علاقة ملتبسه جدا مع حمد الريح

09:33 AM December, 01 2020

سودانيز اون لاين
محمد حيدر المشرف-دولة قطر
مكتبتى
رابط مختصر

وداع مستحق لحمد الريح .. وعلاقتي بيهو ملتبسه جدا وفيها حاجة ما مفهومة .. الواحد بيضبط نفسو متلبسا بحالة من الطرب العالي مع عدد كبير من اغاني حمد الريح .. أغنيات ساهمت في صياغة الذائقة الغنائية والوجدان .. ماريا .. الى مسافره .. هم فرقتك.. الظروف يا حلوه دايما .. ارض الجزائر .. سلم بي عيونك .. ولو تعرف عيونك .. وغيرها وغيرها..

فنان مجيد دونما شك .. يستطيع العبور الي وجدان الزول بالرغم من انف الحواجز البينك وبينو ..

ترى
من اين اتت هذه الحواجز ؟!

رحم الله حمد الريح رحمة واسعة وتقبله القبول الحسن وغفر له بما اسعدنا به واطربنا من أغنيات غائرة في الروح

المشرف كيفك
فعلا أغانيه جميلة جدا، قد لا يكون من أفضل المؤدين أو أصحاب الأصوات الساحرة، قد يكون حاد إلى حد ما، لكن غناهو جميل جدا.
الله يرحمو ويحسن إليه بقدر ما عطر أيامنا..