بالله البنية المصرية عملت دعاية للمحل اكتر من اسيادو ..
المصريين شكلهم مرتاحين في السودان ..
Post: #2 Title: Re: مطعم اولاد ام درمان بعيون مصرية .. Author: محمد المسلمي Date: 12-20-2020, 08:02 AM Parent: #1
السيد يحيي قباني سلامات ولعلك طيب دي دعاية مدفوعة القيمة من المطعم لاغير. .المطعم به كثير من الملاحلظات النظافة اقل من المطلوب العمالة اجانب غير خاضعين لاي اجراءت طيبية وكانهم في خلقة خضار او خلافه من الاشياء عمال الطبخ مالابسين اي عازل المهم مطعم سوداني عادي كما البقية من تدني مستوي النظافة والي اخره مع الغلاء الحقيقي
Post: #3 Title: Re: مطعم اولاد ام درمان بعيون مصرية .. Author: Osama Mohammed Date: 12-20-2020, 08:46 AM Parent: #2
واحد من فروعهم فيهو ضبان ~ ذباب ~ يكفي حلة فيها عشرين مربوع......
Post: #4 Title: Re: مطعم اولاد ام درمان بعيون مصرية .. Author: محمد المسلمي Date: 12-20-2020, 08:55 AM Parent: #3
Quote: واحد من فروعهم فيهو ضبان ~ ذباب ~ يكفي حلة فيها عشرين مربوع......
شفت القصة كيف 😭😭😭
Post: #5 Title: Re: مطعم اولاد ام درمان بعيون مصرية .. Author: Osman Musa Date: 12-20-2020, 09:11 AM Parent: #4
أخونا قبة سلام المطعم المحافظ هو مطعم لذيذ شارع واحد العمارات . مطعم أولاد امدرمان العمالة الفيه عمالة محتاجة تدريب شديد . مشيت مره واحدة ولقيت زبون عامل مشكلة في انو الكبدة فيها عفنة. ومن داك اليوم ختيت المطعم . بس برضو والله في بعض المطاعم ممتازة .
Post: #6 Title: Re: مطعم اولاد ام درمان بعيون مصرية .. Author: امتثال عبدالله Date: 12-20-2020, 12:45 PM Parent: #5
والله يا اسامة ومحمد وعثمان ختيتو مطعم اولاد امدرمان في الواطة،،مع انه معظم الناس بيشكروا المطعم المشهور ده والعنده فروع في مدن العاصمة الثلاثة،،،، لكن اذا انتو عاوزين مطعم نظيف وراقي والجرسونلت مهذبين ، واذا انتو بتحبو السمك فعليكم بمطعم صاج السمك في شارع ٤١ في العمارات.... ودي دعاية غير مدفوعة الاجر ولكن عن تجربة حقيقية فقد زرت المطعم اكثر من مرة...فوجدته من افضل مطاعم العاصمة ان لم يكن افضل مطاعم السودان،،،
Post: #7 Title: Re: مطعم اولاد ام درمان بعيون مصرية .. Author: Osman Musa Date: 12-20-2020, 01:31 PM Parent: #6
كلام صاح يا امتثال صاج السمك في السلك. صاج السمك قمة . وعندهم شربوت ابو ديك . مجنون . مجنون . شرائح البلطي يجيبوها ليك مفلطحة في كوم الجرجير الحار. والليمون والبصل المفلخ مجدوع بالجنبة. جونا امريكان عزمناهم هناك. قالوا انتو في البردايس. اخدوا صور كتيرة وحبوا المطعم حقيقة . وفي واحدة لمان دايرين نتفرق قربت تبكي. الجرسونات مهذبين وفاهمين وخدوميين جدا . مطعم أولاد امدرمان فهمهم انو المطعم لحمة وشطة وشبع .
Post: #8 Title: Re: مطعم اولاد ام درمان بعيون مصرية .. Author: عماد الدين الطيب عمر Date: 12-20-2020, 03:57 PM Parent: #1
قالت عزموها قالت دي وجبة مجانية شافوا الفيديو الاول و قالوا ليها حررررررم ما تدفعي دي بعد كدة تعمل مليون فيديو و كم قصيدة شعر بس اوعى تتعوّدي على كدة الملح الكتير بعمل وجع الكلى
Post: #9 Title: Re: مطعم اولاد ام درمان بعيون مصرية .. Author: يحي قباني Date: 12-20-2020, 04:02 PM Parent: #8
قبل ما ارد على الاخوات و الاخوة ..
حقيقة بستغرب على النقد الهدّام من البعض .. معقول مافي اي شي ايجابي عندهم ؟
واضح انهم ناجحين رغم العيوب الكثيره الاتذكرت يبقى النقد يكون بناء عشان الاماكن الزي دي تنجح و تستمر ..
اتمنى ما يكون الامر بس تكسير و هدم لي ناس ممكن ينجحوا ..
Post: #10 Title: Re: مطعم اولاد ام درمان بعيون مصرية .. Author: يحي قباني Date: 12-21-2020, 01:51 AM Parent: #9
Quote: السيد يحيي قباني سلامات ولعلك طيب دي دعاية مدفوعة القيمة من المطعم لاغير. .المطعم به كثير من الملاحلظات النظافة اقل من المطلوب العمالة اجانب غير خاضعين لاي اجراءت طيبية وكانهم في خلقة خضار او خلافه من الاشياء عمال الطبخ مالابسين اي عازل المهم مطعم سوداني عادي كما البقية من تدني مستوي النظافة والي اخره مع الغلاء الحقيقي
سلام مسلمي
العمالة اجنبية ده عيب و لا انا ما فهمت؟ و هل هم مزحومين لدرجة انهم ما شغالين بالنضافة .؟
انا شايف مطعم مصروف عليه .. خسارة انه الناس ما تدعمه و تنبهم ..
Post: #11 Title: Re: مطعم اولاد ام درمان بعيون مصرية .. Author: يحي قباني Date: 12-21-2020, 05:33 AM Parent: #10
Quote: واحد من فروعهم فيهو ضبان ~ ذباب ~ يكفي حلة فيها عشرين مربوع......
الضبان ما حبابو
لكن الضبان عندهم بس ؟
Post: #12 Title: Re: مطعم اولاد ام درمان بعيون مصرية .. Author: يحي قباني Date: 12-22-2020, 07:36 AM Parent: #11
Quote: مشيت مره واحدة ولقيت زبون عامل مشكلة في انو الكبدة فيها عفنة. ومن داك اليوم ختيت المطعم . بس برضو والله في بعض المطاعم ممتازة .