عن المؤتمر الصحفي للحزب الشيوعي

02:07 PM November, 11 2020

سودانيز اون لاين
عبدالرازق يوسف الحاج-المملكة العربية السعودية
مكتبتى
رابط مختصر

من خلال متابعتي للمؤتمر الصحفي للحزب الشيوعي طلعت بخلاصة الشيوعيين دبل مفتكرين
هم لوحدهم العارضوا نظام الجبهة الإسلامية ، وهم لوحدهم الأسقطوه بل هم لوحدهم الأسقطوا
الإستعمار والإحتلال وجميع الحكومات الديكتاتوريين ، وهم لوحدهم قيادة الوعي ونحنا كلنا بأحزابنا وأجسامنا
المفترض نكون ماشين وراهم بس ، وإنو الشارع بيعتبرهم طوالي ند الأخوان المسلمين ، هم لو فشلوا معناها الشارع بيقول
يا الأخوان المسلمين نحنا آسفين خلاص نحنا تبنا واتعظنا من بدائلكم تعالوا راجعين أحكموا ، ما شايفين غيرهم ،
ما عندهم أي احترام لنضالات الغير ، هم الصاح المطلق وماعدهم خطأ ، هم الحق المطلق وماعداهم باطل ، ماعندهم أي احترام للآخر ،
ولا عندهم تقدير لجهود الآخرين ، هم الثورة وماعداهم هبوط ناعم ، طيب الهبوط الخشن وين ؟
ده هو التفكير الحقيقي للأحزاب الأيدلوجية ، الفهم الحقيقي لكل التنطيمات الأصولية ، العقائدين السياسية بتجري في دمهم ،
ماعارف جايبين الثقة دي من وين ؟ حزب جاب المؤتمر الشعبي لقوى الإجماع وبتكلّم عن معارضة الأفكار والمفاهيم ؛
حزب ساهم في الإنقلاب على الديمقراطية بمعاونة العساكر ويتكلّم عن تجاوزاتهم ، هو منو الفتح الباب للعساكر ديل عشان يعرفوا درب السلطة ؟
وياتو شيوعيية في العالم كانت بتتحرّك بمعزل عن العساكر والإنقلابات ؟ وياتو شيوعية عندها نظام حكم محدّد ووسيلة محدّدة للوصول للسلطة متفق عليها من كل الشيوعيين ؟
بتجيبوا الثقة دي من وين ؟ من التاريخ ؟
الجماهير الإنتوا بتقودوها من سنة كم و40 ادتكم كم صوت ؟ كسبتوا بيها كم مقعد ؟
استخفافكم بالآخرين ده هو البخليكم عايشين في جزيرة معزولة .
هو البخليكم كلمة شاذة في كل التحالفات .
هو البخليكم تفضُّلوا الهروب من ملعب مواحهات انتوا الطلبتوا تلعبوها
مفتكرين حا تظلوا طول عمركم ملوك للحفر والتآمر ..
العالم من حولكم يتطوّر وانتوا ثابتين في مكانكم .
بتتحركوا بخطوات بعيدة جداً مو انها توصّلكم لأهدافكم ومراميكم .
شغالين بأدوات وآليات فقدت قيمتها .
بتفكروا ملعب الشارع ده خالي من الغيركم .
بتصنعوا لنفسكم أعداء في بلد ما ممكن يفوز فيها تاني حزب بأغلبية مطلقة في البرلمان زي الوطني الإتحادي بقيادة الأزهري في الديمقراطية الأولى .
فشلتوا حتى في إقناع كتلة قوى الإجماع الموجودين فيها بسلامة موقفكم .
المع خطكم مناضل وشريف وتقدمي ومستنير !
والما معاكم هبوط ناعم ومتخلف وتقليدي ورجعي !
فهمكم ده هو الخلاكم عاجزين عن إدارة أي حوار هادف يرمي للإصلاح ..
وخلاكم خسرانين أي معركة خضتوها مع أشقاء النضال .
حزبكم ده بطريقتو دي قاعدين فيهو كيف ؟
دور العضو فيهو شنو ؟ وحقو وين ؟
لجنة مركزية تستلم من مؤتمر وتسلْم مؤتمر جاي وبين المؤتمرين تعمل العاوزو تعملو ومع على العضوية الا السمع الطاعة !!
مافي أي مساحة لإستصحاب الواقع المتغيٍّر .
مافي اي مساحة لمواكبة الاحداث بقراءة جديدة .
البرامجية دي عيبوها لي ..
مالكم عاملين في نفسكم كده ..؟
الايدلوجيا دي حا تغطّس حجركم ..
إفتراكم الفي الفاضي ده ماحا يخلي ليكم صديق .
حا تعيشوا طول عمركم في وهمكم ده مستخفين بنضالات الغير ، ناكرين لمجهوداته العظيمة ، مع أن الشواهد قدامكم واضحة جليّة .
حزب جاي من الخارج فوق حيل أجندة دولية ويتكلّم عن الأجندة الخارجية التقول خرج من صميم الشعب ومن عمق النضال .
الله يكون في عونكم ياخ .
شيوعيين المركز ديل خارج التغطية .
بيحاولوا بشكل مستمر تغطيس حجر الحزب .
وكل محاولات إلصاق صفات الوطنية والصمود والثبات والتحدّي والثورية والحرص على مصالح الجماهير على الحزب هي محاولات فاشلة مافايته حدود الكلام النظري ، بإختصار هي محاولة وضع منكير على ضفر نملة .

الشريف الحامدابي

Quote: ما شايفين غيرهم ، ما عندهم أي احترام لنضالات الغير ، هم الصاح المطلق وماعدهم خطأ ، هم الحق المطلق وماعداهم باطل ، ماعندهم أي احترام للآخر ، ولا عندهم تقدير لجهود الآخرين ، استخفافكم بالآخرين ده هو البخليكم عايشين في جزيرة معزولة .

غايتو لو ما كتبت في العنوان الحزب الشيوعي . .
كنت افتكرتك بتقصد الكيزان بالمواصفات الفوق دي . .
تحياتي اخ عبد الرازق

سلام عليكم عبد الرازق
آمنت بالله! الحامدابي دا بلخ لخ زي اللخ :)
عموما هذا هو فيديو المؤتمر عشان الناس تقيم

Quote: من خلال متابعتي للمؤتمر الصحفي للحزب الشيوعي طلعت بخلاصة الشيوعيين دبل مفتكرين هم لوحدهم العارضوا نظام الجبهة الإسلامية ، وهم لوحدهم الأسقطوه بل هم لوحدهم الأسقطوا الإستعمار والإحتلال وجميع الحكومات الديكتاتوريين ، وهم لوحدهم قيادة الوعي ونحنا كلنا بأحزابنا وأجسامنا المفترض نكون ماشين وراهم بس ، وإنو الشارع بيعتبرهم طوالي ند الأخوان المسلمين ، هم لو فشلوا معناها الشارع بيقول يا الأخوان المسلمين نحنا آسفين خلاص نحنا تبنا واتعظنا من بدائلكم تعالوا راجعين أحكموا ، ما شايفين غيرهم ، ما عندهم أي احترام لنضالات الغير ، هم الصاح المطلق وماعدهم خطأ ، هم الحق المطلق وماعداهم باطل ، ماعندهم أي احترام للآخر ، ولا عندهم تقدير لجهود الآخرين ، هم الثورة وماعداهم هبوط ناعم ، طيب الهبوط الخشن وين ؟ ده هو التفكير الحقيقي للأحزاب الأيدلوجية ، الفهم الحقيقي لكل التنطيمات الأصولية ، العقائدين السياسية بتجري في دمهم ، ماعارف جايبين الثقة دي من وين ؟ حزب جاب المؤتمر الشعبي لقوى الإجماع وبتكلّم عن معارضة الأفكار والمفاهيم ؛ حزب ساهم في الإنقلاب على الديمقراطية بمعاونة العساكر ويتكلّم عن تجاوزاتهم ، هو منو الفتح الباب للعساكر ديل عشان يعرفوا درب السلطة ؟ وياتو شيوعيية في العالم كانت بتتحرّك بمعزل عن العساكر والإنقلابات ؟ وياتو شيوعية عندها نظام حكم محدّد ووسيلة محدّدة للوصول للسلطة متفق عليها من كل الشيوعيين ؟ بتجيبوا الثقة دي من وين ؟ من التاريخ ؟ الجماهير الإنتوا بتقودوها من سنة كم و40 ادتكم كم صوت ؟ كسبتوا بيها كم مقعد ؟ استخفافكم بالآخرين ده هو البخليكم عايشين في جزيرة معزولة . هو البخليكم كلمة شاذة في كل التحالفات . هو البخليكم تفضُّلوا الهروب من ملعب مواحهات انتوا الطلبتوا تلعبوها مفتكرين حا تظلوا طول عمركم ملوك للحفر والتآمر .. العالم من حولكم يتطوّر وانتوا ثابتين في مكانكم . بتتحركوا بخطوات بعيدة جداً مو انها توصّلكم لأهدافكم ومراميكم . شغالين بأدوات وآليات فقدت قيمتها . بتفكروا ملعب الشارع ده خالي من الغيركم . بتصنعوا لنفسكم أعداء في بلد ما ممكن يفوز فيها تاني حزب بأغلبية مطلقة في البرلمان زي الوطني الإتحادي بقيادة الأزهري في الديمقراطية الأولى . فشلتوا حتى في إقناع كتلة قوى الإجماع الموجودين فيها بسلامة موقفكم . المع خطكم مناضل وشريف وتقدمي ومستنير ! والما معاكم هبوط ناعم ومتخلف وتقليدي ورجعي ! فهمكم ده هو الخلاكم عاجزين عن إدارة أي حوار هادف يرمي للإصلاح .. وخلاكم خسرانين أي معركة خضتوها مع أشقاء النضال . حزبكم ده بطريقتو دي قاعدين فيهو كيف ؟ دور العضو فيهو شنو ؟ وحقو وين ؟ لجنة مركزية تستلم من مؤتمر وتسلْم مؤتمر جاي وبين المؤتمرين تعمل العاوزو تعملو ومع على العضوية الا السمع الطاعة !! مافي أي مساحة لإستصحاب الواقع المتغيٍّر . مافي اي مساحة لمواكبة الاحداث بقراءة جديدة . البرامجية دي عيبوها لي .. مالكم عاملين في نفسكم كده ..؟ الايدلوجيا دي حا تغطّس حجركم .. إفتراكم الفي الفاضي ده ماحا يخلي ليكم صديق . حا تعيشوا طول عمركم في وهمكم ده مستخفين بنضالات الغير ، ناكرين لمجهوداته العظيمة ، مع أن الشواهد قدامكم واضحة جليّة . حزب جاي من الخارج فوق حيل أجندة دولية ويتكلّم عن الأجندة الخارجية التقول خرج من صميم الشعب ومن عمق النضال . الله يكون في عونكم ياخ . شيوعيين المركز ديل خارج التغطية . بيحاولوا بشكل مستمر تغطيس حجر الحزب . وكل محاولات إلصاق صفات الوطنية والصمود والثبات والتحدّي والثورية والحرص على مصالح الجماهير على الحزب هي محاولات فاشلة مافايته حدود الكلام النظري ، بإختصار هي محاولة وضع منكير على ضفر نملة . الشريف الحامدابي

الكيزان والشيوعى وجهان لعمله واحده...يعانون من جنون العظمه ويتناسون بان كوادرهم وقياداتهم كانوا معنا فى الحله والدافورى والثانوى والجامعه زيهم وزى باقى الناس...انا ما عارف مين الدخل ليهم جنون العظمه ده فى مخهم؟
حتما انها التربيه الحزبيه الخربه الفاسده

دودى