Post: #1
Title: مساعدا الملحق العسكري في بريطانيا يطلبان حق اللجوء
Author: زهير عثمان حمد
Date: 12-12-2020, 12:36 PM
Parent: #0
11:36 AM December, 12 2020 سودانيز اون لاين
زهير عثمان حمد-السودان الخرطوم
مكتبتى
رابط مختصر
الخرطوم : السوداني
قالت مصادر مطلعة لـ(السوداني) إن اثنين من مساعدي الملحق العسكري بالسفارة السودانية في بريطانيا ، طلبا حق اللجوء .
واوضحت المصادر ان المساعدين للمحلق العسكري انتهت فترة عملهما وعندما طلب منهما العودة للبلاد رفضا ذلك و طلبا حق اللجوء .
|
Post: #2
Title: Re: مساعدا الملحق العسكري في بريطانيا يطلبان
Author: امتثال عبدالله
Date: 12-12-2020, 01:49 PM
Parent: #1
يمكن خافوا من الكرونا لمن سمعوا بزيادة الوفيات في الخرطوم
وقالوا ينتظروا لغاية ما ياخدوا اللقاح البريطاني...
|
Post: #3
Title: Re: مساعدا الملحق العسكري في بريطانيا يطلبان
Author: صديق مهدى على
Date: 12-12-2020, 04:53 PM
Parent: #2
والله يازهير بقيت زى ست الودع ياخ ما يطلبوا اللجوء مش هم تابعين الانقاذ ياخ جيب خبر ليهو علاقة بالوضع الداخلى
زى وفاة دكتور جبريل ابراهيم نتيجة حادث حركة أو مناوى لم فيهو اسهال هرد بطنو أو مالك عقار مات فى ظروف غامضة
أو برهان سممو ليهو عرقى بس حميدتى أوعى منه عشان ناس الثورة محتاجين ليهو
تحياتى
ياصحفى الغفلة
|
Post: #4
Title: Re: مساعدا الملحق العسكري في بريطانيا يطلبان
Author: محمد البشرى الخضر
Date: 12-12-2020, 06:22 PM
Parent: #3
أدناه منقول من الواتساب يا ابو الزهور:
Quote: الذين تقدموا بطلبات لجوء في بريطانيا من أعضاء السفارة بلندن حتى الآن:
🔥 نائب رئيس البعثة وزير مفوض
🔥 مدير الحسابات
🔥 مدير الجوازات بالبعثة بدرجة العقيد
🔥 المدير الإداري بالبعثة
🔥 صول المساعد الأول للملحق العسكري
🔥 رقيب أول مساعد ثاني للملحق العسكري
نكرر حتى الآن وما زال الحبل ع ماذا لا ندري!!!
وبذا يكون أغلبية أعضاء السفارة بلندن قد تقدموا بطلبات لجوء في بريطانيا بعد أن تقطعت بهم السبل... وتعتبر هذه سابقة في تاريخ الدبلوماسية أن يتقدم أكثر من نصف أعضاء بعثة كلندن للجوء... |
هل الامر دا طبيعي؟ وباي حجة يقدموا لجوء سياسي يا ترى؟
|
Post: #5
Title: Re: مساعدا الملحق العسكري في بريطانيا يطلبان
Author: امتثال عبدالله
Date: 12-12-2020, 06:37 PM
Parent: #4
والله يا ود البشرى بكون عندهم الف حجة وحجة...
البريطانيين ديل انسانيين زيادة عن اللزوم...
|
Post: #6
Title: Re: مساعدا الملحق العسكري في بريطانيا يطلبان
Author: Hafiz Bashir
Date: 12-12-2020, 06:55 PM
| Quote: هل الامر دا طبيعي؟ وباي حجة يقدموا لجوء سياسي يا ترى؟ |
غايتو يا ود البشرى بقيتوا صعبين خلاص.
يعني هم الناس القبلهم القدموا لجوء سياسي كلهم كانت عندهم حجة؟
|
Post: #7
Title: Re: مساعدا الملحق العسكري في بريطانيا يطلبان
Author: محمد البشرى الخضر
Date: 12-12-2020, 07:07 PM
Parent: #6
كيف يكون عندهم حجة يا مولانا و يا امتثال
زمان في نظام دكتاتوري يقمع حرية التعبير و يمارس حرب ابادة في دارفور و وقوانينه فيها حد الردة
اسي النظام القمعي اتغير وجات الحرية و تم توقيع السلام وتوقفت الحرب و تم تغير حد الردة و حتى الكان بتحججوا بالاضهاد الجنسي لاختلاف ميولهم اهو احمد عمر دخل البلد يقدل ومرقها في الابيض دا غير التتيتهات المالين الساحة الفنية و البلموا نقطة القونات!
حتى الخفاض الحجة الكاربة البخشوا بيها الامهات مع بناتهم كندا تم تجريمة في القوانين الجديدة!
غايتو كدي الننتظر و نشوف الحجة الح يقدموها شنو و هل حتمشي في البريطانيين!
|
Post: #8
Title: Re: مساعدا الملحق العسكري في بريطانيا يطلبان
Author: امتثال عبدالله
Date: 12-12-2020, 07:32 PM
Parent: #7
يا ود البشرى
ممكن ببساطة جدا يقول انهم كيزان وان حياتهم في خطر ويجيبوا قصاصات من الصحف
والمقالات ويختوا خطين تحت عبارة"اي كوز ندوسو دوس" ويستعينوا بشركة ود الامير ويترجموا
العبارة دي بمختلف العبارات الانجليزية ،، ولمن قاضي الهجرة البريطاني يقرا الترجمة حيوافق في الحال
يديهم اللجوء السياسي وحيقول ليهم فعلا حياتكم في خطر، وكمان مش عاوزين يعدموكم بطريقة انسانية
وعاوزين يدوسوكم بالارجل حتى الموت...لا ..لا..دي وحشية زيادة عن اللزوم ،وبريطانيا دولة الحريات لا يمكن
توافق انكم ترجعوا السودان وتواجهو الموت...ومرحبا بكم في بريطانيا..وانا حاكتب توصية بالاسراع في منحكم
جواز السفر البريطاني حتى تستطيعوا استقدام عائلاتكم بسرعة....ههههههههههههه..
اها رايك شنو في السيناريو ده!!؟؟؟
|
|