Post: #1
Title: لقمان احمد : التلفزيون القومي يرتكب اخطاء مهنية غريبة
Author: Nasser Amin
Date: 12-03-2020, 08:18 PM
07:18 PM December, 03 2020 سودانيز اون لاين
Nasser Amin-
مكتبتى
رابط مختصر
في اخبار التاسعة بتوقيت السودان ، كان في
خبر عن تعزية حاكم دبي محمد بن راشد لمجلس
السيادة في وفاة المغفور له الامام الصادق
و جايبين صورة و لي العهد محمد بن زايد.
اما انت زول غير مهني أو عدم كفاءة من العاملين
أو التلفزيون مليان بالفلول.
مع العلم هذه الاخطاء لا تحدث في النظام السابق
اخطاء كتيرة جدا من التلفزيون القومي لو ما قادرين
اقفلوهوا.
ما جابوك عشان برنامج حوار البناء، جابوك عشان القناة
القومية تهم كل السودانيين.
|
Post: #2
Title: Re: لقمان احمد : التلفزيون القومي يرتكب اخطاء
Author: عمر التاج
Date: 12-03-2020, 09:03 PM
Parent: #1
تحياتي عزيزي ناصر أمين..
لقمان غير مؤهل لقيادة التلفزيون هذه حقيقية ، ويوجد من هو أكفأ منه
ولكنه ليس بالضعيف ولا عديم الخبرة للدرجة التي تجعل التلفزيون القومي بهذا الضعف..
الأمر في أعتقادي يحتاج لمزيد من الخبرات خاصة لمن احترفوا المجال في الخارج..
ويحتاج اهتمام أكبر من الدولة والتفات أفضل لوزارة الاعلام
بس يا ناصر.. وعليك دينك
| Quote: مع العلم هذه الاخطاء لا تحدث في النظام السابق |
حاول أنفك من الماضي .. وانظر لحاضرك ومستقبلك
وبدل ما تقارن وضعك بفرعون وقارون وعمر البشير
حاول شوف نفسك مع العالم من حولك ..
قارن تلفزيونك بالجزيرة والعربية والسي ان ان البي بي سي ..الخ
وقارن وضع مواطنك بالمواطن الخليجي والمصري والاوربي .. الخ
انظر قدامك يا أخي ولا تنجر لتاريخ لا يقدم ولا يؤخر .
|
Post: #3
Title: Re: لقمان احمد : التلفزيون القومي يرتكب اخطاء
Author: Shinteer
Date: 12-03-2020, 09:48 PM
Parent: #2
الليلة كلمني أحد الأصدقاء المتابعين للتلفزيون السوداني الرسمي، قال إن التلفزيون قدّم اعتذار للمشاهدين عمّا تلفظ به بروفييسور حسن أحمد إبراهيم لكن خاتّين مع الاعتذار صورة جبريل إبراهيم!!! أنا ما شفت الحاجة دي لكن ما استغربت أبداً وقلت ليه مفروض جبريل يفتح بلاغ.
تلفزيون شنو وسودان شنو ولقمان شنو؟ لا بد من الرجوع إلى الصفر لأننا واقعين تحته كتير.
|
Post: #5
Title: Re: لقمان احمد : التلفزيون القومي يرتكب اخطاء
Author: Nasser Amin
Date: 12-03-2020, 11:17 PM
Parent: #3
الاخ عمر التاج
الموضوع و ما فيه نقص القادرين على التمام
و هذا ما سأوضحه.
الاخ شنتير حبابك
غير الاخطاء دي في ملاحظة تانية، التلفزيون
عندو ارشيف و عملوا ليهو استديو بأسم علي
شمو و منذ وفاة المرحوم الصادق المهدي بدأو
البث ما الذي يمنع نشر تاريخ الفترة الديمقراطية
في السودان و من كل الرموز ، الجيل الجديد عايز
يعرف الازهري و السيد علي الميرغني و عبد الخالق
المحجوب و محمد عثمان الميرغني ولا عايزين يكون
تلفزيون تأبين بس.
نظرة قاصرة و غبية، كل الاحزاب في الساحة عندها
تاريخ في الديمقراطية و عندها رموز.
ما تنتظروا حتى يموت الرموز.
|
Post: #4
Title: Re: لقمان احمد : التلفزيون القومي يرتكب اخطاء
Author: Amira Hussien
Date: 12-03-2020, 11:15 PM
Parent: #1
هو اساسا مافى تلفزيون ولا قناة سودانية....دى حاجة بدائية متخلفة ببرامج ما عندها فايدة وعاملين عاطلين موهبة ....بس هسه فلاحة ناس غادة ومنو فكوا الحجاب وجو بى نفس عقولهم الخاوية ...... قالو والله يكفينا شر القول مبانى التلفزيون تفتقر لابسط الاحتياجات الآدمية لا مقاعد لا غرف للراحة ولا اى شى وتآمر وشللية وحاجة فوق التصور
|
Post: #6
Title: Re: لقمان احمد : التلفزيون القومي يرتكب اخطاء
Author: Nasser Amin
Date: 12-03-2020, 11:25 PM
Parent: #4
متابع و من فترة لقناة "الخرطوم الفضائية"
هي قناة مهنية ، جابت الخبر المشار اليه في
صدر البوست بالصورة الصحيحة.
قناة الخرطوم برامجها و مقدمي برامجها يدعمون
الثورة بالبرامح و الاغاني.
مديرها اسمو منو؟ و الله ما عارفو
مفروض يكون مدير القناة القومية.
القنوات الخاصة ادائها افضل بمليون مرة
من قناة السودان
الخطأ في الادارة و الكوادر
|
|