Post: #1
Title: العثور على جثة أثناء تفريغ رمل من قلاب
Author: عمر التاج
Date: 12-23-2020, 05:29 PM
Parent: #0
04:29 PM December, 23 2020 سودانيز اون لاين
عمر التاج-KHT
مكتبتى
رابط مختصر
الخرطوم : هاجر سليمان .
تحقق شرطة محلية جبل اولياء حول ملابسات العثور على جثة داخل كوم رمل بحي الامل . و تقدم الشاكي في بلاغ لدى الشرطة يفيد فيه بان هناك جثة مجهولة لشاب عثر عليها اثناء تفريغ شحنة تراب ، و افاد الشاكي بانه تم ايجار قلاب تراب و اثناء عملية التفريغ سقطت الجثة من بين الرمل ليتم نقل الجثة الى المشرحة و التحري مع سائق القلاب الذي اكد بانه لاصلة له بالجثة و لا يعرف صاحبها و انه قام بجلب التراب منة منطقة كبري الدباسين و هنالك تم شحن القلاب بواسطة لودر ليتم الوصول الى صاحب اللودر و التحري معه حيث افاد في سياق التحريات بانه لم ير اي شخص او اي جثة ولا يعلم صاحبها و انه يقوم بتعبئة القلابات باللودر و من المعاينات الاولية تظهر بان الجثة لمتوفي حديثا و لم تتحلل الجثة .
..
.. بخير ، بي شر ..
الله يعديك يا ٢٠٢٠
|
Post: #2
Title: Re: العثور على جثة أثناء تفريغ رمل من قلاب
Author: Asim Ali
Date: 12-23-2020, 09:05 PM
Parent: #1
سلانات عمر التاج
تعرف فتره كدا كان جنبنا ( سوق التراب) زى ما اصطلحنا عليه فيما فى الوصف لقلابات التراب والطوب طبعا بعضهم الواحد يكون شاحن القلاب وجاهز ومغطى التراب بمشمع كبير وزاقف وممكن يمر يوم يومين مايلقى زبون واحتمال كبير الشغله دفن ليل وهو ماجايب خبر.
غغايتو ربنا يفكو من الورطه لو البدايه من مكان بيتت العربيه
|
Post: #3
Title: Re: العثور على جثة أثناء تفريغ رمل من قلاب
Author: عمر التاج
Date: 12-24-2020, 08:11 PM
Parent: #2
حبابك عاصم
الراجح ان الجثة كانت مدفونة داخل كوم التراب في الأرض
واذا صحت الرواية دي يبقى من الغرابة ان تمر على بتاع اللودر الرفع التراب في القلاب دون ان يلاحظها
عموما نظرتب لصاحب القلاب انه راجل حقاني..
ورغم معرفته بالجرجرة الحايتعرض عليها الا انه اتبع اسلوب العدالة البيكفل القتيل حق الكشف عن ملابسات الجريمة
|
Post: #4
Title: Re: العثور على جثة أثناء تفريغ رمل من قلاب
Author: محمد المسلمي
Date: 12-24-2020, 08:46 PM
Parent: #3
ربنا يرحم المتوفي ويفرج علي صاحب القلاب
البلد في حالة سيولة امنية خطف ونهب وخلافه
|
Post: #5
Title: Re: العثور على جثة أثناء تفريغ رمل من قلاب
Author: سيف النصر محي الدين
Date: 12-24-2020, 10:19 PM
Parent: #4
عاد السيولة الأمنية دي من الليلة وللا البارح يا ود المسلمي؟ ما يا هو دا الحال منذ
انقلاب يونيو 89..بس العزاء الأمور ماشة نحو الأفضل بعد ذهاب الهواة ناس قوش
ومين كده عطا داك والعاص ومحمود منو كده والبقية.
|
Post: #6
Title: Re: العثور على جثة أثناء تفريغ رمل من قلاب
Author: يحي قباني
Date: 12-24-2020, 10:35 PM
Parent: #5
لعن الله جعفر محمد .. مؤسس الخراب في السودان ..
|
Post: #7
Title: Re: العثور على جثة أثناء تفريغ رمل من قلاب
Author: محمد المسلمي
Date: 12-25-2020, 07:13 AM
Parent: #6
| Quote: عاد السيولة الأمنية دي من الليلة وللا البارح يا ود المسلمي |
يادكتور سلامات ولعلك بخير ..الحق يقال زمن الرئيس السابق عمر البشير البلد امن امان سخاء رخاء مقارنة بالحكام الان
|
Post: #8
Title: Re: العثور على جثة أثناء تفريغ رمل من قلاب
Author: عمر التاج
Date: 12-25-2020, 05:49 PM
Parent: #7
| Quote: البلد في حالة سيولة امنية خطف ونهب وخلافه |
هذه واحدة من الحقائق المرة يا مسلمي ، وسيف
بس قبل ما نختلف في من هو المتسبب في هذه الحالة
خلونا نتفق في كيف يمكن تغيير هذه الحالة
المايك عندك يا سيف لتبدأ وتقترح الحلول العملية الممكنة في ظل حكومة حمدوك والبرهان ..
..
..
جعفر محمد ده منو يا قباني؟
أوع يكون النميري
|
Post: #9
Title: Re: العثور على جثة أثناء تفريغ رمل من قلاب
Author: يحي قباني
Date: 12-25-2020, 06:52 PM
Parent: #8
Quote: جعفر محمد ده منو يا قباني؟
أوع يكون النميري |
و ( الأوّعها ) شنو يا شيخُنا ؟
|
|