الجامعات السودانية تحديث البيانات والتواصل

09:19 AM December, 13 2020

سودانيز اون لاين
احمد عمر محمد-
مكتبتى
رابط مختصر

من الاشياء المحزنة ان تجد في الصفحة الرئيسية لإحدى
الجامعات اعلان عمره عام عن التقديم للدراسات العليا
ومما يزيد الطين بله ان كل الهواتف الملحقة للتواصل
مع الكلية المعنية او الجهة الإدارية المناط بها استقبال
الاتصال للتواصل مع طالبي الخدمة ان تجد الارقام
اما خطأ او مقطوع عنها الخدمة وهذا البوست دعوة
لكل إدارات الجامعات على العمل على تحديث بياناتها
وكذلك الصرف على صفحاتها التي تعتبر الواجهة
للجامعة الاعتماد الكلي في العملية التعليمية على الاونلاين
ومن الممكن الجامعات التي واكبت التطور في مجال التكنولوجيا
كان يمكنها ان تجني مبالغ عالية في الوقت الحالي وكان
ذلك مدعاة لتشغيل الاساتذة الراغبين و الجاهزين لتقديم
خدماتها اونلاين.
ولكن وين مع الانترنت الما بيساعدك تنزل صورة
لا تتجاوز سعتها واحد ميغابايت

Quote: ومما يزيد الطين بله ان كل الهواتف الملحقة للتواصل مع الكلية المعنية او الجهة الإدارية المناط بها استقبال الاتصال للتواصل مع طالبي الخدمة ان تجد الارقام اما خطأ او مقطوع عنها الخدمة

سلام عليكم
قبل ما ارد على مشكله الجامعات .داير اقول انو مشكله التلفونات وعناوين ايميلات التواصل دى حاله عامه فى المؤسسات وبعد داك يقول ليك حكومه الكترونيه
كتير من الجهات ارقم تلفوناتها مرات يقول غير موجود (بعنى اتسحب عديل من الجهه ولسه محلينو ضمن بياناتهم) ايميلات بعضها الرساله ترجع والبعض يكون اتعمل وفقدو الباسويرد زى مابحصل كتير.
.
راجع ليك فى موضوع البوست لاحقا

انا معاك لن استغرب خاصة لمن تكون
جامعات حتى بياناتها تكون في الهواء
يعني ممكن تفقدها بدون سبب والسبب
لا توجد معايير ولا اشتراطات تفرضها
المؤسسات على المشتغلين في اصعدة
حفظ البيانات وبرمجتها

فوق
ياريت لو نسمع رائ وليد محمد المبارك في البوست ده

Quote: ومما يزيد الطين بله ان كل الهواتف الملحقة للتواصل مع الكلية المعنية او الجهة الإدارية المناط بها استقبال الاتصال للتواصل مع طالبي الخدمة ان تجد الارقام اما خطأ او مقطوع عنها الخدمة وهذا البوست دعوة لكل إدارات الجامعات على العمل على تحديث بياناتها وكذلك الصرف على صفحاتها التي تعتبر الواجهةللجامعة

في فرصة كويسة هنا إن شركة الاتصالات تعمل واجهة بينية (API)
للتحقق من صلاحية أرقام الهواتف الرسمية مباشرة وتنبه مدير الموقع للتحديث.

لأنو حسب علمي مافي طريقة آلية للتحقق من التلفونات دي إلا بتجربتها بالاتصال.

___
اعتقد خدمة زي دي مفروض تكون مجانية.

سلام يا ابوحميد
موش الجامعات و بس
قبل شوية دخلت موقعين
وزراة التربية و التعليم الاتحادية
وزارة التربية و التعليم ولاية الجزيرة

ياهم ذااااااااتهم الشفتهم قبل سنة

Quote: في فرصة كويسة هنا إن شركة الاتصالات تعمل واجهة بينية (API) للتحقق من صلاحية أرقام الهواتف الرسمية مباشرة وتنبه مدير الموقع للتحديث.

المشكلة يا حاتم تكمن في انه في المؤسسة الاكاديمية ينظر
الى مطوري الصفحات وكانهم عالة على المؤسسة و ان
وظيفتهم تنطوي على رفاعية ليست من اولويات المؤسسات
حتى يتم الاهتمام بهم وبإستشاراتهم في تطوير الخدمة
وعلى ذلك قس النتائج التي نشاهد

سلام عليكم
مواقع الجامعات السودانيه قاصره جدا وتواجه تحديات مستقبليه مع الحديث عن التعليم الالكترونى
من خلال متابعتى لمواقع عده جامعات اعتقد انو موقع جامعه السودان من افضل المواقع رغم انو برضو فيهو قصور فى التحديث ومشاكل اخرى زى روابط مابتفتح او حتى لم يتم متابعه تحريرها بالمعلومات المفروض تكون فيها .
-التسجيل
-الاعلانات والتنويهات
-الجداول (دراسه +امتحانات) + مدخل الاطلاع على النتيجه للطالب
-صفحات الكليات والاقسام و اعضاء هيئه التدريس وتوفير كل المعلومات اللازمه من سيره ذاتيه ومعلومات تواصل والاوراق العلميه ...الخ
-من اهم الحاجات مستودع الابحاث سواء الرسائل (ماجستير ودكتوراه والمميز من مشاريع التخرج) -جانب الانشطه الاخرى ثقافيه ,اجتماعيه ....الخ
ثم
- برنامج التعليم الالكترونى
السؤال المهم : من يقوم بتحريروتحديث الموقع ؟
فريق واحد ؟ ام فريق موزع على افرع المؤسسه الاكاديميه (كليات -ادارات...الخ)
هل بمكن اتاحه اداره ذاتيه لبعض الصفحات ؟(خاصه مع الشروع فى التعليم الالكترونى لاعضاء هيئه التدريس واداره الكورسات والافضل على المستوى المتوسط للسودان المنصات لمعروفه ام علينا بناء منصه وطنيه لاداره الكورسات).
.
معليش ربما استطردت شويه بعيد عن بؤره البوست
تحياتى

يا عاصم النظام الشغالين بيه في المؤسسات الجامعية انه بيكون
في وحدة دعم فني مسؤوليتها انشاء الصفحة والعمل على تدريب
مطوري الكليات الاخرى والذين يجب عليهم متابعة صفحة كلياتهم المعنية
وتطويرها وعمل تحديثات بالبيانات بإعتبار ان كل كلية ملزمة
بما يخصها، وهنا يحصل الخطا اذا انه يتم تدريب استاذ من القسم المعني
لمتابعة الصفحة واكيد الاستاذ يوم يومين وتانب ما راح يشتغل بيها، وفي نفس
الوقت الكليات ما عندها اي استعداد تشتغل على الصفحة ولكن الحاجات
المركزية مثل الشهادات والتسجيل والنتائج غالبا تكون مركزية عشان
كده تلقاها هي الوحيدة الشغالة.
المفروض الكليات حتى المتابعة توكلها للوحدة المركزية المسوؤلة
من تطوير ومتابعة الصفحة ويتم رصد ميزانية لمطور واحد يكون
فنيا تابع لمركز التطوير وماليا يتبع للكلية المعنية و يكون مسوؤل
مسوؤلية تامة في متابعة صفحته بكل الانشطة المتعلقة بالكلية
لكن للاسف كما ذكرت لك اساسا ينظر اليها كانها ليست اولوية
وانما رفاهية لذا تجد عميد الكلية او حتى مدير الجامعة ولا وكيلها
لا يولي امر الصفحة اي اهتمام.
بالنسبة لجامعة السودان على قولك انها الافضل دي ما ياها
الخلتني افتح البوست ده، واظن بيانتاهم قديمة لمن معتتة
ولا في تلفون بالغلط في الدراسات العليا شغال.
اللهم الا لو انت قاصد اي واحد اخرى من الجامعات اللي
اسمها جامعة السودان كالمفتوحة و لا للبنات

Quote: بالنسبة لجامعة السودان على قولك انها الافضل دي ما ياها الخلتني افتح البوست ده، واظن بيانتاهم قديمة لمن معتتة ولا في تلفون بالغلط في الدراسات العليا شغال. اللهم الا لو انت قاصد اي واحد اخرى من الجامعات اللي اسمها جامعة السودان كالمفتوحة و لا للبنات

سلام عليكم
معقوله بيا اجمد ادخل فى لبس زى دا ؟
جامعه للعلوم والتكنولوجيا وحددت انها وقاصد من الواقع مش المثال والكمال اللى بنضعو معيار للقياس) ووضجت انو فيها جوانب قصور .فى تحديث البيانات وغيرو
لكن
من ناحيه انها موقع متوفر فيعو اغلب الحاجات المفروض تتوفر فى موقع مؤسسه اكاديميه(بقصد الصفحات الداخليه )
المشكله يعنى فى بنيه اسايه افضل (مقارنه) بباقى الجامعات (هنا بركز على الحكوميه لانها اوسع قاعده كما وكيفا مازى الجمعات الخاصه اللى هى فى حجم كليات جامعيه .
.
اضفلذلكانو ج/السودان فيها كليه حاسوب وتقنيه معلومات (من) اميز واقدم الكليات (تطورت من قسم فى كليه العلوم) فى 1991 واختيرت من مراك التميز فى مجال تقنيه المعلومات
وماتنسى انو فى فتره كان بيدير الجامعه بروف عزالدين محمد عثمان اللى البعض بيظن انو شيخ الكمبيوتر فى السودان وشهدت الجامعه قفزه نوعيه فى مجالات عده عير انو من تواصل معاهو ونحنا طلاب فى قضيه مطلبيه لاحظت او شخص محتلف عن كوادر (الايام ديك) البقو فى اداره الدوله وخاصه التعليم العالى
ومن الناس المميزين دكتوريحيى اللى كان وزير اتصالات ومسك هيئه الاتصالات لفتره وبرضو شخص ميزاكاديميا واذكر انو كنا اخر ناس درسنا وهو مساعدتدرس (عملى الكترونيات رقميه)قبل مايسافر للماجستير (واظن كمل معاها الدكتوراهفى زمن قياسى ) رجع بعدها للجامعه
لذلكاعتقد انو مثلا بامكانات وخبرات ج/السودان فى الجال دا ممكن تكون وصلت مراحل متقدمه لو اتوفر (فرصه تخطيط واداره جيده) بعيد عن الصراعات السياسيه البتبوظ اى شىء
الان اظن من الحاجات الجيده هم متقدمين - مع الظروف الحاليه وجائحه كورونا - فى موضوع التعليم الالكترونى
تحياتى