Post: #1
Title: محامي شهير يتهم زوجته بسرقة “50” ألف جنيه والشرطة تقبض عليها
Author: زهير عثمان حمد
Date: 12-10-2020, 08:04 PM
07:04 PM December, 10 2020 سودانيز اون لاين
زهير عثمان حمد-السودان الخرطوم
مكتبتى
رابط مختصر
لخرطوم . المحرر : ترياق نيوز
ألقت الشرطة القبض علي زوجة محامي شهير بعد أن اتهمها بسرقة مبلغ ” 50 ” ألف جنيه من داخل خزينته بمنطقة الكلاكلة جنوبي العاصمة السودانية الخرطوم . وتدور وقائع البلاغ حسب أقوال الشاكي الذي تقدم به إلى قسم الشرطة ، أفاد في أقواله أن زوجته أستغلت وقت خروجه من المنزل وتمكنت من سرقة مبلغ ” 50 ” ألف جنيه كان موضعها داخل خزنته الخاصة واستفسرها عن المبلغ لكنها أنكرت معرفتها بالمبلغ بيد أنه أكد بأنها في يوم السرقة كانت داخل الغرفة . حيث تم القبض علي المتهمة وتم اقتيادها إلى قسم الشرطة و تدوين بلاغ ضدها وفقا لنص المادة 174 من القانون الجنائي المتعلقة بالسرقة
|
Post: #2
Title: Re: محامي شهير يتهم زوجته بسرقة “50” ألف جنيه
Author: امتثال عبدالله
Date: 12-10-2020, 08:16 PM
Parent: #1
بالله عليكم دي حالة دي!!
زول يبلغ على زوجته وشريكة حياته...
على الاقل كان يمشي لابوها ويكلمه ويقول ليه :بنتك ، واللي
هي زوجتي سرقت مني ٥٠ الف جنيه ..كلمها خليها ترجعهم لي...
..ويعني شنو ٥٠ الف جنيه لمحامي وكمان شهير....
وبعدين سمعت احد الفقهاء بيقول اذا الزوجة سرقت من جيب زوجها
اي مبلغ فهي غير مذنبة ، حتى وهي لم ترتكب سيئة من الناحية الدينية
وخاصة اذا كان الزوج بخيل زي المحامي العوير ده...الله لا بارك له في ماله..
|
Post: #3
Title: Re: محامي شهير يتهم زوجته بسرقة “50” ألف جنيه
Author: عمر نملة
Date: 12-10-2020, 09:27 PM
Parent: #2
كلامك صاح امتثال
|
Post: #5
Title: Re: محامي شهير يتهم زوجته بسرقة “50” ألف جنيه
Author: امتثال عبدالله
Date: 12-10-2020, 09:33 PM
Parent: #3
الحمد لله وافقتني المرة دي ...ولاول مرة.هههههههههههه
|
Post: #4
Title: Re: محامي شهير يتهم زوجته بسرقة “50” ألف جنيه
Author: دفع الله ود الأصيل
Date: 12-10-2020, 09:32 PM
Parent: #2
أبو الزوز سلام با فردة.
فعلن عبيط و متخلف عينو أضيق من مخو و عقلو
أخف وزن ريشة. دا شنو دا ياخي.. يخسي الدود يفسي.
قمسبلاي ما لاقني ألهف و ألعن وأظرط من صفوة بلدنا
ديل أعوذ بالله.مرة تعرف عندنا شروة عند محامي شهير
برضو؛ بيتو وراء سيدي بيه. قروشنا جايبنها جاهزة في قفة
و شهودنا حاضربن بس مستننو يجهز الورق. و لا كرمنا حتى
(كوز) موية؛ و الدنيا كتمة مرقنا من الصالة نشم هوا برة على
بال ما يخلص.تخيل بس البغل دا سوا شنو: مسك الورق شرطو
و ناولو لشافعو جابو لينا . اندهشنا جيناو لقيناو زعلان منفوخ
يناهف تفسو قايم. كيف تفوتو بي أتعابي! يا بني لطخ قول
بسملاي. و برضو مارقين لسانا طول دا في أولاد بمبة.
و يومتا ديك/تور متحرش بطالبات أمتياز!!
|
Post: #6
Title: Re: محامي شهير يتهم زوجته بسرقة “50” ألف جنيه
Author: خضر الطيب
Date: 12-10-2020, 11:54 PM
Parent: #4
Quote: كان موضعها داخل خزنته الخاصة
|
و خزنته الخاصة دي مفتاحا كان مع الزوجة و لا كسرتا ؟
قالو كان البتكلم مجنون مفروض البسمع واعي
برضو مرات الونسة كويسة ههههه
|
Post: #7
Title: Re: محامي شهير يتهم زوجته بسرقة “50” ألف جنيه
Author: صباح حسين طه
Date: 12-11-2020, 01:43 AM
Parent: #6
سلام صاحب البوست والمتداخلين
طبعاً مما جاء في الخبر أقل ما يمكن أن يقال
هو ما قالته الأخت إمتثال
ورغم أني أرى أن العاقل لا يصل مع أهل بيته للشرطة
إلا في حالات أندر من نادرة
بس عندي شك أن للقصة بقية قد تميط اللثام عن غرابتها
|
Post: #8
Title: Re: محامي شهير يتهم زوجته بسرقة “50” ألف جنيه
Author: Gaafar Ismail
Date: 12-11-2020, 03:10 AM
Parent: #7
شيل الحال لزومو شنو
ثم أن المبلغ تافه وإنها ام عيالو ، افلا يراعي شعور اولاده وشعور اهلها؟
عالم بطالة ..كما يقول الأخ مجيدو
|
Post: #9
Title: Re: محامي شهير يتهم زوجته بسرقة “50” ألف جنيه
Author: Ali Alkanzi
Date: 12-11-2020, 06:58 PM
Parent: #8
بالله اسا دا كلام حسب ما اورده الاستاذ زهير:
Quote: الشاكي الذي تقدم به إلى قسم الشرطة ، أفاد في أقواله أن زوجته أستغلت وقت خروجه من المنزل
وتمكنت من سرقة مبلغ ” 50 ” ألف جنيه كان موضعها داخل خزنته الخاصة واستفسرها عن المبلغ لكنها أنكرت معرفتها بالمبلغ بيد أنه أكد بأنها في يوم السرقة كانت داخل الغرفة |
طيب منو البشهد انو المحامي خرج من المنزل؟
ومنو البشهد أنو يوم السرقة وساعة وقوعها كانت الزوجة داخل الغرفة؟
ومنو البشهد انو المحامي في خزنتو ٥٠ الف جنيه؟
يعني عندو مكتب في بيتو؟ ولا يا ها غرفة الزوجيين؟
بكل اسف دا عادي جدا يحصل في السودان ؟
اسا انا ممكن اقول (فلان) على سبيل المثال كان معاي في البيت ومشيت الحمام وجيت لقيت محفظتي مافي
اقوم طوالي امشي وكيل النيابة (وليس الشرطة) واقسم في المصحف ويحولوك طوالي للشرطة
اسهل حاجة في السودان تدخل زول الحراسة بتهم ملفقة مثل هذه؟
هذا بلاغ اوهن من بيت العنكبوت ولا يدعم التهمة
|
Post: #10
Title: Re: محامي شهير يتهم زوجته بسرقة “50” ألف جنيه
Author: ترهاقا
Date: 12-12-2020, 01:56 AM
Parent: #9
لا أدري هل هو محامي شهير أم مشهور، ما علينا ، لا ينطبق عليه شهير ولا مشهور
طالما وهكذا يتناول أمور بيته
|
Post: #11
Title: Re: محامي شهير يتهم زوجته بسرقة “50” ألف جنيه
Author: عمر التاج
Date: 12-12-2020, 10:34 AM
Parent: #10
المحامي ده شكلو غلبتو مرته وقال أحسن يأدبها حسب تخصصه ..
ولكنه لا يعلم ان أي بيت اذا وصل للمرحلة دي،
فمحكمة الأحوال الشخصية أولى به ..
|
|