عادي. طين ما مستفيدين منه في الداخل بتعريفة. في دول خليحية استوردت طين من بنغلاديش ومن آيرلندا ومن دول تانية (مع أن الدول دي مستفيدة من طينها). لو الطين بجيب عيش، فلنصدّره. نحن صدّرنا بشر، بقت على الطين؟ لا أمانع على تصدير طين بحورنا كلها، لكن لازم نقبض كااااااش، ما وعود والقروش تروح بين الحرامية.
القاسم المشترك في كل هذا, هو ان البعض مستعد يبيع السودان كلو, طالما القروش ماشة لجيوبهم الخاصة.
Post: #5 Title: Re: تصدير طين البحر (القرير)..معقوله !! Author: Asim Ali Date: 12-12-2020, 00:11 AM Parent: #3
Quote: القاسم المشترك في كل هذا, هو ان البعض مستعد يبيع السودان كلو, طالما القروش ماشة لجيوبهم الخاصة.
دى المشكله يامحجوب البلد ضابعه بين سياسيين وخوازيق مدفع وتجار وسماسره وكل شىء للبيع
Post: #4 Title: Re: تصدير طين البحر (القرير)..معقوله !! Author: Asim Ali Date: 12-11-2020, 11:20 PM Parent: #2
Quote: عادي. طين ما مستفيدين منه في الداخل بتعريفة. في دول خليحية استوردت طين من بنغلاديش ومن آيرلندا ومن دول تانية (مع أن الدول دي مستفيدة من طينها). لو الطين بجيب عيش، فلنصدّره. نحن صدّرنا بشر، بقت على الطين؟ لا أمانع على تصدير طين بحورنا كلها، لكن لازم نقبض كااااااش، ما وعود والقروش تروح بين الحرامية.
طمى النيل المحمول اثناء الفيضان من اعالى الانهر والمترسب على ضفاف النيل ووروافده هى تربه تعيد تجديد شباب تربه الجروف وتخصبها باحتوائها على عناصر مفيده للزراعه على ضفاف النيل (يعنى ما اى طين وخلاص وانما ثروه بيئيه )ويحمل بعضها لتتغذيه /تخصيب بعض الاراضى البعيده نسبيا عن النيل او مجارى السيول بقيام سد النهضه سيحرم السودان من نسبه كبيره من الطمى المغذى لضفاف النيل وروافده مما يعنى انخفاض خصوبه تلك الضفاف وضروره الاعتماد بشكل اكبر على تدخل العنصر البشرى لزياده حصوبه تلك الاراضى (يعنى نفتش سماد بكاش برضو) تصدير الطمى الجاف (طين البحر) للاستخدام فى صناعه التجميل لتغذيه بشره الجلد عند النساء الطمى هبه ربنا للمزارع البسيط -كحد ادنى لخصوبه الارض-من تدخل تاجر او سمسار او دوله بشكل عام القضيه قضيه بيئيه بالمقام الاول اضافه الى تصدير الفحم النباتى .يجب الناس تدافع عن سلامه البيئه فسلامه البيئه تعنى الحفاظ على اهم البنيات الاساسيه لموارد السودان فى مجال الزراعه والغابات
Post: #6 Title: Re: تصدير طين البحر (القرير)..معقوله !! Author: Shinteer Date: 12-12-2020, 00:16 AM Parent: #4
Quote: بشكل عام القضيه قضيه بيئيه بالمقام الاول اضافه الى تصدير الفحم النباتى .يجب الناس تدافع عن سلامه البيئه فسلامه البيئه تعنى الحفاظ على اهم البنيات الاساسيه لموارد السودان فى مجال الزراعه والغابات
أخانا عاصم، لو بتتكلم عن السودان، فالسودان ما فيه أي قضايا بيئية ولا شيء من هذا القبيل. ولو كنت بتتكلم عن دولة غير السودان فأنا معاك. السودان والقضايا البيئية لا يجتمعان. السودان وأبسط مقومات الحياة البشرية لا يجتمعان. والبنيات الأساسية دي أنساها. خلينا نصدّر طينّا دا عليك الله. بلاش بيئة وبنيات تحتية.
وزي ما قال أخونا محجوب ... البيع شغال بالجملة من زمن بعيد ... طين ورمال وبشر حتى. وقد أحل الله البيع وحرم الربا. دا باب رزق جديد.
Post: #9 Title: Re: تصدير طين البحر (القرير)..معقوله !! Author: Asim Ali Date: 12-12-2020, 00:38 AM Parent: #6
Quote: أخانا عاصم، لو بتتكلم عن السودان، فالسودان ما فيه أي قضايا بيئية ولا شيء من هذا القبيل. ولو كنت بتتكلم عن دولة غير السودان فأنا معاك. السودان والقضايا البيئية لا يجتمعان. السودان وأبسط مقومات الحياة البشرية لا يجتمعان. والبنيات الأساسية دي أنساها. خلينا نصدّر طينّا دا عليك الله. بلاش بيئة وبنيات تحتية.
وزي ما قال أخونا محجوب ... البيع شغال بالجملة من زمن بعيد ... طين ورمال وبشر حتى. وقد أحل الله البيع وحرم الربا. دا باب رزق جديد.
الاخ شنتير كلامك دا على قول المثل (دار ابوك كان خربت شيل ليك منها شليه) والزينا دا يسكت ويمون مغصه او يغادر البلد يخليها للطامعين ناس شيل منها شليه
تحياتى
Post: #7 Title: Re: تصدير طين البحر (القرير)..معقوله !! Author: Asim Ali Date: 12-12-2020, 00:20 AM Parent: #4
يبدو انو القصه اصبحت تجاره رابحه تصدير واستيراد حسب انواع الطين منها (طين البحر الميت) مع البحث توصلت للاتى الجهه اقائمه على الامر فى السوق العربى الكيس ب (100 جنيه) مباشر او بواسطه خدمه التوصيل مستغرب انو فى البلد دى وفى الظروف دى لسه فى ناس عايشه رفاهيات وكماليات زى دى !!!1
Post: #8 Title: Re: تصدير طين البحر (القرير)..معقوله !! Author: اخلاص عبدالرحمن المشرف Date: 12-12-2020, 00:26 AM Parent: #7
مقروءاً مع استيراد الخضار من الخليج تعرفون حجم السرقة وعمق الماسأة.
Post: #10 Title: Re: تصدير طين البحر (القرير)..معقوله !! Author: Asim Ali Date: 12-12-2020, 01:08 AM Parent: #8
Quote: مقروءاً مع استيراد الخضار من الخليج تعرفون حجم السرقة وعمق الماسأة.
ماساه البلد فى اداره الدوله وفى اقتصادها خلى الاوضاع زى ( شمله بت كنيش)
Post: #11 Title: Re: تصدير طين البحر (القرير)..معقوله !! Author: Shinteer Date: 12-12-2020, 01:17 AM Parent: #10
Quote: كلامك دا على قول المثل (دار ابوك كان خربت شيل ليك منها شليه)
الغايظني يا عاصم والله حتى الآن لا املك في السودان مساحة قبر. ما عندي فيها ولا راكوبة ولا حفرة ولا شيء باسمي. مشينا وراء المثالية والعفة لحد ما رمونا بقد القفة.
أها كيلو الطين بكم؟ عشان نشوف لنا برجوبة نصدرها ونتعوض بيها السنين الضاعت.
Post: #12 Title: Re: تصدير طين البحر (القرير)..معقوله !! Author: علاء سيداحمد Date: 12-12-2020, 07:36 AM Parent: #11
سلام يا عاصم
الكيزان الحرامية كانوا قد قاموا بتصدير كمية كبيرة من الرمال السودانية الى دول عربية واوربية بمبالغ كبيرة جداً وقد تم مناقشة الموضوع فى وقته هنا فى المنبر . ويقينى من قاموا بتصدير الرمال هم من يقومون الآن بتصدير الطين .
Quote: العربي الجديد
الرئيسية
اقتصاد اقتصاد عربي
رمال السودان البيضاء...اتفاقية تصدير بملياري دولار تثير موجة استياء
وقعت الحكومة السودانية اتفاقاً إطارياً مع شركات ألمانية لتصدير رمال بيضاء من السودان، وتشييد محطات لتوليد الكهرباء تعمل بالطاقة الشمسية، إضافة إلى تقوية شبكات نقل الكهرباء والمحطات الفرعية في جميع أنحاء البلاد.
Post: #13 Title: Re: تصدير طين البحر (القرير)..معقوله !! Author: Asim Ali Date: 12-12-2020, 08:58 AM Parent: #12
Quote:
الاتفاقية تقضي باستجلاب شركة "بريزما" الألمانية بمشاركة شركة "إي.بي.بي" الألمانية معدات تعدينية تستخدم في تنقية الرمال البيضاء الغنية بالسيليكون في كل من المتمة بنهر النيل، شمال السودان، ومنطقة بارا شمال كردفان، غرب البلاد.
مرحب علاء الجزء الاهم فى الخبر اللى اوردتو انو الرمال البيضاء غنيهبالسيليكا والسيلكا مهمه جدا فى صناعه المكونات الالكترونيه اللى بتمثل الان عصب الحياه (الاجهزه الالكترونيه باحتلاف زظائفها) ودرجه نقاء واستخلاص السيلكون مهمه لضمان جوده المكون الالكترونى بالتالى جوده الجهاز المصنوع. طبعا غير اهميه السيلكا فى صناعه الزجاج واستخدام الرمال ايضا ضمن اغراض طبيه وتجميليه فى الجانب دا ان كان لابد فالافضل ان نستغل الرمال البيضاء داخل البلد ونقيم صناعات تقوم على استغلال خام السيليكا (قيمه مضافه) يستفيد منها اللبلد ويمكن تصديرها .
Quote: ويقينى من قاموا بتصدير الرمال هم من يقومون الآن بتصدير الطين .
الكيزان براهم ماعندهم الفهم للدرجه دى لكن وسواس شياطين العرب والسوريين تحديدا المقيمين حتلقى انهم من اهم المستفيدين من التجاره دى-وبيلفتو الانظار ليها - سواء رمال بيضاء او طين بحر وحتى الفحم النباتى ..وماخفى اعظم البلد هامله ولسه هامله . بلد غنيه بالموارد والثروات وبدل نستغلها التنميه والصناعه تتسرق مواد خام ونبقى زى باقى دول افريقيا شركات نعمل فى الماس والتعدين وتستغل حتى الاطفال وتبقى البلاد فى فقرها وصراعاتها Re: الاقتصاد الافريقى - إغتيال القذافى (متفرق�Re: الاقتصاد الافريقى - إغتيال القذافى (متفرق�
Post: #14 Title: Re: تصدير طين البحر (القرير)..معقوله !! Author: Asim Ali Date: 12-12-2020, 05:42 PM Parent: #11
Quote: الغايظني يا عاصم والله حتى الآن لا املك في السودان مساحة قبر. ما عندي فيها ولا راكوبة ولا حفرة ولا شيء باسمي. مشينا وراء المثالية والعفة لحد ما رمونا بقد القفة.
أها كيلو الطين بكم؟ عشان نشوف لنا برجوبة نصدرها ونتعوض بيها السنين الضاعت.
الغريبه انو فئات كتيره من القاعدين فى السودان ماقدرين يبقو اراضى حسب خطه اسكان عادله حسب اماكن علهم واقامتهم الدائمه زكنا مفتكرين الكيزان منفعين المغاربين بجولات ترويج وبيع الاراضى ليهم . قريره البحر الكيس الشايفو فى الصوره دا ب 100 جنيه . الوضع بقى سىء جدا والناس بقى الواحد مستعد فعلا يعمل بقول المثل الانا ذكرتو فوق . تصور ناس تسرق حديد ابراج كهرباء الضغط العالى شفت جن اكعب من كدا ؟ الحديد يمشو يبيعوهو بالكيلو لبتاع الخرده او يودو للناس البتصهر الحديد ويعملو حلل تمبل باى ومقاصيص وملاعق ...الخ
