فاتحين كمين بوست عشان كلمة

09:38 AM November, 30 2020

سودانيز اون لاين
احمد عمر محمد-
مكتبتى
رابط مختصر

الميديا هي الميديا ان كان تلفاز او مواقع الانترنت
او تطبيقات التواصل والتراسل فالكلمة تعبر عن
صاحبها.
وشنو يعني شرف التلفزيون ومكانته ان لا تقال فيه
مثل هذه الكلمة ما عادي الشارع العام مليْ بمثل هذه
العبارات وانا بكل تأكيد لا اشجع على هذا السلوك
ولا اقبله كما ان الشخص المتحدث بأي الفاظ سوقية
فهو من يتحمل وزر كلامه.
والكلام البذئ يقال عشرات المرات في الفليم الواحد
لمن يشاهدون الافلام الغربية وقد تكون كل الاسرة
مجتمعة وتسمع دون ان ترمش لهم جفون ويقرؤون
الترجمة الموازية عليك اللعنة.

الذوق السليم دائماً جميل حين يكون ملازم للشيخ
والشيخ هو من تجاوز الستين فلابد له من الوقار
والهيبة وحسن الكلام اما الكلمة محل المحاكمة تكاد
تكون اكثر من عادية في مجتمع يستسهل الحاجات
دي ولا فرق ان تقال في تلفاز او خلف الابواب.

هذا قولي وراي والسلام على من اتبع الهدى

الحبيب أحمد .. تحياتي
الموضوع اصبح قضية قومية .. كل القروبات ليس لديها موضوع إلا هذا
ومع أن مشاكلنا مصيرية ( وجود او فناء ) وتحتاج الى نفير اعلامي واسع ولكن لا أحد يتطرق لها
تخيل صحفيين في افتتاحية الصحف مقالاتهم عن ( عابدين درمة ) دافن الاموات بتاع أمدرمان
زول غلبان .. والطاهر ساتي يدبج المقالات وكأن عابدين هو سبب مشكلة السودان

الحبيب أحمد تحياتي .. أرجو أن نناقش هذا الموضوع على اساس ( لماذا نهتم هكذا بصغائر الامور والبلد على شفا حفرة)

تحياتي الحبيب احمد

والله فعلاً شئ يحير

من حيث المبدأ الكلمة محل التشاكس لها معنيان :
معنى قريب متبادر الى الذهن : الذى لا يغير على أهله
ومعنى بعيد : يُطلق على الشخص المتحيزفى مسألة ما .

ومن سياق كلامه فى الحلقة قبل الكلمة المنبوذه : كان يتحدث عن المثقفين الذين ينتقدون الصادق المهدى .
وهذا يعنى انه يقصد من الكلمة ومن غير مواربة : معنى المتحيز .
حيث انه يعتبر هؤلاء المثقفين المنتقدين للصادق المهدى على انهم متحيزين ضده .

استاذنا علي
موضوع درمة موضوع قديم متجدد ومنذ ظهوره الاول
كان الاعلام يتناوله و الاعلام في النهاية يهمه لفت
القراء بأي وسيلة كانت بالدهشة او غيرها
وفعلا صغرت الاولويات لدرجة ان تدق
طبول لاجل كلمة و الكل يكاد يتلفظ بها
ليل نهار الا من عصم الله لسانه من الجهالة

سيد احمد
الراجل كان يتكلم و يعني ما يقول و ايا كانت الكلمة
ما اتغرب له استعمالها في الشارع العام يكاد يكون عادي
والسوال ما هو الفرق بين من يقولها في تلفاز او بين الناس
شئ يحير ربنا يهدينا

الميديا بتختلف يا أحمد..
سودانيز حاجة والتلفزيون القومي حاجة تانية
وحتى في الميديا الواحدة..
الناس ممكن تتقبل ظهور ممثلة بقميص نوم في فلم في التلفزيون
ولكن ما بتتقبل ظهور مذيعة الاخبار بنفس قميص النوم في نفس التلفزيون.

سلام أعزاءنا الكِرام،

Quote: الناس ممكن تتقبل ظهور ممثلة بقميص نوم في فلم في التلفزيون ولكن ما بتتقبل ظهور مذيعة الاخبار بنفس قميص النوم في نفس التلفزيون.

That ' s it
hundred persent
يعني ال " كــَــمــدَة بالرّمدة " ..
شكراً ابالتّاج،
ويا صديقي ودعمر، هسسسعتيا انتا دحين ما شغلتنا عن الأولويات وكدا
يا اخوانّا ماااااا تباركوها .. هييي براها بقت زي ال بييي موية وكِملتْ!!!


ـــــــــــــــــــــــــ
أنا، متقمّص Chat الواطسآب وكدا

عمر التاج ..
تعليق اوسكار....ووضعت النقاط فوق الحروف...
.فالتلفزيون القومي يختلف عن السينما او عن فلم تشاهده باختيارك في اليوتوب...لان التلفزيون يدخل منزلك دون استئذان
والاسرة كلها ملمومة حوله....وعشان كده فاتحين بوست عشان كلمة....وهي كلمة نصاح هي!!!؟؟..وهي كلمة مبتذلة وقبيحة من فم انسان متعلم ومثقف...ويمكن شيخ كهل كمان.....

ود التاج
انا خائف ده

Quote: الناس ممكن تتقبل ظهور ممثلة بقميص نوم في فلم في التلفزيون ولكن ما بتتقبل ظهور مذيعة الاخبار بنفس قميص النوم في نفس التلفزيون.

يكون اختلال معايير فالعيب يا اخي هو واحد
وكله كما يقولون عند العرب صابون ان اكان هنا او هناك
ارجو ان يرى الناس العيب بعين واحدة وقلب واحد

و الله يا استاذي ابو جودة
في دي

Quote: ويا صديقي ودعمر، هسسسعتيا انتا دحين ما شغلتنا عن الأولويات وكدا

صدقت وفعلا اظن ان الذي فعلته انا بكل تأكيد
هو اشغال الناس عن اولوياتهم وماتي عارف
فتحت البوست كيف اللهم بس لقيت العجاجة
ائمة فقلت ادلي بدلوي.

يا استاذة امتثال يعني ان الناس تكون مؤدبة
ومحترمة لمجرد ظهورها في التلفاز وتتعاطى
برقي و احترام و لكن يمكن ان تمارس الابتذال
في كا نادٍ آخر دون ان يطرف لها رمش ولا شنو الفهم

انا ارى العيب عيب في كل مكان وزمان
ولا يمكن ان يكون مقبول في مكان وغير
مقبول في ماكن آخر وليس فرق ان يصدر
من بروفا ان خفيرا فالشينة منكورة
الا انني استغربت للمدينة الفاضلة التي
يعيش فيها الناس ولا نحسها

الكلمه ممكن تمر بقليل من لو اتت من شخص خلفيتو المعنيهاو الثقافيه او الاججتماعيه تبرر كدا يعنى و(من فير اعتبارها اسءه) لو الكلمه جات من صنايعى فى السوق لغه الوسط بتاعو عادى بتتداول الكلمه ماتجد استنكار او لغط حول تعبيرو
لكن الكلمه تجى من شخص ليهواكاديمى واشتعل راسه شيبا وفى حديث هام هى المشكله حتى لو كاان فاحش القول فى جلساات الخصوص فسوء التقدير بين العام والخاص من شخص بقيمتو دى المشكله
.
اديك مثال
فتره عملى معلم قانوى لاحظت اكثر المعلمين فحشا فى القول وجراءه فى الونسه بيكونو من معلمة التربيه الاسلاميه (لا على العموم) وحتى خلال الونسه اثناء الفطور كنا نتحدث عن القصه دى وكتير من الاساتذه الاقدم الاتقلبو بين مدارس عديده اكدو الملحوظه انهم اكثر جراءه دون باقى المعلمين لكن (فى اطار الونسه والجلسات الخاصه ) بعيدا عن العام والطلاب
.

Quote: فاتحين كمين بوست

الظاهر الناس عاملين تباعد اجتماعى (اسفيرى )

Quote: الذي فعلته انا بكل تأكيد هو اشغال الناس عن اولوياتهم وماتي عارف

بسيطة يا شاباً كتّاباً عَرّاف ..

وأمسك وبعض يومك، في سودانيزنا- بيشهد ليك، بل لا ينأى عن أن يتقبّل منك
ما تُمليه الUsuality ــتــّلقائية.

بس المُهم، ماتفالِع مدافعاً عن وجهة نظرك!
فالكلمة النابية التي تلفّظ بها هذا الأخ البروف الكبير (كأنما كان ساكتاً دهراً ليأتي في برنامج لقمان، ليقول هُجراً فظّا!!)
لن تفنى من القواميس! وكتير من مخيخات الناس! بل وجودها - أحياناً - في حُسن مواقعها، لن يُستعاض به ..! ولكن أين؟
تلك البكانة المكانة المكانة (بسحروووووكــ ليّا يا اب جلابية بيضا مكوية) التي وضح أن البروفات يجهلون " بُكانا وين"

الإعلاميين المصريين بستخدموها بإضافة نقطة لمنع الحرج
بقولوا التعريض والمعرضين

سلام و محبة
وشنو يعني شرف التلفزيون ومكانته ان لا تقال فيه
مثل هذه الكلمة ما عادي

انت يا احمد حيرتني..مرات تدافع عن الأخلاق و المبادي
و مرات تبارك السفاله و الانحطاط
يا سيدي لكل مقام مقال
امشي شوف عادل امين بيرمي الكلام في السهلة
النصيحة لله ايام الدكتورة عضو في المنبر كان مهذب

غايتو يا عمر نملة بقت عليك (كتحتني)

وحاة الله ما نطقت ولا كلمة في موضوع البوست ولا دافعت عن أي زول :)
بس أنا متابع الإعلام المصري وشايفهم بستخدموها بكثافة مع التحوير

أخشى ما أخشاه في موضوعة هذه الكلمة النابية التي استدعت، بل استقطرت كل هذا المداد*
أن يقوم البروف يحرد ثم يزهج فيتوجّج ثم يكُب المنضمة النابية كَــبْ!!




ــــــــــــــــــــــــــــــــــــــــــ
* مداد جبّار جداً، كأنه كان راقد على الهَبشة (هههه)

اعتقد الناس ما بستحملوا البذاءة لمن تكون بالعامية ما عارف ليه؟
أسى عمك اللذيذ ده لو قال قوادي السياسة أو عهر المثقفين كانت حتمر عادي تحت الفلتر😁😁
زي لما يتقال دخل بها، واقعها، مارس الجنس الخ الخ لكن بمجرد ما نقول الكليمة الدارجة اياها (ن......) اي واحد يقيف على طولو والشتايم ترقد هبطرش!
لييه ياخوان؟ هل اللغة عندها وظيفة اكتر من أيصال المعلومة أو الرسالة بدون التباس؟
غايتو عمك ضحكني ضحك في الدنيا دي..

صدقت يا عبدالله ادريس
قبل كدة قلت الكلمة لا تحمل مدلولا اخلاقيا الا بطريقة استخدامها
وصحي شوف السياب كتب المومس العجوز ومرت .. الطيب صالح هاج وماج الناس فيهو
تتذكر ترجمة الافلام الانجليزية ههههه

ايوة يا ابسن
السياب وقباني وعمر بن أبي ربيعة كلهم "دقو عشري" بالفصحى، اما بتاع أخبار النساء داك فكتب بورنوغرافي عديل وكتابو وصلنا بي
صمتو ومعروض في المكتبات والمثقفين ################################ ديل عادي بشتروهو 😁😁 اشمعني يعني؟
واتحدى الناس البتشنف دي كلها منو المااستمتع بي موسم الهجرة إلى الشمال ومائة عام من العزلة؟

الكلمة المشطوبة هي الكلمة القالا الدكتور، عشان فلتر بكرى ده يشوف ليهو شغلانة يشتغلا😁😁

هذا ما استوقفني حيث أن الكلمة
بذيئة والمجتمع يأنف من سماعها
من شاشات التلفزيون ولكنها كمفردة
متداولة تكاد لا تغيب من الأفواه يوميا.
لكن الإخوة ذكروا أن للتلفاز لغة معينة
وكلام موزون ومقبول وحتى أنهم ذكروا
ليس كلام الميديا على نحو واحد،
ولكن يختلف قول الميديا الأخرى
عن شاشة التلفاز عن كلام الشوارع.

عشان كده مسكين البروف، اخد
بالحتة الفيها حديدة ومن الجميع
بلا استثناء من القائلين بها ومن لا
تقول ألسنتهم البذاءة