Post: #1 Title: مسؤولو الصحة في كندا اكتشفوا أن كل البهارات الهندية مرشوشة ببول البقر وبعر البقر Author: Osman Musa Date: 12-06-2020, 08:20 AM Parent: #0
عان البلاوي دي . قاليك : مسؤولو الصحة فى كندا واستراليا وأمريكا وبريطانيا والاتحاد الأوروبي. اكتشفوا انو كل البهارات الهندية مرشوشة ببول وبعر البقر. بي سبب اعتقادات الهنود في علاج بول البقر للأمراض. ... غايتو صادر الهند من البهارات حيدخل في كستبانة.
Post: #2 Title: Re: مسؤولو الصحة في كندا اكتشفوا أن كل البها� Author: نعمات عماد Date: 12-06-2020, 08:31 AM Parent: #1
صباح الخير
و القرامسالا و البرياني و الكاري.
لا حول ولاقوة إلا بالله يا أ عثمان.
Post: #4 Title: Re: مسؤولو الصحة في كندا اكتشفوا أن كل البها� Author: Osman Musa Date: 12-06-2020, 09:04 AM
د. نعمات سلام قاليك البرياني والكاري ديل مرشوشات رش تقيل . والكبسة ديك يا ساتر. والبعر مرات ريحتو بتكون ضاربة في محلات البهار . غايتو اعتقادات الهنود حتودي العالم في داهية.
Post: #3 Title: Re: مسؤولو الصحة في كندا اكتشفوا أن كل البها� Author: Shaker Hamid Date: 12-06-2020, 09:01 AM Parent: #1
يا قدير
Post: #5 Title: Re: مسؤولو الصحة في كندا اكتشفوا أن كل البها� Author: Asim Ali Date: 12-06-2020, 09:37 AM Parent: #3
من اعتقادات بعضهم انهم بينضفو البيت ويرشو بمويه مخلوطه بروث البقر وحتى لو بلاط يمسحو الارض بمويه مخلوطه بروث البقر اعتقاد منهم انو يجلب البركه والرزق والخير
Post: #7 Title: Re: مسؤولو الصحة في كندا اكتشفوا أن كل البها� Author: Osman Musa Date: 12-06-2020, 11:26 AM Parent: #5
أخونا عاصم سلام يجلب الحظ ويجلب العفنة برضو . يا أخ عاصم داير اسالك من حاجة . ملاحظ كتير جدا من الهنود في سفريات الطيران الطويلة بيطلبوا مع تذاكر الطيران تحضير كرسي متحرك عند النزول في محطة الوصول . السبب شنو ؟ وليه يا عاصم الهنود ديل بكون عندهم وجع كرعين من السفريات الطويلة ؟ في اي احتمال يكون الوجع دا من كثرة شمهم لبول البقر .؟ لاحظ أي هندي أي هندية بعد سن الخمسين تلاقي كرعينو مكعوجات كعوجة من امها.
Post: #6 Title: Re: مسؤولو الصحة في كندا اكتشفوا أن كل البها� Author: Osman Musa Date: 12-06-2020, 09:54 AM Parent: #3
الأخ شاكر سلام قاليك البقرة اكتر حيوان مدلع عند الهنود . يعني البقرة ممكن تنطط في الشارع قدام اجعص وزير . وفي بعض الدراويش منهم لو ما رشالو شوية بول في قميصو مابيمشي الشغل كلوكلو .
Post: #8 Title: Re: مسؤولو الصحة في كندا اكتشفوا أن كل البها� Author: عزالدين عباس الفحل Date: 12-06-2020, 11:45 AM Parent: #6
مرة في أحدي بلاد المهجر ، واحد من أولاد بمبة ديل ، إتخانق مع واحد هندي هندوسي ، خناقة فظيعة ، قام الهندي إشتكي خصمه الي المدير ، والمدير برضو من اولاد بمبة ، صاحبنا المظلوم داك ، قال الهندي دا كذاب وستين كذاب ، كذاب م كذاب ، قام ود بمبة من شدة الغيظ ، صرح فيهو وصااااااح بأعلي صوته ، - جيبوا ليهو بقرة يحلف عليها ، أنو كلامو صاااااااااح ، وإنفرج الجميع في ضحك هستيري ، آااااااال بقرة ، آل ،
عزالدين عباس الفحل ابوظبي
Post: #9 Title: Re: مسؤولو الصحة في كندا اكتشفوا أن كل البها� Author: Osman Musa Date: 12-06-2020, 12:55 PM Parent: #8
أخونا المهندس ود كبوشية عزالدين سلامات قاليك في مثل كندي . بقول : تبول بقرة في نيودلهي يكح مواطن كندي في تورنتو.
Post: #10 Title: Re: مسؤولو الصحة في كندا اكتشفوا أن كل البها� Author: Osman Musa Date: 12-06-2020, 03:06 PM Parent: #9
انا غايتو واحد من الناس ما عندي أي علاقة مع المطعم الهندي ولا البهار الهندي ولا الباكستاني . ما انو الباكستان ما عندهم شغلة لا بالبقر لا بي بعر الأرانب.
Post: #11 Title: Re: مسؤولو الصحة في كندا اكتشفوا أن كل البها� Author: Salah Zubeir Date: 12-06-2020, 04:59 PM Parent: #10
هلا ود موسى .... هاك الهينكان دا ....
Post: #12 Title: Re: مسؤولو الصحة في كندا اكتشفوا أن كل البها� Author: Biraima M Adam Date: 12-06-2020, 06:21 PM Parent: #11
Post: #13 Title: Re: مسؤولو الصحة في كندا اكتشفوا أن كل البها� Author: سيف النصر محي الدين Date: 12-06-2020, 07:27 PM Parent: #12
سلامات يا عثمان كمتعامل مع محلات الهنود مشيت عملت بحث عن الموضوع ده..لقيت مصادر محايدة قالت انو بول البقر او الروث لا يدخل في اي طعام هندي اطلاقا في الهند نفسها دع عنك ذلك الذي يتم تصديره لبلدان العالم الأول. الموقع الوحيد الذي نشر هذا الكلام هو موقع اسلامي يديره هنود مسلمين ويبدو انه في اطار الحرب النفسية بين الديانتنين او في اطار الحرب التجارية بين محلات الحلال ومحلات الهنود. نعم قيل أن نسبة من الهندوس المتدينين يعتقدون في قدرة بول الابقار وربما روثها له فوائد علاجية وهم يستعملونه لغرض التداوي تماما كبول الجمال لدى بعض المسلمين. هنا رابط الموقع الوحيد الذي يحتوي على هذه الدعاية: https://crescent.icit-digital.org/articles/beware-of-indian-food-products#:~:text=Investigations%20by%20the%20US%20Food,Yes%2C%20you%20read%...rapeutic%20qualities.
Post: #14 Title: Re: مسؤولو الصحة في كندا اكتشفوا أن كل البها� Author: Shinteer Date: 12-06-2020, 08:37 PM Parent: #13
غايتو يا عثمان أنا أكل الهنود الطاعم دا، وبهاراتهم البديعة دي، ما بقنع منهن حتى لو فيهن بعر غراب. أتاريه الطعم السمح دا جايي من بعر البقر وبولو؟؟؟ ليهم حق يعبدوا البقر أكان بعرو وبولو طاعمات كدي. من باكر دي بقنع من بول البعير وبمشي على بول البقر وبعر البقر. الشيء دا طاعم خلاس. لكن فعلاً بكعوج الكرعين ويمكن يعمل ليك كريشة وباقي جسمك ضعيييف. المهم الطعم، والباقي على الله. يبدو لي دا كلو إشاعات. الغربيين حريصين يا زول. ممكن الخدعة تمشي فيهم شهر أو سنة لكن ما ممكن تستمر لعقود، والبريطانيين أسياد الهند.
Post: #15 Title: Re: مسؤولو الصحة في كندا اكتشفوا أن كل البها� Author: Mahjob Abdalla Date: 12-06-2020, 08:47 PM Parent: #14
Quote: يبدو لي دا كلو إشاعات. الغربيين حريصين يا زول. ممكن الخدعة تمشي فيهم شهر أو سنة لكن ما ممكن تستمر لعقود، والبريطانيين أسياد الهند.
الغريبة, المحلات البندخل فيها دائما محلات المسلمين الهنود و الباكستانيين و الغرض الاساسى لدخوله هذه المحلات لشراء اللحوم و من ثم نعرج الي قسم البهارات. لو كانت بهارات مخلوطة ما كان جابوها و هم اكثر ناس بشتروها.
Post: #16 Title: Re: مسؤولو الصحة في كندا اكتشفوا أن كل البها� Author: Salah Zubeir Date: 12-06-2020, 10:18 PM Parent: #13
Post: #21 Title: Re: مسؤولو الصحة في كندا اكتشفوا أن كل البها� Author: Osman Musa Date: 12-07-2020, 03:23 PM Parent: #13
أخونا سيف النصر سلام يا أخ سيف ياخ الشعب دا شعب جنو بهار حتي في الحلويات بيخلط البهار . وعندهم ألف نوع من البهارات المبلولة ببول البقر . وعندهم معرفة شديدة وباع طويل في التصدير للعالم كلو . وخبرة في السوق العالم .
Post: #18 Title: Re: مسؤولو الصحة في كندا اكتشفوا أن كل البها� Author: Osman Musa Date: 12-07-2020, 08:52 AM Parent: #12
مرحب حباب أخونا البقاري بريمة. حياك الله . قلت لي شنو رايك في كلونيا البقر . قاليك البقاري الهندي راجي كومار ساريندي لو استعمل بخاخة بول العجلة ما بمشي مكتب الشركة . شايف كيف ؟
Post: #17 Title: Re: مسؤولو الصحة في كندا اكتشفوا أن كل البها� Author: Osman Musa Date: 12-07-2020, 03:17 AM Parent: #11
أخونا صلاح الزبير كيفك يا عمدة وكيف اخبار الأهل . الهانيكان المجهبزة دي بتكون كاربة مع شوية مراره . مساكين بقرنا ما في زول شغال بالهانيكان حقت البرسيم. انت عارف بتاعت البرسيم السوداني وجميلة جروف النيل دي تكون شايلة الكوفييد 19 مقلاع. ياخ مشكور على فيديو البول والبعر وحصة التثقيف الممتازة . حقو تهدي الهانيكان دي للأخ للبقاري بريمة بمناسبة الكريسماس. .. تحياتي
Post: #19 Title: Re: مسؤولو الصحة في كندا اكتشفوا أن كل البها� Author: عزالدين عباس الفحل Date: 12-07-2020, 11:17 AM Parent: #17
عدس بالبهارات الهندية يجنن ، ،،،،،
عزالدين عباس الفحل ابوظبي
Post: #20 Title: Re: مسؤولو الصحة في كندا اكتشفوا أن كل البها� Author: عمر التاج Date: 12-07-2020, 11:24 AM Parent: #19
نحن برضه بناكل بعر وبول الغنم .. لكن بطريقة غير مباشرة زريبة البهائم بقت بالشي الفلاني .. والجماعة يحفروا ويكبوا وفي النهاية تجيك الريحة من جوة الخضار والفاكهة .. بس للأمانة أطعم واكرم من بتاعة المصريين.
Post: #22 Title: Re: مسؤولو الصحة في كندا اكتشفوا أن كل البها� Author: Osman Musa Date: 12-08-2020, 05:24 AM Parent: #1
حملة المقاطعة الاكتر شدة حيقوموا بيها الانجليز بعد انكشاف المدسوس من أخبار البعر التي فاحت وعمت الإمبراطورية التي لا تغيب عنها رائحة الكاري والكوركم والهيل.