|
Re: توفت ابنة بنت عمي و جنينها .. و توفت بنت عم � (Re: زهير عثمان حمد)
|
إنا لله و إنا إليه راجعون اللهم تقبلهم قبولاً حسناً و أجعل مثواهم الجنة. البركة فيكم. .............. كثير من الوفيات تحدث بعد يومين أو ثلاثة من ظهور الأعراض. و ناس كثير تزور المرضى و تحضر المآتم. حتى في الشارع عدد اللابسين الماسك قليل جداً. بالجد نحن خايفين. ربنا يستر.
| |
|
|
|
|
|
|
Re: توفت ابنة بنت عمي و جنينها .. و توفت بنت عم � (Re: علي عبدالوهاب عثمان)
|
Quote: إنا لله و إنا إليه راجعون اللهم تقبلهم قبولاً حسناً و أجعل مثواهم الجنة. البركة فيكم. .............. كثير من الوفيات تحدث بعد يومين أو ثلاثة من ظهور الأعراض. و ناس كثير تزور المرضى و تحضر المآتم. حتى في الشارع عدد اللابسين الماسك قليل جداً. بالجد نحن خايفين. ربنا يستر. |
بارك الله فيك يا د. نعمات
الحل شنو ؟ هل نسبة الوعي متدنية للدرجة دي؟
طيب لو كل بيت او اسرة فوقها زول واعي .. هل البقية برفضوا النصيحة؟
الموت بقى سريع .. و ده شي لا يحتمل .. يومين و تلاتة بالكتير؟
الله يستر على الجميع ..
| |
|
|
|
|
|
|
Re: توفت ابنة بنت عمي و جنينها .. و توفت بنت عم � (Re: علاء سيداحمد)
|
الأخ يحيى هذا امتحان كبير للأسرة، الله يصبركم ويرحم الفقيدتين العزيزتين ويجعل الجنين شفيع لهما.. البركة فيكم.
البلد ما فيها دولة.. المفروض تكون برامج توعوية فى التلفزيون والشوارع على مدار الساعـة. لكن لو الأطباء يموتون بالمرض فماذا تقول.. مشكلة الوعى كبيرة جداً فى السودان.
| |
|
|
|
|
|
|
Re: توفت ابنة بنت عمي و جنينها .. و توفت بنت عم � (Re: Abureesh)
|
Quote: خالص التعازي للاسرة الصغيرة والكبيرة
المشكلة التداعيات قادم الايام بعد الملمات الكبيرة التي حدثت
والناس متحركة عادي ! |
الله يبارك فيك يا عبد اللطيف يا صديقي ..
الناس متحركة عادي و البكيات و الحفلات .. انا ما قادر افهم الناس مالها .. ما شايفين الموت ؟
| |
|
|
|
|
|
|
Re: توفت ابنة بنت عمي و جنينها .. و توفت بنت عم � (Re: يحي قباني)
|
Quote: الأخ يحيى هذا امتحان كبير للأسرة، الله يصبركم ويرحم الفقيدتين العزيزتين ويجعل الجنين شفيع لهما.. البركة فيكم.
البلد ما فيها دولة.. المفروض تكون برامج توعوية فى التلفزيون والشوارع على مدار الساعـة. لكن لو الأطباء يموتون بالمرض فماذا تقول.. مشكلة الوعى كبيرة جداً فى السودان |
الحمد لله يا محمد عثمان ..
تعرف ان بعض الناس من الاهل و الاصدقاء .. ما عارفين انه في مرحلة من المرض تحتاج لجهاز تنفس صناعي ventilator و ما فاهمين الفرق بين الاوكسجين و بين ال ventilator و قايلين الاتنين شي واحد .. و المستشفى تقول ليهم ركبنا الاوكسجين لكن ما قادر المريض يتنفس !!!
و التلفزيون زي ما شايف براك لقمان بستضيف في منو ..
و لامن اكرم كان بكورك .. قالو حرامي ..
الله عليك بلد ..
| |
|
|
|
|
|
|
Re: توفت ابنة بنت عمي و جنينها .. و توفت بنت عم � (Re: يحي قباني)
|
باش م يحى من التعامل الشخصي و الملاحظة أجد بعض الناس في حالة إنكار مستمر لوجود وباء الكورونا في السودان. حتى لو شعروا بأعراض الكورونا فهم لا يعترفوا ولا يقبلوا ان يقال أن عندهم كورونا. و البعض ما مهتم نهائياً. البعض الآخر مشغول و لاهي بمشاغله و مشاكله. كل دا يعكس عدم جدية في مواجهة الوباء الخطير. البعض يمرض و يتعافى أو يموت بدون أن يبلغ الوبائيات و بالتالي لا يدخل في الإحصائيات. لا يوجد تباعد في الأماكن العامة، خاصة الأسواق و الأفران و طبعاً المواصلات. ربنا ساترها مع كتير من الناس الطيبين المضطرين للخروج من بيوتهم كل يوم لتوفير لقمة العيش. أيضاً في ناس أختارت ان تحتاط و تتبع الإحترازات بعد زيادة الحالات. أو أحتاطوا من بداية الوباء استجابة لحملات وزارة الصحة التوعوية بإشراف دكتور أكرم الله يطراه بالخير.ايضاً شركات الإتصالات شاركت في تلك الحملات. لكن كل شئ تدهور بعد إقالة د. أكرم.
| |
|
|
|
|
|
|
Re: توفت ابنة بنت عمي و جنينها .. و توفت بنت عم � (Re: Mirghani Taitawi)
|
نسأل الله يرحمهم جميعاً ويرزقهم فراديس جنانه. أحسن الله عزاءكم، أخانا يحيى.
أضم صوتي لصوت الأخ أبو ريش بضرورة أن تكون هناك "برامج توعوية فى التلفزيون والشوارع على مدار الساعـة"... "على مدار الساعـة" فعلاً لا مجازاً، فالوضع لم يعد يحتمل هذا التعامل "المرخرخ". ومع هذا الجهل المريع والسبهللية المزمنة نحن موعودون بكوارث، الله وحده أعلم بحجمها. رغم الموت الذي بات يحصد من طرَف، ما يزال الناس ينكرون المرض ويرونه سُبَّة وعاراً.. وفي أفضل الأحوال فهو شيء "يحدث للآخرين". نحن بحاجة إلى مسؤولين، في كل القطاعات، من عيار دكتور أكرم ـ الله يطراهُ بالخير.
| |
|
|
|
|
|
|
Re: توفت ابنة بنت عمي و جنينها .. و توفت بنت عم � (Re: محجوب البيلي)
|
. البركة فيكم يا يحيى وربنا يرحم موتاكم . مشكلة الوعي في السودان عويصة جدا جدا و زي ما بيقول المصريين عنا ، السوداني دماغه ناشفة وأضيف عليها أن معظم السودانيين عندهم حماقة مركبة .. الاسبوع الفات عندنا واحد اتوفى بي كورونا وكان راقد في مركز حجر لمدة 10 أيام والدنيا كلها عارفة بعد وفاته الدنيا كلها مشت العزاء (أنا عزيت بالتلفون) والدفن كانت لا تتوفر فيه أبسط مقومات الوقاية والمصيبة وزي ما قالت د. نعمات انه في حالة انكار من جانب أهل المتوفى من الاعتراف بموت المتوفى بكورونا وفي اعتقاد لدى كتير من الناس انه عيب تقول انه فلان مات بكورونا .. الجوامع مليانة بالمصليين ومعظم المصليين ما لابس كمامة ولو لقوك لابسها يستنكروا عليك لبسها ويقول ليك يا زول خايف من الموت ولا شنو؟
| |
|
|
|
|
|
|
Re: توفت ابنة بنت عمي و جنينها .. و توفت بنت عم � (Re: عبدالعظيم عثمان)
|
احسن الله عزاكم اخوي قباني ورحم الله المتوفين الوضع خطير
توفي امس الاول ابن عمة زوجتي وامس ابن ولد عمي الاثنين بالكرونا وقس على ذلك بقية المعارف
لايوجد بيت لم تغشاه الكرونة
هذه الموجة سببها استقبال جماعة السلام والحرب
والموجة القادمة هي موجة تشييع الامام الصادق عليه الرحمة
اللهم الطف بعبادك
| |
|
|
|
|
|
|
Re: توفت ابنة بنت عمي و جنينها .. و توفت بنت عم � (Re: MOHAMMED ELSHEIKH)
|
إنا لله و إنا إليه راجعون ولا حول ولا قوة إلا بالله العلي العظيم اللهم تقبلهم وأرحمهم وأجعل مثواهم الجنة. البركة فيكم وأحسن الله عزاءكم ... الحاله يا يحي صعبه بالجد ... الموجه السابقه كنا طالعين من شتاء لي صيف (درجة الحرارة بين ٣٠ و٤٧) مما ساعد في عدم تفاقمها وسط الناس الكانو ما مقدرين خطورتها ... الآن داخلين على الشتاء البيعتبر حاضنة الفيروس المفضله (الآن الحرارة بين ١٦ و٣٣) ومتوقع انخفاضا اكتر وبالتالي ضحايا كثر مع زيادة الوعي بخطورة الفيروس ...
| |
|
|
|
|
|
|
Re: توفت ابنة بنت عمي و جنينها .. و توفت بنت عم � (Re: Gafar Bashir)
|
أحسن الله عزاكم ربنا يرحم موتى الجانحة ونسأله تعالى اللطف بالبلاد والأهل
بتكلم مع قريبي في عزاء متوفي بسبب الكورونا قال لي (يا زول كتلوك ولا جوك جوك، فترنا من حكاية الكورونا دي، ورانا معايش، الناس تتعايش مع المرض وختم قال ربنا يرفع عنا البلاء) رديت مكتفي بي آمين
| |
|
|
|
|
|
|
Re: توفت ابنة بنت عمي و جنينها .. و توفت بنت عم � (Re: اسامة الامام)
|
يا سيدي البركة فيكم وفي الأسرة كلها ،،، ما يجري في السودان عبارة عن جهل بإلإضافة لعجز أداري وما في حكومة ولاقانون ،،
البلد في الدرجة الرابعة من الخطورة ،،، يجب أغلاق البلد وحظر تجول بقوة القانون لكن لعجز الحكومة بشقيها عن أدارة الدولة الناس بتموت زي الضان واحد سائق إسعاف يحلف بأنه دفن ١٢ شخص في يوم واحد !!!!! ده شنو ده ؟؟ وده في وسط الخرطوم مابالك بالاطراف والبلد الممتد ده ألهم ألطف
| |
|
|
|
|
|
|
Re: توفت ابنة بنت عمي و جنينها .. و توفت بنت عم � (Re: Mutasim Idris)
|
. افرغ الله صبره عليكم و على الاسرة المكلومة و يحفظكم جميعا من كل بلاء و مرض و سؤء و يمتعكم بالصحة و العافية .. و الرحمة و المغفرة للشهيدات و احسن الله العزاء و اجاركم ف مصيبة فقدهم .. و لا نقول الا ما يرضى الله انا لله و انا اليه راجعون .. و حفظ الله البلاد و العباد و كل اتصالاتى مع اخوتى و الاهل التحذير .. الا تخرجوا التزموا بالبيت ..ووو ربنا يستر صادق المواساة الحبيب يحى
| |
|
|
|
|
|
|
Re: توفت ابنة بنت عمي و جنينها .. و توفت بنت عم � (Re: عمر عبد العزيز كيلاني)
|
كتبت فاطمة:
هل الناس عارفة إنه في الحي الواحد حاليا على الأقل في أربعة وفيات ممكن من أسرة أو أسر مختلفة؟!
طيب عارفين إنه في أسر لحدي ما المريض يتوفى عليه رحمة الله ما بكونوا عارفنها كورونا؟! لأنها بقت تجي بحاجات مختلفة تماما عن الموجة الأولى؟!
طيب هل عارفين إنه في أسر بعد ما نتيجة فحص المتوفي تطلع ما بكلموا الناس إنها كانت ايجابية؟!
طيب هل عارفين إنه أواصر الدم عندنا و صلة الرحم أقوى من أعتى الأمراض ؟! يعني ممكن الأسرة الممتدة كلها تتوفى عشان ما اتعاملت بصورة عملية مع الموقف؟! ده غير الجيران الحيتضرروا ؟!
طيب هل عارفين إنه الناس بتمشي تعزي في عزاء الكورونا و هم عارفنها كورونا عشان اللوم؟! و إنه العزاء بكون مكتمل المراسم أكل و شراب و لمة و ناس تجي من السفر و يقولوا الحامي الله؟!
طيب هل عارفين إنه في طلبة ممتحنين و ممكن كم واحد عندهم كورونا و عارفين نفسهم و يجوا الامتحان عادي بدون اي احترازات أو اعلان عشان ما يشيلوا المادة بدايل؟!
طيب هل عارفين انه في موظفين و موظفات بياخدوا اجازة مع بداية الأعراض بس و يفحصوا و يعرفوها كورونا و يرجعوا الشغل مباشرة عشان ما يترفدوا أو عشان ألزموهم ينزلوا أو عشان الاجازة ما كافية؟!
طيب هل عارفين إنه في فحوص كورونا مضروبة ممكن تشتريها عشان مسافر ؟!
طيب هل عارفين و مستوعبين انه حتى لو الأسرة عندها الأعراض ممكن ما يكونوا عندهم امكانية فحص لكل نفر عشان الرسوم ما عندهم و ما عندهم الإمكانية دي فبفضلوا يواصلوا حياتهم عادي؟!
طيب هل عارفين في شباب كتار معتمدين على نظرية إنه الكورونا ما بتأثر على الناس الشابة و بكون عندهم كورونا و حايمين عادي و مخالطين الناس الكبار و ناس الأمراض المزمنة؟ و هم يقوموا منها و الزول الكبير أو صاحب المرض المزمن بموت؟!
طيب هل عارفين إنه الناس دي كلها حايمة في الأفران و الأسواق و المكاتب و المستشفيات و الجوامع و الجامعات و الحفلات و المناسبات!!
طيب هل عارفين إنه الناس الحضروا الفعاليات الجماهيرية الكبيرة و الفعاليات الصغيرة في الأيام الفاتت هم ما محصورين و من مناطق متفرقة و من أعمار مختلفة و مستوى وعي مختلف و حايمين عادي؟!
طيب عارفين الغرفة بكم في المستشفيات الخاصة و اسطوانة الاوكسجين و الفايتمينات و البخاخات و العلاجات حتكون بكم ؟!
طيب عارفين إنه المستشفيات الحكومية ممكن تستوعب ممكن و فيها كم اسطوانة و فيها كم نفر؟!
طيب عارفين كم عامل و عاملة في القطاع الصحي و الكوادر الطبية اتوفوا الفترة الفاتت؟!
طيب بعد ما عرفتوا ده كلو حتعملوا شنو؟!
حتتصرفوا كيف ؟!
| |
|
|
|
|
|
|
|