Post: #1
Title: داء اسمه سودانيز اونلاين عمره عقدين من الزمن العلاج
Author: احمد عمر محمد
Date: 12-16-2020, 09:46 AM
08:46 AM December, 16 2020 سودانيز اون لاين
احمد عمر محمد-
مكتبتى
رابط مختصر
ما هو العلاج المناسب للتخفيف او التخلص من هذا الداء
حيث ان الشخص اعتزل و قاطع كل الميديا ونجح
في ذلك الا هذا الداء العضال الذي تأبى نفسه ان
يخرج كما يخرج من صاحب المس من يمسه.
برغم انني خلال العقدين الفائيتن لاحظت ان الكثير
قد تغلبوا على هذا الداء و غادروا هذا الدار وربما
يكونوا ممن يواظبون عليه من خلف النافذة ولكنهم
نشطوا في مواقع اخرى وربما بقوة اكثر مما كانوا
هنا برعم انهم يتعبروا ولدوا هنا ومن هنا اخذو
الشهرة التي انطلقوا بها وبعضهم يكره الرجوع
الى هنا ليس كرها فيها ولكن هناك من يهاب اقلامهم
الكلام الفوق ده ما موضوعنا الموضوع اللي عاوز له حل
هو كيف يمكن ان نهرب من هذا المستنقع غير الاسن
ولكنه ياخذ من الوقت والعمر معاً
دلونا على الخطط
|
Post: #2
Title: Re: داء اسمه سودانيز اونلاين عمره عقدين من ال�
Author: Salah Zubeir
Date: 12-16-2020, 12:12 PM
Parent: #1
تحياتي أحمد ...
البداية تصوم اللتنين والخميس ثم لابد من
وجود نشاط ترفيهي مصاحب* مع التركيز
حين تفتح سودانيز على بوستات الخوازيق
الممكن تطفشك يومين تلاته ...
(المفروض عندك لستتك الخاصه بالخوازيق
بعيدا عن عمر التاج)
* مثلا تلعب بريدج أونلاين ... موقع BBO
إذا بتعرف تلعب وست ....
|
Post: #3
Title: Re: داء اسمه سودانيز اونلاين عمره عقدين من ال�
Author: عبداللطيف حسن علي
Date: 12-16-2020, 12:13 PM
Parent: #1
| Quote: ما هو العلاج المناسب للتخفيف او التخلص من هذا الداء |
لاتفعل شيئا !!
لا اذكر متي علي وجه الضبط ، قرأت كتابا لمحمد حسنين هيكل اسمه زيارة جديدة
للتاريخ ، عبارة عن مقالات ومقابلات مع اشهر شخصيات العالم انذاك ..
إحدي المقابلات كانت مع مدير الكي جي بي ، يوري اندروبوف ، يساله عن كيفية
إخفاء شحنة سلاح ضخمة اشتروها توا في وجود عبدالناصر ، عن اعين المخابرات
الامريكية في الطريق الي مصر ، المذهل كانت اجابة يوري اندروبوف انه لاتفعل شيئا !!
شخصيا من الذين توقفوا فترات طويلة عن المنبر دون ان اقرر شيئا !
|
Post: #4
Title: Re: داء اسمه سودانيز اونلاين عمره عقدين من ال�
Author: أحمد محمد عمر
Date: 12-16-2020, 12:31 PM
Parent: #3
من أيام الجامعة بسف وبخليه عادي بدون أي مجهود
الجماعة كانوا بستغربوا فيني وأنا ابتسم منتصراً الشغلانة نفسية أول يوم بتحس بي روحك مرهق ونعسان تاني حيلك ميت وشوية صداع نوم على بندول تالت يوم بتبقى زي الحصان
آخر مرة خليتو كان قبل 5 سنوات .. لااااااكن عمل فيني عمايل!! ياخي كان قمت من السرير ساي راسي يدوخ مع ملاحظة إني كنت سانده بالشيشة
بعد الزنقة ديك عرفت المكنة خفت والكبر حصل عشان كدة تاني أصلو ما صالحته
الشيشة ذاتها مع الكورونا خليناها ولا خلتنا ما عارف .. المهم في البداية جبت لي شيشة اليكترونية وحركات .. تاني قلت يا عمك دة شنو البعملو في روحي دة! جدعتها وبقيت خالي من النيكوتين
هسة الاونلاين دة قاعد اسيبه عادي بس بعمل ساين آوت وخلاص وعادي أكمل سنة وسنتين .. برجعني عدم الموضوع
فاااا شنو غايتو لحدي هسة بقدر أخليهو عادي وفي الحقيقة لي فترة مفكر في الفكرة دي وكل مرة بأجل فيها .. لكن قطع شك لو قدرت غادرته بإحسان زي المرات الفاتت ممكن أعدي لي كم شهر ولا كم سنة ذاتو وارجع عادي وإن عمل لي زي الصعوط ياني المفارقه نهائي
|
Post: #5
Title: Re: داء اسمه سودانيز اونلاين عمره عقدين من ال�
Author: احمد عمر محمد
Date: 12-16-2020, 01:28 PM
Parent: #4
ود الزبير
Quote:
مثلا تلعب بريدج أونلاين ... موقع BBO
إذا بتعرف تلعب وست ...
|
اساسا عندي فوبيا لاي حاجة متعلق باgames
و لا حتى سلوتير المسديك ما حصل لعبتها و شبعتها
منها حين ما كانت معشوقة الجامهير
لكن الواحد بس مفروض يبقى مارق دون موعد او شرط
وينسى الموثع كما نسى اخوانه من قبل
من لدني الفيس و التويتر
|
Post: #6
Title: Re: داء اسمه سودانيز اونلاين عمره عقدين من ال�
Author: احمد عمر محمد
Date: 12-16-2020, 01:30 PM
Parent: #5
عبداللطيف
Quote:
انه لاتفعل شيئا !!
شخصيا من الذين توقفوا فترات طويلة عن المنبر دون ان اقرر شيئا !
|
شايفك تغيب و تعود بارتياح يبدو انك لا تبالي
ماذا سيحدث في القوم من خلفك برغم انك صاحب
احتكاك فيما تحاولر و تناقش اذاان المعهود اللي
عندهم تواصل قوي نادرا ما يغيبون لكن شكلك
عملت مناعة ساعدتك ان تعيش كل الاجواء
ساحاول الا اقعل شي وامضي ربما صار الامر ممكن
|
Post: #7
Title: Re: داء اسمه سودانيز اونلاين عمره عقدين من ال�
Author: احمد عمر محمد
Date: 12-16-2020, 01:47 PM
Parent: #6
بالنسبة
Quote:
من أيام الجامعة بسف وبخليه عادي بدون أي مجهود
|
مرة عاوز ازوغ من الدكتورة ومن الوصفات الطبية
فقلت ليها البتاع ده كان استمعلته وبعدين خليته بيعمل
لي اعراض انسحابية فقالت لي انت تتناول مخدرات ولاشنو
الشاهد ان المتباك بن عم السيكار ومن لف لفهم ممكن
يعمل اعراض انسحابية عادي لمن بلغ مرحلة الادمان
واحكي لك ان صديقا لي قرر ترك التمباك بعد
حوالي ثلاثة عقود دون اي مقدمة وبعد نصف
ساعة كان محمولا على سيارة لاسعافه الى حوادث
الخرطوم وهناك الدكتورة ادخلته الانعاش ونبضات
قلبه ترتفع وتنخفض وكمان بلعتوا حبة بالخطا ممكن
تموته لانعا شخصت خطا وبعد شوية صاحبنا لمح مرافق
بيسف اشر ليهو سلموا كيس الصعوط دردم سفتو
ونزل على رجليه وكان شي لم يحدث ورجعت حليمة
لقديمها الى يومنا هذا.
لكنك شكلك كانت توفر بديل مناسب صعوط سجائر
سجائر صعوط بس الموضوع كمان لو طلع بره السيطرة
تبقى مشكلة
عموما نحاول نطبق نظرية الصعوط البلا مقدمات
دي ونحاول نريح ولا نمرق
|
Post: #8
Title: Re: داء اسمه سودانيز اونلاين عمره عقدين من ال�
Author: muntasir
Date: 12-16-2020, 03:43 PM
Parent: #7
كنت داير أقول ليك غير الباسوورد باحرف وارقام عشوائية وتاني ما بتقدر تخش لكن اتذكرت الزنديق بك رد الله غربته عمل كده لكن جاته الكاروشة وبقى يحاحي بي تحت وانطبقت عليه مقولة ت. س إليوت سجم الطلقوها وكايسة الرجوع
|
|