Post: #1
Title: الشيوعي مرق .. الأمة رجع ..!! قحت ام منزل أحرار ؟
Author: يحي قباني
Date: 11-13-2020, 02:40 PM
01:40 PM November, 13 2020 سودانيز اون لاين
يحي قباني-فى الدنيا العجيبة
مكتبتى
رابط مختصر
الأمة القومي يعلن مشاركته في الحكومة الجديدة بكافة المستويات
الخرطوم : كنا
اعلن حزب الامة القومي تراجعه عن قرار رفض المشاركة في الحكومة الانتقالية
واتخذ قرارا بالمشاركة في مؤسسات السلطة بكافة مستوياتها المركزية والولائية
واكد مجلس التنسيق بالحزب في بيان له استمرار قراره بتجميد عضويته في
قوى الحرية والتغيير وقال ان المجلس المركزى (لقحت) لا يعبر عنه وكشف المجلس
عن تكوين لجنة للتنسيق مع الجهات المعنية لمتابعة كيفية مشاركته حسب وزنه الشعبي
ودوره التاريخى واسهاماته الوطنية
|
Post: #2
Title: Re: الشيوعي مرق .. الأمة رجع ..!! قحت ام منزل أحر
Author: عبدالعظيم عثمان
Date: 11-13-2020, 03:56 PM
Parent: #1
الشيوعي قاعد ومتحكر جوة بطن الجهاز التنفيذي
|
Post: #3
Title: Re: الشيوعي مرق .. الأمة رجع ..!! قحت ام منزل أحر
Author: يحي قباني
Date: 11-13-2020, 04:13 PM
Parent: #2
تُرى ما سبب رجوع الامة؟
هل هي رؤيا كرونية ام حساب للنفس ؟
|
Post: #4
Title: Re: الشيوعي مرق .. الأمة رجع ..!! قحت ام منزل أحر
Author: د. بشار صقر
Date: 11-13-2020, 04:20 PM
Parent: #3
الامة عمل مقلب بت كلب للشيوعي...
|
Post: #5
Title: Re: الشيوعي مرق .. الأمة رجع ..!! قحت ام منزل أحر
Author: Mirghani Taitawi
Date: 11-13-2020, 04:53 PM
Parent: #4
Quote: اعلن حزب الامة القومي تراجعه عن قرار رفض المشاركة في الحكومة الانتقالية
واتخذ قرارا بالمشاركة في مؤسسات السلطة بكافة مستوياتها المركزية والولائية |
أكثر حزب لا يحترم قراراته الفشنك!!!.
|
Post: #6
Title: Re: الشيوعي مرق .. الأمة رجع ..!! قحت ام منزل أحر
Author: Asim Ali
Date: 11-13-2020, 05:09 PM
Parent: #5
سلام عليكم
غير مستبعد وجود تحالف تحت التربيزه مع الكيزان برعايه العسكر -خازوق الكيزان - يتم الدفع فيه بكوادر كيزانيه -جديده غير معلومه التوجه من الجيل التانى-فى تركيبه الحكومه الجديده فى مستوياتها المختلفه
تحالفات مشبوهه تستغل الاحزاب التاريخيه - زى دى موجوده مثالها تحالف الاخوان المسلمين فى مصر مع حزب الوفد فى تاريخ تحالفاتو
|
Post: #7
Title: Re: الشيوعي مرق .. الأمة رجع ..!! قحت ام منزل أحر
Author: Nasr
Date: 11-13-2020, 08:09 PM
Parent: #6
الكلام دا ما عنده معني وغير منتج
Quote: اعلن حزب الامة القومي تراجعه عن قرار رفض المشاركة في الحكومة الانتقالية
واتخذ قرارا بالمشاركة في مؤسسات السلطة بكافة مستوياتها المركزية والولائية |
أصلا كان هناك إتفاق جنتلمان بين كل الأحزاب إنها ما تشارك في السلطة التنفيذية
خاصة وأن هذا يتفق مع ما ورد في الوثيقة الدستورية عن أن الوزارات ستذهب لتكنوقراط غير محزبين
يكون مفهوم لو أن حزب الأمة قال أنه سيواصل في دعم الحكومة
خاصة وأن الحزب الشيوعي توقف عن فعل ذلك
يعني هاجس أن دي حكومة شيوعيين إنتهي
وما تنسوا أن هناك كمية من الولاة من حزب الأمة
(رغم أن كثير منهم لم يرشحه الإمام)
في دخول حزب الأمة وخروج والشيوعي دربكة وإضطراب
لا يشبهون الثوار في شئ
بدأت وكأن المسألة مناقرات ومغارز
حكومة الثورة جديرة بالدعم والنقد ومحاولات الإصلاح
محاولة إستعداها تجلب مزيد من المصائب للسودان
محاولة إحتواءها وتدجينها تجلب مصائب أكثر
فليتكم يا أحزاب السودان تتخذون القرارات للأسباب الصاح
|
Post: #8
Title: Re: الشيوعي مرق .. الأمة رجع ..!! قحت ام منزل أحر
Author: Hamid Elsawi
Date: 11-13-2020, 08:53 PM
Parent: #7
هو زمان ما كنت الحكومة تبع حزب الامة
و السيد الصادق كان حمدوكا.
قلعها منهم البشير
الشعب قلعها من البشير
هو ح يدخل فيها و يسلمها للعسكر
حزب الامة سلم السلطة لي عبود
وسلمها للبشير. حتي اكتوبر ضيعها
بي انتهاك الدستور ...
العساكر ما بقدرو يعملوا انقلاب و هم الان يبحثون عن
سند خارجي حتي ولو في تل أبيب
و سند داخلي حتي لو بي بوخة مرقة
سلام يحي و ضيوفه
|
Post: #9
Title: Re: الشيوعي مرق .. الأمة رجع ..!! قحت ام منزل أحر
Author: Nasr
Date: 11-13-2020, 08:56 PM
Parent: #8
كدي النسأل
يعني دخلوا ناس الهبوط الناعم
وطلعوا ناس الهبوط الخشن ؟؟؟
مجرد سؤال
|
Post: #10
Title: Re: الشيوعي مرق .. الأمة رجع ..!! قحت ام منزل أحر
Author: Hamid Elsawi
Date: 11-13-2020, 09:40 PM
Parent: #9
العروس للعريس
و الجري للمتاعيس
|
Post: #11
Title: Re: الشيوعي مرق .. الأمة رجع ..!! قحت ام منزل أحر
Author: adil amin
Date: 11-14-2020, 11:12 AM
Parent: #10
| Quote: الشيوعي مرق .. الأمة رجع ..!! قحت ام منزل أحر |
لمن قلنا دي شرمطة ما سياسة زعلتو
وكلهم بي جنرلاتم وحمدوك تحت جذم الثلاثة ديل قوادين ترامب
https://top4top.io/
|
Post: #12
Title: Re: الشيوعي مرق .. الأمة رجع ..!! قحت ام منزل أحر
Author: Mutasim Idris
Date: 11-14-2020, 05:09 PM
Parent: #11
رجوع حزب الامة دا تم بعد مشية الامام لابوظبي (بغرض)
العلاج ام بعده؟ لانها بتفرق كتيييييير..
غايتو لو في شيوعي (حج) او يمم وجه (شطر) الامارات
فااااا اتوقع برضو يرجعو (الحظيرة) هههههههه.
سلامات استاذ يحي وضيوفه.
|
Post: #13
Title: Re: الشيوعي مرق .. الأمة رجع ..!! قحت ام منزل أحر
Author: يحي قباني
Date: 11-14-2020, 09:57 PM
Parent: #12
| Quote: الشيوعي قاعد ومتحكر جوة بطن الجهاز التنفيذي |
تقصد منو يا عظمه ؟
بعدين كل الاحزاب عندها ناس في الجهاز التنفيذي .. بالتعيين للكفاء او المحاصصة ..
طبعا الكفاءة ديل الشيوعيين .. الباقين انت عارف .. ههههه
|
Post: #14
Title: Re: الشيوعي مرق .. الأمة رجع ..!! قحت ام منزل أحر
Author: يحي قباني
Date: 11-14-2020, 10:27 PM
Parent: #13
| Quote: الامة عمل مقلب بت كلب للشيوعي.. |
سلام د. بشار ..
الامة الصادق حيوديها الكوشة ..
الرجل قال بعيد حساباته و بحاسب في روحه .. يعني .. شكله داير يعمل خطة خمسية بعد ما فشل في خمسين سنة ..
|
Post: #15
Title: Re: الشيوعي مرق .. الأمة رجع ..!! قحت ام منزل أحر
Author: يحي قباني
Date: 11-15-2020, 03:45 AM
Parent: #14
| Quote: أكثر حزب لا يحترم قراراته الفشنك!!!. |
هو وينو الحزب ده يا تيتاوي؟
واحد مخرّف .. و اتباع عمايا..
اللمام قال اقيفو .. اللمام قال اقعدو ..
بقو مضحكة .. 🙂
|
Post: #16
Title: Re: الشيوعي مرق .. الأمة رجع ..!! قحت ام منزل أحر
Author: adil amin
Date: 11-15-2020, 09:41 AM
Parent: #15
| Quote: هو وينو الحزب ده يا تيتاوي؟ |
لمن تخلو الشرمطة وتختو الصندوق ذى الحركة الشعبية في انتخابات 2010 لكن باسس جديدة هسة
بظهر طوالي الحزب في السودان والعزبة
كااااااك كاااااك
اخجلو ياخ لافين بينا صينية بي المحاصصة لي بتين ؟؟؟
|
Post: #17
Title: Re: الشيوعي مرق .. الأمة رجع ..!! قحت ام منزل أحر
Author: يحي قباني
Date: 11-15-2020, 10:04 PM
Parent: #16
| Quote: غير مستبعد وجود تحالف تحت التربيزه مع الكيزان برعايه العسكر -خازوق الكيزان - يتم الدفع فيه بكوادر كيزانيه -جديده غير معلومه التوجه من الجيل التانى-فى تركيبه الحكومه الجديده فى مستوياتها المختلفه |
و من غير الكاذب الضليل مؤهل للتآمر و التحالف و البيع المجاني ..
يا عاصم .. التاريخ شاهد .. و ما زالت هناك اجيال تشهد على تآمرات الكاذب الضليل عبر التاريخ ..
|
Post: #18
Title: Re: الشيوعي مرق .. الأمة رجع ..!! قحت ام منزل أحر
Author: يحي قباني
Date: 11-15-2020, 10:16 PM
Parent: #17
Quote: في دخول حزب الأمة وخروج والشيوعي دربكة وإضطراب
لا يشبهون الثوار في شئ
بدأت وكأن المسألة مناقرات ومغارز |
و هي اجندة الكيزان يا نصر .. .. الدربكة و الاضطراب حتى يجدوا المدخل ..
و بوابة الكاذب الضليل مجربة و مضمونة ..
|
Post: #19
Title: Re: الشيوعي مرق .. الأمة رجع ..!! قحت ام منزل أحر
Author: يحي قباني
Date: 11-15-2020, 10:26 PM
Parent: #18
Quote: هو زمان ما كنت الحكومة تبع حزب الامة
و السيد الصادق كان حمدوكا.
قلعها منهم البشير
الشعب قلعها من البشير
هو ح يدخل فيها و يسلمها للعسكر
حزب الامة سلم السلطة لي عبود
وسلمها للبشير. حتي اكتوبر ضيعها
بي انتهاك الدستور ...
العساكر ما بقدرو يعملوا انقلاب و هم الان يبحثون عن
سند خارجي حتي ولو في تل أبيب
و سند داخلي حتي لو بي بوخة مرقة
سلام يحي و ضيوف |
السند الداخلي متوفر و مضمون ..
الكاذب الضليل كوز متدثر في ثوب اجداده .. يتبعه الغلابا العمايا .. خوفا و رهبة و ولاءً كاذبا احيانا ..
سلامات يا صاوي يا صديقي ..
|
Post: #20
Title: Re: الشيوعي مرق .. الأمة رجع ..!! قحت ام منزل أحر
Author: يحي قباني
Date: 11-15-2020, 10:29 PM
Parent: #19
| Quote: لمن قلنا دي شرمطة ما سياسة زعلتو |
انت يا عوير امك لسه فرحان بالالفاظ التافهة دي ؟
الود صعلــوك يعني ؟
يعني هسي د. نجاة لامن تقرا جنس الفاظك دي يا ربي بتقول شنو ؟
|
Post: #21
Title: Re: الشيوعي مرق .. الأمة رجع ..!! قحت ام منزل أحر
Author: Nasr
Date: 11-16-2020, 00:02 AM
Parent: #20
Quote: انت يا عوير امك لسه فرحان بالالفاظ التافهة دي ؟
الود صعلــوك يعني ؟ |
ما رمي بعيد يا يحي
دا أذا أنا فهمت صاح
يا يحي وعادل وكل المشاركين
والله الوطن والثورة محتاجين ليكم كثير
كدوا سيبوا المفاققة والمغارز والمعارك في غير معترك وإتحاوروا
نرجع لموضوع الهبوط الناعم والذي يكثر من ترداده الشيوعيون
زمان كنت فاهم إنه الهبوط الناعم كانت دعوة للتصالح أو المشاركة
مع حكومة البشير
أها البشير هبط هبوطا خشنا
يعني سقط دل في الواطة
وهسع قاعد في زنزانة ذات بعوض وسخانة
طيب هسع الهبوط الناعم يعني شنو؟؟؟؟
هل يعني الرضوخ للعسكر وكأنه كل السلطة لهم، وكأنهم الأنقاذ 2؟؟؟؟
كما كان قرنق يقول عن إنتفاضة أبريل 1985؟؟؟
حكاية العسكر ودخولهم السلطة
دا كان نتيجة مفاوضات قبلت بها قيادة قحت
ودا توازن القوي قي السودان والذي أوصلنا لهذا الحل للأزمة السودانية
هو حل غير كامل ومؤقت لكنه كان هو الوحيد المتاح
يعني دعونا نقول أن النظام لم يسقط كليا
سقطت القيادة وبقيت "الدولة العميقة، الفلول، السدنة"
ما مشكلة
نحن بصدد إسقاطه كليا
وفي دي يحب توحد كل قوي الثورة
هبوط ناعم + هبوط خشن
يمين + يسار
قوي الرجعية + قوي التقدم
كلنا يجمعنا برنامج الحد الادني: حرية سلام وعدالة ومدنية خيار الشعب
والتحالف الواسع
وهو ما ظل الشيوعيون يدعون لهم منذ بيانهم الشهير
"الديمقراطية مفتاح الحل للأزمة" الذي صدر في حوالي عام 1977
والذي كان الاساس المتين للإنتفاضة التي أسقطت النميري
أي خروج علي هذا التحالف، المحتاجين ليهو ضروري لترسيخ الديمقراطية،
هو خرخرة أطفال سياسة كما نعتهم لينين في كتابه
مرض الطفولة اليسارية .
موقف حزب الأمة في دعم حكومة الثورة موقف مشرف جدا
ويقرب لأن يكون مقلب إبن كلب للشيوعيين كما قال د. بشار
ولا شنو ؟؟؟
وبعدين يا شباب صراعات يمين ويسار، ورجعية وتقدمية وما شابه ذلك
دي صراعات مؤجلة بعد ان نتخارج وللأبد من العسكر والحكومات العسكرية
في الديمقراطية ليتنافس المتنافسون
وزي ما قلت فوق الصراع قبل ذلك طفولة يسارية ليس إلا
|
|