Post: #2 Title: Re: حاتم هبوط مركبة فضاء صينية على سطح القمر Author: معاوية المدير Date: 12-01-2020, 05:22 PM Parent: #1
صينية معناتا مضروبة يا عمّك ...
Post: #3 Title: Re: حاتم هبوط مركبة فضاء صينية على سطح القمر Author: Arif Nashed Date: 12-01-2020, 07:12 PM Parent: #2
يا منتصر حاتم خبير ناسا والا شنو 😂
Post: #4 Title: Re: حاتم هبوط مركبة فضاء صينية على سطح القمر Author: امتثال عبدالله Date: 12-01-2020, 07:24 PM Parent: #3
يا ود عطبرة حكاية صينية معاتها مضروبة كانت زمان ..اما الان فان افضل السلع واجودها هي السلع الصينية.. ..وهسع الامريكان ما بيشتروا الا السلع الصينية وخاصة الالكترونيات ..لانها سلع رخيصة الثمن مع جودتها واكتشفوا ان حكاية السلع الصينية غير متينة وغير جيدة هي دعاية من اليهود والراسماليين من دول اوروبا وامريكا خوفا من ان تبور بضائعهم ومصانعهم تتقفل عندما تغرق السلع الصينية السوق..واكتشفوا ان السلع الصينية امتن واجود من السلع الغربية الكانو غاشين بيها الناس..وان السلع الصينية رخيصة الثمن عشان تكلفة الانتاج رخيصة لان العمال الصينيين اجورهم قليلة على الرغم من مهاراتهم وكفاءاتهم المهنية... وعشان كده لمن تلقى صنع في الصين ..ما تتردد واشتري على طول... واذا الصينيين هيهبطوا على سطح القمر فصدق فورا...ده اذا ما كان هبطوا زمان وعلماؤهم ساكنين هناك ...
Post: #5 Title: Re: حاتم هبوط مركبة فضاء صينية على سطح القمر Author: Abureesh Date: 12-01-2020, 10:32 PM Parent: #4
Quote: ده اذا ما كان هبطوا زمان وعلماؤهم ساكنين هناك ..
أوسكــار يا إمتثال!
معاوية المدير يكون اشترى وصلة كهرباء وردها تاجر جشع وباظت ليه بعد يومين.
Post: #6 Title: Re: حاتم هبوط مركبة فضاء صينية على سطح القمر Author: MOHAMMED ELSHEIKH Date: 12-02-2020, 05:50 AM Parent: #5
بس يا عارف ما علاقة حاتم بالامر؟
Post: #7 Title: Re: حاتم هبوط مركبة فضاء صينية على سطح القمر Author: muntasir Date: 12-02-2020, 06:29 AM Parent: #6
سلام للجميع وللبيسألوا عن علاقة حاتم بالموضوع اعتقد اول بوست لحاتم في المنبر كان عن أن هبوط ناسا في القمر هو خدعة وقدر ما حاولنا وحاول الجميع الا انا حاتم كان مصر بأدلته انه الأمريكان حبرتجية ، فهسه بعد سمعت موضوع الصين في القمر كان اول زول فكرت فيه حاتم عايز اشوف رأيه هل الموانع الكانت في ذلك الزمان ضد هبوط الإنسان في القمر قد زالت وهل يمكن إرسال رحلات مأهولة ولا كلام حاتم صحي واحنا إعتبرناه مهووس بي نظريات المؤامرة وفعلاً هبوط الصينين تأكيد لكلامه إنه لا يمكن حتى الآن تقنياً إرسال بشر للقمر في كنانة
Post: #8 Title: Re: حاتم هبوط مركبة فضاء صينية على سطح القمر Author: امتثال عبدالله Date: 12-02-2020, 06:29 AM Parent: #6
انا اتذكرت يا ود الشيخ حاتم كان جاب ليه فيديو في بوست سابق والفيديو بيشكك انو الامريكان ما وصلوا القمر وان الموضوع كله خدعة من الامريكان وان منظر هبوط المركبة الفضائية في القمر انما تم تصويره في صحراء نيفادا وعندما علق احد المذيعين وهو يرى منظر نزول رائد الفضاء الامريكي قائلا هذا هو اول رجل تطأ قدماه سطح القمر، فقال الذي اخرج الفيديو اذن من هو الذي كان واقفا على سطح القمر قبل نزول رائد الفضاء من المركبة افضائية وهو يصور نزوله على سطح القمر... يعني ما رائد الفضاء.هو اول من لامست قدماه سطح القمر ولكن من صوره وهو يطا سطح القمر.. ودي علاقة حاتم بموضوع البوست
Post: #9 Title: Re: حاتم هبوط مركبة فضاء صينية على سطح القمر Author: Hassan Farah Date: 12-02-2020, 07:34 AM Parent: #1
China's Chang'e-5 successfully lands on moon to collect samples
Post: #10 Title: Re: حاتم هبوط مركبة فضاء صينية على سطح القمر Author: علاء سيداحمد Date: 12-02-2020, 07:56 AM Parent: #9
هبوط الانسان على سطح القمر اكبر كذبة فى تاريخ البشرية .
هل ذهب الأمريكيون إلى القمر؟ الحلقات الـ 5 كاملة من برنامج رحلة في الذاكرة . آر تى العربية
تم وضع المقطع ضمن اكثر المقاطع مشاهدة فى اليوتيوب
Post: #11 Title: Re: حاتم هبوط مركبة فضاء صينية على سطح القمر Author: عبدالحفيظ ابوسن Date: 12-02-2020, 08:15 AM Parent: #10
يا منص لو صحي الانسان هبط في القمر من السبعينات . هسة كان تلقا الهايسات تكورك القمر نفر 😆😆😆
Post: #12 Title: Re: حاتم هبوط مركبة فضاء صينية على سطح القمر Author: ABUHUSSEIN Date: 12-02-2020, 08:58 AM Parent: #11
Quote: هسة كان تلقا الهايسات تكورك القمر نفر 😆😆😆
واحدين بالزلط و تانين بالردمية ...
Post: #13 Title: Re: حاتم هبوط مركبة فضاء صينية على سطح القمر Author: Deng Date: 12-02-2020, 09:44 AM Parent: #12
Quote: يا ود عطبرةحكاية صينية معاتها مضروبة كانت زمان ..اما الان فان افضل السلع واجودها هي السلع الصينية....وهسع الامريكان ما بيشتروا الا السلع الصينية وخاصة الالكترونيات ..لانها سلع رخيصة الثمن مع جودتهاواكتشفوا ان حكاية السلع الصينية غير متينة وغير جيدة هي دعاية من اليهود والراسماليين من دول اوروباوامريكا خوفا من ان تبور بضائعهم ومصانعهم تتقفل عندما تغرق السلع الصينية السوق..واكتشفوا ان السلعالصينية امتن واجود من السلع الغربية الكانو غاشين بيها الناس..وان السلع الصينية رخيصة الثمن عشان تكلفةالانتاج رخيصة لان العمال الصينيين اجورهم قليلة على الرغم من مهاراتهم وكفاءاتهم المهنية...وعشان كده لمن تلقى صنع في الصين ..ما تتردد واشتري على طول...واذا الصينيين هيهبطوا على سطح القمر فصدق فورا...ده اذا ما كان هبطوا زمان وعلماؤهم ساكنين هناك ...
امتثال
الصين ما زالت تنتج وتصدر للعالم بضاعة وصناعات سيئة جدا، ولكنها في ذلك تستثنى أمريكا وبعض الدول الأوربية، لأن تلك الدول لديها قوانين صارمة في مسألة الجودة وفي مسألة حماية المستهلك. بمعنى أخر البضاعة الصينية التي يتم تصديرها لأمريكا تختلف كثيرا من نفس البضاعة التي يتم تصديرها لدول العالم الثالث.بالمناسبة. هذا الموضوع لا يقتصر على الصين فقط بل على جميع الدول التي تصدر بضاعتها للولايات المتحدة.
Post: #14 Title: Re: حاتم هبوط مركبة فضاء صينية على سطح القمر Author: Abdelrahim Mohmed Salih Date: 12-02-2020, 10:22 AM Parent: #13
الصين اكثر دوله مفسده ومضره ب البئه ولاتملك اخلاق دوله عظمى يهمها مستقبل الكره الارضيه والاجيال القادمه ترسل الى أفريقيا اسؤ السلع مستفيده من جشع التجار وانظمه دكتاتوريه يحكمها جهله ولايهمها ما تنقله من امراض لشعوب فقيره وتلوث اراضى بكر بمخلفات صناعيه يتجاوز نصف عمرها ملايين السنين النظام الحاكم فى الصين يرى معركته مع قوى(امبرياليه )تتفوق عليه ب نظام ديمقراطى يملك آليات مراقبه وقانون يحمى المواطن من جشع السلطه اى كانت وهذا من اسباب حرص الصين على جوده منتجاتها للدول الاوربيه وامريكا....وتظل الصين دوله فاسده استغلت لحظه تاريخيه وزمانيه لتبرز بقوه الى مقدمه الدول الصناعيه ولن يستمر الامر طويلا حتى تغرق فى مشاكل الدول الصناعيه الكبرى وسيكون امر صعبا لدوله دكتاتوريه سلام يا منتصر معليش لفينا البوست ل دوله الصين وانت تريد القمر:)
Post: #15 Title: Re: حاتم هبوط مركبة فضاء صينية على سطح القمر Author: معاوية المدير Date: 12-02-2020, 10:40 AM Parent: #14
بعد كلآم دينق ؤ عبد الرحيم، أطالب ترجعو لي قروشي حقت الوصلة ...
Post: #16 Title: Re: حاتم هبوط مركبة فضاء صينية على سطح القمر Author: احمد عمر محمد Date: 12-02-2020, 12:01 PM Parent: #15
وين aburaish بعد الضربة القاضية دي على الصين
Post: #17 Title: Re: حاتم هبوط مركبة فضاء صينية على سطح القمر Author: امتثال عبدالله Date: 12-02-2020, 12:31 PM Parent: #16
لكنك يا ود عطبرة اشتريت الوصلة من كندا وهي تعتبر دولة امريكية شمالية وما هي دولة.افريقية او عربية عشان تغشها الصين....يعني الوصلة بتاعتك سلعة جيدة الصنعة بس تكون انت اهملت فيها واحتمال تكون ختيتها جنب المكوة واحترقت..... .رفضت القضية وعليك دفع اتعاب المحامي والمصاريف الاخرى للقضيةهههههههههه
Post: #18 Title: Re: حاتم هبوط مركبة فضاء صينية على سطح القمر Author: Mahjob Abdalla Date: 12-02-2020, 12:34 PM
المركبة الصينية اتجاه واحد و لا بتجى راجعة و معاها بضائع؟ اكان رسلو فيها كلبة لايكا عشان نشوفها سالمة و لا حصل ليها شئ!
Post: #19 Title: Re: حاتم هبوط مركبة فضاء صينية على سطح القمر Author: معاوية المدير Date: 12-02-2020, 02:11 PM Parent: #18
Quote: لكنك يا ود عطبرة اشتريت الوصلة من كندا وهي تعتبر دولة امريكية شمالية وما هي دولة.افريقية او عربية عشان تغشها الصين....يعني الوصلة بتاعتك سلعة جيدة الصنعة بس تكون انت اهملت فيها واحتمال تكون ختيتها جنب المكوة واحترقت..... .رفضت القضية وعليك دفع اتعاب المحامي والمصاريف الاخرى للقضيةهههههههههه
dollar store رجعو لي قروشي بلآ خرخرة معاكم ...
Post: #20 Title: Re: حاتم هبوط مركبة فضاء صينية على سطح القمر Author: امتثال عبدالله Date: 12-02-2020, 02:33 PM Parent: #19
وفي زول نصيح بشتري من دولار استور..ناس dollar store ديل بستوردو سلعهم من بوركينا فاسو وافريقيا الوسطى.. ما تخليكم زي بتكم بسمات،بت عطبرة البرجوازية،وتشتروا من Macy's وساكس فيفث افنيو وبلومينديل...
Post: #21 Title: Re: حاتم هبوط مركبة فضاء صينية على سطح القمر Author: النذير حجازي Date: 12-02-2020, 03:11 PM Parent: #20
پوست أوسكار وآدي قعدة
Post: #22 Title: Re: حاتم هبوط مركبة فضاء صينية على سطح القمر Author: معاوية المدير Date: 12-02-2020, 03:28 PM Parent: #21
Quote: Macy's وساكس فيفث افنيو وبلومينديل...
ؤ دي بيستعملوها كيف ؟، الظاهر قروشي راحت شمار في مرقة ...
Post: #23 Title: Re: حاتم هبوط مركبة فضاء صينية على سطح القمر Author: امتثال عبدالله Date: 12-02-2020, 04:46 PM Parent: #22
دي دكاكين البرجوازيين في منهاتن ..واظنك لمن كنت في نيويورك بتشتري منها...
Post: #24 Title: Re: حاتم هبوط مركبة فضاء صينية على سطح القمر Author: Abureesh Date: 12-02-2020, 05:14 PM Parent: #23
Quote: وبلومينديل
عليكم ب Woodbury common outlets برمجوا يوم كامل منها تسوق ومنها فسحة. فيه منتجات 5th. Ave واسعار هارلم. البص يتحرك من Port authority bus terminal والذاكرة بحوالى 30 دولار. بالسيارة (لا انصح) Route 17 north وتابعوا الإشارات
Post: #25 Title: Re: حاتم هبوط مركبة فضاء صينية على سطح القمر Author: حاتم إبراهيم Date: 12-03-2020, 09:07 AM Parent: #1
شوف، داير رأيي أنا حاتم إبراهيم ولا رأي الأمريكان؟
أنا حأديك الرأيين بوصفي أفضل حالاً (يوم الليلة) من كربة ناسا وناسها.
رأي الأمريكان: حيرحبوا بالمحاولة ويشيدوا بيها ويتمنوا للمهمة النجاح في غايتها وبعد ما (المهمة تنجح) حيؤكدوا النجاح دا ويصفقوا مع الصينيين وفي نصهم ممكن تسمع قولة (الله أكبر) مع أصبع سبابة يعلو على استقامته منفرداً وينخفض بتردد واطي جداً.
رأي حاتم: أي دولة دولوقت ولو كانت داقستان ممكن تدعي إنها أرسلت مركبة تنزل في القمر وتخمش تراب وتجيبوا لينا هنا.
ورطة ناسا دلوقت أنها (مضطرة) تساير أي جهة عندها المقدرة على إرسال لعب أو أقمار صناعية لهناك، مجبرة. Win Win deal
لأنو سبق وجاملناهم أكتر من اللازم قاموا طمبجوها، قالوا صاروخ قلنا أوكي، قالوا دخلنا في مدار قلنا مبروك، قالوا رجعنا تاني قلنا بسلامتكم. أها يقوموا بعد دا كلو يقولوا مشينا وجينا ستة مرات ولعبنا الغولف واتغدينا فوق وقرشنا أربعة عربيات خليناهن هناك؟ هنا بنقول ليهم Enough
فدا الموضوع، أي دولة دلوقت ممكن تبتز ناسا بمحاولة البحث عن آثار أي هبوط تم في السبعينات، مرايات ولا كاميرات أو حتى العربيات، وطبعاً مافي أي من المزاعم دي. للسبب دا ناسا قابضة بأيدينها وكرعينها في إسبيسكس على أن تتحول كل مهامها في النهاية إلى الشركة الخاصة وتنسحب ناسا بهدوء من المشهد، فلما يجي وقت الانكشاف الناس تتلفت بيجاي بيجاي عشان تلقى جهة تلومها ما تلقى ناسا.
ولو استعرضت صور الصينيين الجابوها للهبوط والظلال والطواف حتلقاها تقريباً مطابقة لحقت أبولو وكأنهم بينخسوا ناسا ويقولوا ليها (دافننو سوا، أها تباركوا لينا ولا نفتكم؟)
دا كلو ممكن ببساطة يكون لوي يد لو استحضرنا المعركة الأخيرة بتاعة هواوي والجيل الخامس.
وأظن الصورة التحت دي بتوضح الغرض، فالقمر ما ضيق للدرجة عشان يتزاحموا في مكان واحد إلا لو المقصود يدوا ناسا لكزة
___ ما ياهو التراب راقد في الواطة إلا يجيبوهوا من القمر!
Post: #26 Title: Re: حاتم هبوط مركبة فضاء صينية على سطح القمر Author: أحمد محمد عمر Date: 12-03-2020, 01:57 PM Parent: #25
غايتو زمان استاذ الاسلامية في الابتدائي قال لينا علي قاقرين - ولا هو منو داك المشى القمر :) - قال أول ما نزل في القمر سمع صوت الآذان حقنا أنا غايتو مصدقو لكن البقنع ناسا إنه المؤذن طلع قبلهم منو؟
Post: #27 Title: Re: حاتم هبوط مركبة فضاء صينية على سطح القمر Author: امتثال عبدالله Date: 12-03-2020, 02:47 PM Parent: #26
غايتو انا مصدقة انو الامريكان فعلا وصلوا القمر في السبعينات لانه كان عندهم رئيس ما بيكضب زي ترامب، لكن اذا سمعت ان الامريكان وصلوا القمر في الفترة من ٢٠١٦ وحتى عام ٢٠٢٠ (فترة ترامب) ما كنت حاصدق حتى اذا انا بنفسي مرافقة مع رواد الفضاء في المركبة الفضائية ونزلت معاهم على سطح القمر ....
Post: #28 Title: Re: حاتم هبوط مركبة فضاء صينية على سطح القمر Author: Ahmed Yassin Date: 12-03-2020, 10:01 PM Parent: #27
اتذكر انا في الابتدائي اخدت جائزة في احتفال المدرسة والسؤال كان ماهي اول مركبة فضائية (نزلت سطح القمر) ؟ سمعت ابو واحد ( الاباء كانوا حضورا) قال لولده ( ابولو٩) الولد رفع ايده وجاوب الاستاذ قال ليهو ( قررربت) في واحد قال ( ابوللو١٢) وانا لغاية اللحظة ماعارف بقولوا شنو لانه ما قادر افهم الاسم حق المركبة لكن فاهم الرقم او العدد حقها.. المهم ىفعت يدي وقلت ( ابو الولد١١) الاستاذ صرخ نعم اجابة صحيحة .. وبدأ التصفيق واستلمت الجائزة .. والوالد الله يرحمه انبسط من ثقافة ولده الفضائية مع انه جاي من دنقلا.. اخيرا تاكدت ان لا ابوللو .. لا ابو الولد لا حداشر ..لا . على قاقرين لا الدحيش ولا نيل ارمسترونغ..القالوا سمعه لمن جاء القاهرة وسمع الاذان انه سمع نفس الصوت في القمر زبعدها تاكدت ان ( قمر دورين) بتاع كابلي .. اصدق من القمر الامريكي و(قمر . بوبا) التقيل ... اجمل من قمر نيفادا.. واكثر وضوحا من ( ضل) ارمسترونغ وهو يقفز او يرفل في بدلته القصدير
Post: #29 Title: Re: حاتم هبوط مركبة فضاء صينية على سطح القمر Author: Shinteer Date: 12-03-2020, 10:13 PM Parent: #27
الصين جاية جاية. اللهم أحفظ العالم من الصينيين برحمتك يا رب العالمين. الصين أصبحت قوة لا أمريكا ولا الاتحاد الأوربي يستطيع مواجهتها. الصينيين لو سيطروا على العالم ... حياكلوا الناس واقفين ومن غير شواء أو حتى بهارات. الصينيين لم تُعرف عنهم أي نزعة إنسانية. الغرب كله حتى لو استعمرنا وأكل مواردنا، فيه ناس إنسانيين حقيقيين لا حصر لهم. يطرشني ما سمعت بزول صيني إنساني حنين زي الغربيين.
غايتو، ما دام نحن أصلاً مشاهدين، لازمنا نتمنى لاعب يحن علينا. الصينيين ما عندهم رحمة. اليوم أعقد الصناعات عندهم وأرخص الصناعات عندهم. لو مفلس عندهم ليك الشيء المناسب مع ميزانيتك. ولو شبعان يجيبوا ليك أحدث تقنية شيطانية. كلو موجود. الناس ديل حتى في السياسة بطنهم غريقة وروحهم سَلَبة. مش كفاية قصة تايوان القاعدة تقل أدبها عليهم دي وما حصل فكوا عليها طلقة!!! هم عارفين تايون حتجي راكعة في يوم من الأيام ويمكن يذلوها ذلة الكلب الذي أكل البيض لما تجي راجعة وذلة بالمهلة وبالمزاج. تفكيرهم مختلف ونفسياتهم مختلفة. وحات النبي لو كانت تايوان إقليم في دولة في العالم التالث، السيد الرئيس القائد حيقول ليهم بصّقوا (بزّغوا) فيها بس وبتغرف.
اللهم قِنا شر الصينيين. اللهم أنصر أمريكا والغرب (واليابان وكوريا الجنوبية) لأننا مشاهدين بس. مفروض العالم يعمل صلاة جماعية تبعد عنه سيادة الصين على الكون. أنا صليت غايتو، وارجو قبول صلاتي.
نيهاو ومعاها زاوشانغهاو.
Post: #30 Title: Re: حاتم هبوط مركبة فضاء صينية على سطح القمر Author: حاتم إبراهيم Date: 12-09-2020, 10:04 AM Parent: #1
الصور من مصادرها الرسمية، للمقارنة.
China
USA
وحتى الفيديوهات مطابقة تقريباً.
واضح إنو الصين بتحاول تحرج أمريكا بنفس أدواتها.
وما على الأمريكان إلا التسليم والاعتراف (بإنجاز الصين).
Post: #31 Title: Re: حاتم هبوط مركبة فضاء صينية على سطح القمر Author: muntasir Date: 12-09-2020, 10:36 AM Parent: #30
سلام حاتم في قصة هنا حكاها محمد سليمان لو ما خانتني الذاكرة عن الخليفة عبدالله جوهوا بنات الامام المهدي حول قضية ما متذكر إرث ولا شنو دايرين ازنقوه فقال ما معناه ما تعملوا لي مهدية وجانا الخدر احنا دافننه سوا انا العملت الفيلم ده، يعني هسي الصينين بيسوا للأمريكان نحن دافننه سوا 😂
Post: #32 Title: Re: حاتم هبوط مركبة فضاء صينية على سطح القمر Author: Ali Alkanzi Date: 12-09-2020, 11:05 AM Parent: #31
احكي ليكم امثلة حدثت في الفترة الاخيرة من اقامتي بجنيف اي عام ٢٠١٤ و ٢٠١٥ الاولي عرض التلفزيون السويسري الفرنسي (اي الناطق بالفرنسية) برنامج خاص بحماية المستهلك واستضافته اسرة صغيرة بشقتها بجنيف وكان الهدف من الزيارة معرفة تواجد الصناعة الصينية في البيت السويسري وفحصوا كل الاثاثات الاواني بالمنزل ووجدوا ان ٦٠٪ مصنوع في الصين المثال الثاني ، الدراسة في المرحلة الثانوية بسويسرا تستغرق ٤ سنوات أي ان الطالب او الطالبة عندما يصل الجامعة يكون درس ١٣ سنة دراسية قبل التحاقه بالجامعة في السنة قبل النهائة للمرحلة الثانوية (اي السنة الثالثة) على الطالب او الطالب ان يقدم بحثاً من ٢٠ صفحة تحت اشراف احد الاساتذة ويكون هذا البحث مؤشر لاستحقاق الطالب بأن يجلس العام القادم للامتحان النهائي للدخول للجامعة وتمسى عندهم شهادة الماتيورتي maturity فرض الاستاذ المشرف على ابني محمد روح الله أن يكتب بحثه عن اثر لاقصاد الصيني والاقتصاد الغربي في العالم وجاءني ابني يطلب نجدتي لأن الموضوع شائك وابني ليس له باع في هذا المجال فهدأت خاطره وقلت له اكتب بحثك عن الاثر الاقصادي لالمانيا والصين في قرية والدك بالشوال احدى قرى ولاية النيل الابيض بالسودان وسأروي القصة او التقرير لاحقاً
Post: #33 Title: Re: حاتم هبوط مركبة فضاء صينية على سطح القمر Author: muntasir Date: 12-09-2020, 11:49 AM Parent: #30
Post: #34 Title: Re: حاتم هبوط مركبة فضاء صينية على سطح القمر Author: امتثال عبدالله Date: 12-09-2020, 01:14 PM Parent: #33
في انتظار بقية القصة علي ود الكنزي،،،، لان للقصة بقية،،زي ما بيقولوا ناس الجزيرة...
..ويا منتصر ورينا شطبت شنو قبال ما نقراهو...
Post: #35 Title: Re: حاتم هبوط مركبة فضاء صينية على سطح القمر Author: معاوية المدير Date: 12-09-2020, 02:42 PM Parent: #34
Quote: ..ويا منتصر ورينا شطبت شنو قبال ما نقراهو...
الخبار كتلو مرا . أظنه قد سأل من روح الله فأنا أخبر نوايا هذا النِمس ...
Post: #36 Title: Re: حاتم هبوط مركبة فضاء صينية على سطح القمر Author: أحمد محمد عمر Date: 12-09-2020, 04:16 PM Parent: #35
أكان عرفتي تعالي كلميني في أضاني :)
Post: #37 Title: Re: حاتم هبوط مركبة فضاء صينية على سطح القمر Author: امتثال عبدالله Date: 12-09-2020, 05:23 PM Parent: #36
الخبر اليقين عند ود المدير ود عطبرة. انت احمد محمد عمر ولا احمد عمر محمد !!؟؟
