Post: #1
Title: عبضولاى
Author: جلالدونا
Date: 12-07-2020, 04:49 AM
03:49 AM December, 06 2020 سودانيز اون لاين
جلالدونا-USA
مكتبتى
رابط مختصر
رسّام الكاركنير الاشهر الراحل عز الدين عثمان
كان عندو كاركتير شهير
عن زحمة المواصلاات و كمية من البشر متعلقين فى سلم البص
و تعليقو كان شخصيات بارزة
اها بابكر جلحات كان ظاهر كشخصية بارزة
لكن يهمنى الماسك فى كتفو
و كراعو اليمين داخلة فى جزمة جلحات و الشمال تاكلا فى ركبتو
عبضولاى الماب يغبانى
ده فات مرحلة بارزة و دخل بينا فى حتّة فذّة
فذّة ما فزّ
|
Post: #2
Title: Re: عبضولاى
Author: جلالدونا
Date: 12-07-2020, 05:06 AM
Parent: #1
دارت الايام
فإذا بجميلة من جميلات بنى صهيون غرّدت فى تويتة
مرحب بالسودان و شباب السودان احباء تضمهم افئدتنا و ضلوعنا
نهواهم و يهونا
اخونا الماب يغبانى تووووش جا خاشى
نحنا ناس طبع ما تطبيع و لنا فيكم مآرب اخرى
عييييك عبضولاى جابا كبيرة
عارفو طبعو ...قبل بس...
...
ما يصرّح بيهو
|
Post: #3
Title: Re: عبضولاى
Author: جلالدونا
Date: 12-07-2020, 05:46 AM
Parent: #2
بابكر جلحات
اسمو الاصلى ابّكر
نعم ليهو جلحات
لاكنّو دايما فى حالة قلق
ولمّا يتهبش فى لحظة قلقو
لا احد ينجو من لحطات قلقاتو
مرّة هو فى زنك الكرشة بى مزاج اختار ليهو ام تلافبف
و قال للكرشجى نضفا و اظبطا
تووووش عبضولاى جا داخل
وساوم الكرشجى فى تلافيف ابّكر
و خت ريالين زيادة فوق السعر
هبش ابكر فى حتة قلقو
طقشو ام طرشا البسموها ام دلدلوم
و كاد ان يستشهد به من اعلى كبرى النيل الازرق
لو لا الكرشجي لحقو بى شطة خدرا بالدكوة و التوم الليمون
لزوم تهدئة قلق ابكر
و قد كان
|
Post: #4
Title: Re: عبضولاى
Author: دفع الله ود الأصيل
Date: 12-07-2020, 05:46 AM
Parent: #2
صباحاتك لبن عمو جلال يا دونا . بصراحة ما فهمت ولا الدقة من
طلاسيمك دي غير إنو عبضلاي دا شكلو سعيليغ ،من حكاية مآرب أخرى دي
بث كونو مسلن بني صهثون ديل ما فيهم عضة غير لحم أبيض متوسط؛ والله
أعلم.لأنو نحنا حزب الكنبة الورانية و لا نفقه في ساس يسوس دي طُظ من سبحان
الله من الواو الضكر. علا جابتني أشارت ك لكراكاتيرات عزالدين عصمان كان
فعلن فلتة زمانو. فمرة في زحمة المواصلات مع الحراية و كتاحة العُصاردي تقوم
قمقمة رأسك . فجايبلو زول واقف منشبح في الصنانة ديك و مغتي راسو بجريدة.
بعد شوية زولك قام جاري بنمرة 5 و يتمرصع لأنو الجريدة بقَّت فوقا حريقة ؛
ترا متل حكاية حريق غابات الأمزون المي معروفالاسببة لا صوف لا شتا.
|
Post: #5
Title: Re: عبضولاى
Author: جلالدونا
Date: 12-07-2020, 06:22 AM
Parent: #4
مرحب ود الاصيل دفع الله
و نحمدو انك اتعافيت
و اتفكبت من عزلتك
تصدّق فى حتة مآرب دى
جميلة بن صهيون شكرتو على الارانب
و قالت بتموت فيها كمان
ثم اردفت
احبك و احب الارانب
عبضولاى فغر فاه
و لا زال مفغورا
تصدّق
لعبت بعبّه الالاعيب
|
Post: #6
Title: Re: عبضولاى
Author: صديق مهدى على
Date: 12-07-2020, 07:38 PM
Parent: #5
مالو كان فى حجر صحى يا جلة المرض ما فيهو شماتة لكن عزلة دى خوفتنى شوية هههههها
تحياتى
ياغالى
|
|