Post: #1 Title: أولاد "دقلو" اثنين في مجلس الشركاء السيادي ، هي البلد عدمت الرجال؟ Author: عمر التاج Date: 12-03-2020, 04:02 PM
رجال هنا تشمل ( الذكور والاناث)
.. .. ونعم الكفاءات
Post: #2 Title: Re: أولاد دقلوا اثنين في مجلس الشركاء السيادي Author: اخلاص عبدالرحمن المشرف Date: 12-03-2020, 04:14 PM Parent: #1
عدمت يا عمر اخوي عدمت اتحركوا ومدوا رجلينهم ومعاهم كل العمبلوقات
لا اسر الشهداء حضروا لا لجان المقاومة والكذبة دخلوا الكنين وقالو ما داخلين
الا لعنة الله علي الكذبة المنافقين
طال السفر ولا انتخابات تلوح في الافق ولا ديمقراطية حتي ولو معوجة الا لعنة الله علي الكاذبين المنافقين
Post: #3 Title: Re: أولاد دقلوا اثنين في مجلس الشركاء السيادي Author: اخلاص عبدالرحمن المشرف Date: 12-03-2020, 04:21 PM Parent: #2
حميدتي دخل اخوه هو ما موجود
Post: #4 Title: Re: أولاد دقلوا اثنين في مجلس الشركاء السيادي Author: على جويلى Date: 12-03-2020, 04:26 PM Parent: #3
يكونوا ناوين علي حميدتي
Post: #5 Title: Re: أولاد دقلوا اثنين في مجلس الشركاء السيادي Author: امتثال عبدالله Date: 12-03-2020, 04:29 PM Parent: #3
الانتخابات بعد ٣٠ سنة يا اخلاص.. الفترة الانتقالية بيمطوا فيها كل يوم...ويا دوبك بيفكروا يختاروا اعضاء البرلمان الانتقالي بالتعيين...واظن حيتموا التعيين بعد سنتين ... ومجلس الشركاء السيادي لسع ما فهمنا عمله شنو بالظبط...حيلة جديدة لنهب اموال الشعب المغلوب على امره..
Post: #6 Title: Re: أولاد دقلوا اثنين في مجلس الشركاء السيادي Author: عمر التاج Date: 12-03-2020, 04:42 PM Parent: #5
هذا ما وصلني
Post: #7 Title: Re: أولاد دقلوا اثنين في مجلس الشركاء السيادي Author: اخلاص عبدالرحمن المشرف Date: 12-03-2020, 04:45 PM Parent: #6
اهلاً يا امتثال الحبيبة الانتخابات زي ما قلتي بعد 30 سنة في الثورة الحقيقية
كلهم طلاب سلطة
Post: #8 Title: Re: أولاد دقلوا اثنين في مجلس الشركاء السيادي Author: عمر التاج Date: 12-03-2020, 04:49 PM Parent: #6
أبسط قواعد العمل الاداري في كل المؤسسات عدم وجود الاقارب من الدرجة الأولى على رأس المؤسسة .. حتى الروضة الحكومية تلتزم بهذا المبدأ من أجل الشفافية والحوكمة فما بالكم برأس الدولة ومؤسساتها؟
.. .. نسوي شنو يا دكتورة اخلاص حكومة مؤهلات وكدة ..
Post: #9 Title: Re: أولاد دقلوا اثنين في مجلس الشركاء السيادي Author: عمر التاج Date: 12-03-2020, 04:54 PM Parent: #8
Quote: يكونوا ناوين علي حميدتي
قصدك يريسوه ويزوغوا يخلوه يغرق .. للأسف حميدتي آخر من يغرق وبعد ما يكون فطس البلد ولحقها الصومال.
Post: #10 Title: Re: أولاد دقلوا اثنين في مجلس الشركاء السيادي Author: عمر التاج Date: 12-03-2020, 05:01 PM Parent: #9
Quote: الانتخابات بعد ٣٠ سنة يا اخلاص.. الفترة الانتقالية بيمطوا فيها كل يوم...ويا دوبك بيفكروا يختاروا اعضاء البرلمان الانتقالي بالتعيين...واظن حيتموا التعيين بعد سنتين ...
بخصوص البرلمان ده .. انسي ساكت يا خيتي مش بنحكي في نكته لما نقول (برلمان تعينه الحكومة عشان يراقبها ..) القول ما قلت يا امتثال، وما قالت د.اخلاص لا بد من تصحيح مسار البلد وان طال التمكين ..
Post: #11 Title: Re: أولاد دقلوا اثنين في مجلس الشركاء السيادي Author: عمر التاج Date: 12-03-2020, 05:07 PM Parent: #10
Post: #12 Title: Re: أولاد دقلوا اثنين في مجلس الشركاء السيادي Author: عمر التاج Date: 12-03-2020, 05:21 PM Parent: #11
هذا المجلس أتوقع له شأنا عظيما .. وربما سيحل محل السيادي ومجلس الوزراء كما حل حميدي محل حميدتي في إدارة اقتصاد البلد الجديد في المجلس هو تغيير موازنات القوى داخله اذ أصبحت انتهت أغلبية قحت وأصبح القرار خارج يدهم
Quote: "أي سلطات أخرى لازمة لتنفيذ اختصاصاته وممارسة سلطاته"
Post: #13 Title: Re: أولاد دقلوا اثنين في مجلس الشركاء السيادي Author: علي عبدالوهاب عثمان Date: 12-03-2020, 06:51 PM Parent: #12
شكرا حبيبنا التاج على الخبر أجزم أنني ما فاهم اي شيء عنوان غريب ( مجلس الشركاء السيادي ) الثورة ضاعت وذهبت اللانتهازيين على رأسهم ( هجو ) مسكين قريبنا داؤود الحلفاوي قريبنا طلع أي كلام ( كوش )
الحبيب التاج واصل شرح الموضوع والمزيد من المعلومات بطريقتك الساخرة لأنهم يستاهلوا السخرية
اين الثوار اين الشهداء أين وأين وأين
تحياتي الحبيب التاج
Post: #14 Title: Re: أولاد دقلوا اثنين في مجلس الشركاء السيادي Author: عمر التاج Date: 12-03-2020, 07:10 PM Parent: #13
تحياتي الحبيب علي..
Quote: عنوان غريب ( مجلس الشركاء السيادي )
الاسم من عندي ، وهو الاسم الحقيقي للمخلوق الجديد المسمى مجلس شركاء الفترة الانتقالية .. نحن فقط نتنبأ بمستقبل البلد في ظل سيطرة (دولة الدقاقلة) *..
.. .. على وزن (حي الدناقلة) عندكم ياشيخ علي
Post: #15 Title: Re: أولاد دقلوا اثنين في مجلس الشركاء السيادي Author: علاء سيداحمد Date: 12-03-2020, 07:19 PM Parent: #13
Quote: (ب) الفريق أول/محمد حمدان دقلو . (و) الفريق / عبدالرحيم حمدان دقلو .
هذا لا يحدث الا فى السودان :
Quote: أبسط قواعد العمل الاداري في كل المؤسسات عدم وجود الاقارب من الدرجة الأولى على رأس المؤسسة .. حتى الروضة الحكومية تلتزم بهذا المبدأ من أجل الشفافية والحوكمة فما بالكم برأس الدولة ومؤسساتها؟
شكراً يا عمر لقيتك سبقتنى بيها .
احمد الضى بشارة كان على حق حينما اتهم آل دقلو انهم يخططون للاستيلاء على السلطة فى البلد وكانت عاقبته ان تم حبسه فى سجون آل دقلو :
فيديو خطير وهام يكشف طموحات اسرة دقلو فى الحكم والذى كان سبباً فى اعتقال احمد الضي بشارة من قبل مخابرات الدعم السريع الفيديو فضيحة بمعنى الكلمة لحميدتى واسرة دقلو
Post: #16 Title: Re: أولاد دقلوا اثنين في مجلس الشركاء السيادي Author: عمر التاج Date: 12-03-2020, 08:33 PM Parent: #15
Quote: لسودان 30 سنة عدمان الرجال حاكمنه اشباه الرجال الكيزان ونسوانهم واخوانهم
أوووه مشتاقين يالاخو المسجون في الماضي طولت من بوستاتي مالك؟ شكلك شوية كدة وتتبخر ..
Post: #17 Title: Re: أولاد دقلوا اثنين في مجلس الشركاء السيادي Author: عمر التاج Date: 12-03-2020, 09:11 PM Parent: #16
Quote: هذا لا يحدث الا فى السودان
تحياتي اخ علاء، وشكرا لهذه الالتفات لموضوع القرابى .. وفعلا في الدول المحترمة ، وفي المؤسسات العظيمة لايسمح بوجود أصحاب القرابى من الدرجة الأولى في أي مؤسسة في فرع واحد وان استحقوها عن جدارة .. فما بالك في وجودهم في أعلى مستويات الدولة .. وفي مناصب عليا يشغلها من لايحملون حتى مؤهلات دنيا..
Post: #18 Title: Re: أولاد دقلوا اثنين في مجلس الشركاء السيادي Author: عمر التاج Date: 12-04-2020, 09:00 AM Parent: #17
"من دقلو وافتلوا" أجمل ما لاقاني من شعارات الفترة الانتقالية الجديدة "حي الدقاقلة" الاسم الجديد للسودان الجديد
Post: #19 Title: Re: أولاد دقلوا اثنين في مجلس الشركاء السيادي Author: عمر التاج Date: 12-05-2020, 07:22 AM Parent: #18
غايتو البشارة الوحيدة في مجلس الشركاء ده هو ماقاله الاخ ده..
