إنحدار مستوى التحاور والتواصل

.
نقطةسطر جديد
صفحة جديدة
ارتقوا قليللاً ....
سيكون المكتوب هنا ذات يوم صفحات تمر عليها
اجيال واجيال خالفة وسيتعجبون ان كيف كان اسلافهم.

ياخ غير انحطاط دي خلينا نثنيك ولا نتفق معاك
الحوارات احيانا دائرية ومجرد سجال

ابو سن يا عمدة

الحاورات هينة رغم إنحطاطها فكل العصور فيها
الناصع و المنحط برغم انه لا توجد مدة ذات افضلية
اكثر من غير فدائما الشر والخير كان بينهما سجالا
والجمال والخزي كذلك.
انما قصدت بكلمة انحطاط البذاءة في القول
اتذكر منذ حوالي الشهر حين قامت الدنيا ولم تقعد
من تفوهم احدهم بكلمة مع ## ص وفتحت في
ذلك بوستا و قلت ما بال الناس يظهرون بمظهر
التجمل وفي مجالسهم لا يتورعون من البذاءة
بكل ما فيها من انتقاص في حق صاحبها ومتلقيها
وكان الناس في تلك المقولة بين منكر ومتقبل ومحايد.
ولكن ما وصل اليه الحال هنا فقد تجاوز الحد في تبادل
كلام يرتقي اناس يعتبرون واجهة في منبر يهرع اليه
الناس كل يوم صباحا ليستقوا من الجمال والاخبار،
وسيظل هذا المنبر سجلا خالدُ تتبادله الاجيال ككتاب
يقرأون فيه قصص اباءهم فليتنا تركنا فيه صفحات
ناصعة وان اختلفنا في الرأي والاتجاه.

وليتك اشرت علي بأي شئ ترى ان نستبدل هذه الكلمة
فربما جانبي الصواب في اختيار لفظة تكون في حد ذاتها
مقبولة لدى المتلقي

تحياتي

Quote: Abubakr Ahmed Abbas يا أبسن، خروجي من المنبر أطاح بالحوار، لا يوجد بعدي من يستطيع اخراج الحوار من هذه الدوائر المملة

المشكلة إنك بقيت في البرزخ بين الخروج واللا خروج
لا عايز تقول مع السلامة الأونلاين ولا عايز تدخلو بالدرب العديل
بالمناسبة كلامك دة صاح تاريخياً لكن ما قبل خروجك - أو لا خروجك - بقيت ذاتك مدور في شكلة حواري ما عندها أي علاقة بالاستنارة

.

مرحب احمد
العفو ياخ انت سيد الزبدة زاتا
لكن انحطاط بتدخلنا في جدل لغوى واخلاقى وايدلوجى زاتو .
مرحب بكرى
لا انكر انك مدهش وذو نظرة مختلفة في الحوارات وتفتح مسارات جريئة
لكن
لكن دي مهمة
لكن كتاباتك تحت بقيت تميل للمماحكة والمكاواة واعتذر عن التعبير القادم بداءة
فقدت تلك العقلية اللماحة والذكية وصرت تعلف من سواقط الطريق

سلام عليكم
اول امس فى تويتر واحد بيسال

Quote: كيف ترد على من يقول لك؟ " أنت لست جميل ولا فيك ذرة جمال "

وكان تعليقى
لديك اشياء ضائعه فى دواحلك ابحث عنها حتى تكتمل انسانيتك
------
وهنا ايضا اكرر
ابحث عن الضائع فى دواخلك من ذوق ورقى وجمال وانفض عنها الغبار المتركم

يا حليلك يا أحمد ...
كنتا وين لامن راعي التكاتيك منشر في البورد
تلقاهو في الصفحة الأولى عندو ١٩ بوست ومقبقب
١٩٠ واحد بي حوار معظمه لؤم وقلة أدب ؟؟؟!!!
انا غايتو راعي التكاتيك دا علمني عدم الرحمه
(في من يتعدى علي) ... وتصدق لقيت الموضوع ظابط ...

يا عاصم
يبدو أن البعض يحب أن يلجأ إلى القاع
احيانا بدلا من يترفع
والمشكلة انك اذا كنت في عين البعض
قدوة وسقطت فجأة من علٍ
كان سقوطك
سقوطا مدويا

حُذُفُت

انا ما فاهم حاجة
فهمني معاك يا احمد

Quote: حُذُفُت (عدل بواسطة أحمد محمد عمر on 12-24-2020, 08:44 AM

في زول كبشر الشمار دا ...😛

بوست فى السلك يا احمد عمر
رغم ادانتنا لبوستات البذاءة وإنحدار المكاتبات الى اسفل سافلين لكنها تظل اكثر البوستات رواجا من جمهور القراءة الصامته ومشجعى اللعبه الحلوه
اها دا تفسيرو شنو
فى سنوات بعيده كان المتبر شعله معرفيه وتحول الان الى صيوان ونسه تخلله ندوات فكريه وسياسيه مع شويه شمارات هنا وهناك

يا عبدالرحيم
لان البورد كان كما قلت ذات يوم حتى الواحد كان
متفرجا ومستمعا من الخارج و كان يتهيب بعض
العملاق الذين اثروا هذا الفضاء ذات يوم
لكن
اليوم تدنى مستوى الخطاب و المعروض
الى درجة لا تتخيل معها ان هذا البورد قد
يكون مرجعا على مستوى الخارطة في السودان
لكن
اظن من تدحرجوا هان عليهم مكان البورد وقبل
ذلك هانت عليهم السنتهم ولغتهم التي يبذلونها
دون ان يتحسسوا مؤطأه.
فطوبى للسابقين

خيرا فعلت احمد تشكر
بمناسبة طوبى للسابقين
لهم التحية
لكن اياها سودانيز زمان زاتا علي مستوى المواجهات

Quote: في زول كبشر الشمار دا ...😛

زمان بعد التخرج مباشرة عندي أصحابي اتنين أهلهم كيزان وهم موالين .. ما منظمين لكن ما عندهم مشكلة مع الكيزان
تلفونات لأهلهم الفي الحكومة اتعينوا في واحدة من شركات الأنظمة الكيزانية الكبيرة واللي ماسكة قطاع مهم في البلد وبي مرتبات خيالية
قلت ليهم شنو يا شباب مااا تشوفوا لينا معاكم فرقة قالوا لي والله ما بنقنّعك، لكن التعيينات هنا بتتم بالتلفونات ومن ناس ممكنين .. يا زول انت جيب ورقك ونعمل العلينا .. كتبت طلب بتاع تريننع ساي ما تعيين اترفض في 3 ثواني :) مستعد أحلف إنه الزمن العداهو صاحبي مع المدير ما بكفي لقراية بسم الله الرحمن الرحيم
قاعد مع أصحابي ديل في الشركة واحدة حنكوشة كدة جات تحنس فيهم يشرحوا ليها حاجة وهم بتزاوغوا منها .. واحد فيهم عاين لي قال ليها بااااااس انتي الليلة وجدتي الكنز دة سيد البرمجة بروف الدفعة أمسكي فيه قوية .. وانا اتنفخت ورجعت كتفي لي وراء والابتسامة للضرس وقلت How can I help you؟
ساقتني مكتبها وورتتني الشاشة فيها مقدمة برنامج قالت لي var يعني شنو؟
بلعت ريقي وقلت ليها قصدك ياتو var انتي؟
أشرت لي عليها في بداية البرنامج
دعكت عيوني وأشرت أنا بي أصبعي تاني وسألتها قصدك دي؟ انت متأكدة دي؟!!
قالت لي أيوة
عاينت لي أصحابي لقيتهم متابعيني وميتين بالضحك
طبعاً var دي أول كلمة في البرمجة بقروها في سمستر زيرو
قلت ليها دقايق بس هسة بجيك
مشيت لي أصحابي النقط نقط ديل وهم لسة بضحكوا قلت ليهم دي شغالة شنو؟ قالوا لي مبرمجة .. وواصلوا ضحك
قلت ليهم طيب معليش سؤال غبي هي درست شنو؟ قالوا لي دراسات تجارية :)
قلت ليهم لأ يعني قصدي المؤهل الاتعينت بيه مبرمجة شنو؟
قالوا لي عمها صلاح قوش
أها فهمت ليه قلنا ليك ما بتتعين هنا :)


______
الليلة مدير الشركة الكيزانية دي في زمن الكيزان طلع ما كوز .. والله صحي :)
وما عندي أي شرح

Quote: وما عندي أي شرح

اشرح ليك حسب نيتي انا يا صلاح الزبيـر ولي 2013م ..
وكما وقيل في الأثر النية زاملة سيدها أجري على الله



احمد 2010 كتب مداخلة بتتعلق بالصورة دي :/



واللي فيـها كما يبدو كوز أو كيـزان ليهم ضل وواحد فيهم كان مديـر شركة بيمشي يترمتل فيها صاحب المداخلة على حسب مسئوليته ..
أها .. هسه مع المدنية المنبوذة دي طلع او قيـل أو نكر كوز كوزنة الكوز ..

المافهم بعد دا إلا ينتظر المدنية تفهمه ؛)

قلتش حاجة أنا !


الواحد يحكي نكات خيالية بريئة براكم تفسروها بأمزجتكم

تحياتي لكم


أكبر أنحطاطي في الزمن الحالي حكيم ياعمك

Quote: واللي فيـها كما يبدو كوز أو كيـزان

النصيحة الفي النص دة ما بعرفه .. ما بقدر أحكم عليه
لكن الباقين جت عليهم ............................... ناس كويسين يعني ربنا يحفظهم

Quote: النصيحة الفي النص دة ما بعرفه .. ما بقدر أحكم عليه لكن الباقين جت عليهم ...............................

قصدك الباقيين جت عليهم " هنايـات "

لكن يا اخوانا كان الصور دليل نحن يا اما اتصورنا
مع كيزان كانوا بهزوا و يلزوا
الا بس ناس الصورة ديل ما عرفتهم فيهم واحد
فشنو فهمونا معاكم
احمد وود الزين اخوكم كيشة وزول حيط ساااكت

Quote: النية زاملة سيدها

ههههه ود الزين إنتا نيتك جلابية بيضا مكويه ...
لو رجعت فوق تلقاني هبشتا الزول الكان في يوم
من الأيام هو الرجل الموسوعي المرجعي في كل
علوم الأرض نواحي هذا المنبر وله من المؤمنين
والمؤمنات ما يفوق عدد أصابع اليد الواحده بقليل ...
وكان محروس بي شلة شفاتا مؤمنين على
استعداد للزود عن عرين هذا الموسوعي (الكوز)
ولو تمت تعريته من المخيط وأصبح عريان ميطي ...
انا ختيت المداخلة ومتوقع احمد (شفاتي مؤمن
سابق) يذكر أيام زمان ... أها غبتا وجيت عشان
اقرا دفوعاته ولم اجد غير (حذف) وضحكه خضراء ...
الجدير ذكره بأن الموسوعي المرجعي طلع متخسس
في هشك بشك حبشي لا غير ...
احمد ٢٠١٣ ... عليك الله اعفا لينا زي الودينا البوست
لي مكان ضد توجهه ... بقينا زي قحت للثوار ...

ود الزبير خد راحتك
انا اساسا بوستاتس اكون فاتحها سبيل
عشان يجي يقيل فيها الماشين و الغاشين
والمغشوشين كمان
فلا تتحسس و اتجدع سااااكت

يا زهير
وحسب مراجعة اخونا العمدة ود ابو سن
غيرنا الاسم فبدلا عن إنحطاط صارت إنحدار
ما عارف اذا كانوا الاتنين بيوصلو لي نفس النفطة
لكنهم لغويا بيستخدموا استخدمات مختلفة

والله خليتوني اطرش فى زفة
ينوبكم ثواب واحد يتكرم يفهمني شي
غايتو انا مرقت كيت

ياود الزبيــر يآخي اعفى ليهو ..

ما بيقدر والله .. شوووف عيني دي الماماكلها دود جضموهو في بوست قدامي ونهرزوهو في الكليمة النضمها..
وبعدها قادوهو برة البوست من اضانوا ومعاها صِه ياكنار .. ومرق يهوزز في راسه ولم يعتب...

فانت خليـك محضر خيـر وكل مما يليك .جاء في الأثر:
أعطيني صوف وخذه خروف

يا ود الزبير أخوك عندو كبير الجمل :)
ما عندي ثوابت خالص ومستعد ارجع خلف في أي وقت
وعادي وقفت معاك في موقف كنت شايفك فيه على حق ممكن بعديها بي يومين أقيف ضدك انت ذاتك في موقف تاني شايفك فيه غلطان

كدي جرب خش هنــا

طبعاً جبت ليك الرابط رداً على المغرض الفوق دة
قال سكتوني قال

ود ابوسن اذا كان سيد البوست ذاتو اطرش
وكمان عميان في الزفة

فشنو لحد ما يتكرموا علينا نمشي معاهم ونجاريهم
وبعدها يا فهمنا يا عملنا رايجين
لكنهم شكلهم بيطاعنوا ليهو في زول هناي داك
نا خايف الهدف الذي فتحت لاجله بوست
بوستي ينحدر نحوه
فيكون منحدراً بعد ان تم تعديل الاسم من منحطاً

بمناسبة السجالات يا ابو حميد بالله وين أخونا الهادي، ان شاء الله يكون
بخير. بلغه التحايا بالله.

جبناء ..
فطايس..
رمم..
الداير عمر التاج الطريق مفتوح امامه وسالك ..
يجي يقول كلامه واضح وصريح..
يفتح باسمي ألف بوست ويطرش كل العنده
أما حركات المراهقين دي فما عندي ليها غير كلام السيف ده

Quote: سيف جبار إن هذا المنبر العام يُساء فيه لله ورسوله (ص) وصحابته وتابعيهم وتابع التابعين وعامة المسلمين.. في إعلان صريح عن الكفر والفسوق والعصيان .. وفي جهر جهير بالحرب على الله ورسوله (ص) والمسلمين.. ولا يعلم هؤلاء المساكين أن الله قد أذن لنا أن نقيم حدوده على المرتدين والمجرمين والمعتدين على المسلمين.. ولا لومة لائم قط في هذا.. فسلعة الله غالية. لم أر انحطاط أشد من هذا على صفحات هذا المنبر الذي يمنع فيه كلام الله وكلام رسوله (ص) وكلام حكماء المسلمين! وكمثال لهذا الانحطاط .. ما زال المرتد عابد الأوثان المدعو / بشاشا - الجعلي البديري قبيلةً العربي نسباً كأبي لهب وأبي جهل يكيل التحقير والإهانة والتسفيه لكل ما هو عربي ومسلم، واصفاً أحد المجاهدين المسلمين بمثل هذا الوصف وأنتم (عنصرية منكم أيها الشماليون) صامتين لا يرد عليه أحد: ((المرتد ابن ابي السرح, المجرم!)) أسأل الله المنتقم القهار أن يخرس لسانك فلا تستطيع شفاهةً وأن يشل يدك فلا تستطيع كتابةً.. أيها المرتد عابد الأوثان دون الرحمان

حيدر الزين
بتكلموا معاك

Quote: جبناء .. فطايس.. رمم..

امممممممممممك
ديجانقو ما تفرز ياخي ...
أنا غايتو دخلتا بي راعي التكاتيك وطلعتا
بي تخسسه الجديد هشك بيشك حبشي ...

Quote: ديجانقو ما تفرز ياخي ...

فارز يا اخي ،
كلامي مابقع الا الفوق راسه ريشة
بوستاتي بقت تحرقهم بي هناك يجي يطنطنوا بي جاي ..
صاحب البوست اظنه احمد عمر الكويس، ولما كتب عن الانحطاط يعرف أن لغتي في المنبر لا يمكن ان تكون منحطة أبدا
له مني وكل الطيبين كل العذر ..
أما الطيب الكعب (صبي دينق ) ، وحيدر العوقة وكل الجبناء خارج البوست
بقولهم كما قال بتاع حزب الأمة داك ...
والتحدي ما زال قائما:
صوري ما خايف منها ، وماعندي حاجة في حياتي خجلان منها ..
والداير المزيد يركب هنا..https://t.me/omartag4app

يا اخونا رسونا على بر
مالها بوستاتي تتحول لتشاكس
احيانا داخلي خارجي واحيانا داخلي داخلي
من قبل فتحت بوست مرحب بالخميس
والجماعة خمسوا ببعضهم وانا سيد اللبن
مرقت بدون عشاء.
والان لا ادري ما الذي جعل الاخ التاج
يأتي منفعلا وكان هناك ما يشير لشئ ما
هو المعني من وراءه

فهمونا الحاصل

طيب النديك الزيت يا أحمد
حركة بوستات اصلاح المنبر و التباكي على حاله و مستواه دي موضتها انتهت زمان, البورد دا اسمه سودانيزاونلاين يعني سودانيين!كما في الواقع الحقيقي بكل امورهم الحياتية من جمال و قبح و لطف و لؤم و ظرافة ومساخة في آن
يعيشون حياتهم زي ما هي بلا تجمّل او تصنّع, ودا اجمل مافي المنبر "العام" لسودانيز واحد اسباب استمراره السنين دي كلها و صموده في وصد التغير فيه اضحى على مدار الساعة وليس اليوم
العايز يعيش الحياة كما هي بمختلف تقلباتها و اطوارها وواقعها ياهو بالنسبة ليه الامور بتكون عادية
غير كدا في منابر ظريفة و متظارفة يكتبوا ليك كلمة بين قوسين كدا: بين مزدوجين!! وفي منابر الترتر و الفراشات و يا شفيف و يا وريف وما الطفك وشنو راقدة برضو
العايز يكون حالم و مثالي بلقى راحته فيها

خلاص نغير ليكم الموضوع بالاستراحة دي

صدقت ودو
اياها سودانيز من زمان

انا لا ابحث عن مدينة فاضلة و لا اتخدث عنها
لكن من الطبيعي ان النفس البشرية تنفر من سماع
الكلام البذئ ولا اعتراض عندي في الاحنكاك
ايا كانت درجته ولكن ان يكون بلغة مهذبة نرتقي بها.

اما الكلام الشين فما حبابو ولا يمكن ان نوجد له
ارضية ومن ثم نراه جميلا ونغض الطرف عما
فيه من القبج.

صجيج يا ود البشرى ويا ود ابو سن هو هو سودانيز
الذي اعرفه منذ عقدين من الزمان لم يتغير لكن نحن
من يريد ان يتغير، لذا انا لم اشر الى زيد او عبيد وانما
تمنيت لو ان الناس في سجالها كانت اكثر تحضرا بعيد
عن الاصفاف وتجاوز الشخص الى اسرته و آل بيته.
ما سمح كلو كلو وان حاول ان نجعل الامر عاديا.

Quote: خلاص نغير ليكم الموضوع

هههه شوف المستهبل!

يا احمد لا سودانيز اتغير و اتغير كتير من زمان
على الاقل ما في حد بقدر يكضّب أو يتعدّى على عرض او سمعة آخر وتمشي الامور عادي, دا كان زمان و عشان نصل المرحلة دي دارت مقاتل عظيمة بالايام و الصفحات الطوال
الاستمرؤوا الكذب و النيل من اعراض الناس اتأدبوا الادب الواحد دا وعرفوا ان الله حق وأن اي اساءة او كذبة عليها ولها تبعات عظيمة ومسؤولية لابد تتحملها
فا شنو.... زي ما قلت ليك شكلك جيت متأخر تلاتة اربعة ارشفات كدا :)

Quote: حيدر الزين بتكلموا معاك

😜😜😜😜😜😜
باعو في أول زقاق ... صحبت يخسيييييييي

Quote: حركة بوستات اصلاح المنبر و التباكي على حاله و مستواه دي موضتها انتهت زمان, البورد دا اسمه سودانيزاونلاين يعني سودانيين!كما في الواقع الحقيقي بكل امورهم الحياتية من جمال و قبح و لطف و لؤم و ظرافة ومساخة في آن يعيشون حياتهم زي ما هي بلا تجمّل او تصنّع, ودا اجمل مافي المنبر "العام" لسودانيز واحد اسباب استمراره السنين دي كلها و صموده في وصد التغير فيه اضحى على مدار الساعة وليس اليوم العايز يعيش الحياة كما هي بمختلف تقلباتها و اطوارها وواقعها ياهو بالنسبة ليه الامور بتكون عادية غير كدا في منابر ظريفة و متظارفة يكتبوا ليك كلمة بين قوسين كدا: بين مزدوجين!! وفي منابر الترتر و الفراشات و يا شفيف و يا وريف وما الطفك وشنو راقدة برضو العايز يكون حالم و مثالي بلقى راحته فيها

يا ود البشري أجدع لينا روابط الترتر والفلاشات دي أصلوا أخوك مع نهاية 20 بقي زول حالم 😂😂😂

يا عارف ترتر اكتر من المغرود عيونه فوق زي مضيفات الكاثي باسيفيك دي داير شنو

ننحدر ليـكم لي اللخو البيورجغ من " تحتنا دا " و بيقول انه عِرضه في فُونيته والا لسه عندكم أمل في الإصلاح

Quote: Hatim Ibrahim (الاستمرؤوا الكذب و النيل من اعراض الناس اتأدبوا الادب الواحد دا) لسة يا ود البشرى في زي ستة كدة ما تأدبوا. الأدب ذاتو حيكون أمنية غالية جداً.

لأول مرة اعرف ان البورد للتأديب، ونحن
ما اتينا الا للحوار.
حلوة الجملة التي تبدأ من بعد ونحن ....
تشبه رميات الكولينغ الكنا نسمعها قبل
عقود تحت اشجار النيم عند الظهيرة

Quote: لأول مرة اعرف ان البورد للتأديب

طيب اصيغها ليك بطريقة تانية يا أبوحميد عشان ما يحصل لبس
الكلمة مسؤولية ولها عواقب على قائلها ان يتحملها انتهى الزمن الذي كان تلقى فيه بالترهات وتنال من اعراض و سمعة الآخرين وتأتي تاني يوم عادي كأن لم يحدث شيئ بل و تجد من يطبل لك ويصفك بأنبل الصفات
افتكر كدا اوضح, ودا التغيير العنيت انه حدث في سودانيز

انا اثق تماما ان لكل احد الحرية في الكتابة
كما يريد و اعتقد من تضرر من اي شئ
في الميديا فهناك اليوم الامكانية لملاحقة من
نال منك اذا احببت ان تتجاوز مرحلة التحاور
هنا الى ما هو ابعد منها.
ولذلك حين اعلق اتمنى ان يكون المتجادلين
على مستوى عالي من اللياقة التي تعطي الحوار
اهمية.
وكما اشرت انت ما ممكن الواحد يجي يورجغ و يمشي
ينوم يتخيل الشغلة سبهللية بل سيدفع ثمن ما
نفثه هنا من المتضرر و من المجتمع.

Quote: Hatim Ibrahim (وكما اشرت انت ما ممكن الواحد يجي يورجغ و يمشي ينوم يتخيل الشغلة سبهللية بل سيدفع ثمن ما نفثه هنا من المتضرر و من المجتمع.) بالضبط كدة دا المقصود! البورد ما بيؤدب، التأديب برة البورد. وللأسف الشغلة صارت سبهللية لدرجة إنو الواحد يقذف عرضك ويجي يستفتي، وكلام ود البشرى واضح، والغائب السبهللي حجته معاهو، بقى كمان يتلقى الطلبات، ولسة حيغيب كتير، والبيشجعوا مداخلاته والحرضوهوا ربما يآنسوا وحدته، سنة 2021 كبيسة. ___ كبيسة جداً. أعجبني · رد · منذ ٥ س

بالله شوف المحدود تعزيراً دا كمان بيتفاصح في الأدب ههههههههههههههههههه


قلتلكم اللخو دا طريـف اند سو فنني يا ودالزبير ماصدقتوني وقعدتو تشاكلو ساي..