Post: #1
Title: ظووووط ؛ المريخ يحرز الهدف الثانى فى شباك انيمبا النيجبرى
Author: النصرى أمين
Date: 12-23-2020, 02:56 PM
Parent: #0
01:56 PM December, 23 2020 سودانيز اون لاين
النصرى أمين-كالغرى, كندا
مكتبتى
رابط مختصر
معاناة غير اعتيادية فى كتابة هذا البوست ، خاصة العنوان .
عمرنا كله بنكره المريخ !!!! كفاية .
التغيير الان ..التغيير صعب ..
التغيير مر حنظل ...
لكن لابد منه .....
لازم نترك التطرف و العنصرية
و محاولة هزيمة الاخرين و الانتصار لانفسنا .
فترنا و زيتنا طلع ...
انها مرحلة التصالح مع النفس ...
نتمنى الفوز للمريخ فى هذه المباراة و الفوز بكأس العالم ذاته .
لا مكان للكراهية ....
فترنا و قلنا الروووووووووب ....
التوقيع
هلالابى متطرف ضيع عمره فى كراهية المريخ
|
Post: #2
Title: Re: ظووووط ؛ المريخ يحرز الهدف الثانى فى شباك
Author: بدر الدين الأمير
Date: 12-23-2020, 03:07 PM
Parent: #1
يازول داير تبقى مريخابى امش
قشة ماتعترليك بس بلاش كلام مدغمس
|
Post: #3
Title: Re: ظووووط ؛ المريخ يحرز الهدف الثانى فى شباك
Author: النصرى أمين
Date: 12-23-2020, 03:12 PM
Parent: #2
الزمن فاتكم يا بدرالدين
يا حرس يا قديم ....
تانى نحن نبقى زى المهاتما غاندى ..
نحب الخير للجميع بما فيهم المريخ العدو الاول(سابقا)
ده طرفنا منكم يا متعصبين
|
Post: #4
Title: Re: ظووووط ؛ المريخ يحرز الهدف الثانى فى شباك
Author: بدر الدين الأمير
Date: 12-23-2020, 03:15 PM
Parent: #3
شلك يانصرى مبارى ناس الهبوط الناعم
|
Post: #5
Title: Re: ظووووط ؛ المريخ يحرز الهدف الثانى فى شباك
Author: النصرى أمين
Date: 12-23-2020, 03:26 PM
Parent: #4
والله ملاحظة ممتازة يا بدر !!
الظاهر القناعات كلها اتغيرت فى العمر ده..
احتمال عدم كراهية المريخ بداية لتغيير سلوكى كامل شامل يشمل
عدم المجابهة فى السياسة واللجوء لاكثر الأساليب سلمية فى التعامل مع المسائل الحساسة.
نعم ؛ افضل الهبوط الناعم بدلا عن المواجهة العنيفة خاصة تحت ظروف البلد الحالية.
|
Post: #6
Title: Re: ظووووط ؛ المريخ يحرز الهدف الثانى فى شباك
Author: عبد الصمد محمد
Date: 12-23-2020, 04:20 PM
Parent: #5
سلام نصري
بثلاثية أكثر من رائعة من هذا المهاجم الخطير سيف كيري
إنتصر المريخ في مباراة الذهاب وسهل الأمر عليه في مباراة الإياب
حيث إحراز هدف واحد فيها قد يضمن له تخطي إنيمبا الخطير
بالتأكيد تحسن أداء المريخ سينعكس على أداء جميع الفرق السودانية الأخرى
مبروك للسودان سودان الثورة الجديد
|
Post: #7
Title: Re: ظووووط ؛ المريخ يحرز الهدف الثانى فى شباك
Author: النصرى أمين
Date: 12-23-2020, 04:24 PM
Parent: #6
الف مبروك الفوز عبدالصمد
وعدت نفسى ان افرح لأى فوز خارجى للمريخ يرفع اسم السودان عاليا
|
Post: #8
Title: Re: ظووووط ؛ المريخ يحرز الهدف الثانى فى شباك
Author: النصرى أمين
Date: 12-24-2020, 11:33 AM
انتهت المباراة (امس) بفوز المريخ ثلاثة صفر مقابل لاشي.
المباراه اقيمت فى الخرطوم .
على صعيد آخر فاز الهلال على نده الغانى واحد صفر فى غانا .
شكرا حمدوك
|
|