضح إنه فشل الحزب العجوز في السيطرة على تحالف
الحرية والتغيير هو الذي تسبب في هذه النهاية المأساوية

بعدين صديق يوسف دا أنصار سنة؟ وما كان قاعد ومتحكر مع العساكر
في كل جولات التفاوض حتى التوقيع على الوثيقة الدستورية
بلاش إستهبال معاكم
حزب مأساوي بحق وحقيقة
حزب كارثي لايعرف غير التخريب والتآمر على الحلفاء
عشان كدا بقى مكروه ولا يخاطر أحد بالتحالف معه
بقى زي المجزوم مافي حزب عاوز يتحالف معاه

صديق يوسف نضال من اجل تنفيذ ميثاق قحت انو الجلوس مع العساكر تسليم وتسلم ، لما اتآمرتوا على ظهر الشعب بالتوقيع مع اللجنة الامنية لم يوقع ، ما قلت لي مجلس شركاء الدم وقتل المواطنيين لازلتوا في التحالف معهم وتعيين الكيزان من قبل الوالي الاتحادي عملتوا شنو منذ التعيين قاعد اسألك عامل رايح وبعدين جماعة الشريف المعاكم في التجمع الاتحادي شاركوا في النظام عملتوا ليهم شنو ولا الشينة منكوره