أفادت مصادر مؤكدة بتعرّض الفنانة مكارم بشير وعازف البيز جيتار مصطفى عبد الله الى جانب فني الصوت (الساوند سيستم) للقبض ومثولهم أمام قاضي محكمة الحاج يوسف، حيث أصدر حكما بتغريم المتهمين الثلاثة مبلغ مالي بقيمة 150.000جنيه (مائة وخمسون ألف جنيه سوداني) لكل شخص منهم وحسب ما أفادت المصادر فقد داهمت الشرطة حفلا خاصا كانت تحييه الفنانة مكارم بشير بمنطقة الفيحاء بشرق النيل في العاصمة الخرطوم تداهم قوة من الشرطة الحفل وتقوم بإلقاء القبض على الفنانة مكارم والعازف وفني الساوند بينما تمكّن بقية العازفين من الفرار ومغادرتهم المكان، إذ تأتي هذه الإجراءات تنفيذاً لقرارات السلطات الصحية التي تمنع التجمعات والحفلات احترازاً من تفشي وباء كورونا .
Post: #2 Title: Re: القبض على الفنانة مكارم بشير Author: Maawya Hussein Date: 12-25-2020, 07:56 PM Parent: #1
عندنا صاحبنا عرسو شغال ليهو اسبوع والحفلات والكيتا والصوت في الشارع والهواء الطلق وفي قلب العاصمه
دي الا تكون بلاغات كيديه
Post: #3 Title: Re: القبض على الفنانة مكارم بشير Author: Osman Musa Date: 12-25-2020, 09:05 PM Parent: #2
سلام أخينا معاوية فعلا أظنها حاجات كيدية. والايام دي حفلات الأعراس و حفلات بالكريسماس الخاصة شغالة . ديل اكيد قاصدين مشاكل مع الفنانة الشابة .
Post: #4 Title: Re: القبض على الفنانة مكارم بشير Author: عبدالحفيظ ابوسن Date: 12-25-2020, 09:32 PM Parent: #3
حفلاتنا شغالة لي حداشر وبي رصاصها والله وجلد سوط كمان
Post: #5 Title: Re: القبض على الفنانة مكارم بشير Author: Asim Ali Date: 12-25-2020, 10:20 PM Parent: #4
قبل فتره برضو فى الحاج يوسف حصل كدا لعشه الجبل شكلو الحكايه بتختلف من منطقه للتانيه حتى االحكومه بتتطنش خوف من زياده الضغط من الفنانيين واصحاب الصالات وحتى محلات ايجار المناسبات -الخيم والكراسى وبراميل المويه والساوند ....الخ كان فرح ولا ترح ..) المهم كورونا ماحتلقى بلدتشتغل فيهو براحتها زى السودان
Post: #6 Title: Re: القبض على الفنانة مكارم بشير Author: Osman Musa Date: 12-26-2020, 05:37 AM Parent: #4
غايتو يا ابوسن في المساجد الناس شغالين بنظام التباعد الإجتماعي بطريقة ممتازة . لكن تطلع من المسجد 50 متر تلاقي الدلوكة واقفة سلك . وفي ساحة الفرح مافي محل تخت كراعك. بعدين في رقيص بكنامة ورقيص بدون. وطبعا دايما البدون ديل معرضين للكوفيد 19 وللبلاوي .
Post: #7 Title: Re: القبض على الفنانة مكارم بشير Author: محمد أبوالعزائم أبوالريش Date: 12-26-2020, 12:55 PM Parent: #6
لو السبب المذكور (منع التجمعات) صحيح، تبقى حاجة كويسة. لكن ليه مافي زول سأل في الكيتا الكانت قايمة في إحتفالات توقيع السلام؟