سيكسيندا قاتل الشهية الرهيب overweight؟ come inside

02:48 AM December, 09 2020

سودانيز اون لاين
النصرى أمين-كالغرى, كندا
مكتبتى
رابط مختصر

برعاية الاخ الصديق دكتور محمد صلاح المشرف بدات برنامج صحى جديد .
مشكلتى فى السنين الاخيرة بقيت I don't care
آكل زى ما عايز دون اعتبارات لعامل السن و طبيعة الحياة فى زمن الكوفيد التاسع عشر .

بقيت من (السمنه) غير مرتاح فى مقعد السيارة ....
مشيت لدكتور محمد بعزيمة enough is enough

زمن الغتغته انتهى ....

بعد نهاية الجلسة الاولى ؛ بديت استعمال دواء ساكسندا و هو عبارة عن قلم به دبوس صغيرة جدا جدا.

تاخد جرعة صغيرة جدا كل يوم (او كل اسبوع) حسب الوضع.

المهم ...
اليوم الاول ، مافى شهية نهائى للأكل.
اليوم التاني ..نفس الشيء ..شعور بالشبع معظم اليوم .
موش كده و بس ...منظر و رائحة الأكل بقت تضايقنى جدا ...

وين الشهية مشت ؟
اختفت فى ظروف غامضة .
بنهاية الاسبوع الثانى رجعت لعيادة دكتور المشرف و كانت المفاجاة ..نقصت 8 كيلوقرام..

بدون اى مجهود و رياضة و عوارة .
الآن اوشكت اكمل الاسبوع الثالث و غالبا النقصان فى حدود اثنين تلاته كيلو.


شكرا يا دكتور المشرف و طاقم العيادة الفاخرة فى

Excel Health Family Practice and Walk-in


3916
Macleod Trail SE Suite #100,
Calgary, AB T2G 2R5






https://imgbb.com/

الصديق العزيز القانونى و زميل الدراسة فى المؤتمر الثانوية النموذجية فى أمدرمان سلطان على سلطان
لديه محل اولاد النيل للحوم الحلال عنده خلطة جاهزة للكباب ، لحم مفروم مع البقدونس و جاهز للباربيكيو.

اشتريت (سيخ) او اعواد خشبية من محلات الدولار استور dollar store
و كل يوم اشوى لى سيختين مع السلطة و نقرض على كده .

علبة ساردين كل يومين تلاته و طن بتاع فواكه .

I feel awesome

الهدف التخلص من30 كيلو بنهاية يناير ( ان شاءالله )

مشكلة السيكسيندا انه غير مغطى من كل شركات التأمين الصحي.
غالى ، نار منقد .

الصندوق بحوالى 420 دولار كندى .
لكن الصندوق فيه خمسة اقلام .
كل قلم احتمال يمشيك شهر كامل .
لكن غالبا بعد القلم الأول تزيد الجرعة و بالتالى زمن اقل للقلم.
باختصار الصندوق ممكن يمشيك شهرين/ تلاته شهور بمزاج .

بشوية حرفنه ؛ و بعد التسجيل عند موقع الشركة المصنعة حصلت على تخفيض 50% من تكلفة الصندوق الاول ( توفير اكثر من 200 دولار )

الكوفيد جاني بالساحق والماحق
شغال السيري من البيت من شهر فبراير مع إجازة طوييييييلة عديتها محبوس مع الأولاد
وبما إنه مافي - غير الونسة - كترت الونسة شديد .. وبقيت بتونس مرتين في اليوم ومرات تلاتة .. والله جد
أها الونسة دي محتاجة أكل .. عضلات الخشم دي محتاجة لياقة وانا زول سكريات .. وعلى حس الونسة التلاجة بقت مليانة كيك وبسبوسة وفطائر حلوة
طلعت من فترة الحجر بزيادة 14 كيلو خربت علي استقراري في الوزن خلال السنوات الفاتت تماماً
المهم هسة أنا داخل البوست لأنه وضعي بقى مأساوي ونقصانك عجبني تب وبدور اجرب .. بس شايف دواك دة بقفل الشهية .. دحين الموضوع دة ما بأثر في الونسة؟

تحياتي وسلامي الأخ النصري والأخ أحمدعمر
عارف دواك التخرب دي "نار شايطي"!!!
غايتو عملت لي نظام سمح وأفادني جدا
تركت السكر تماما وحتى في الشاي
الصباح وبعد صلاة الصبح مباشرة شاهي ناعم أبوكتحة بدون سكر
الفطور أوقفت الخبز تماما "تونة وجزر وخيار وبصل" أو ساردين مع الخضار وأحيانا بيض مع الخضار
المهم بدون خبز
تركت العشاء تماما
الغداء الساعة "إثنين ونص" وبعدها مباشرة "براد صغير" شاهي أخضر بدون سكر
الغداء يوم عصيدة بملاح لبن إبل "قارص" والثاني سليقة دجاج ،الدجاج المسلوق جميل ياخ
*مع أنني كنت لا أحب الدجاج أبدا، أحيانا "بتم منو سنة"، لكن تعودت عليه سليقة مع إضافة جنزبيل طازج في الطبخ
العشاء بابح ...وبعد صلاة المغرب شاهي ناعم أبوكتحة بدون سكر "شاهي حليب"
ثلاثة أيام عصيدة وثلاثة أيّام دجاج مسلوق واليوم السابع الجمعة بواصل الأرحام وأي طعام باكلو
الحلق يوم الجمعة مافيهو مر!!!
دي الحمدلله ريحتني جدا، ونزلت الوزن
معزتي لكم

عبيد ود الطيب
ابعد من العصيدة ،،،،واخير ليك الخبز....الا تكون عصيدة دخن،،،
واذا كان لا بد فيوم واحد فقط كل اسبوع،،،
والسلام لصاحب البوست،،،والحمد لله دواك الغالي ده ما لينا ليه حاجة،،،
ونقول لاحمد الدواء ما بيخرب الونسة لكن بيخرب جيبك..

سلام يا النصري
ان شاء الله تحقق التارقت و تقرط على كده عشان احتمال تحصل ترهلات تفسد عليك الونسة ذي ما قال الوغد الفوق دا :)

Quote: دحين الموضوع دة ما بأثر في الونسة؟

انت الونسة شن بتدوربها بعد العمر ؟ هههههه

Quote: وبقيت بتونس مرتين في اليوم ومرات تلاتة

كضاااابة

اهلا احمد محمد
حسب ال homework العملتوا عن الدواء ده ما عنده اعراض
جانبية ؛ وانه بينفع مرضى السكرى و الضغط .
بالنسبة لى عمل لى امساك شديد فى الأسبوع الثاني؛ عرفت لاحقا
انه كل زول بتفاعل معاه بطريقة مختلفة ، ناس إمساك وناس طمام و ناس دوخة و هكذا دواليك.

اهلا عبيد
طريق ال diet مشيناه كتير جدا و ما خارج بسبب ضعف الاراده.
بالنسبة لى انا مدمن بتاع رغيف ؛ قرات مرة ان القمح فيه محتويات إدمان مثله مثل شجرة القنب.
دواء الساكسندا يقوى الإرادة و يحعل الأكل اقل جاذبية .
اعتقد ( وده كلامى براى) انه ببعطل إشارات المعدة للمخ الحصول على الطعام..بدل ترسل إشارات انها جوعانه ترسل إشارات انها شبعانه .
غايتو لو ارادتك خذلتك تعال معاى بجاى و جهز الدولارات

Quote: الموضوع دة ما بأثر في الونسة؟

الونسة ما بتكتل .. بكتل سكات الزول😉

سلام النصري...هل الموضوع دا ما فيهو اي اثار جانبية زي طمام , امساك او اسهال

الحيل يكون ميت مثلا؟

بختك والله يا امتثال ما عندك حوجة للدواء ده .
كدى شوفى بت عطبرة امكن محتاجة ليه او اى من اخواتك فى نيويورك

اهلا خضر
السمنه بتجيب بلاوى متلتلته
احسن من حسى نشوف ليها حل قبلما المشاكل تستفحل

اهلا محمد
ده انت فى صورة البروفايل؟

اهلا ناصر
حسب تجربتي الشخصية وانا بصورة عامة ما بطال صحيا ، عمل لى امساك شديد ؛ شربت برميل brune juice و كرتونه me
Mita-mucil و قفه خضروات و مليون دواء مسهل لغاية الامساك طشا

واللاااااااااهي العظيم جد .. بي حليفتها المجرورة
لكن النصيحة الونسة الكتيرة دي لينا منها سنين رجعتنا ليها حبسة الكرونا

هو يا خضر نحن لسة شباب ووناسين :)

أها شفت يا ناصر عبارتك الأخيرة دي هي البتخوف .. وحاة الله دي لا أيام حيل ميت ولا حاجة
هسة تفوت أيام الكرونا وأبقى في الجري بتاع ودي الاولاد المدارس ، جيبهم من المدارس ، ماشي الشغل ، جاي من الشغل ، يبرمجوا بيك يوم الجمعة ... وحاتك تاني إلا ونسات الخميس زي ناس خضر ديل .. ودي ذاتا فيها قولان :)

احمد عمر
عنوان البوست فيهو كلمة (شهية) و ليس شهوة .
قول بسم الله
Too much details of your love life

Quote: اهلا خضر السمنه بتجيب بلاوى متلتلته احسن من حسى نشوف ليها حل قبلما المشاكل تستفحل

السمنة دي يا النصري حلها وحيد و سريع النتيجة
تنزل السودان لمدة تلاتة شهور يكون عندك بيت بتبني فيهو
دا غير البرنامج اليومي بتاع الصفوف و المناسبات العائلية
من 120 كيلو عادي ممكن تصل 40 كيلو وزن
يعني بعدها كان بزغتا بتفقد سوائل هههههه
يعني لما ترجع كندا و في المطار يشوفو صورة الجواز والمخلوق الواقف قدامن دا و لا بحققو معاك طوالي على الديتينشن ههههه

الشهوة دي لقيتها وين يا حبة؟
نحن بنتكلم عن الونسة ساي

انا غايتو زدت 3 pound

النصرى
بالله تحياتنا ل دكتور المشرف
قول ليهو بلدياتك من تورنتو.

دا من الصفحة بتاعتهم..
الاعراض الجانبية بتروح مع التعود.

كاتلة مالك الشهية دي؟
اصلا الشهية دي عافية وصحة، بمعنى ان ما الزول البياكل .. العافية هي البتاكل
اوكول وتمتع بما لذ وطاب بالمعقول المفيد، حسيت انك تخين وسمين ، اتريض ،، امشي .. اجري
اسبح.. بتلقى نفسك مرتاح بدون ما تدخل ادوية داخل جسدك.

بالعكس يا خضر
السودان لزيادة الوزن وليس نقصانه .
أنا ناوى لمن امشى هناك اعطل كل برامج التخسيس واوقف الدواء ده.
وانزل لبع فى كل ما لذ و طاب .
الحمدلله اى زيارة للسودان ما فيها اى عذاب و لا صفوف .

استمتاع و بس

اهلا محجوب الهبيب
ان شاءالله عند زيارتى لدكتور المشرف يوم السبت ابلغه تحياتك
اظنه سكن تورنتو فترة بعد ان ترك سانت كاثرينز بعدها وصل البرتا
و استقر فى الشمال فترة طويلة الا ان رجع لكالقرى قبل سنوات

نعم يا معتصم .
طبعا اى دواء لازم يكتبوا الأعراض الجانبية ؛ اظن بسبب الحماية و التأمين للشركة المصنعة لاى شكاوى.
بالنسبة للسكسيندا ، زى ماقلت سابقا ، الأعراض الجانبية تختلف من زول لزول لكن لحسن الحظ ، اظنها تحدث مرة واحدة ، بعدها الزول يدور تش

متفق معاك يا احمد يسن مية المية.
شخصيا اتجنب الأدوية و لا استعملها الا عند الضرورة القصوى.
بالنسبة للسكسيندا ، هو مثل لقاح كوفيد 19 ، مضطر تاخده رغم خطورته لان خطر الكورونا اعظم بكثير.

جربنا كل البدائل وفشلت و لم يتبقى خيار آخر .
يا السكسيندا الكيماوي الخطر او نكون عرضه لامراض القلب و الشرايين و الضغط و الكولسترول.

اختيار السيكسيندا قرار ساهل جدا جدا.
بعدين الفكرة انه بعد السبطرة على الوزن و الوصول (لرقم) معقول فى الميزان ممكن بعد داك نجرب الخيارات الصحية مثل المشى و غيره .
For now .....نطلع من جائحه الوزن دى اول ، بعدها الله كريم

أخونا المصرى
سلام
الحمد لله غايتو في السودان صفوف الرغيف و شحو
وانعدام المواصلات والكدارى
ساعدت الكتيرين.
عليك الله يا النصرى يا ود اخوي بلا سيكسيندا بلا فاصوليا.
ربط الجزمة ودق ( الصايد اووك)
ساعة كل يوم .
مع ساعة يوماتي نط حبل .
حتلاقي نفسك 56 كيلو.
ودمك مرتب .
وسكريك تمام
والكوفيد 19 تزازي بعيد بعيد عنك.
أبعد من التقيلة والكوارع والكمونية.
وديل هم أعداء شركة فايزر .
ياخ خلي شهيتك في محلها عليك الله
واسمع كلامي .
ولا كمان تعال السودان اندرع ليك في صف غاز وجاز وعيش .
هسع السيكسيندا دي في ناس قايلنها خميرة بتزيد حجم الرغيف المافي.
هههههههها

كلام جميل حبيبنا عثمان
لكن اتخيل نفسك بتتكلم مع زول بشرب عرقى يوميا لمدة اربعين سنه
وتجى تقول ليه ياخ خلى الشراب و اتريض و اتمشى ههههه
ياخ نحن مدمنين منتهين جربنا كل شي، حتى البرامج الجماعية التحفيزية جربناها فى المنبر ده و عملنا
بوست طويل عريض استمر فترة طويلة بعنوان

Sudaneseonline Biggest Losers

عمل تاثير إيجابي و فقدنا كثير من الوزن لكن لم يدم المفعول و رجعنا للخرمجه.

مافى حل غير الكيماوي
نضرب عدونا بالكيماوي
نهز عرشه بالكيماوي
نقرضه قرض بالكيماوي
بمساعدة حليفنا الاستراتيجي الجديد ساكسيندا

واذا الكيماوي مانفع مستعدين نضربه بالنووى كمان

يا كافى البلا


المنبر ده كله دكاتره

دكتور واحد ما هببه لينا

سلام يا حبيبنا النصري، وبوركت وجزيت خير الجزاء،
ودا الراجنو نحن
وأهلنا بقولوا أسأل مجرب وما تسأل طبيب
عندي شوية أسئلة:
هل الدواء دا جرعات بالفم أم حقن؟!
وهل الزول ممكن يشتريهو بدون روشتة؟!
وهل يمكن مقابلة الطبيب المشرف عبر الهاتف، وندفع ليهو أتعابو؟!

Quote: ابعد من العصيدة ،،،،واخير ليك الخبز....الا تكون عصيدة دخن،،، واذا كان لا بد فيوم واحد فقط كل اسبوع،،،

التحيات الزاكيات "المنفلات" الأخت إمتثال
عصيدة الدُّخُن قادرالله ....
وكمان نحن ناس الغرّة دخنا "الدِّمْبِي" دُخن قوز عجيب عجيب...
وبواقعو "ملاح قارص ألبل" أهلنا في الوسط والشمال والشرق بقولو: "النعيمية"
لكن نحن ناس بادية وضهاري بنقول:(ملاح لبن) أو "ملاح روب"
الرغيف مابنبي تب....لكن الأطباء قالوا: بزيد الوزن وقلنا نجرب العصيدة ومرة مرة "ملاح أخضر" وشرموط صيد عديل
شيخنا النصري علاجك دي أبو دولارات "سبيتة تب" و مانا عدلو
أخير "نبرغت" بجاي وجاي علي قول شيخنا
شيخنا زول بريد الطعام خلاااس ...
أها ذكرولو الحديث الفيهو
(فثلثُ طعامٍ وثلثُ شرابٍ، وثلثٌ لنفسِهِ) وهو زول بستمتع "بالمغزغزات"
قال:(ثلث لطعام وثلث لطعام وثلث لطعام
الماء ببرغت ب جا جا وبدخل والنفس من الله)
عارف كمان زولك العبيد مشكلتو في اللّحم !!
ياخ بريدو خلاااس ومابقرفو اصلو
وكمان المرارة نيّة...اي والله
أها دي السبب الخلاني أقع العصيدة...
معزتي لكم

اهلا و سهلا النذير
كيف الحال .

الدواء عبارة عن حقنة تاخدها فى البطن ، رغم فظاعة الجملة السابقة ، لكن الحقنه نفسها عبارة عن دبوس صغيرونه تكاد لا تشعر بالطعنة ؛ ولا تحتاج لتمرجى عشان يلقى الوريد .
ترفع القميص و تضغط القلم فى بطنك لمدة ثانيتين و انتهى الامر ، موضوع بسيط جدا ؛ برضه ممكن تغير راس الحقنه (الدبوس) كل تلاته يوم.
بالنسبة للروشته ؛ هنا فى كندا تحتاج لروشته من الطبيب ؛ فى بريطانيا ، مثلا، لا تحتاج لروشته و اعتقد دول كثيرة كده ، ما عارف امريكا والله .
بالنسبة لدكتور مشرف ؛ ان شاءالله اقابله اليوم فى عيادته و اساله ليك .
اشجعك و بشده to consider الحاجة دى

اهلا عبيد
غايتو احتجت لدكشنرى عشان افهم بعض الكلمات فى مداخلتك .

والله بصراحة اشتقت للكسره بملاح ويكه او تقليه او خدره .
اما العصيدة ، انا ما زولها و اعتبرها اكتشاف فاشل لزول فاشل كسلان ، ادفق الدقيق فى موية وقرر يضعه فى النار و بوووووم كان اكتشاف العصيدة ، مافيها ابداع .دقيق و موية و نار .
يجب ان نخجل من ترويجها من الاكلات السودانية .

اما اللحوم ؛ مع السكسيندا ؛ نضرب زى ما عايزين ، مافى مشكله

حبيبنا النصري تحياتي
اهديت لك بوست بإسمك معليش بدون ما أشاورك
لأنك اثرت ذكرياتي .. عن مشكلة الوزن
تحياتي يا جميل ..

سلامات يا النصرى ولضيوفك الافاضل
معركه الوزن من رأى ذهنيه فى المقام الاول طبعا مع تحفظ لان هناك عوامل اخرى غير الاكل تؤدى الى زياده الوزن...فى الحقيقه الحقن التى تتناولها تصلح كذلك فى علاج السكرى من النوع الثانى ك خط مساعده إضافيه من غير العلاج الاساسى...المشكله يا النصرى العلاج السريع اثره سريع...اهم شى الاستمراريه وذلك يعنى تغير النمط الغذائي تماما وتصدق ما بالضرورى تستغنى عن محبوبك الفول والرغيف..السر فى زمن تناول الاكل وعدد المرات فى إستهلاك الكاربوهيدرات والحركه ما لازم تجرى لمن نفسك ينقطع...وبما انك رجل مغامر وفى حاله اكتشافات مستمره لهوايات متعدده وإن تأخر ظهورها مثل السفر ل كوستاريكا: )وكذلك Exotic Fruits
فنصيحتى ليك تصنع خلطه النصرى المتكامله لتخفيض الوزن
اخونا على عبدالوهاب ياخ ماشاء الله على تسامح النفس والسخريه الذكيه فى تعليقك واحمد ربك على رايه الكورنا(اللهم صلى على سيدنا محمد) فهم الجمال فى السمن دا ظاهره عجيبه وغريبه..تصدق فى السودان الى تاريخ اليوم البنات قبل الزواج بدخلوههم مشروع تسمين وعدم حركه بكل المخاطر الصحيه المحتمله لتفقد جمال الشكل والرشاقه الى كتل من الدهون تسر الناظرين: (

عزيزي عبدالرحيم
شكرا على المداخلة الدسمة التى اقتطع منها هذه الجزئية المهمو

Quote: معركه الوزن من رأى ذهنيه فى المقام الاول طبعا مع تحفظ لان هناك عوامل اخرى غير الاكل تؤدى الى زياده الوزن...فى الحقيقه الحقن التى تتناولها تصلح كذلك فى علاج السكرى من النوع الثانى ك خط مساعده إضافيه من غير العلاج الاساسى..

بالظبط المعركة ذهنية ، مثلها مثل معارك التدخين و القمار وباقي انواع الإدمان.
افضل خيار هو التسلح بافضل و اقوى الاسلحة الموجوده فى السوق .

قابلت الدكتور اليوم ، للأسف فقدت كيلوقرام واحد فقط فى اسبوع، كنت اتوقع ثلاثة كيل فى الاسبوع ،ربما كان السبب عدم زيادة الجرعة كما هو متوقع .

برضه نقطة مهمة جدا فى مداخلتك اعلاه ، انه السيكسيندا تنفع للتحكم على السكرى ، اضيف ، انها برضه تنفع لناس الضغط العالى ، .


بالنسبه لملاحظتك ان هذه حلول مؤقته ؛ نعم اتفق معك ؛ لكن نحن زى الكومر القديم الواقف ليهو عشرين سنة ؛ بالمنفله بدور ؛ بعد يدور ، تانى مافي خوف عليه .

بالنسبة لميزة المغامرة التى اتمتع بها ؛هذه حقيقه ؛ لانى كراهيتى تقليد الآخرين و دايما احب اتمرد على المألوف و تجربة الجديد.
خللينى بس اصل فى الميزان للرقم المطلوب ، ان شاءالله ؛ نحافظ عليه ونمنع اى تدهور مثل الذى اعانى منه الآن.

يا النذير
سالت الدكتور، لكن للأسف جدول الشغل زحمة شوية و بعتذر.
لكن انا ممكن اديك النصيحة الما خمج .
لو ما عندك seizure او اعراض مزمنة ، انصحك تستعمل الدواء ده و تبدا باقل جرعة (6.) فى اليوم .
لمدة اسبوع ؛ بعدها اتواصل معاى عشان اوريك تجربتى .
ابدا طوالى و لا تتردد

شكر يا حبيبنا النصري، تعرف يا نصري أنا عملت عملية قص معدة، ونجحت معاي لمدة سنتين، وهسى وزني زاد، ح أكلم طبيبي يكتبها لي روشتة
وما عدمناك

Quote: اما العصيدة ، انا ما زولها و اعتبرها اكتشاف فاشل لزول فاشل كسلان ، ادفق الدقيق فى موية وقرر يضعه فى النار و بوووووم كان اكتشاف العصيدة ، مافيها ابداع .دقيق و موية و نار . يجب ان نخجل من ترويجها من الاكلات السودانية .

تحياتي ومعزتي أستاذنا النصري
هههههههه يا سلاااام كيف نخجل من ترويجها ونحن نروجها لمنو!؟
هي مكفية أهلها!؟
بعدين ياخ ليه طوالي وجبة للزول الكسلان!!
نحن عندنا وجبة عملية جدا وكسب للزمن!!!
ماهو الدنيا إمتلأت وجبات خفيفة وقول يامرض...
والكسرة البتحبها ياالنصري ذاتها اسهل منها مافي...
عجين وقلعوه وعلي قول الناس (خمير بس)
عارف أكثر حاجة فيها إبداع ومتعبة صناعة عصيدة "الدّامِرقو" أولا كيفية صناعة الدقيق!!!
والأمر الآخر العصايد الأخرى ميزتها وجمالها تعدّد إيداماتها "الملاح" الإبداع في طبخ "الملاح" يالنصري
ملاح(تقلية /شرموط أخضر/روب "نعيمية") ديل ماكل طباخ ببدع فيهن
من إيدامها الساهل (تسقية/ سليقة لحم)
والميزة الأخرى إذا نفسي أبت أو قارفت الإيدام...
علي طول الحليب أو الروب أو الزبادي أو السمن ودي لازم تضيف للدقيق شئ آخر
مثلا العطرون مع الحليب أو خلطة دامرقو مع دخن وبدل الماء "لبن رايب" إذا كان الإيدام سمن
معزة صادقة