Post: #2
Title: Re: ألحقوا التلفزيون ... قبل الحذف
Author: عمر التاج
Date: 12-06-2020, 04:51 PM
Parent: #1
الحكومة دي ماقادرة تفهم احتياجات المواطن على الإطلاق..
الناس قالت جعااانة .. الغلاء قتلهم .. الرغيف معدوم .. صفوف البنزين طويلة
الدولار ماشي زايد ..
بينما الحكومة شغالة ليهم في الطهور والمريسة ..
وتلفزيونها شغال تثقيف للمواطن الجعان في
آداب المعاشرة الزوجية وآداب الجماع
مع الأستاذة نجلاء البدري
صاحبة اللايفات الشهيرة الخاصة بالامور الجنسية
# شكرا حمدووووووك
|
Post: #3
Title: Re: ألحقوا التلفزيون ... قبل الحذف
Author: دفع الله ود الأصيل
Date: 12-06-2020, 07:14 PM
Parent: #2
●ود تاي العزيز يجازي محنك يا دا، و يكلبش بنات إبليسك.
ياخي بطل مهابشة في الحِتات السُّفلية دي و سيب حمدوك.
● نان و تيب نحنا قبيلك دي شن قلنا؟! لا لا، ما الطير بياكلنا!
ياخ موش قلنا: ليس برغيف الخبز و الخبايز براو يحيا بنو الإنسان!
و أنو شهوتان مغبون فيهما كتيرن من بني الحيوان ٩"البطن و الفرج"
●ثمح وكتين فقدنا واحدة بقينا مشبوحين بين صفها و صف
الجاز و ود عماري الجيد ، كمن يُدافع الأخبثبن. يلا ، خلو الناس
تُشبِع الأخرى ؛ و ترجع للصفوف قدام بيوت ناس(عمتو أحرار)!
|
Post: #4
Title: Re: ألحقوا التلفزيون ... قبل الحذف
Author: محمد الزبير محمود
Date: 12-07-2020, 07:12 AM
Parent: #3
Quote: الحكومة دي ماقادرة تفهم احتياجات المواطن على الإطلاق..
الناس قالت جعااانة .. الغلاء قتلهم .. الرغيف معدوم .. صفوف البنزين طويلة
الدولار ماشي زايد ..
بينما الحكومة شغالة ليهم في الطهور والمريسة ..
وتلفزيونها شغال تثقيف للمواطن الجعان في
آداب المعاشرة الزوجية وآداب الجماع
مع الأستاذة نجلاء البدري
صاحبة اللايفات الشهيرة الخاصة بالامور الجنسية
|
عمروف الجميل
لك التحية
لعل الكلام في الأمور دي هو معيار الحكومة لمعرفة ان كان في الناس رمق وحياة ، وهم قايلين هم البشر كلها جنس ومريسة ، طبعا دي ممسارات الشعوب المترفة !!!
ديل يل سيدي حملة جوازات أجنبية عايزين يطبقوا اكبر قدر ممكن من قناعاتهم وايدلوجياتهم في هذا الشعب المسكين قبل ان تدق المزيكا ...
هسع باقي ليك زي القراي دا راح يدرس اولاده في السودان ، ام وزير العدل سيربى اطفاله هنا ...
يا زول ديل لقو صيدة صيادها ذاتو حيران يبدأ من وين ......
تحياتي
|
Post: #5
Title: Re: ألحقوا التلفزيون ... قبل الحذف
Author: محمد المسلمي
Date: 12-07-2020, 07:26 AM
وزير العدل تراجي قالت غير متزوج وكمان متنصر عديل
——
كان من اتباع الترابي 😳😳😳
|
Post: #6
Title: Re: ألحقوا التلفزيون ... قبل الحذف
Author: عمر التاج
Date: 12-07-2020, 09:40 AM
Parent: #3
| Quote: ياخي بطل مهابشة في الحِتات السُّفلية دي و سيب حمدوك |
ود الاصيل حبابك وسفن مراحب يا جميل الحروف
ليك امان الله انا ما هبشت .. بس جيت أعاين
قصدي يعني فتحت التلفاز من اللابتوب
فوجدت المثقفة دي بتتحدث بكلام مو ياهو ..
وطيت الصوت واتلفت يمين وشمال وضاريت الشاشة
وقلت أديكم خبر تتثقفوا ..
وطبعا اتوقعت انها تتحذف فحذرتكم تلحقوا سريع ..
ثم أن السيد حمدوك يا اخي ماعنده علاقة بالشغل السفلي ده ..
حمدوك قال ماتقولوا شكرا حمدوك وتهبلوا بي
وقال ما تقولوا الجوع ولا الكيزان لان الجملة دي بتعني نحن الجوع
هو يشيل ويثقف فيكم سياسيا .. والتلفزيون يثقفكم بالشي التاني..
قصروا معاكم؟
..
| Quote: موش قلنا: ليس برغيف الخبز و الخبايز براو يحيا بنو الإنسان |
هي نان الشي التاني ده بيبقى من غير عيش؟
اللحوم والبيض والكماليات خليناها ..
عايزين الحكومة تفرغ الناس من صفوف الرغيف والبنزين والغاز
قبل ما التلفزيون يعرض الحلقة بتاعة العملي..
|
Post: #7
Title: Re: ألحقوا التلفزيون ... قبل الحذف
Author: معاوية المدير
Date: 12-07-2020, 11:08 AM
Parent: #6
الناس ما يتكلو علي الحيط من الجوع، والـ24 ساعة من صف
لصف ما عندهم زمن يسوكوا، وأكان إتلقى الزمن قُدرة
للظعط مافي .
غايتو بس الله في ...
|
Post: #8
Title: Re: ألحقوا التلفزيون ... قبل الحذف
Author: عمر التاج
Date: 12-07-2020, 11:17 AM
Parent: #7
محمود الزبير ليك التحية ياخ
والله يسلمك الله يعافيك
Quote: لعل الكلام في الأمور دي هو معيار الحكومة لمعرفة ان كان في الناس رمق وحياة ، وهم قايلين هم البشر كلها جنس ومريسة ، طبعا دي ممسارات الشعوب المترفة !!!
ديل يل سيدي حملة جوازات أجنبية عايزين يطبقوا اكبر قدر ممكن من قناعاتهم وايدلوجياتهم في هذا الشعب المسكين قبل ان تدق المزيكا ...
هسع باقي ليك زي القراي دا راح يدرس اولاده في السودان ، ام وزير العدل سيربى اطفاله هنا ...
يا زول ديل لقو صيدة صيادها ذاتو حيران يبدأ من وين |
كلامك مابتزاد يا شعلة الزواد
الا فعلا الخلل في الأولويات..
أولويات الحكومة غير اولويات المواطن
عشان كدة بتنشأ فروقات في المصالح والايجارات
|
Post: #9
Title: Re: ألحقوا التلفزيون ... قبل الحذف
Author: دفع الله ود الأصيل
Date: 12-07-2020, 11:43 AM
Parent: #6
• والله حبيبو عمر قدرما نقول نختا جنس بوستاتك ديل
البكطعن الوضو؛ تقول بس بتَّرتر لينا سكر فوف شلاليفنا.
● علا تعال آجنا، إت منو القالك حمدووك مو رامي عينو
تتاوق بي قد السُّستة.طيب ما يوقف القرف دا موش فيصل
و لغمان ديل تبعوا، ولا كمان بُلهان دجنم تبع مجلس شركاء
الفريسة ، ياخي فريسة ولا مريسة كلو عند العرب صابون.
● ثمح بمناسبة ثهينة حمدوك عما يدور في قناتنا القومية
الكان لعهدِن قريب اسمها (المحتشمة) ، أقول معاينتو بعين
رضا عن عيبٍ كليلةٍ، فعندي ليك همسة من بيت عفشة الكلاوي توريك لأي مدًى خربانة من كُبارا و إنو السِّلم وسخان من فوق. بس خسمتك بالله تقرأ و إت مغمد عينيك و مصمت عضنيك.و المعذرة برضو سلفاً لأخوانا ود الزبير و مسلمي لما قد يخدش حياءهم من شرتاب بذاءةٍ غير متعمدةٍ من نيرانا الصديقة.
• فا دي حاجة فول مسكينة نط ليها بتاع تُولُّب لمالك فوقا
ظعتا مغمدة اغتصاب راسو عديل؛ فلمَّا قضى منها تفثه و أشبع وطراً حتى تجشأ، مرق كابي الزوغة عائداً أدراجه من حيثُ أتي. فلملمت شعثها و مشت تشكي لشيخ الحِلة و فكيها المُفترِس.
● عمك الفكي قعد يسأل فيها و هو منيش على حتة معينة لإثبات حد الزنا ، من ناحية شرعية طبعن ؛ ودي عاد يا إمتن بالتقاء الختانين أي: بعطن (السنقة في الرنقة)؛ و يا حبذا لو كان كابي فيها قدحة (زيت فرامل) ؛ لزومبات التزليق و كدي !!
● فا شنو بيسأل في الولية :بس هوكبَا ولا لما كبَّا؟!
زولتك قالتلو: ولاي ما نأرفي زاتو كبَا ولا لا، إلا لاكين قبال ينفض يقوم من فوقي ، بس نهس خايتو بي لهاتي دا قعد
يمش شرا شرا. يلا عمك وجدها لامن ريَّل، و قام قامز مترين
لا فوق و صرخ فيها :هههاااي ينسر دينك ياهي ما ترا كبَّا !!
•فياخي برضو تقوللي: خشاني يا عمدة و قاللي بنعرسِك؟!
|
Post: #10
Title: Re: ألحقوا التلفزيون ... قبل الحذف
Author: adil amin
Date: 12-07-2020, 11:56 AM
Parent: #9
وجرو يفتشو المحكمة الدستورية بعد الرماد كال حماد
ديل ناس سيادو وعلمانيو وامريكا شيكل بيكا
نحن ربونا الختمية والانصار والجمهوريين
لاكوز ولا شيوعي بربي السودانيين
التلفزيون ده من الاول ما جايب حقو
تابع الفلم بتاع المحكمة الدستورية مشو لقو رئيسا بس والباقين الثماتية خلوها وبقت فاقد تربوي
الدروس المجانية البتقدما الانتخابات الامريكية والمحكمة العليا لي القرود ديل بتوريهم فداحة اهمال المحكمة الدستورية
شكرا حمدوك
|
Post: #11
Title: Re: ألحقوا التلفزيون ... قبل الحذف
Author: عمر التاج
Date: 12-07-2020, 01:42 PM
Parent: #10
Quote:
وزير العدل تراجي قالت غير متزوج وكمان متنصر عديل |
وما قالت السبب شنو يا ود المسلمي؟
طيب الأستاذة ديك يفترض تبدأ من فوق وبعدين تنزل لتحت - أقصد للشعب-
ويفترض تحكي عن أهمية العرس ثم الطهور - اقصد مابعد العرس.
|
Post: #12
Title: Re: ألحقوا التلفزيون ... قبل الحذف
Author: عمر التاج
Date: 12-07-2020, 01:50 PM
Parent: #11
Quote: الناس ما يتكلو علي الحيط من الجوع، والـ24 ساعة من صف
لصف ما عندهم زمن يسوكوا، وأكان إتلقى الزمن قُدرة
للظعط مافي .
غايتو بس الله في ... |
هههههه
ذكرتني يا مدير نكتة الخروف الكحيان داك
الكان مابقدر يقول بناااات الا يتكل على الحيطة
اسه الحكومة عايزة تتعب الناس عشان مايقدروا يتأثروا
لكن ما عايزة تبخل عليهم ببعض الذكريات الجميلة
|
Post: #13
Title: Re: ألحقوا التلفزيون ... قبل الحذف
Author: عمر التاج
Date: 12-07-2020, 03:35 PM
Parent: #12
Quote: لتلفزيون ده من الاول ما جايب حقو
تابع الفلم بتاع المحكمة الدستورية مشو لقو رئيسا بس والباقين الثماتية خلوها وبقت فاقد تربوي |
قعلا فاقد تربوي ياكبير
والتلفزيون كمؤسسة قومية يفترض تراعي ثقافة المواطن واتجاهاته
مش مرة جايبين بتاعين المثلية داك ومرة بتاع المع الرصين داك ومرة دروس الجنس
الشعب ده طاهر ومستقيم وفطري وحايظل طول عمره طاهر
ونعتذر مقدما ومؤخرا لعزيزي القارئ|ـة للخروج الطفيف وغير المقصود عن الخط العام
ومحاولة معالجة البوست من نفس العمل
|
Post: #14
Title: Re: ألحقوا التلفزيون ... قبل الحذف
Author: عمر التاج
Date: 12-07-2020, 03:59 PM
Parent: #13
Quote: إت منو القالك حمدووك مو رامي عينو
تتاوق بي قد السُّستة.طيب ما يوقف القرف دا موش فيصل
و لغمان ديل تبعوا، ولا كمان بُلهان دجنم تبع مجلس شركاء
الفريسة ، ياخي فريسة ولا مريسة كلو عند العرب صابون. |
حمدوك معذور يا دفعنا ...
يتابع ناس التلفزيون ولا الصحف ولا الشعب ولا المجلس السيادي ولا الشركاء
السلطة دي يا ود الاصيل دايره ليها زول مفتح 24 ساعة
ومركز في كل الاتجاهات في كل الاوقات
عشان كدة مايفترض يكون فيها زول اكثر من 4 سنوات
وما أي زول ...
اما بقية البتاعة ، فحقو تمهلني أقراها بعدين وافهم الجزئية الأخيرة دي أو استعين بصديق
|
Post: #15
Title: Re: ألحقوا التلفزيون ... قبل الحذف
Author: دفع الله ود الأصيل
Date: 12-07-2020, 04:13 PM
Parent: #14
Quote:
اما بقية البتاعة ، فحقو تمهلني أقراها بعدين
وافهم الجزئية الأخيرة دي أو استعين بصديق
|
● بصديق أيوة ؛ علا بس أوعة من ود مهدينا ؛ دا لو عينو عترت فيها حيجي بتان بي الله بيحنكولو الدارعو في كتفو وأصبعو البوَروِر بيهو لي ضلو دا ؛ يجاهد فينا يمرقنا من البلد؛ عامل متل ود الفِتِلِّي.
|
|
