Quote: سلام ود الاصيل ياخ ما بتسأل من صاحبك ود مهدى مصاب لكورونا لسع فى المستشفى اها دعواتكم يا حبيب الحمدلله فى تحسن
|
يا ستار يا رب على أخوي ود مهدي، و1000 بعد
الشر عليك و إن شاء الجاتك في عدوينك ؛و إتا ما ظنيت
الله زاتو ما قسم ليك عدوينة. علا و الله إذا مرضك معلن
فسامحني غلتان بعتذر و سافي التراب و راسي داقي الدلجة.
● و إن شاء الله ما سوت فيك السوتو فينا طلعت عينا ورتنا
الطفى النور منو؛ و لا تكون صادتك في بلدنا الحبوب دا . هنا
عارف إلا يسقوك ليها الحِمت رِمت علي رشوشة ساخنة من
دفرنش نملة أم رويشات ، و مسلوقة بي بصل كلاب من دبة
حفير ظانطير و عليها كباية شُب شاي باجقلي صاموطي بي
لبن عُشَر و بعداك تكرطع ليك عليها (كوز ) موية غليد كدا
من أقرب تيبار سبيل ؛ لزوم تعويم سعر الصرف الصحي
بالمناسبة دي وصفة سحرية من الطبيعةو إلى مائدكم
العامرة مباشرتن. شفاكم الله و عافانا جميعاً.