Post: #1 Title: الأهيف .. تسجيل نادر .. سيد خليفة.. ميرغني المامون و احمد حسن جمعة .. الفرجوني .. Author: يحي قباني Date: 11-20-2020, 05:52 AM Parent: #0
تسجيل نادر .. من برنامج زمان الرق للراحل محمود ابو العزائم ..
* ابو حسين .. انت وييييين ..
Post: #2 Title: Re: الأهيف .. تسجيل نادر .. سيد خليفة.. ميرغني ال Author: يحي قباني Date: 11-20-2020, 05:57 AM Parent: #1
سيد خليفة و الفرجوني في اول الاغنية شغالين شيالين ..
ثم في الدقيقة 6:25 ابو السيد صولو .. و بعدو الفرجوني صولو ..
ابداع حد الثمالة ..
Post: #3 Title: Re: الأهيف .. تسجيل نادر .. سيد خليفة.. ميرغني ال Author: يحي قباني Date: 11-20-2020, 05:58 AM Parent: #2
ثم يأتي الابداع الاخر ..بعد صولو سيد خليفة و الفرجوني ..
يجي احمد حسن جمعة و ميرغني المامون صولو ..ابدااااااع ..
Post: #4 Title: Re: الأهيف .. تسجيل نادر .. سيد خليفة.. ميرغني ال Author: يحي قباني Date: 11-20-2020, 06:24 AM Parent: #3
غايتو البمر بي جاي و ما قال شي .. عليه مراجعة الطبيب .. :)
Post: #5 Title: Re: الأهيف .. تسجيل نادر .. سيد خليفة.. ميرغني ال Author: Khalid Basheer Date: 11-20-2020, 09:28 AM Parent: #4
من كتاب:
"الجوهر الناضر في الماضي و الحاضر" عمر البنا الطبعة الأولى- 1983 دار جامعة الخرطوم للنشر
Post: #6 Title: Re: الأهيف .. تسجيل نادر .. سيد خليفة.. ميرغني ال Author: يحي قباني Date: 11-20-2020, 02:25 PM Parent: #5
تسلم يا خالد .. خاصة النص صحيح لان الكتير من فناني الزمن ده بغنوها : أبا ما (يليم) .. و كنت قد كتبت في بوست سابق في مارس 2014 بعدما ذكر الكثيرين من المتداخلين انها ( يليم ) من لم الشمل مايلي:
" القصيده تقول ( ابا ما يريم ) ... وليس كما ذكر البعض ابا ما ( يليم ) ... و المعني عميق جداً حسب ما سمعت ... و عشان نشرحه لازم نستعين ببيت الشعر القالوا عمنا محمد ود الرضي ود الرضي قال في قصيدته أحرموني ولا تحرموني قاللي طبع الريم اصلو نافر ... قلتلوا عل تريم النوافر وعل راء الريم تبقي لام
اها القصة تجي من انو الريم او الغزال مرات تابا ترضع جناها ... تحرن عديل كده ... ودي بسموها ( نافر ) ... رغم انها مؤنث ... و اهل الباديه ما بقولوا ( نافره ) ... يقولوا (نافر ) ... لامن تجي لمسأله الرضاعة او الرفض ... زى ما بقولوا لو الناقه شايله حطب يقول الناقه ( شايله ) حطب ... اما لو الناقه ( حامل ) ... يقولوا الناقه ( شايل ) .. اي حملان ... فلمن ( ترضي ) ... و ( تحضن ) جناها و ( و ترضعوا ) .. وما في ( احن ) من الوضع ده بين الانثي و رضيعها .. يقولوا الريم خلاص ( رايماهو ) تب ... اي راضيه علي جناها ... فعمنا ود الرضي قال قلتلو علّ ( تريم ) النوافر ... يعني يرضي علينا الغزال ( الرافض ) ده ... بالحنية الوصفتها فوق ديك ... وجا عشان ما نلخبت سنة 2014 ... قام قال لينا عل راء الريم ... تبقي ( لام ) ...يعني نتلم ... يبقي ( ليم ) وهنا قام عمنا عمر البنا ... وهو عليم بالباديه ... قال : الأهيف ... أبا ما ( يريم ) ... من بعده صار قلبي ضريم ... و المعني اعمق بكثير من ( الليم ) .. و ما ننسي انو ود البنا قال في بيتين بعد داك في نفس القصيده يألفني و يترك لطباع الريم ...!!! اظن ما عندنا كلام بعد ده ... و الله اعلم ... ما قلت ليكم كل ما نكبر ... نتكشف كلام جوه الكلام ..."
Post: #7 Title: Re: الأهيف .. تسجيل نادر .. سيد خليفة.. ميرغني ال Author: Ali Alkanzi Date: 11-20-2020, 02:37 PM Parent: #5
توبة يا حبوبة
Post: #8 Title: Re: الأهيف .. تسجيل نادر .. سيد خليفة.. ميرغني ال Author: ABUHUSSEIN Date: 11-20-2020, 03:20 PM
Quote: * ابو حسين .. انت وييييين ..
موجود لكن مزنووووووووق و الله .... برجع ليك كان الله هون و كتب لينا عمر ....
Post: #9 Title: Re: الأهيف .. تسجيل نادر .. سيد خليفة.. ميرغني ال Author: ABUHUSSEIN Date: 11-20-2020, 08:17 PM Parent: #8
اخونا ابو الياء مع جمال كلمات الاغنية و جمال الوصف فيها و لحنها كذلك فهي الاغنية المفضلة للوالد رحمة الله عليه لا يملها ابدا و يعيش معها اجمل اوقاته ....
