لك كل التحيا و الاجلال بلا نفاق فقدتك لم اري لك نشاط مكتوب منذ يومين كيف لا نفقدك وانت الحراك المميز بيننا وانت احد اعمدة منبرنا ان كنت بعيد فلك بقلبي مقام باواصر على الأخاء كبير وإذا المشاغل تبعدنا وتكمم أالاصوات بالصداقة ينبض كل مشاعري فسكوتنا بيننا سفيرخير وعميق ود وبالكتابة هنا نختصر المسافة بيننا نؤكد التواصل وحقيقة الدرب بين الخافقين قصير بحق كل عهد نقاء بين الاخوة والاصدقاء سالت ربي ان تكون بخير غيابك مقلق اين انت صديقي مع صادق ودي
فعلا يا ابو الزهور نلاحظ غياب صاحب القلم المتميز والاسلوب الجاذب ود الاصيل ونرجو ان يكون بخير.... والنت ما قاطع في السودان وناس الخرطوم مواصلين في الكتابة...
Quote: لك كل التحيا و الاجلال بلا نفاقفقدتك لم اري لك نشاط مكتوب منذ يومين كيف لا نفقدك وانت الحراك المميز بيننا وانت احد اعمدة منبرناان كنت بعيد فلك بقلبي مقام باواصر على الأخاء كبير وإذا المشاغل تبعدنا وتكمم أالاصوات بالصداقة ينبض كل مشاعريفسكوتنا بيننا سفيرخير وعميق ود وبالكتابة هنا نختصر المسافة بيننا نؤكد التواصل وحقيقة الدرب بين الخافقين قصيربحق كل عهد نقاء بين الاخوة والاصدقاء سالت ربي ان تكون بخير غيابك مقلق اين انت صديقيمع صادق ودي
♡حاشاك لله النفاق أخي زهير ، ذا الروح النقيةو النفس الرضية و الذات القضية يا قلباً كبيراً في جوف طفلٍ معجزةٍ. ♤ يوم ذكرتني تحاملت عاى كتفي خاطري ؛ لألمح لأمثالك و وكم أنتم قليلٌ، برقة حالي؛ لكي تثقل أكفكم الضراعات لأجلي. . و أناطريح الفراش أصارع وطأة الموت [معزولاً صحياً هذه المرة، و بجزيرةٍ غير مالطة]. و هذه سالفةٌ طويلةٌ من العناء قد لا يتسع لها المقام، و لعل من باب الأولى أننا سنفرد لها مقالاً قائماً بحد ذاته. ♡ شكري لك معطون بحبي الذي تدري، موصولاً إلى العم/ جقود دافنشي ،و لزينة البنات لحدهن، للبنت المثال ، أخت/ امتثال ؛ و لكل من سأل عنا أو لم يفعل و لكن من نعرف ولا نعرف. كن بخيرٍ و عافيةٍ يا صادق الود النبيل.
أخي وصديقي ودالاصيل أحمد الله أنك بالرغم من عنت الوعكة تكتب لي وترد علي قلقي وسوف أظل أردد هذا الدعاء الي أن يرد ربي لك العافية وتتماثل الشفاء الكامل (اللهم بعدد من سجد وشكر، نسألك أن تشفي أخي ود الاصيل شفاءً لا يغادر سقما، وتعوضه خيرًا عن كل لحظة وجع وألم اللهم رده إلينا سالمًا ومعافًي من كل أذى أو ضر، اللهم يا سامع دعاء العبد إذا دعاك، يا شافي المرضان بقدرتك، اللهم اشفه شفاء لا يغادر سقما اللهم ألبسه لباس الصحة والعافية يارب العالمين أنك سميع مجيب) حفظك ربي أخي وأحمدالله وسوف تكون بخير وهذه ثقتنا في الله
والله ما اتلومنا في حقك صحي يا الاصيل بن الاصيل صاحب القلم المترع بالمفردة العربية يا اخي بعد الشر عليك وببركة اعظم الايام يوم الجمعة نسأل الله ان يذهب عن جسدك كلما يعيبه وينقصة ويحد من قدراته ويجعلك معافا في بدنك آمنا في سربك مالكا لقوت يومك اي ان يجعلك من اصحاب الآية الذي اطعمهم من جوع وآمنهم من خوف وشكرا للاستاذ زهير فهو ابرنا بك ودمت في رعايته وفضله ايها الاخ الذي احببناه عبر الأثير لهذا شكرا لبكوري الذي اتاح لنا فرصة اللقاء والتعارف هنا
Post: #10 Title: Re: غياب أخي وصديقي ود الاصيل عساك طيب وكن بخي Author: دفع الله ود الأصيل Date: 11-28-2020, 07:16 AM Parent: #9
●السلام عليك فردتي أبو الزوز و أخوتي المتداخلين الكرام البررة، استمحكم إذناً بكسر التراتبية لأبدأ الردود بآخر عنقود الواصلين من جوامح الخيل ، مقعوداً بنواصيها الخير ، أخوي/ جلال دونا. هذا الرجل الصديق الصدوق صاحب القلب النضيف ؛ ما جمعني به ذات لقاءٍ أثير الأسافير ، و إلا ينتابني شعورٌ عجيبٌ بأنني واقف منتظر أمام مقصِّ رقيبٍ عتيدٍ ، لا بل و به هيبة "لجنة نصوص و مصنفات أدبية" كاملة الأضلاع ، من علي شمو إلي علي المك ، مروراً بالحسين الحسن. فلك التجلة والسلام و تحيتي و تساؤلي؛ و دايرك بهناك.
Post: #11 Title: Re: غياب أخي وصديقي ود الاصيل عساك طيب وكن بخي Author: دفع الله ود الأصيل Date: 11-28-2020, 07:54 AM Parent: #10
Quote: ما تشوف شر يا ود الأصيل
الشر برررة و بعيد عنك أخوي المبجل/ Muntasir. عارف يا سعادتو إنو حظي مهبب ؛ بخاف أسأل عليك الناس وسر الريدة بينا يذيع.. بخاف أكثر .. يا إنت لو جيتك ..ألملم في خطاوي الشوق وأزور بيتك بيقولوا علي ما لقيتك آه...آه ... ياريت إنت تعرف حنيني إليك ياريتك كمان تعرف آه .. و تعرف لحدت وين بعزك و في أعماقي حسيتك. ● كما سبق و ذكرت ليك قبل كدا ؛ دي تاني مرة أوصل لحد مقهى الصيادين [ حالول ] و أقيف فوق طربيزة شلتكم بالركن اليماني؛ و برضو سألت عليك و ما لقيتك. فشربت حاجة و "رجعت حابس أدمعي في الليلة ديك" كن بخير و لنا لقاء، إذا بالعمر بقية.
Post: #12 Title: Re: غياب أخي وصديقي ود الاصيل عساك طيب وكن بخي Author: دفع الله ود الأصيل Date: 11-28-2020, 08:08 AM Parent: #11
Quote: الف لا بأس عليك صاحب الكلمات الأنيقة البسيطة والعفوية ، ما تطول الغيبة وكلما سنحت الظروف ادينا طلة ومتعك الله بالصحة والعافية . و مشكور ابو الزهور وزوار البوست
♡ لا رأى الله لك بأساً يا وجه الخير أخوي/ منتصر صلاح. يا جماعة أنتو وين لابدين، وما بتظهروا إلا في ساعة العُسرة و المحن الشداد؟! فعلن صدق من قال:" و يبقى التِّبْرُ تُراباً في محاجِره؛ و عود الصندل، لمن لم يعانق أرانب أنوفهم، صِنْفٌ من الخشبِ" . عم صباحاً؛ و إلى لقاءٍ قريبٍ.
تسلم يا ود الأصيل الكوڤيد فرتقنا أيدي سبأ وحالول تقادم عهدها واصبحت أقفر بعد أم الهيثم الما عارف قصتها ومن وقفوا الشيشة بقينا كما قال احد الندامى نشدها في البيت
Post: #14 Title: Re: غياب أخي وصديقي ود الاصيل عساك طيب وكن بخي Author: دفع الله ود الأصيل Date: 11-28-2020, 08:33 AM Parent: #12
Quote: والله ما اتلومنا في حقك صحي يا الاصيل بن الاصيل صاحب القلم المترع بالمفردة العربية يا اخي بعد الشر عليك وببركة اعظم الايام يوم الجمعة دمت في رعايته وفضله ايها الاخ الذي احببناه عبر الأثير لهذا شكرا لبكوري الذي اتاح لنا فرصة اللقاء والتعارف هنا
♡ و أما أنت كنزي المفقود فلك مني التجلة و السلام و تحيتي و تساؤلي؟ و لا لوم و لا تثريب عليك ياصاحب القِدَح المعلَّاة فوق رؤوس من شاء و من أبى.ربما كشأني تماماً، لم تترك لك كلمة "لا" من الصحب الكثير . كونها فقط من حرفين و لا تحتمل قسمةً ضيزى على نصفين. و لكن يكفي أنك ذا ذائقة رفيعةٍ سمهرية القوام ؛ مما يكسبك حضوراً لافتاً. ذكرت لك بأنني قريب من سوق اللالوبة ؛ و لا تستبعد هجومي عليك، حين غرةٍ.
و رب العزة والجلالة مافي قلبي تجاهك الا المحبة والمودة التي لا تعلم والغريبة كنت قايلك عارف وياريتني كنت عارف هههههه المهم يا زول اتا ما غلطان غلطان انا دا لاني ما قدرت اوصل ليك رسالتي بالطريقة الصريحة واعتمدت علي التلاويح وكلام اهلنا في البادية زي ما قال ود اب عجاجة لي اخوه وشاف الكسرة في حنكو ودايرو يشيلا دون ان يفهم مضيفهم ود اب عيش يسلم عليك قشاها طوالي وقاليهو تحراهم لي رحلوا ول قاعدين قالو رحلو الخ الخ الخ لكن الظاهر عليك المدينة جرفتك او شغلتك او شاغلتك ودي فرصة طيبة عشان اشيل الفي خاطرك اتا دا خليني انا العيفة دا ما فارك للجداد نار في الرسالة اللولانية قلت ليك كلامك زي السكر الزايد في كباية الشربات والقصد كلامك سكر واكثر من اللازم خففوا لينا شوية والسهمجة عندنا تعني السكر الشوية اما بالنسبة للقهمان هو عدم تمكن البطن الضعيفة من اكل اللحمة السمينة والقصد العيب في بطوننا الضعيفة التي لا تتحمل كلامك السمين يا سمين اتا ارجع لكلامي واقراهو بطريقة مختلفة من الاولى بعد هذا الشرح والتفصيل ان شاء الله تشحم هههههه ودكت الحزة انا وقتها فتك بالعفو والعافية وصافية لبن يا الحبيب
♧ أمانة عاد ما تلومت تب أخوي ود البوش، و سفيت الجردقة؛ مبلوعة منك، و نان بتشرح لي أنا في الطِّمَّة و القَهَمان و [السِّهميج] و نحنا العيشتنا على اللِّبا و الباجقلي و الحُمَيض!!¿
♤ أخخخخ بس لو بقدر القومة؛ كت بنهض أجيك لا عندك مكربت ساااه وين ما تكون ألاقيك في فرقة و ألحسك المرَقة المي متل مرقة ماجي
● صحي دقشنا البنادر جوة و برة و شلنا من خشوم أهلن تلاقيط كلام نجاربهم ؛علا لاكين تجرفنا المدينة، عاد دي هيهاتَ هيهاتَ لا جنٌّ و لا سحرةٌ.
● و دحين إت ما قت لي باديتك دي من تالا وين!!؟ و أكان بتدور ناسي البأترولك خبر أخوك ، تسعل مني هنا ود شيقوق و البشير ود التهاني و الجنا شنتير و" من دار صباح شال قِبلي فوق عربي و فوق إبلي ..و يا بخيت أحلب لي لبن أم زور طايب لي".
● و مضاربي كان ما بتعرفِّن في أم هبج بطانةأب علي، تمسكا من أب جلفة و التماري و أم طرطارة عنارة البنا و الكاهلي زيدان، بالتبيبات و الوحشات عند جبل اللبايتور و إت مارق بووشك مسفِّل بي درب الهوى فوق ود أب شام و لا عن ريرة و الصُّفية و لامن ترِد في أم رهو ، فوق ضهر اللتبراوي و من غادي تبقى مصعد متلهم جيهة السُّباغ و لا عن عصَّار ، ترا ديل مراتع أهلك الضباينة ، ترب جدنا الفارس محَمود ود زايد شحم ألبل ، سيد : "شملة بت كنيزر الهي تُلاتية و قدَّها رباعي"
عشان انا عارفة ود البوش ما بتلوم مع زول فتشت كلامه القالو ليك وما لقيته وما عارفة انت قريت كلامه وين.... لكن بعد شرح ليك معاني الكلمات الصعبة الما بفهموها الا القرويات البدويات امثالنا،، ههههههههههه،،كانت ردة فعلك سمحة شديد....لانكم الاثنين سمحين بالحيل....هسع اذا كان الموضوع حصل بين اثنين بيحبوا المشاكل كنت حتشوف حرب داحس والغبراء والنبذ الما ياهو.... فشكرا ليكم الاثنين....فانتو سودانيين ١٠٠ في الميه والله يديكم الصحة والعافية..
Quote: عشان انا عارفة ود البوش ما بتلوم مع زول فتشت كلامه القالو ليك وما لقيته وما عارفة انت قريت كلامه وين.... لكن بعد شرح ليك معاني الكلمات الصعبة الما بفهموها الا القرويات البدويات امثالنا،، ههههههههههه،،كانت ردة فعلك سمحة شديد....لانكم الاثنين سمحين بالحيل....هسع اذا كان الموضوع حصل بين اثنين بيحبوا المشاكل كنت حتشوف حرب داحس والغبراء والنبذ الما ياهو.... فشكرا ليكم الاثنين....فانتو سودانيين ١٠٠ في الميه والله يديكم الصحة والعافية..
شكرن للمرور ثاتيةً. حبيبنا ود البوش جاي يتعلم الهمبتة في ديار البطاحين و بلغة البنادر:يبيع موية برِّد في حارة السقايين.دخل علي أظنو في بوست[ الكتابة سلواي و ملاذي ] مهمج لي تلاقيح كدي صادفن عندي حموضة زايدة و قهمة من لغتنا الخشبية. و لكن متل ما قلتي : "البعشوم بعرف جُعار أخوه، زين" و أهو بقى أرجل مني و رجعنا قشطة على عسل.
+ صبحك الله قسيم ريدي أو الزوز يكل صباحاتٍ رابحات ومساك بأماسي بكل خيرٍ نافحاتٍ.. شكلك كدا من جبت ليك بنيت / الزهاء و كنَّيت بيها روحك ، تكون كسرت قُلَّتنا. لكن حاشاك ما بتسويها.
تقبل الله عزاءكم أخوي أيوب خليل.علا تعال ، بدور أسعالك إت معزي في منو ؟! بس نعلو في أخوي أبو ا لزهراء؟!دي تبقى فاجعة فعلن ليها جلاجل.أمن لو في العبد للهفغايتو أنا قايل روحي حيٌّ أرزق. إلا أكون أتلحيت و ماني جيب خبر، لكن عمر الشقي باقي