شيشك يا بروفيسور الآداب على تلفزيون السودان من نوع دا الكلام المخجل

06:54 AM November, 30 2020

سودانيز اون لاين
Osman Musa-
مكتبتى
رابط مختصر

عتذر تلفزيون السودان يوم الأحد في نشرة الساعة التاسعة مساءً الرئيسية، عن (كلمة نابية) تلفّظ بها بروفيسور في الآداب أثناء حوار تلفزيوني مباشر يوم أمس السبت.

وكانت مواقع التواصل الاجتماعي قد تداولت بشكل واسع مقطع فيديو ينعت فيه أحد الضيوف بالتلفزيون القومي بعض المثقفين الناقدين للامام الصادق المهدي، بلفظ خادش للحياء، أثار ردود فعل واسعة على منصات التواصل.

الخرطوم: السوداني

ومين البروفيسور ده...يعني اسمه منو ،،،وقال شنو بالظبط !!؟؟
ما قلتو تاني ما في غتغتة ودسيس...

سلام اخونا وحبيبنا عثمان موسى

والسلام موصول لابنتنا امتثال عبد الله

...........

فعلا كلام مخجل

والله يا امتثال احسن ما تسمعى الكلام دا

والفديو لافى فى القروبات

علشان كدا مفروض يلغو حاجة اسمها ( بث مباشر )

والله احسن كتيييييير
دمتم بخير

أخونا أنور
اخبارك وصحتك .
والله يا أنور في ديك السهرة الصفارية تضايرنا وتضاير مقدم الحلقة .
عمك لعب بخشانة ما اتعودت عليها الأسرة السودانية .
لعب بدون حساب للهواء زاتو .
متابعة تلفزيوناتنا أصبحت مشكلة .
جد جد .

يا امتثال
الدسديس في حالة البروف احسن .
يا امتثال .
في لغتنا العامية نوع البروفيسور دا بقولوا عليه (فاشح)
وفاشح خلاف ( فاحش)
البروف فات الكبار والقدرو في السواقة بالخلاء .

السلام عليكم حبيبنا الفنان ود موسى
كان يجب على المذيع لقمان احمد و بصفته المدير العام للهيئة القومية للإذاعة و التلفزيون
ايقاف هذا الضيف الفاحش عند حده و في حينه كما تفعل كل القنوات المحترمة
و لكنه لم يفعل و كان ينظر ببلاهة يحسد عليها
و كذلك فعل الدكتور مين اللمين بتاع حزب الأمة كأنما على رؤسهم الطير
كثير من اعضاء حزب الأمة و من حبهم الساذج للإمام يمكنهم فعل الكثير
يجب على حزب الأمة اذا كان حزباً محترماً محاسبة هذا الشخص اذا كان عضواً فيه و فصله عن الحزب

كت آوت :
الكنداكة امتثال هذا البروف قصدي الخروف الغير محترم وصف بعض المنتقدين للصادق المهدي بأنهم مجرد (شاهدي الفيديو حايم )

نعم.
وجدت الفيديو كامل في بوست جعفر..
لكن بصراحة كلام مخجل وعيب وفي تلفزيون قومي..
ال تلفزيون قومي ال.....
مفروض كل ادارة التلفزيون ومعاهم مخرج البرنامج ومقدم
اللقاء يمشوا الشارع....

السلام عليكم
اسع يا خضر الطيب اقحمت حزب الامة اقحام
الجزولي حزب امة مثلاً ؟ !! حزب الامة هو الدكتور
ابراهيم الامين وكان في غاية التهذيب .
ولا تزر وازرة وزر اخري .

النعمان ده أكان عبر بالتلفزيون
يعبرن غنم ابليس للجنة
على الأقل ياخي دين وأشجب وقتي
قل للضيف بشجاعة أن هذا تلفزيون قومي
او جيب فلتر بكري ابوبكر يشخشخ* ليك الكلام الماكرين


..
الشخشخة هي اخت الشخبتة وبت عم السلالم الكتيرة زي البتظهر في كلمة #######

القلم ما بيزيل بلم
،،،،








عزالدين عباس الفحل
ابوظبي

أخونا المهندس عزالدين الفحل
سلام
هنا القلم ردم البلم ردم .
وعلى الهواء.
حرام يوصف المثقفين السودانيين بي دا الوصف .

الأخ أستاذ عمر التاج
سلامات
في ديك اللحظة مقدم البرنامج اتبهط.
وما قدر يقول حاجة .
مع عدم فرامل السواق الضيق .
وفي الحقيقة السواقة كلها كانت بدون دراسة وبدون تصاريح.

بنتنا المهذبة اخلاص
سلامات
وليك القومة .
الضيف الهائج طاح في المثقفين المساكين بطريقة
ما حسبت حتي للأطفال البيحضروا التلفزيون مع الأسر.
الضيف فتح نار على الهواء .
هجوم زي دا ممكن يحصل من مايك تايسون على هوليفيلد
في حلبة التايم اسكوير.
الضيف الهائج ضرب المثقفين المساكين تحت الحزام بلا رحمة .
ما كان عارف كيف كانت وحدة الشعب السوداني يوم رحيل السيد الصادق
ما شاف الالتفاف حول التابوت .
داك اليوم السودان كلو كان من انصار الإمام.
يا بروف ما تهضرب ساكت .
السيد الصادق واحد من المثقفين الكبار .
واحد من أعظم رموزنا .

الأخ المهندس خضر
سلامات
قنواتنا السودانية طالقة ساكت.
البروف عجيب .
فكاها الكلمة ولا رمش .
معقولة ؟
ياخ حتي القنوات الأمريكية زي
ABC, CBS, NBC, FOX قاعدة تشتكي لل FCC وتطلب منها
إيجاد الحلول للابتعاد عن العبارات النابية .
تلفزيونا بالغ يا خضر .
حزب الأمة حزب محترم و اكيد
حيتصل على ضيف الحلقة المعنية .
لكن برضو في النهاية المسؤولية تقع على مقدم البرنامج .
ويجب محاسبتو .

سلام عثمان موسى و ضيوفك
في القنوات الامريكية, الحل اتعمل من حادثة جانيت جاكسون و جستن يمبرليك بتأخير البث المباشر 5 او 10 ثوانى تقريبا.
ده حل في منتهى البساطة.

Quote: في القنوات الامريكية, الحل اتعمل من حادثة جانيت جاكسون و جستن يمبرليك بتأخير البث المباشر 5 او 10 ثوانى تقريبا.ده حل في منتهى البساطة.

قصه الdelay ممكن تنجح لما يكون فى طاقم عمل كفء وصاحى واشارطك انو حتى لو اتوفر ممكن تفوت على عليهم لانو داك فى مكالمه ودا بيطبظ فى الواتس و....الخ بعدين جلطات التلفوزيون اشكال والوان البتدل على على قله المسئوليه تجاه جهاز كتير من برامجو بث مباشر وعندك دلطه زى بتاعت الاذان فى رمضان

عثمان
وفي زول بقدر يحاسبو....ماهو رب البيت...الا يحاسب نفسه....
مافي دي بس ،،لكن في اشياء واشياء،،،،،

فاتحين بوست طويل عريض ما قادرين تورونا الكلمة شنو؟
طيب البوست لزومه شنو؟

التلفزيون محتاج شغل كتير

أخونا عاصم
سلام
الأذان في رمضان الحصل ليه شنو ؟
دي ما حضرتها .
لكن اذكر الضبانة الماكنة الركت في انف مذيعة الأخبار الجميلة .
وقدر ما حاولت المذيعة هش الضبانة . الضبانة متحكرة .
اها داير اقوليك . كيف قدرت الضبانة دي دخلت غرفة الأخبار .
قنواتنا محتاجة مليونية كاربة .
وضيوف الحلقات ربنا يسامحهم .

Quote: الأذان في رمضان الحصل ليه شنو ؟ دي ما حضرتها .

سلامات عثمان موسى
فى رمضان تم بث اذان المغرب قبل حوالى ربع ساعه من مواعيدو

أخونا استاذ محجوب
سلامات
كتير من الناس في الخرطوم بتتكلم بحزن عن
الحلقة التلفزيونية وعن
استسهال التفوّه بالبذاءة في الألفاظ والأقوال .
وحتي بعد ما الكلمة الشينة فكاها ما فكر في ( معليش )

يعنى اتوا خلاص مكملين الادب حتى ما قادرين تقولوها بعدين وين المثقفين ياهم الشمتوا فى مرض المرحوم الامام الصادق المهدى ولا المثقفين زى الهامل يحى قبانى البقول عن المرحوم الامام الصادق المهدى تموت تخلى اكيد مثقفين زى ديل يناسبهم رد البروف لانهم لم يحترموا الخصم شكرا لهذا البروف راجل ود رجال

فعلا القلم ماب يزيل بلم غايتو البروف ده سايق بالدقداق عديييل كده