معلومات تفيدك في استيراد سيارات للسودان

06:47 AM November, 12 2020

سودانيز اون لاين
Osman Musa-
مكتبتى
رابط مختصر

لسيارات المسموح انها تسافر الان هى الدينات الدفارات والشاحنات (رؤوس الترلات) سطحة تريله باصات هايس شريحة حافلات عموما نيسان يورفان متسوبيشى روزا 14راكب 25 راكب ومافوق .

وان تكون الدباجه فى السيارة على الباب سنة الصنع 2015 وذالك الى نهاية 2020 اما الحافلات عشان تسافر بدون استثناء لازم تكون سنة الصنع 2017
اما اذا كان سنة الصنع 2015 او 2016 دي لازم استثناء
اما السيارات
البكاسي _ والصوالين _ السيارات الصغيرة_ وسيارات الدفع الرباعي(الاستيشن ) الجيوب لاندكروزر -برادو -باترول -باجيرو الى اخره فاخر موديل 2015 ومابتخش الا بي استسناء حتي موديل السنه.

اما بالنسبة للتراكتورات لازم يكون جديد من الشركة لأنو التراكتور المستعمل مدعوم من الدولة السعودية للمشاريع الزراعيه داخل المملكة وممنوع يسافر لأنه فى الاصل مدعوم والدولة عندها نصيب في .

والاليات الثقيلة والشيلات والحفارات بتسافر مافيها مشكةبرضو دباجه ٢٠١٥ واذاموديلات اقل يكون عندها استثناء شركات استثمار .
وبالنسبة لسيارات التربتك (الافراج الموقت ) لن يسمح بجماركها وان كانت موديل السنة يعني تقضي اجازتك وتجي راجع بالسلامة ان شاءالله وحاليا مع الجايحه تسافر سيارة التربتك براه بدون السائق وانت تسافر بطريقتك لحدي مابواخر الركاب تشتغل.

سلام و امان
اما بالنسبة للتراكتورات لازم يكون جديد من الشركة
لأنو التراكتور المستعمل مدعوم من الدولة السعودية
للمشاريع الزراعيه داخل المملكة

يا عتمان جهجهتني...الان عندي صفقة لاثنين جرار
ماسي فيرجسون ٢٩٠ و ٢٨٥ موديل ٩٢ و ٨٩...للسودان
و شايفك كاتب المملكة...نورنا و اكد او صحح المعلومة

عارف يا عثمان..عندك طاقة إيجابية رهيبة تبارك الله
انا عن نفسي بحس إنه الدنيا بخير لما ادخل بوستاتك
ف..شكراً

السيدة الامدرمانية تماضر الطاهر
سلامات
الف شكر على حسن الظن الحلو منك .
السيارات الدخلت من ليبيا في ليل عاملة دوشة في بلدنا .
راحت زمانات العربات النضيفة و المرخصة .
حتي الآن نحنا في زمان ادقش اكسح امسح.
ربك يحقق للشهداء التغيير الماتوا من اجلو .

أخونا عمر نملة .
سلامات .
قالوا مسموح لعموم المهاجرين يخموا ويدخلوا للسودان سيارات .
الا أخونا عمر فرجينيا .
يا أخ عمر اسمع كلامي بيع واشتري في مكانك. السودان عذاب .
تحياتي .

يا أخ عمر نملة
لو داير تعمل فلوس وعندك قرشين.
بس تقع التروكترات في بلجيكا .
ودي شغلة مستلمنها الاخوان الجزائريين مع قليلين من
الإخوان من نيجيريا .
لكن في كل الحالات تعمل حسابك شديد .
ولو ما عندك معرفة تلعب في الأندية الأوربية حتتطقطق وتخسر
دولاراتك امام العنف النيجيري الجزائري .
يا نملة ياخ ملاعب البزينز في امريكا.
ملاعب امينة وصادقة .
والبضائع أجود . بس الشحن قروشو كتيرة.

احتياجات السودان الآن
الحفارات.
و الخلاطات والكسارات .

والبضائع أجود . بس الشحن قروشو كتيرة
نورنا ...هنا في اوربا الكونتير سعة ٦ تركتور
بين ٣٠٠٠ الي ٥٠٠٠ يورو...الشاحنة الراس ممكن
بالكتير ٣٠٠٠ يورو...كم في اميركا
ما تخاف عثمان بنتكلم هولندي قح...النيجيري
و شمال افريقيا فرنسي و انجليزي. ..دوريهم براهم