بيان من التجمع الإتحادي '' إغتيال بهاء نوري ''

10:08 AM December, 27 2020

سودانيز اون لاين
عبدالعظيم عثمان-
مكتبتى
رابط مختصر

Quote: الله.. الوطن.. الديمقراطية التجمع الاتحادي- محلية الخرطوم بيان إهتزت ولاية الخرطوم بحادث إستشهاد فقيد الكلاكلة الشهيد بهاء الدين نوري جراء التعذيب والفعل اللاإنساني الذي مازالت تمارسه الجهات الامنية ضد المواطن السوداني. وتابعنا تصريح الناطق الرسمي لحكومة السودان الانتقالية مفيداً بأن الشهيد المغدور فارق الحياة باحدى مقرات قوات الدعم السريع. إننا في التجمع الاتحادي بمحلية الخرطوم ندين هذه الحادثة النكراء التي تشابه حادثة استشهاد الشهيد المعلم أحمد الخير وتتنافى مع المدنية ودولة العدالة وتدق ناقوساً منذراً بخطر فوضى هذه القوات التي تمارس الاعتقال والاستجواب دونما حق بعيداً عن سلطة النيابة العامة ونطالب اجهزة حكومة الانتقال ان تسارع بتقديم الجناة الي المحاكمة والعقاب دون تهاون او تباطؤ مع إصدار القوانين المنظمة لمهام هذه القوات. إن هذه الحادثة تعد رجوعاً و نكوصاً بيناً عن مبادئ ثورتنا المجيدة ولن تجد منا الا الاستنكار والادانة والرفض امتداداً لما كان اولاً حتى نصل للوطن الذي نريد. الرحمة والمغفرة لشهداء الوطن.. لا للاخفاء القسري والقتل خارج القانون. التجمع الاتحادي- محلية الخرطوم الاحد ٢٧ ديسمبر٢٠٢٠

حمدا لله ع السلامة! اخيرا احد الاحزاب صحى!

Quote: لا للاخفاء القسري والقتل خارج القانون

ياسيدي دي مرحلة تانية شوفوا لينا قصة الدعم السريع البعتقل بدون لوحات دي أول
خليك من الاخفاء و القتل دي بنجيها بعدين

يا ود البشرى دا موقف سياسي
من حزب حاكم مسؤول
لافيه مجمجة ولا فيه غتغتة
بل فيه تسمية الأشياء بمسمياتها

طريق الدولة المدنية طريق صعب ومليان مطبات
لازم كل الناس تشتغل وتتحمل المسؤلية

Quote: مع إصدار القوانين المنظمة لمهام هذه القوات.

ما كفاية
كنت متمنى يتكلموا في أصل المشكلة بشجاعة أكتر من الكلام العام دة
يعني المفروض تطالب بحصر سلطة الاعتقال والاستجواب وكافة أشكال التصرف مع المواطنين للشرطة فقط ونزعها من أي قوات أخرى

دا بيان سياسي يا أحمد محمد عمر
بيان حزب حول جريمة إغتيال
مش بيان نقابة للمحامين او للقضاة
البيانات السياسة هي تثبيت للموقف وإستنكار للجريمة
بعد داك مؤسسات الحزب المتخصصة بتنزل الموقف
على أرض الواقع
(إنت يا اللخو إشتغلت سياسة وين قبل كدا)

Quote: حزب المؤتمر السوداني بيان حول جريمة مقتل الشهيد بهاء الدين نوري وفق إفادات الناطق الرسمي لحكومة الفترة الانتقالية يوم أمس السبت ٢٦ ديسمبر ٢٠٢٠م ، ارتقى الشهيد بهاء الدين نوري في أحد مقرات قوات الدعم السريع، حيث أعتقل وتم التحقيق معه قبيل استشهاده. إننا في حزب المؤتمر السوداني نترحم في البدء على روح الشهيد بهاء الدين، ونرسل خالص دعواتنا له بالرحمة والمغفرة، ولأسرته الكريمة ولأصدقائه ومعارفه بالصبر والسلوان وحسن العزاء، و نحن اذ نستنكر هذا الجرم الشنيع وندينه بأشد عبارات الإدانة، نؤكد اننا نرفض الارتداد الى سلوكيات عهد باد، جاهرنا بمنافحتها دون مهادنة او تقهقر حتى سقط غير مأسوف عليه، وننافحها اليوم ونحن في عهد السلطة الانتقالية التي جائت بمهر غالي قوامه الدماء الذكية التي انسكبت في الساحات وفي الميادين في كل بقاع السودان، مما يستوجب وقفة صارمة لإعمال القانون نصاً وروحاً، والتعجيل باستكمال التحقيق وتقديم الجناة للعدالة، مع تثبيت رفضنا القاطع لممارسة الاعتقال والتحقيق من أي جهة كانت غير التي نصت عليها القوانين المنظمة لعمل أجهزة الدولة الأمنية، وندعو السلطة الانتقالية لوضع حد لمثل هذه التجاوزات فوراً، و الى ضبط سلوك أفراد جميع الأجهزة الأمنية، والى الإسراع ببدء عملية شاملة لإصلاح الأجهزة الأمنية والعسكرية، والعمل على توحيدها وتجديد عقيدة كل منتسبيها لتتحلى بدرجات المهنية المطلوبة وتتسق مع قيم ومباديء الثورة العظيمة التي أنجزها شعبنا العظيم. المجد والخلود للشهداء عاش شعبنا حرا منتصراً أمانة الإعلام ٢٧ ديسمبر ٢٠٢٠م

وقت سألتك إنت إشتغلت سياسة وين
عشان ما القصة تجوط ليك
ما بالضرورة كل الأحزاب تشتغل سياسة زي بعض
المهم هو تثبيت الموقف
وبعد داك مؤسسات الحزب المتخصصة تشتغل شغلها
في مقاومة الإنتهاكات بالطرق القانونية...

عرفت يا المبروك

هههههههههقلت الإضافة حقتي دي ما بتنفع في بيان حزب سياسي دة شغل نقابات
لما جبتها ليك من بيان المؤتمر السوداني قلت ما ضروري الاحزاب تشتغل سياسة زي بعض
سؤالك دة وجهو لناس المؤتمر السوداني قول ليهم انتو اتعلمتو سياسة وين :)
شكلو ناس المؤتمر السوداني ما بفروقوا بين شغل النقابات وشغل السياسة هههههه


.

نجيب ليك ابراهيم الشيخ والدقير وخالد سلك تديهم دورة في إصدار البيانات السياسية يا ذا النون الاونلاين؟

دا تصريح صحفي للقطاع القانوني بالتجمع الإتحادي

Quote: الله - الوطن - الديمقراطية التجمع الإتحادي - القطاع القانوني (تصريح صحفي بخصوص حادثة مقتل الشهيد بهاء الدين) العدالة مطلب رئيسي لثالوث مطالب ثورة ديسمبر المجيدة، و هي أساس مسعانا لتحقيق سيادة حكم القانون في سودان الثورة. إن الطرق القانونية المنصوص عليها في قانون الإجراءات الجنائية، هي وحدها التي تنظم طرق الحجز والتحقيق، و تحدد بدورها الأجهزة ذات السلطات المناط بها تنفيذ هذه الإجراءات من القانون. إن ممارسة اي أجهزة أمنية لهذا الإجراء، بخلاف قوات الشرطة، وفق الضوابط المحددة قانوناً، هو سلوك العهد البائد الذي دفع شهدائنا الدماء طاهرة زكية ليولي، و نستعيد دولة الحرية والعدالة والسلام، و لكننا نرى الآن بأم اعيننا إستمرار ذات النهج الفوضوي، باستمرار أجهزة أمنية غير مختصة قانوناً بإلقاء القبض على أي مواطن، تمارس سلطات غير مخول لها تنفيذها، ما يمثل طعنة نجلاء لسيادة حكم القانون، ونعتبر في القطاع القانوني للتجمع الإتحادي ما يتم من إعتقالات بلا أوامر شرطية وحجز غير مشروع في حراسات غير رسمية بعيدة كل البعد عن أعين النيابة العامة، مسلك مجافي تماما للقانون الذي يجب تواضعنا جميعا على تنفيذه وسيادته بيننا. أن ما حدث للشهيد/ بهاء الدين هو إخفاء قسري وليس فيه من مشروعية الإعتقال القانوني شئ لنصيبه منه ببعض الوصف، و هو أبشع ما يمكن أن يحدث اليوم و نحن في أيام إحتفالنا بمرور الذكرى الثانية لثورة ديسمبر المجيدة. إننا في القطاع القانوني للتجمع الإتحادي ندين ذلك الفعل ونخاطب السلطات القانونية بالدولة بضرورة التقصي عن المخالفات الجسيمة للقانون، كما نطالب النيابة بإعلان ما تم من تحقيق في هذا الجريمة وتقديم الجناة للقضاء، وبشكل فوري، و على السلطات السيادية والتنفيذية ممثلة في وزارة الداخلية بأن تقوم بدورها في حماية المدنيين، و أن تسارع الخطى في إتخاذ كل ما هو لازم للحد من هذه الأفعال التي تواجه المواطنين من إختفاء قسري وتعذيب و قتل ممنهج لأبناء الشعب السوداني. ٢٧ ديسمبر ٢٠٢٠ م

واضح قصة السياسة وأدوار كل مؤسسة مشوشة عندك شديد
عشان كدا سألتك... وعشان اعرف اتعامل معاك حسب إدراكك دا كل الموضوع
ما إستعلاء زي ما إنت فهمت

إن شاء الله وقعت ليك

Quote: وأدوار كل مؤسسة مشوشة عندك شديد

مشوشة عند حزب المؤتمر السوداني برضو
ما تبخل عليهم بالدورة التدريبية

يا أحمد محمد عمر
أنا مبسوط من مداقشتك الساي دي
شوية شوية حتبني مخزونك المعرفي بالسياسة

الحزب عبارة عن مجموعة من المؤسسات او القطاعات الفئوية
كل قطاع مهني بيشتغل شغله المتخصص فيه
دي كل القصة... أذا ما قدرت تفهم النقطة
تبقى قصتك بايظة ومداقشتك الضفاري دي ما بتكمل ليك الناقصة
تحتاج تقعد في الواطة وتفهم وبعدين تعال داقش
عشان ما تهدر طاقتك في الفاضي
سمح

Quote: Omwaleed Mohammed أنا مبسوط من مداقشتك الساي دي شوية شوية حتبني مخزونك المعرفي بالسياسة 😂😂😂😂😂 طلعت السياسة غير موحدة عندها كم رب عثمان ذو النون + عبد العظيم عثمان + حزب كامل اسمه التجمع الاتحادي

Quote: الحزب عبارة عن مجموعة من المؤسسات او القطاعات الفئوية كل قطاع مهني بيشتغل شغله المتخصص فيه

كلمتك يا ذا النون قلت ليك الدورة دي محتاجين ليها ناس المؤتمر السوداني شديد
عشان بيانهم كان واحد فيه المطالبة الأنا قلتها ذاتها
كدي انت بس اتواضع وانا متأكد ابراهيم الشيخ والدقير وسلك بقعدوا ليك في الواطة عشان تعلمهم شغل القطاعات الفئوية

عارف يا عبد العظيم لو بتعرف ألف باء السياسة لما يكون عندك بوست بعنوان زي بتمثل فيه عضوية الحزب المعلن مفروض تعمل على كسب القراء لصالح مشروعك السياسي
يعني سؤالي الفوق داك كانت الإجابة عليه تكون بالشكل دة : نشكر لك اهتمامك ونفيدك علماً بأن القطاع القانوني بالحزب قام بمناقشة هذا الأمر في البيان المرفق أدناه

وبس

لكن شغل الاستعراض البتسوي فيه دة بتأكد إنك بتلعب بالسياسة ما بتمارسها .. لأنه صاحب القضية السياسية بيبعد عن التهاتر موش بكون هو مبتدئه

كتر خيره القطاع القانوني لكن برضو اريتو لو كان سمى الجهة البتخفي قسرا دي باسمها!

بيان لذر الرماد في العيون

ما يسمى بالتجمع الاتحادي هو أخد واجهات جهاز الأمن

الناس تأخد حذرها من الأجسام والمسميات الهلامية دي

ياهو شغلكم غير التخوين وقتل الشخصيات ما عندكم شغلة
بعد ما غلبكم التجمع الإتحادي ووقف في وشكم في محاولة السيطرة علي
قوي الحرية والتغيير ما لقيتوا حاجة قلتوا أحسن نقول عليه واجهة للأمن
وبعد ما وقف في وشكم جوة تجمع المهنيين قمتوا خطفتوه وشقيتوا الثورة


أمشوا أخجلوا شوفوا حزبكم الليلة إتحالف مع منو
مشى إتحالف مع حزب الميرغني السقط مع الكيزان
بالله في سوء خاتمة أسوأ من كدا

حزب الميرغني يظل حزب معروف في ساحات العمل السياسي والوطني في السودان

وإن طاشت أو اختلت تقديراتهم السياسية في وقت من الأوقات

يظل حزب معروف بقياداته ورموزه وتاريخه وإسهاماته خلال مراحل تاريخية مختلفة

لكن من أنتم ؟؟

الميرغني وحزب الأمة والحزب الشيوعي السوداني دي كيانات معروفة النشأة والتكوين

فمن أنتم ؟

التحالف مع الميرغني ولا حزب الأمة او مبارك الفاضل ما سبة دي رموز وطنية وسياسية معروفة ومعلومة كابراً عن كابر

السبة هي العمالة لجهاز الأمن ومجهولية النشأة والنسب..

أو التكوين والنشأة في جخانين ورحم جهاز الأمن المتهم بها ما يسمى بالتجمع الاتحادي المعارض

والذي أنشىء كأحد الواجهات الهلامية لضرب الأحزاب السياسية والعمل الوطني في مقتل

كتيرين من الأصدقاء والمعارف قاعدين يقولوا لي انت التجمع الاتحادي المعارض ده شنو ؟؟

وإجابتي الوحيدة: ما تشتغلوا بيهم كتير ديل فرع من جهاز الأمن وسرعان ما سيختفي مع الوقت

ومع انتفاء الحوجة لتكوينه.. زي جماعة ناس النور جادين ومين ومين ديل

وين النور جادين أسي ؟؟ المولد ده فاتوا :)

تعرف يا الهادي اكعب حاجة وقت الزول يكون قاصد يجهل نفسه
التجمع الإتحادي وقياداته يعرفها لكل من قاوم نظام الجبهة الإسلامية
وتأسيس التجمع الإتحادي أيضا المعلومات متوفرة
للذي يريد أن يعرف لكن زي عينتك دي شايل ليك كلام
كيزان وكلام شيوعين مغبونين من نجاح الشباب الاتحاديين المعارضين
وتأثيرهم الكبير في الشارع وعمدوا لتشويه صورتهم
بأدوات قديمة ومعروفة...
خليني أسألك هل هي الصدفة ان يجتمع الكيزان والشيوعين
في إستهداف التجمع الإتحادي وفي نفس الوقت وبنفس الخزعبلات؟
أمشي اسمع حسين خوجلي الايام دي ما عنده شغله غير الهجوم
على التجمع الإتحادي
هل الكلام دا من فراغ؟