وفد رفيع من التجمع الإتحادي يلتحم بقوات الشعب المسلحة في الشرق

11:54 AM December, 18 2020

سودانيز اون لاين
عبدالعظيم عثمان-
مكتبتى
رابط مختصر

يتقدمهم الأستاذ سيد العبيد عضو هيئة قيادة التجمع
والأستاذ جعفر حسن والأستاذ صلاح عبدالله
والدكتورة سارة الطيب والأستاذة محاسن حامد

سوف ينضم للوفد السيد والي القضارف
َزيادة جنودنا البواسل في الشريط الحدودي مع
دولة أثيوبيا الشقيقة

غايتو جنس غايتو

سلام عبدالعظيم
الاتحاديون لا يفكرون في انقلاب!

قرقرقرقر!
بلا خجلة، ادوات الخديوية، أو كمان علنا بكشفو في اوراقم عديل كده!!!
نعم عديل كده، هم بولعو نار الفتنة بالوكالة مابينا واهلنا في اثيوبيا، ولمصلحة اعداءنا، مستعمرينا، مستعبدينا، احفاد الغزاة، اي مصريي اليوم!
يالعاركم بحق!

ياتو احادي فقد تشابه علينا الغنم

الطيرة البرهان، سليل الباشبوذغ، البسوي المصريين "اشقاءنا"، كايس يقلبا، باستخدام الفتنة دي اللي هي صناعة مخابرات خديوية، ضالعين فيها ال الميرغني كما نوهنا من قبل في هذا الفضاء!
ماحدث ويحدث في القضارف هو سناريو، حوار، واخراج للمخابرات الخديوية، بطولة العميل، سليل العملاء، الميرغني واولادو تحديدا!

وفد رفيع، قال من عملاء الخديوية، قال يلتحم بي ارجوذات مخابرات مستعمرينا ، قال!

Quote: الطيرة البرهان، سليل الباشبوذغ، البسوي المصريين "اشقاءنا"، كايس يقلبا، باستخدام الفتنة دي اللي هي صناعة مخابرات خديوية، ضالعين فيها ال الميرغني كما نوهنا من قبل في هذا الفضاء! ماحدث ويحدث في القضارف هو سناريو، حوار، واخراج للمخابرات الخديوية، بطولة العميل، سليل العملاء، الميرغني واولادو تحديدا!

تحتل اثيوبيا الفشقة كما تحتل مصر حلايب

تنصب المليشيات الاثيوبية كمين للجيش السودانى وبدعم من المدفعية الاثيوبية يستشهد اربعة من افراد جيشنا على يد القوات الاثيوبية
يقوم البعض من المناضليين الاسفيريين بالتعاطف مع الاحباش ضد وطنهم وجيشهم

افتكر مافى احقر واوسخ واوضع من كدا

نفض المومياء التراب من وجهة الكالح وثال ان المخابرات الخديوية التابعة للخديوى اسماعيل
هى التى نصبت الكمين واطلقت القذائف المدفعية شفتو التفاهة والعمالة وصلت وين
الاحباش ما نفوا قام مرتزق هميل ليقوم بذلك
خديوى فى عينك فكر متبلد وخيال مريض

هل الاتحاديين أكثر وطنية من الاخرين
وبالمقابل يا ريت يرسلون وفد لمثلث حلايب
قال وفد قال
طز

عندما يخوض الجيش السوداني حرباً لتحرير حلايب
سوف يتقدم التجمع الإتحادي لدعم القوات المسلحة
كما فعل الآن في دعم جنودنا البواسل في الفشقة

هذا دور الأحزاب في دعم القوات المسلحة وهي تقوم بدورها
نحن ندعم قواتنا المسلحة ونساعدها لتؤدي دورها المنوط بها
مش أحسن من غيرنا الشغالين يمتطوا القوات المسلحة
لإغتصاب السلطة وتنفيذ الإنقلابات

بشاشا ما عنده غير الفرمالة دي شغال يرددها
من زمن حفروا البحر
إذا سألته التجمع الإتحادي دا شنو ما بكون جايب خبر

التجمع الإتحادي حزب مسؤول ويمارس السياسة بمسؤولية
هو جزء من السلطة الإنتقالية ومؤسس لتحالف الحرية والتغيير
وعنده ممثل في مجلس السيادة وممثل في مجلس شركاء الفترة الإنتقالية
وعنده ثلاث حكام في الولايات.. يعني حزب حاكم ومطلوب منه ممارسة
السياسة بمواقف واضحة لا مواربة فيها
وهو يقف خلف القوات المسلحة السودانية في بسط
سيادة الدولة في منطقة الفشقة

أين تلك الحرب التي تتحدث عنها
خلاص دقيتوا طبول الحرب
عايزين تنفذوا أجندة اسيادكم الفراعنة وحرب بالوكالة.

رديت على سؤالك ليه ما يمشي حلايب
قلت ليك خلي الجيش يمشي حنمشي معاو

عصابات الشفتة الأثيوبية المدعومة من الحكومة
عملت كمين وقتلت جنود سودانين وأسرت بعضهم
الكلام دا ما جايب خبره ولا شنو

الجيش نصارعه ونقيف ليه في حلقه بشأن ولاية المالية
على شركاته الشغالة تعمل في الأنشطة غير العسكرية
ووقت يتحرك عشان يقوم بي دوره الرئيسي
في صيانة الحدود نقيف معاو
دا الموقف ببساطة

محجوب سلامات
نحن ما ناس إنقلابات
بنجي للسلطة ب الصناديق

Quote: عندما يخوض الجيش السوداني حرباً لتحرير حلايب

حلايب أهم من الفشقة...حلايب اخدوها المصريين
رجالة و حمرة عين "من النظام البائد".
الفشقة و زي ما بقول الجيش "عصابة شفتة"
وأهو اظن الموضوع انتهى.
الموضوع مخجل و يدعو للريبة.

الحصل في الفشقة يا ناصر واضح إنه خلفه
القوات الأثيوبية مافي عصابات عندها مدرعات
مافي عصابات عندها مدافع..
إفادات العساكر التم نقلهم القضارف
حسب تقرير سودان تربيون (تعرضوا لقصف مدفعي)

الحرب ما حبابها ودق طبول الحرب لن يأتي بالسلام
لكن البحصل في الفشقة تتحمله الحكومة الأثيوبية
الجيش يشوف شغله... وحمدوك في المسار الدبلوماسي والسياسي
يشوف شغله...
المهم ما نخزل الجيش وما نصفه بخوض حرب الوكالة
والكلامات الحاسمة الايام دي
سوف يذهب البرهان وسوف يذهب حميدتي
وتبقى القوات المسلحة للشعب السوداني

يا عبدالعظيم قوات اقليم التغراي حتي
الصواريخ عندها ودكت مطار في ارتيريا
وقائدهم من احسن من يعملون في الاتصالات
والانترنيت

‏https://www.bbc.com/arabic/world-54950302.amp

أكد زعيم إقليم تيغراي في شمالي إثيوبيا أن
قواته قصفت المطار في العاصمة الإريترية
أسمرة مساء السبت.
زززوقال زعيم تيغراي، دبرتسيون غبريمايكل،
إن قواته خاضت قتالا مع قوات إريترية على جبهات
عدة خلال الأيام القليلة الماضية.
وقد اتهمت جبهة تحرير شعب تيغراي الرئيس
الإريتري، اسياس أفورقي، بالوقوف إلى جانب
رئيس الوزراء الإثيوبي آبي أحمد في الصراع.
وتقول وسائل إعلام محلية ودبلوماسيون إن صواريخ
أطلقت من منطقة تيغراي في إثيوبيا عبر الحدود
على العاصمة الاريترية. وسمعت أصوات انفجارات
في أسمرة لدى سقوط عدة صواريخ في ضواحي
المدينة، ولكن لم تصدر أي تقارير مباشرة عن وقوع إصابات.
وجاء ذلك بعدما هدد قادة محليون في إقليم تيغراي،
يخوضون صراعاً مع الحكومة الاتحادية لإثيوبيا
، بشن هجمات.

المصدرBBC

سلام إخلاص
المليشيات المتهمة ليست قوات الجبهة الشعبية لتحرير التقراي
المليشيات المحلية المتهمة هي مليشيات الأمهرا
وهي ال دائماً بتدخل الفشقة كل سنة في موسم
الحصاد وتقلع حصاد المزارعين السودانين

الموضوع فيه دعم حكومي حتى ولو لم تعترف حكومة أثيوبيا
ومؤكد انها لن تعترف عشان كدا الجيش يشوف شغله

يا عبدالعظيم انسي قصة الحرب دي
ونصيحة للاتحاديين ما تباروا العسكر
برهان ده كان في انقلاب البعثيين ووصل
فريق ، معناها شنو يا عظيم.

ح ينفي انو كان معاهم زي ما عمل رايح
في فض الاعتصام ، ده قال هو رب الفور
تمشو وراه انتو جنتو ، اول من يندم ح يكون
انتو، ما في عسكري الا وغدر بالناس السندوتش
شوف نميري و شوف البشير ، العاقل من اتعظ بغيره

نحن محتاجين لعلاقات جيدة مع اثيوبيا
والمفترض يبدأ تفاوض لشراء الكهرباء
بسعر تفضيلي لمدة 10 سنين لكن عسكر
البشير لا يرون الامصالحهم الضيقة ولو
فكروا صاح يكسبوا اكثر من مجرد الفتات

Quote: نحن ما ناس إنقلابات بنجي للسلطة ب الصناديق

آآي صناديقكم شفناها في تجمع المهنيين