*البرهان يسرع لاشعال فتيل الحرب مع اثيوبيا....لتحقيق الاجندة المصرية.....و لافشال الفترة الانتقالية

05:53 AM December, 17 2020

سودانيز اون لاين
Hassan Farah-جمهورية استونيا
مكتبتى
رابط مختصر

إثيوبيا ليست غبية للدخول في حرب مع السودان، اشتم رائحة مؤامره (دول محور الشر) كما اشتم رائحة دراهم في المخطط لتوريط السودان في حرب مع إثيوبيا لصالح مصر، المناورات مع المحتل المصري لم يكن تمرينا، إذن يوجد نية وتخطيط مسبق (يمن جديد) حرب إستنزاف طويلة المدى كل سوداني ح يتأثر بها مباشرة.
- فرملة الثورة السودانية وطارت الحكم المدني والديمراطية و تعزيز وضع العسكر( إنقلاب بطريقة شيطانية) لان كل الشعب سوف يدعم الجيش و قايد التحرير مع فرض حالة الطواري بسبب الحرب وقتها لا صوت يعلوا فوق صوت الرصاص خصوصاً بعد التسريب المقصود عن صور القتلى والاسير المستفزه لإثارة الشعب السوداني.
- لن تستفيد السودان من حذفها من قائمة الإرهاب والاستقلال اقتصادياً وبذلك تضمن مصر السيطرة على إقتصاد السودان وتواصل تصدير المنتجات السودانية باسمها.
- لن يأتي مستثمرون إلى السودان فالمستثمرون لا يأتون لدول فيها حروب بالاخص الدولية.
- سوف تستغل مصر الحرب لضرب سد النهضة ضربة خاطفة تحقيقاً لهدفها بتدمير سد النهضة وتوريط السودان وكذلك لاغراق السودان وضمان عودته للعصور ما قبل الوسطى حتى لا تفكروا القيام بثورة وجلب الديمقراطية والحكم المدني للمنطقة.
- انهاك الجيش السوداني لصالح الدعم الخفيف لان إثيوبيا ليس ساهلة عسكريا و خلفها دول عظيمة عسكرياً.
- اللعبة مكشوفة والمتورطين هم من يتهمون الشعب بالعمالة
- نجاح الخطة موضوعة على العامل العاطفي والديني للسودانيون.
- اثيوبيا واثقة انها حاتكسب الحرب مع القوى الظلامية فمن لم يكسب حرب اليمن لن ينتصر في إثيوبيا، اذن من هو المقصود بالتدمير وما هو الحل؟؟
الحل هو أن لا يقع الشعب السوداني ضحية تلك المؤامره الخبيثة وان لا يخوض حرب بالوكالة، بل ان يخوض حروبه بالتوقيت الذي يختاره وليس بما يفرضه عليه الاخرون.
- تنقية الجيش من الكيزان و اولهم اللجنة الأمنية للكيزان. البرهان وكباشي حايوصلوكم وراء الشمس.
- عدم دعم الحرب ضد إثيوبيا ففي المعارك الأخلاقية يجب أن لا تكون تابع.
منقووووول

الدور المفضوح لمصر فى اشعال الحرب بين السودان واثيوبيا

راشد عبدالقادر
عندنا حق عند اثيوبيا زى ما عندنا حق عند مصر وعندنا سودانيين قتلوا بالرصاص الاثيوبي زى ماعندنا سودانيين قتلوا فى ابورماد وشلاتين بالرصاص المصري..
الحكومه المصريه امنيتا نكاتل اثيوبيا الان وهى تستفيد وح تحمس النيران..
اى زول يدق طبول الحرب الان وهو ما جاهز بيبقى عاوز ينفذ بينا مصالح واجندة اخرين ..
احفظوا الحقوق فى الدفاتر..
ابنوا البلد وصلحوها وابنوا القدرات والامكانيات وابقوا جاهزين ومستعدين عشان يوم نرجع حقوقنا ح نرجعا من الجميع ولمصلحتنا نحن وبس.. وما ح نكاتل طرف عشان مصلحة طرف تانى.

Quote: الحل هو أن لا يقع الشعب السوداني ضحية تلك المؤامره الخبيثة وان لا يخوض حرب بالوكالة، بل ان يخوض حروبه بالتوقيت الذي يختاره وليس بما يفرضه عليه الاخرون.

نعمل شنو يا دكتور وربنا ابتلانا بي ناس زي البرهان وزمرته ، بعد ده عينا يكون في الفيل
العساكر دييل لازم ينسحبوا من الساحة تماما عشان نمشي لي قدام ، لانو المصريين حيستثمروا وجودهم في السلطة بطريقة بشعة
تاني المليونيات تكون لي كدة، وكمان تاني مافي حاجة مفروض نسميها سلمية ، كل زول يشيل سلاحة وأي قلة أدب
من جيش جنجويد الناس تحمي نفسها ، الناس دييل نحن نخوفهم من الداخل عشان ما يورطونا في حرب نحن فيها الخاسر الأول

عشان ما يورطونا في حرب نحن فيها الخاسر الأول
-----------------------------------------------------------
الاخ تهارقا سلام
والله اخشى ما اخشى ان يكون هذا مصير البلد هزيمة نكراء تطيح بمعنويات الناس وتقضى على املهم فى التغيير ويصبح حالنا اسوأ من حالة الصومال بعد هزيمة محمد زياد برى فى حربه ضد اثيوبيا تلك الحالة التى لم يتعافى منها الصومال حتى يومنا هذا

سلام عليكم
الخوف من العدالة دفع العساكر الجبناء للتآمر على السودان لأنهم لم ينالوا
الحصانة التي طالبوا بها في المفاوضات بعد فض الإعتصام.
مصر تريد تدمير السودان و سد النهضة بضربة واحدة و ليعود السودان
لمربع العقوبات الدولية بتهمة تدمير السد. و لا أستبعد أن تستمر حرب
التغراي مع أثيوبيا من داخل السودان برعاية المحور.
الغرض كما تفضل المتداخلون أن لا ينهض السودان أبداً و تسخر موارده
لصالح مصر و المحور.لذلك لنخرج كلنا و نهتف ضد الحرب مع أثيوبيا و
نكتب ضد العسكر الذين يريدون التضحية بنا من أجل مصر و المحور و
من أجل خوفهم من العدالة و خوفهم على المال الذي سرقوه من الشعب.

السلام عليكم
ح اتفاءل واقول كل غرض البرهان
ان يثبت ارض الشفقة لنا والا يكون
ارتكب الخطأ القاتل ، وطبعاً ح اتفاءل اكثر
واقول ما باع الارض للمحور او مصر للزراعة
كاستثمار لمدة 99 عاماً ، من حقنا نتفاءل

Quote: كل زول يشيل سلاحة وأي قلة أدب من جيش جنجويد الناس تحمي نفسها ، الناس دييل نحن نخوفهم من الداخل عشان ما يورطونا في حرب نحن فيها الخاسر الأول

يعني عشان ما نتورط في حرب خارجية نتورط في حرب داخلية بل قول مذبحة!
دا منطق شنو يا تهراقا

سلام عليكم

Quote: وربنا ابتلانا بي ناس زي البرهان وزمرته ، بعد ده عينا يكون في الفيل العساكر دييل لازم ينسحبوا من الساحة تماما عشان نمشي لي قدام

نحن البلينا نفسنا بيهم (التسوى بايدك يغلب اجاويدك)
مشينا لعند بابهم ونحنا عارفين انهم نتاج 30 سنه او الكتر من التمكين
نزلنا الشوارع وايدناهم يوم 11 ابريل قبل سماع البيان (شيك شرعيه شراكه على بياض)
استقبلنا البرهان فى ارض الاعتصام ونحنا عارفين من تصريح عمر زين العابدين فى المؤتمر الصحفى قبل مايغادر اللجنه الامنيه انو دا ضمن ترتيباتهم
اغتداءات مسلحه متكرره قبل 11 ابريل وبعدها فى 8 رمضان مع الافطار والطامه الكبرى والمجزره فى 29 رمضان
.
.
لو تابعت حاستمر لبكره اكتب
الخطاء جزهرى فى فى مسار الثوره وتخطيطها فى نقطه مفصليه هامه برر الكثير (لاستدعاء العسكر تنظير وتقليد) لا قراءه حقيقيه للواقع لتفادى مايحدث الان وماهو اسوء
.

Quote: الخوف من العدالة دفع العساكر الجبناء للتآمر على السودان

فى اقل من 72 ساعه من اعلان رفع اسم السودان من القائمه السوداء هرع الامريكان لمباحثات واتفاقات بطابع امنى مع حوافز دعم عسكرى فى حين زياره وزير الخزانه جاى فى يناير

واشنطن توقّع اتفاقات أمنية وعسكرية مع الخرطومواشنطن توقّع اتفاقات أمنية وعسكرية مع الخرطوم
أخر زيارة رسمية لوزير الخزانة الأمريكي السودانأخر زيارة رسمية لوزير الخزانة الأمريكي السودان
وموضوع التطبيع مع اسرائيل ضربه البدايه كانت فى يوغندا بشخصيه عسكريه يعنى القصه انو الجماعه ديل قصتهم مع القوى الدوليه مطبوخه و نجيضه وماخابفين من اى محاسبه عقاب عقاب داهليا ولا خارجيا
وحتكون ديمقراطيه ديكور والمجتمع الدولى يعمل رايح زى مابعمل مع دول كتيره من حلفائها محكومه بانظمه ظاهريا ديمقراطيه لكن حكامها يخدمو اجنده القوى الدوليه