Post: #1
Title: قبضوا التاجر المجرم البيخلط زيت الفول بزيت الأولين
Author: Osman Musa
Date: 12-04-2020, 09:18 AM
08:18 AM December, 04 2020 سودانيز اون لاين
Osman Musa-
مكتبتى
رابط مختصر
دفار الشرطة داهم بسرعة عجيبة واحد من بيوت حى البوستة .
بعد متابعة طويلة .
للنشاط المخيف الكان حاصل في البيت .
بعدها الشرطة تاكدت من انو البيت
بيستخدم لخلط زيت الفول بزيت الأولين وبيعو للمواطنين .
بعد وضع ديباجة الشركة دون أي مراعاة لصحة المواطن المسكين .
|
Post: #2
Title: Re: قبضوا التاجر المجرم البيخلط زيت الفول ب
Author: Osman Musa
Date: 12-04-2020, 10:46 AM
Parent: #1
خلط السلع أصبح مشكلة في السودان .
40 في المئة من السلع البيحتاج ليها السوق مخلوطة.
تزوير في أي حاجة .
القصة ما واقفة على زيت الطعام .
حتي زيوت العربات .
عادي يكون برميل الزيت ماركة وداخل البرميل خلافو .
ودا تجار زيوت العربات في السودان بيسموهو ( مقلوب)
وفي مكبوب.
الخلط في السودان أصبح عالم .
ومع الرندوك الجديد ما حتقدر تفهم حاجة .
في السودان مافي أي جهات شايلة هم المستهلك ولا
سمعة الصناعة ولا حساب الله .
|
Post: #3
Title: Re: قبضوا التاجر المجرم البيخلط زيت الفول ب
Author: عبدالحفيظ ابوسن
Date: 12-04-2020, 11:08 AM
Parent: #2
يا عثمان مش تجار بس
بل معاصر ومصانع بتعمل كدة
واريتو لو اولين بس
زيوت اغاثة مجهولة
وواحدات منتهية الصلاحية
اولين تراهو معروف زيت نباتي مهدرج
|
Post: #4
Title: Re: قبضوا التاجر المجرم البيخلط زيت الفول ب
Author: Mahjob Abdalla
Date: 12-04-2020, 11:51 AM
Parent: #3
| Quote: اولين تراهو معروف زيت نباتي مهدرج |
سلام عثمان و حفيظ و كل ضيوف البوست
شكرا حفيظ انك وضحت لي. كنت قايل اولين ده زيت عربات و عايز اقول الاغلي زيت العربات ام زيت الفول؟
|
Post: #5
Title: Re: قبضوا التاجر المجرم البيخلط زيت الفول ب
Author: امتثال عبدالله
Date: 12-04-2020, 12:04 PM
Parent: #4
والله يا محجوب انا ذاتي كنت متخيلة انو زيت اولين ده زيت عربات وكنت عاوزة اقول التاجر ده
مفروض يعدمه في ميدان عام...لكن ما دام زيت مهدرج واذا مات فيه ضرر ولو بسيط في صحة المواطن
فنكتفي بس بقطع يديه ورجليه الاثنين..
|
Post: #7
Title: Re: قبضوا التاجر المجرم البيخلط زيت الفول ب
Author: Abdelrahim Mohmed Salih
Date: 12-04-2020, 12:41 PM
Parent: #5
مرحب يا عثمان وفرصه الزول يشكرك على مواضيعك المميزه ومشغوله ب هموم الناس
هسه بكون فى كم تاجر زى دا ببيع سموم للناس ودا فى الخرتوم المحروسه اها ناس الاطراف والاقاليم البعيده وضعهم كيف
زمان فى السودان لحمه الجزاره كان بتجينا ب ختم البيطرى دليلا على سلامه البهيمه من الامراض
وين ناس جماعه حمايه المستهلك ليه ما يكون فى ختم للسلع الإسترتيجيه
|
Post: #6
Title: Re: قبضوا التاجر المجرم البيخلط زيت الفول ب
Author: Osman Musa
Date: 12-04-2020, 12:35 PM
Parent: #3
أخونا ابوسن سلام
مراقبة الصناعات في بلدنا انتهت .
والجهلاء أصبحوا يتلاعبوا في أخطر السلع .
صناعة واستيراد الزيوت في أمريكا من اكتر السلع
العليها مراقبة صارمة .
وزيوت الطعام هم عارفين هي الخطر الأكبر والجالية
لبلاوي الشرايين .
تعال شوف الانفكاكة العندنا.
ما انو عندنا كل شي لانتاج وتصدير زيوت صحية ممتازة .
وأهمها:
زيوت الصويا وعباد الشمس و زيت بذرة القطن
والذرة والسمسم
وعندنا في السودان كتير من الزيوت النباتية.
الممتازة والمعرفة في دول الجوار .
وما في حاجة بتخلينا نزور ونخلط .
وين الضمير يا ابوسن ؟
|
|