الحلو و عبد الواحد لا توقعوا اي اتفاق مع اللجنة الأمنية للبشير و اذنابها

10:10 PM December, 06 2020

سودانيز اون لاين
Nasser Amin-
مكتبتى
رابط مختصر

اللجنة الأمنية عارفينها.
الاذناب هم ما يعرف بتاعين السلام المزعوم
و الناس دي لا عندها قوى عسكرية و لا دعم
مدني من مكونات اقالبمهم و لا من قوى الثورة.
*الواضح أن القادمين الجدد يصطفون مع العسكر
في صف واحد ، و المراقب يلحظ انهم يناصبون الثورة
العداء الشديد وو ضحت من تصريحات "كلابهم".
الناس تعرف حاجة انو الثورة قطعت عليهم الاسترزاق
بقضية السودان، كانوا يعيشون عيشة مرفهة و يعتاشون
على قضايا اهلنا المساكين.
آخر الكلام ما عايزين السلام بتاعهم دا و الثورة مستمرة.
وأنو في الامكان أن نطبع مع الاسلاميبن النضاف، و نكنسهم كلهم.

*** أنا أكتر زول كتب و دعم انو "السلام سمح" بس ندمان و سافي التراب
و الخيارات كلها متاحة ، لأنو تصفية ثورة بحجم التضحيات التي
بذلت و الارواح التي فقدت و المفقودبن و الجرحى لن تذهب هدرا.
*قلة ادب التوم هجو و هو يهدد بالانتخابات المبكرة في حالة عدم
اجازة مجلس الشركاء ، البسمع كلامو بفتكر عندو قوات على الارض
أو حزب أو جماهير يستند عليها!!؟
دا زول عايز الدق عدييييل...و الدق بحصل