احد زعماء المليشيات المسلحة يستعين بطاقم حراسة من النساء لحراسته!!!!!

10:21 AM November, 29 2020

سودانيز اون لاين
امتثال عبدالله-NYC - USA
مكتبتى
رابط مختصر

قرات في عناوين الصحف السودانية الصادرة صباح اليوم عنوان يقول: "
مناوي يفسر سبب استعانته بطاقم من النساء لحراسته" "
عاوز يقلد القذافي عشان يكون دكتاتور زيه!!!!
بالله ديل هم العاوزين يحكموا السودان!!!!؟؟؟عجبا.....اذن السودان امره انتهى ..وعليه السلام...
..فهل ممكن واحد فيكم ينقل لينا تفاصيل الخبر ومناوي هذا قال شنو وهو يفسر سبب استعانته بطاقم
من النساء لحراسته!!!!
ويا ربي الطاقم ده من السودان ولا من ليبيا!!؟؟؟؟

سلام الراكزة امتثال
مناوي دا شخص ساذج و لا قيمة له

https://www.0zz0.com

اخوي الراكز خضر
دائما بنلقاك وقت الحاجة...
اذا ما جيتنا سريع كنت عاوزة اكتب تعليق واقول احتمال ده كلام جرائد ساكت
وما اظن الزول ده بيكون عنده طاقم من النساء لحراسته وعاوز يقلد القذافي،،،
لكنك اتيت بالخبر اليقين...
بالله ديل هم العاوزين يحكموا السودان!!؟؟؟؟وبالله ديل هم الكانوا بيناضلوا من اجل
المهمشين في دارفور وهم يقيمون في فنادق خمس نجوم في دول اوروبا وتحت حراسة
طاقم من النساء....!!!!؟؟؟؟؟عجبا!!!!!!!!!!!!!!!!
الله يديك الصحة والعافية..

الابنة امتثال تحياتي
المشكلة اليوم جميع قادة الحركات يتصرفون كأنهم رؤساء
خاصة ، عقار ، جبريل ، مناوي ومعاهم كمان برهان وحميدتي ( وبعض اعضاء مجلس السيادة )
بروتوكولات وحاشية وحرس ..
كم عدد المنظومات الامنية ( لكل حركة امن خاص وزي خاص وسلاح )
لا دولة اليوم .. لم أكن أتوقع ان تكون اتفاقية جوبا بكل هذا الفوضى
احسنهم ياسر عرمان تصرفاً وسلوكاً

تحياتي الابنة امتثال
كان الله في عون السودان

سلام يا امتثال

الزول دا عقله ضعيف وافكاره فطيرة وصاعد الى الهاوية بسرعة الصاروخ

هو لو مشى في الشارع وبدون حرس اللي حيشتغل بيهو من؟
هم فاكرين إنهم اللي عملوا التغيير، الناس دييل مفروض يعقلوهم ويتختوا في حجمهم الطبيعي

سلام عليكم
رغم ان الحدث غريب على على السودان لكن خرج مناوى بتصريح انو استعان بحراسه نسائيه لحضور فعاليه واحتفال نسائى ببكيان النسائى فى الحركه مرتبط بمناسبه تخص المراه اعتقد مرتبط اليوم الدولي للقضاء على العنف ضد المرأة (25 نوفمبر)..
.
من جهه تانيه المراه فى حركات دارفور كانت فى الميدان -ربما اختلفت المهام -وتدربت ولم تترك الامر كلو للرجال.والمراه فى دارفور حتى فى السلم تعمل جنبا الى حنب مع الرجل فى الاعمال الشاقه حتى اذكر انى شاهدت المراه تحمل قدح المونه وتطلع السقاله خلال بناء بيوت الوزراء الاقليميين فى الفاشر بدايات الثمانيينات غيرمشاركتها فى الزراعه و....الخ
والمراه المقاتله ماغريبه فالمراه الاريتريه شاركت فى تحرير اريتريا مقاتله فى الميدان جنبا الى جنب مع الرجل وحتى بعد التحرير المراه سائقه شاحنه وميكانيكيه وحداد ...الخ وحتى القذافى كان نموذج المراه العسسكريه والمقاتله موجود ولم يقتصر الامر على على ديكور حراسه القذافى. ومن النماذج العميد عائشه
المراه الافريقيه فهى من النماذج الرائعه لمشاركه الرجل وتساويها معه فهى موجوده وتقوم بدورها فى كل تفاصيل الحياه
الحديث عن مساواه المراه بالرجل يجب ان ينتقل من حيز الشعارات واقاسام ومحاصصه المناصب بنسب فى البرلمانات او الوزارات .....الخ وانما مشاركه حقيقيه فالمراه الان فى السودان لانجدها وباللوائح فى حقول البترول رغم وجود كم كبير من خريجات هندسه البترول ولا فى وحدات مقاتله فى الجيش ولا لاحتى حتى سائقه تاكسى ناهيك عن سائقه شاحنه .او تعمل اى عمل من الاعمال المتروكه للرجل (مابقول مسيطر عليها الرجل)

.
مهم جدا انو نضع رؤيه واضحه لمبدا ومفهوم مساواه الرجل والمراه وواجبات المراه .
فكلمه حقوق تقترن بكلمه واجبات وكل من طيالب بحقوق عليه واجبات تتوازن من الحقوق حتى لا نكون الحقوق مغانم دون التزام بواجبات
--------
بوست قديم لم يكتمل ربما لاستنكار (خفى وخجول) من الاعضاء احجموا بسببه عن المشاركه بالراى
المرأه والسلاح والمساواهالمرأه والسلاح والمساواه

عذر اقبح من الذنب
ولا.نعتقد ان هذا المناوي يؤمن بمساواة المراة بالرجل فانما
هو يحاول فقط ان يتشبه بمثله الاعلى الدكتاتور القذافي الذي
كان يتخذ له طاقم من النساء لحمايته...
زول كان مستشار خاص لزعيم نظام اللصوص والحرامية الذي
اطيح به بثورة شعبية تحدث عنها العالم اجمع ثم ياتي اناس
لا ينتمون لتلك الثورة ليتفاوضوا مع مستشار زعيم نظام اللصوص
والحرامية ويعقدوا معه اتفاق وهو اتفاق المهزومين ليدخل عاصمة
الوطن وكانه كان قائدا للثورة الشعبيةالتي قام بها الشعب السوداني
العظيم....
شعب عظيم يقوده اقزام...

Quote: عذر اقبح من الذنب

للاسف دائما متسرعه فى الرد دون استبانه
وهرب من مناقشه القضيه المثاره فى المداخله
.
ملحوظه :

Quote: شعب عظيم يقوده اقزام...

اعتقد من قبل كان فى ملحوظه من احد زملاء المنبر عن استخدام كلمه اقزام كعيب
الاقزام بشر خلقهم الله هكذا
وكان من اوائب شهداء الثوره من شهيد من فئه الاقزام
فى فرق بين اوسكار ولوصوص وحراميه وبين استخدام صفه هى خلقه الله كوصف يعيب المخاطب

يا عاصم
كل المتداخلين انتقدوا التصرف الهبيل للمستشار
السابق لزعيم نظام اللصوص والحرامية الا انت
دخلت لتدافع عنه وعن تصرفه الاحمق وانت تعلم
في قرارة نفسك انه تصرف هاطئ ومعيب ولكنك
كعادتك.مع تعليقاتي في بوستات الاخرين او في
اي بوست اوضح فيه رايي دائما تصفني بالجهل وعدم
المعرفة...
فليسامحك الله
والله يديك الصحة والعافية...

دايما بره الشبكه

Quote: اليوم الدولي للقضاء على العنف ضد المرأة

أنا متطوع في منظمة طوعية حقوقية فيها أعضاء من مختلف أنحاء العالم .. طبعاً كل أعضاء المنظمة ناشطين في مجال حقوق الإنسان لكن أنا متطوع كمبيوترجي ساي .. نظام أنا بجهز ليكم المنصات الالكترونية وانتو ناضلوا بي راحتكم .. اللهم هذا قسمي فيما أملك
قبل كم يوم كان عندنا اجتماع اونلاين أول ما شغلنا الكاميرات لقيت الناس كلها لابسة برتقالي .. بدأوا الاجتماع بتحية المرأة وإدانة العنف ضدها وقالوا دة تقليد قديم عندهم إنه خلال اليوم دة بلبسوا برتقالي كنوع من الاحتفاء بالقضية
أنا غايتو اعتذرت ليهم بي إنه ما عندي تي شيرت برتقالي لكن قلبي برتقالي معاهم :)


__________
يا إمتثال سؤال
انتي عندك مشكلة في إنه المرأة تشتغل حارسة أمن؟

هنا يا احمد عمر ما شغالة حارسة امن بتحرس شركة او منشأة
ولكن حراسة لشخص سياسي عاوز يبقى وزير او رئيس وهو منو
ذاته عشان يكون ليه طاقم حراسة...خلاص بقى رئيس الدولة..
هسع اذا ماشي في شوارع الخرطوم بدون حراسة نسائية في زول بيعرفه..
...
تعليقك يا احمد محمد عمر يفقع المرارة...

Quote: بالله ديل هم العاوزين يحكموا السودان!!؟؟؟؟

سلام امتثال
ما عارف سياق وجود حراس من النساء لرئيس حزب سياسى و الفلسفة الوراها شنو و رغم التوضيح الذى اتى به عاصم لكن اراه ناقص شوية لانو في الخلف في عساكر و في المقدمة في نساء بزى موحد و يبدو عليهم طاقم الحراسة و الوقفة برضو تبدو انضباطية.

لكن دخولى هنا بخصوص هذا المقتبس و المكرر اكثر من مرة.
في تقديرى يجب ان نحاول بقدر المستطاع تجاوز التهكم في "من يحكم السودان" بل "كيف يحكم السودان".
اعتقد انو منى اركو مناوى مثل اى سياسى سودانى اخر يمثل شريحة معينة في الحيز الجغرافي السودانى و لو تم اختياره في الحكومة الجديدة, فهو سوف يمثل تلك الشريحة المعينة و سوف يتحدث بأسمهم في مراكز اتخاذ القرار و لن يكون هناك شخص واحد في المستقبل يمكن ان يتحكم في قرار حكم السودان منفردا و لذلك لا يجب ان نصل الي مثل هذه الخلاصات او استبعاده لمجرد انه حرسه الشخصى من النساء بل التركيز علي ما سوف يطرحه كبرنامج سياسى.

ماهو أنا ما فاهم وجه اعتراضك يا امتثال
يعني لو ظهر بطاقم حراسة رجالي كنتي حتعترضي ؟

لأنه باقي الزعماء السياسيين كلهم بيجوا بي طاقم حراسة ومافي زول منتبه ليهم
بس دة انتشرت صورته بسبب اعتراض الناس على الحراسة النسائية
عشان كدة اتساءلت .. هل انتي مشكلتك نفس مشكلة ناس الوسائط الشايفين المرأة ما مفروض تكون حارسة؟
ولسة منتظر الإجابة
هل عندك اعتراض في عمل المرأة كحارسة أمن شخصية؟

محجوب
كيفنك
ممكن توريني مناوي بيمثل يا تو شريحة او طائفة وكم عددهم . .وهل هذه الطائفة راضين بانه كان
مستشار لزعيم طائفة اللصوص والحرامية وقرات في تحليل سياسي من قبل ان مناوى هذا قبل التفاوض
مع البشير وعندما عرضوا عليه ان يكون مستشار للرئيس وبمرتب مجزي ترك جنوده في الخلا وجا الخرطوم
مع بعض خاصته المقربين وترك الاخرين يتضورون جوعا هناك في دارفور وهددته مليشياته بانهم سيتمردون
عليه ويستبدلوه باخر ...ولذا هرب من الخرطوم وهرع الى مليشياته يسترضاهم وعفو عنه...
يعني يا محجوب ده زول بتاع مصالح ..مصالحه الخاصة وليس مصلحة طائفته او من يتحدث باسمهم...

ول أبا محجوب
سلام

Quote: اعتقد انو منى اركو مناوى مثل اى سياسى سودانى اخر يمثل شريحة معينة في الحيز الجغرافي السودانى و لو تم اختياره في الحكومة الجديدة, فهو سوف يمثل تلك الشريحة المعينة و سوف يتحدث بأسمهم في مراكز اتخاذ القرار و لن يكون هناك شخص واحد في المستقبل يمكن ان يتحكم في قرار حكم السودان منفردا و لذلك لا يجب ان نصل الي مثل هذه الخلاصات او استبعاده لمجرد انه حرسه الشخصى من النساء بل التركيز علي ما سوف يطرحه كبرنامج سياسى.

أنا أتخيل لي القائد منى أركو مناوي .. أحد القادة النادرين في السودان .. رجل واضح وضوح الشمس.

طبعاً حينما عاد منى وأنضم للحكومة .. في عهد الأنقاذ .. الناس ما عارفين مبررات عودته .. القائد منى مناوي خزينته أفلست دت .. وما عنده قرش يأكل به جنوده ..
فبرك لعبة العودة ودخل السودان .. شال القروش وطلع .. والكيزان فاتحين خشومهم .. رجل ذكي بلا شك ..

بريمة

سلام يا امتثال،
خدي عندك:
مناوي القبلي ده، ذكوري للطيش، ومحتقر لنوع النساء، بي صورة لايمكن تتخيليها اطلاقا!
اسالي امنة مختار اللي ذهبت نواحي اوغندا، كشاهد عيان!
نعم قالا بالحرف انو لايثق في نوع النساء!!!
هذا واضح في بنية منظومتو ذات نفسها، القبلية، عميل حفتر هذا!
عشان كده بحاكي في امثال قذاف الدم، مخدميه، مجرم الحرب هذا، الأكل عيش بي بيع سودانيبن لامثال حفتر، عميل الأمارات هذا!

Quote: رغم التوضيح الذى اتى به عاصم لكن اراه ناقص شوية لانو في الخلف في عساكر و في المقدمة في نساء بزى موحد و يبدو عليهم طاقم الحراسة و الوقفة برضو تبدو انضباطية.

ظهورهم كرمزيه ضمن مناسيه تخص المراه وقد يكونو عسكريات فى الحركه لكن لم يكونو على درجه من التدريب فى مجال التامين وحراسه الشخصيات الهامه .
المهم فى الامر انو كسياسى ارسل رساله لمجتمع النساء فى المناسبه وربما القى -عن فير قصد -حجر فى بركه قضيه مشاركه المراه فى مناحى الحياه الحيويه والهامه بعيد عن المشاركه الديكوريه فى كوزيرات او مستسارات او نسب محدده فى البرلمان
.
السؤال المهم
اين موقع المراه الان فى معركه البناء والتنميه (خارج المكاتب وقاعات المؤتمرات...الخ)
هل متاح للطاقات المهدره ومعطله ان تفعل وتشارك ؟
واظنك تذكر وربما حتى الان كان على سبيل المثال فى جالات هندسه يكون مكتوب امامها فى استماره التقديم للجامعات (بنين فقط) منها المساحه والنسيج

Quote: ممكن توريني مناوي بيمثل يا تو شريحة او طائفة وكم عددهم . .وهل هذه الطائفة راضين

سلام امتثال
ما عندى اى فكرة عن العدد و لكن علي يقين انه يمثل ناس حتى لو بعدد اصابع اليد كحد ادنى و لكن الاهم انه جاء ليطرح برنامج (سياسى) و يود كسب المزيد من المؤيدين و ربما المريدين.
عموما الكلام جاب الكلام, انا توقفت في جملة واحدة من كلامك و شايف انك قفزت ل خلاصة معينة قد لا تفيد.

اذا كان الموضوع للحراسة فهو بسبب فعالية للمرأة وهو امر عادي ومحمود،
اما ان كان الانتقاد لمناوي في تصرفات اخرى فلا غبار عليكم
اردموا زي ما عايزين وانسوا موضوع الحراسة .

سلام امتثال رأيك شنو في منظر عبدالرحمن الصادق راكب فرس في جنازة سيد صادق الله يرحمه وخلفه على فرس آخر راكبة زوجته

Quote: كل المتداخلين انتقدوا التصرف الهبيل للمستشار السابق لزعيم نظام اللصوص والحرامية الا انت دخلت لتدافع عنه وعن تصرفه الاحمق وانت تعلم في قرارة نفسك انه تصرف هاطئ

ما بالضرورة يا امتثال
اذا عندك عشرين اجابة متشابهة
فكري في الاجابة المختلفة

كلام عاصم هو فهم اكثر من ( هتاف ) او القاء اتهام سهل ومريح بدون تفكير
انا حتي الان ما متاكد من حيثيات او اساس اعتراضك
لكن الطلعت بيهو لا هو متعلق بالنساء ولا هو متعلق بوجود حرس
بل بصورة مناوي ( الرئاسية ) وهو الذي شارك النظام ولا يستحق هذه الصورة التي تظهره بانه نصير الثورة والمرأة

اما موضوع المرا’ ووجودها ضمن طاقم الحراسة اظن انه مفيد انها تطرق ابواب وتكون في مواقع ما متاحة من قبل
ولا رايك شنو ، يعني هل في صورة اذلال للمراة بوجودها في موقع الحراسة

Quote: سلام امتثال رأيك شنو في منظر عبدالرحمن الصادق راكب فرس في جنازة سيد صادق الله يرحمه وخلفه على فرس آخر راكبة زوجته

ديل انجليز ما فوقها شي .. المسألة دي عادية ..

بريمة
ما ذكي لكن انتهازي

منتصر
رايي انه عبد الرحمن ده كروته السياسية محروقة ولا انت نسيت انه كان مستشار لزعيم اللصوص والحرامية
وهو ايضا انتهازي زيه وزي مناوي...
اما عن ركوبه فرس في جنازة والده ...فيمكن تربيته تربية انجليزية زي ما قال ود قباني...

بشاشا
القول هو ما قلت...
كمان عميل لحفتر الذي يقتل المدنيين الابرياء بدم بارد ويفجر ابار البترول الليبية وهو يقول على وعلى اعدائي وليس له
من الوطنية مثقال ذرة وهو يدمر الاقتصاد الوطني لليبيا...
ومثل هذا الذي يدعم مثل هؤلاء القتلة ويرسل مليشياته ليحاربوا معه ليس جديرا ان يرأس حزب سوداني..

سلام

رغم رأيي أن عبد الرحمن الصادق كوز بالإضافة ألى أنه يبدو
شخصية إنطوائية، لكن الأحصنة ربما تكون خاصة بالمرحوم
السيد الصادق و قد أخرجت لوداعه. أقول ربما.

سلام

رغم رأيي أن عبد الرحمن الصادق كوز بالإضافة ألى أنه يبدو
شخصية إنطوائية، لكن الأحصنة ربما تكون خاصة بالمرحوم
السيد الصادق و قد أخرجت لوداعه. أقول ربما.

نعومي ازيك
اذا الاحصنة اخرجت لوداع المرحوم الصادق المهدي فاظن لا بأس في ذلك
لان المرحوم الصادق المهدي كان يحب ركوب الخيل وقرأت ان له هواية في
ركوب الخيل...والمعروف ان بعض الحيوانات الاليفة لها علاقات خاصة بالاشخاص
الذين يتولون ترببتها....
ولقد قرأت مرة قصة حقيقية لرجل انجليزي كان يربي كلبا في منزله ويعتني به عناية
فائقة...وعندما توفى الرجل كان هذا الكلب الوفي يخرج يوميا من المنزل ويرقد امام قبر
الرجل طوال اليوم...واصبح لا ياكل ولا يشرب حتى وجدوه يوما ميتا امام قبر الرجل الذي
كان يتولى تربيته....
فبعض الحيوانات لها وفاء اكثر من بني البشر....

Quote: .والمعروف ان بعض الحيوانات الاليفة لها علاقات خاصة بالاشخاص الذين يتولون ترببتها.... 🐴 🐴 🐴 🐴 🐴 🐴 فبعض الحيوانات لها وفاء اكثر من بني البشر....

أي والله يا أمتثال، أحسنتي القول.

فهو سوف يمثل تلك الشريحة المعينة و سوف يتحدث بأسمهم
--------------------------------------------------------------
الاخ محجوب اسمح لى لم افهم ما اردت ان تقوله بجملتك اعلاه
وزير فى حكومة البلد على المستوى الوطنى فى نظرك دوره ان يمثل اهله ويتحدث باسمهم فقط؟ معقولة؟بالطريق دى لو كل وزير دوره كما وصفته معناتا على البلد السلام

المرأة السودانية شاركت وما زالت تشارك في المؤسسات العسكرية
ولا فرق ان تكون جندية نظامية او بودي قارد.
كل ما نتمناه ان يقدم مناوي ورفاقه ما يدعم مسار الثورة والتغيير.

يا سلاااام ...نعم قطعا هناك حيوانات أكثر وفاء من البنى ادميين .......هسه الحصان تكون جاتو كورونا هو والقيامة القايمة دى ....

سلام امتثال انا ما قصدي الحصان قصدي رأيك شنو في الأميرة الراكبه في الحصان هل نفس قصة حرس مناوي ولا بتختلف

ما في علاقة يا منتصر...
وبعدين انا ما اتكلمت عن الفتيات الحرس...دي ما فيها مشكلة...
انا اتكلمت عن الذي يريد ان يتشبه بالدكتاتور القذافي الذي كان له طاقم
حرس من الفتيات....
لكن البنت تشتغل حرس او تركب فرس دي ما فيها مشكلة ابدا...البنت قائدة
طائرات حربية الان خليك من تركب فرس...
وشنو رأيك عندنا صديقتنا وسودانية بتقود طائرة هيلوكوبتر حربية..ههههههههههههه

Quote: وبعدين انا ما اتكلمت عن الفتيات الحرس...دي ما فيها مشكلة... انا اتكلمت عن الذي يريد ان يتشبه بالدكتاتور القذافي الذي كان له طاقم حرس من الفتيات....

خنساء البورد إمتثال هذا رأيي في الحركات (الما مسلحة )
الحركات المسلحة زواج المتعة والسلام المجهول!
تدخل الحركات المسلحة الخرطوم وهي منتصرة في حرب لم تخضها بل تدخل الخرطوم بعد ان فقدت مقاتليها على الأرض ولم يعد هنالك فصيل يمتلك سلاحا أو إستعداداً ميدانياً غير فصيل الحلو وبصورة نسبية عبد الواحد محمد نور لذلك فان هذا السلام المنقوص سيدخل البلاد في متاهات لا خروج منها حيث عودتنا التجارب ان الحركات المسلحة قابلة للتفريخ فكلما انطفأت نيران أحداها اشتعلت الأخرى وظهر محارب جديد تحت مبررات الهامش واسطورة التهميش لقد اصبح صناعة الحركات المسلحة فن سياسي وتجارة رابحة وأسلوب لفرض الأجندة الخاصة.
خنساء البورد إمتثال هذا رأيي في الحركات (الما مسلحة )
الرابط
https://sudaneseonline.com/msg/board/510/msg/1605378366/rn/1.html
مناوي بقلد دكتاتور ليبيا وغداً سيكون حرس اللورد جبريل (أخوات نسيبة) وعايرة وأدوها صوت
وكلهم كسيهم فاضي
تحياتي

Quote: و لو تم اختياره في الحكومة الجديدة

Quote: معقولة؟بالطريق دى لو كل وزير دوره كما وصفته معناتا على البلد السلام

عزيزى حسن فرح
انا وضعت افتراض عمومى و انت خصصت الافتراض.
العموم هنا هو المشاركة في السلطة (التمثيل المتساوى) بحيث يشعر كل مواطن سودانى بأنه ممثل في مركز القرار. يعنى لما كانو بجلسو (عمر البشير و عبدالرحيم حسين و صلاح قوش) و بقررو كيفية ادارة الحرب, الطربيزة القاعدين حولها, ما كان في صوت من الجوانب الاخرى اللى ممكن يديهم زاوية شوف مختلفة.
هذا هو حال السودان خلال الـ 64 سنة الماضية. مراكز اتخاذ القرارات بكون في صوت واحد و لكن القرارات بتأثر في كل الحيز الجغرافي للخريطة الاسمها السودان.

(الاختيار) الذى كتبته انا, يمكن ان يكون لمجلس الوزراء او مجلس السيادة او البرلمان او حتى مجلس قحت الجديد :)
اتخاذ القرار (قبل ان يصيير نافذا) يعرض علي مجلس (تربيزة فيها اربع او اربع واربعين رجل) و يخضع للنقاش بحيث يمكن الاستماع الي الاراء المختلفة (من زوايا شوف مختلفة) سواء كان ذلك في الوزارة المعنية ام في مجلس الوزراء, الضرورة تتطلب وجود اصوات (تمثل) كل جهات السودان.
عموم افتراضى اذا حتي لو تم اختياره وزيرا, فهو بالضرورة جزء من مجلس وزراء بمثل كل مكونات الحيز الجغرافى ده و بالضرورة ان اصواتهم جميعا يخلق التوازن لتبنى رؤية اكثر اعتدالا.
فمثلا اذا تم اختياره وزيرا للدفاع و قام بعرض مشروع لرمى قنبلة في ولاية الخرطوم و لم يكن هناك ممثل لولاية الخرطوم, هنا سيكون الاختلال و ربما يتم تمرير رمى القنبلة.

Quote: بالطريق دى لو كل وزير دوره كما وصفته معناتا على البلد السلام

بالمناسبة ده الكان حاصل, عشان كدا البلد وصل مرحلة (علي البلد السلام).

الكنداكة الثائرة وخنساء البورد إمتثال هذا رأيي في الحركات (الما مسلحة )
الرابط
https://sudaneseonline.com/msg/board/510/msg/1605378366/rn/1.html
مناوي بقلد دكتاتور ليبيا وغداً سيكون حرس اللورد جبريل (أخوات نسيبة) وعايرة وأدوها صوت
وكلهم كسيهم فاضي
تحياتي

Quote: بالطريق دى لو كل وزير دوره كما وصفته معناتا على البلد السلام

بالمناسبة ده الكان حاصل, عشان كدا البلد وصل مرحلة (علي البلد السلام).
------------------------------------------------------------------------------------
طيب يا محجوب يا اخى طالماانت ترى ما ارى ونحن متفقان على ان ذلك حيجيب خبر البلد لماذا الاصرار على هذا البلاء؟
لماذا لا تضع الاحزاب المشاركة فى الوزارة برامج دقيقة ومفصلة لحل المشاكل فى كل مناطق البلاد وتعمل على تنفيذها بدل الاسلوب العشوائى المطبق الآن: تحدث المشكلة ثم يبدأ الصراخ

Quote: لكن الطلعت بيهو لا هو متعلق بالنساء ولا هو متعلق بوجود حرس بل بصورة مناوي ( الرئاسية ) وهو الذي شارك النظام ولا يستحق هذه الصورة التي تظهره بانه نصير الثورة والمرأة

دي الخلاصة،
الأسلوب دا اسمه (Beat around the bush).




ويحمد لأختنا امتثال أنها كتبتها صريحة (هو منو ذاته) واستنكرت جيته للخرطوم على أنها مصلحة خاصة

Quote: ولكن حراسة لشخص سياسي عاوز يبقى وزير او رئيس وهو منو ذاته عشان يكون ليه طاقم حراسة...خلاص بقى رئيس الدولة.. هسع اذا ماشي في شوارع الخرطوم بدون حراسة نسائية في زول بيعرفه.. +++ ترك جنوده في الخلا وجا الخرطوم مع بعض خاصته المقربين وترك الاخرين يتضورون جوعا هناك في دارفور

ذكرتني واحد تاني كتب نفس العبارة (هم ديل منو ذاتو#) ومعاها أيقونة غضب
الحكومة تراجعت منح 30% من السلطة لاقليم دارفور-هم ديل منو ذاتو#الحكومة تراجعت منح 30% من السلطة لاقليم دارفور-هم ديل منو ذاتو#

يبقى كل البوست من بدايته غرضه الخاتمة دي، (هم ديل منو الجايين الخرطوم يحكموا ديل)
والباقي مجرد مسكنات!


===============================================================

Quote: وبعدين انا ما اتكلمت عن الفتيات الحرس...دي ما فيها مشكلة... انا اتكلمت عن الذي يريد ان يتشبه بالدكتاتور القذافي الذي كان له طاقم حرس من الفتيات.... لكن البنت تشتغل حرس او تركب فرس دي ما فيها مشكلة ابدا...البنت قائدة طائرات حربية الان خليك من تركب فرس...

دي حقيقة، انتي فعلاً ما تكلمتي، انتي "كتبتي" لو جينا للحق.

Quote: عاوز يقلد القذافي عشان يكون دكتاتور زيه!!!! بالله ديل هم العاوزين يحكموا السودان!!!!؟؟؟عجبا.....اذن السودان امره انتهى ..وعليه السلام... ..فهل ممكن واحد فيكم ينقل لينا تفاصيل الخبر ومناوي هذا قال شنو وهو يفسر سبب استعانته بطاقم من النساء لحراسته!!!! ويا ربي الطاقم ده من السودان ولا من ليبيا!!؟؟؟؟

النساء يا امتثال هن كانن عنوان البوست (يستعين بطاقم من النساء!!!!!)
وطلبتي إجابة عن سبب استعانته بطاقم من النساء لحراسته
وذهبت أبعد من كدة وخيرتي الناس في دولة الطاقم دا سودانية ولا ليبية في إشارة لا تخفى على أحد.

:في الحقيقة دي كانت حجتك لاستخلاص نتائج مفادها إنو
- (عاوز يقلد القذافي)
- ثم (عشان يكون دكتاتور)
- ثم (بالله ديل هم العوزين يحكموا السودان)
- ثم (السودان أمره انتهى)


بل واصلتي حتى بعد ما جابوا ليك الصورة ومكتوب في اللافتة وراها محلية الخرطوم وكمية من أطباق الأكل مرصوصة،
وفي الخلفية واقف الحرس الحقيقي،
لكن رجعتي تاني تكتبي عن حرس نسائي في فنادق أوروبا على إنو دا (خبر يقين) جابو ليكي (الراكز).

Quote: اذا ما جيتنا سريع كنت عاوزة اكتب تعليق واقول احتمال ده كلام جرائد ساكت وما اظن الزول ده بيكون عنده طاقم من النساء لحراسته وعاوز يقلد القذافي،،، لكنك اتيت بالخبر اليقين... +++ بالله ديل هم العاوزين يحكموا السودان!!؟؟؟؟وبالله ديل هم الكانوا بيناضلوا من اجل المهمشين في دارفور وهم يقيمون في فنادق خمس نجوم في دول اوروبا وتحت حراسة طاقم من النساء....!!!!؟؟؟؟؟عجبا!!!!!!!!!!!!!!!!

ممكن اتفق معاك في إنو فنادق أوروبا و(الخرطوم) ما أراضي مناسبة للنضال
بس يقيني إنو "أمانة المرأة في محلية الخرطوم" ما ليها علاقة بفنادق أوربا أمات خمسة نجوم.

ولكن خير، طالما بتقولي (مافيها مشكلة)
يبقى نفيك الأخير يسقط حجتك في كل البناء اللاحق الخاص باستنكارك لإمكانية حكم أمثاله للسودان،
ما لم تكن لديك استثناءات أخرى، ولا كيف؟

بعدين هم ديل منو الأنتي قصدتيهم بالمناسبة (الحينتهوا من السودان)؟
موضوع أركو مناوي أنسيهو، هل في تانيين عندك اعتراض عليهم لسبب أو لآخر؟



نرجع للنساء يا امتثال،خليها مهام الحراسة،

Quote: هدية الصباح لبسمات ورجال عطبرة... نكتة الموسم: بت كاشفة شعرها وماشة مع امها في شارع من شوارع الخرطوم ، الام قالت لبتها :هوي يا بت غطي شعرك في رجال جايين من هناك،، البت ردت لامها: كدي عايني فيهم رجال من عطبرة، الام قالت: لا ...ما فيهم ناس من عطبرة،، والبت قالت: كان كدي ما في داعي اغطي شعري،،،الرجال خليناهم في عطبرة،،،(وش ضاحك) Re: عطبرة علي الخط وبقية مُدُن السودان ...Re: عطبرة علي الخط وبقية مُدُن السودان ...

هل ظهور النساء بأي وضعية سواء في الخرطوم أو عطبرة مؤشر كافي لتحديد مدى رجالة السوداني أو أهليته لحكم السودان؟

بعبارة أخرى

Quote: هسع اذا ماشي في شوارع الخرطوم بدون حراسة نسائية في زول بيعرفه..

إذا مناوي مشى في شوارع الخرطوم، هل تغطي البنت في (نكتة الموسم) بتاعتك الفوق دي شعرها ولا (مافي داعي)؟


قصدت أعرف دور النساء في معاييرك المختلفة للتصنيف.

_____
ومدى علاقة ذلك بالجغرافيا.

حاتم
ما شاء الله ،،والله انت كتاب ،( بتشديد التاء) كتابة:، وانا بتكلم جادة،اسفة بكتب جادة،
وتحليلك كله منطقي، وتنفع محلل سياسي في قناة الجزيرة...
لكن برضي بقول ليك في بعض النقاط تفكيرك مشى بعيد وما عرفت خلاصة كلامي وعاوز
تطلعني عنصرية::( قولك جايين الخرطوم يعملو شنو)....وبالمناسبة انا ما من الخرطوم،،،،،،
وبس عاوزة اقول ليك خلاصة كلامي ، او قول خلاصة ما اعنيه من البوست::
اي زول شارك في حكومة نظام اللصوص والحرامية كشخصية عامة ومسؤول، سواء كان وزير
او مستشار، من عام ١٩٨٩ وحتى عام ٢٠١٩ ، لا يحق له ان يشارك في حكومة الثورة ولا يحق له
ان يكون عنده طاقم حرس شخصي ،سواء من النساء او الرجال، ويجب ان يعزل سياسيا ولا يحق
له ان ينزل انتخابات بعد انتهاء الحكومة الانتقالية،،،،
هذه وجهة نظر فقط ، وهو المقصود من البوست...ووجهة نظري صواب يحتمل الخطأ او خطأ يحتمل
الصواب...
،،وان شاء الله تكون عندك علم الحكومة الانتقالية حتنتهي متين!!!؟؟لان العساكر الماسكين زمام الامور
ما اظن يسيبو السلطة بالساهل كده....
..وشكرا لمرورك والتعليق..
والله يديك الصحة والعافية...

أمتثال

Quote: بريمة ما ذكي لكن انتهازي

بلا شك .. مناوي ذكي ..
إمتثال، أنت لا تعرفي البيئة الأجتماعية التى خرج منها مناوي .. تصدقي مناوي قطع مسافات ضوئية لكي يكون في قلب الأحداث .. ثم مناوي رجل شجاع .. مثل ولدنا أبراهيم شوتايم ..

رجل مثل مناوي لا يباع بثمن، مثل هذه الوظائف التافهة التى يمتن بها مثقفي وسط السودان عليه بها يجب أن تفتخر بمناوي ..

مناوي زخر للسودان .. شعباً وأرضاً .. بس هدؤا اللعب ..
أنتم عايزين زول يتحدث العربية بطلاقة .. وأميليس مثل ولدنا بتاع تنظيم المهنين السودانين ..
تعددنا الأثني، واللغوي والثقافي يسمح ببروز قيادات ليس مركز الدائرة الثقافة المتحكمة في السلطة ..
زمن يتم محاصصة الناس علي غير معايير الكفاءة أنتهي بلا رجعة ..

سير يا مناوي .. وعين الله ترعاك ..

بريمة

نحن ما بندور زول يتحدث العربية بطلاقة لاننا اساسا ما عرب!!!
لكن بندور زول نظيف ما اتلوث بنظام اللصوص والحرامية...وزولك ملوث حتى اخمص قدميه،،،،طبعا اخمص قدميه دي لغة عربية فصحى ههههههههه،،
وطبعا جملة نحن ما عرب دي جاتك في مقتل...هههههههههه

محمد نجيب
بوست اوسكار...
ونردد وراءك: اللهم ابعد عنا الكفوات والمصائب ولوردات الحروب والزواحف الماجورة،،،
ونزيد...ومن الملوثين بنظام اللصوص والحرامية....
ولوردات الحروب ديل هم احدى اسباب تخلف اقليم دارفور ،لان السبب الاول كان نظام
اللصوص والحرامية،والسبب الثاني لوردات الحروب الذين كانوا يحرقون الاخضر
واليابس في قرى دارفور ويغيرون على القرى الامنة ويقتلون اهالي القرى الابرياء بحجة
حماية حقوق المهمشين وهم اول من انتهكوا حقوق المهمشين وهم يقيمون في الفنادق
الفخيمة والفرش الناعمة في فنادق اوروبا وفنادق دول الخليج...ووضعوا ايديهم في ايدي
نظام اللصوص والحرامية من اجل الاستوزار والجاه والمال ونسوا المبادئ التي كانوا يزعمون
انهم كانوا يقاتلون من اجلها....

أمتثال

Quote: وطبعا جملة نحن ما عرب دي جاتك في مقتل...هههههههههه

أتأري أنت ما ناقشة أنا بقاتل علي شنو؟ ..
أنا قتالي كله عن التنوع في السودان .. وأي زول يعتز بهويته الصغيرة قبل الهوية السودانية الجامعة لتلك الهويات.

دا مشروعي منذ حضور للمنبر 2006م .. سودان يسع جميع مكوناته.

بريمة

لا ..اذا كده عداك العيب ،زي ما بيقولوا اولاد بمبة المصريين..

Quote: عاوز يقلد القذافي عشان يكون دكتاتور زيه!!!!

نخلى موضوع المقارنه ونمشى لموضوع وصف القذافى بالدكتاتور
القذافى دكتاتور؟ ...نعم
له مساؤى وجرائم ؟ ....نعم
لكن لايعنى ان الرجل شر مطلق
فالدكتاتوريه خشم بيوت
كاسترو وجمال غبدالناصر والقذافى فئه دكتاتوريات تختلف عن مثال همر البشير
فى دمتاتوريه قامت فى السابق قامت حسب ظروف تاريخيه والدكتاتوريات استنفدت اغراضها وتطورت بعضها لازال لينتقل الى ديمقراطيات انتقال كامل والبعض تجول بشكل كامل الى ديمقراطيات
دكتاتور كرئيس رواندا غير منتقد فى اطار ديمقراطيه- مقيده- وتطور ونهضه
فرق بين دكتاتور اتى الى السلطه ثائر
ودكتاتور انقلب على نظام ديمقراطى
كما للالوان درجات
فالدكتاتوريات درجات ايضا
فرق بين الاحمر القانى واللون (البمبى) وكلها لون احمر ضمن درجات اللون الاحمر
.
اعود لموضوع القذافى تحديدا
وصفك له بدكتاتور
هل هو ترديد وصدى صوت لما يتداول فى الاعلام وتاثر بعناوين فى الميديا والوسائط ؟؟
ماذا تعرفى عنه
كثائر
كامتداد لعبدالناصر
كوطنى اصيل
كمثقف
كمفكر
كمحرر للمراه
كداعم لحركات التحرر الافريقيه والعربيه وحتى العالميه
القذافى من اقام مؤتمر لامه الهنود الحمر فى طرابلس قبل تقدمى الى الدنيا وترى النور
كمحرر للمراه تحديدا مدى معرفتك لانجازاته فى شان تحرير المراه الليبيه ؟؟
واستعانته بالمراه كحرس كان ضمن الظاهر البرتوكوليه تكريما لها كشريك لايقل عن الرجل وهن ضابطات متخرجات من كليات عسكريه للمراه

مشاركة نزلت بالخطأ