Post: #6 Title: Re: تقولو جنيت تقولو سكران مش فارقة معاى انا ن Author: بدر الدين الأمير Date: 11-10-2020, 10:13 PM Parent: #5
الحشرى منتصر اول مرة تحشرك يكون مفيد
Post: #7 Title: Re: تقولو جنيت تقولو سكران مش فارقة معاى انا ن Author: بدر الدين الأمير Date: 11-11-2020, 04:10 AM Parent: #6
يالحشرى منتصر انا متردد انزل فلم وحاسى ان هناك مؤامرة مدبرها انت وابوالحسين بالعبرية رسل ليك الفلم وطلب منك ترسلو للعريبى الداقس عشان ينشرو وهو يجى يطالبنى بحقوق الملكية الفكرية لان مخرج الفلم الشاعر على عبدالقيوم جد اولادو ويقوم يتلحنى ويكرهنى المنبر
شوفلك زول يسويلك نقرسان لتحديد الحالة، قد لا تستدعي دق الظار ...
Post: #9 Title: Re: تقولو جنيت تقولو سكران مش فارقة معاى انا ن Author: بدر الدين الأمير Date: 11-11-2020, 06:37 AM Parent: #8
معقولة بس ياودالمدير نحن من حميدتى لطرمب ومن طرمب للكباشى والتعايشى والقحاتا والمهنين وحردان الحزب الشيوعى والتطبيع والبرهان وفيصل محمد صالح وتاور والكرونة برضك جاى تستكسر على الظار
سلام و محبة بعد اسبوع شغل و تعب ركبت القطار و نزلت في محطة اوتريخت اكبر و اجمل محطة قطار في هولندا..و عندها في الصالة الرئيسية دائما فرق موسيقية مهم مع الضغوطات رميت شنطتي و نزلت الداره...بعد خلصت القى لقيك عصام وايمان ميتين من الضحك... انت يا بدر ظار يعني شنو
Post: #16 Title: Re: تقولو جنيت تقولو سكران مش فارقة معاى انا ن Author: بدر الدين الأمير Date: 11-11-2020, 08:48 AM Parent: #15
الظار خشم بيوت بس ياعمر شكلو ظارك حبشى
Post: #17 Title: Re: تقولو جنيت تقولو سكران مش فارقة معاى انا ن Author: بدر الدين الأمير Date: 11-11-2020, 09:12 AM Parent: #16
ياسر العيلفون ياخى ليك مدة مابنتا ضغوطات الحياة ياسر كوم وانو كل يوم يلاقيك فى المنبر الفقر ابوالحسن بالعبرية كوم تانى
Post: #18 Title: Re: تقولو جنيت تقولو سكران مش فارقة معاى انا ن Author: بدر الدين الأمير Date: 11-11-2020, 09:39 AM Parent: #2
يقولوا الظار هو الأسم الذي يطلق على الحفل الذي يقام بغرض تهدئة الأرواح وان الظار ابتكرتة الحضارات السودانية القديمة للعلاج النفسي والناس تروح عن فسها بالموسيقي وهروب من الكبت الاجتماعي والضغوط النفسية ويقوموا الجماعة ياخدو راحتهم في الرقيص ويحتوا حت صاح دستتور ياود الامير طلباتك
ود الامير هاشم منو ..هاشم دا خالي اخوالمهندس محمد الشيخ المعلق بعدي انت الظاهر دستورك تقيل وطالباتك مابقدروا عليها الا ناس الخرطوم2
Post: #25 Title: Re: تقولو جنيت تقولو سكران مش فارقة معاى انا ن Author: بدر الدين الأمير Date: 11-11-2020, 01:18 PM Parent: #24
هشام يادرديرى يعنى زيادت ألف وقفتك الف احمر مالك دايرنى اصنفك مع ابوالحسين بالعبرية كدى شاهد فلم الشاعر والمخرج الراحل على عبدالقيوم كى اعود معك للذاكرة الجمالية مع على واسرته بالدوحة
فلم الظار- (اربعة ايام فى جزيرة سعاد) للمخرج على عبدالقيوم ..
دستور يا امير ..
Post: #28 Title: Re: تقولو جنيت تقولو سكران مش فارقة معاى انا ن Author: بدر الدين الأمير Date: 11-11-2020, 02:07 PM Parent: #26
تعرف يادرديرى انا بعتبر نفسى زول محظوظ جدا وغنى جدا تخيل تكون مقيم في دولة قطر ويكون فيها التشكيلى العالمى ابراهيم الصلحى ومؤسس مدرسة الغابة والصحراء ابى فى المعرفة الشاعر والمترجم النور عثمان ابكر ومن ثم فنان الفنانين مصطفى سيد احمد والشاعر الحالم على عبدالقيوم وعالم الانثر بلوجيا اى علم الاجناس دكتور اسماعيل الفحيل وغيرهم من رموز الابداع فى بلادنا وتكون صلتك بهم اباء وصدقاء و تلتقيهم بشكل شبه يومى تتلمذ وتتعلم وترى مالايورى اقف هنا واعود كي احدثك عن سلمى عبدالله ارملة الراحل على عبدالقيوم وماهو ثايت فى الذاكرة الجمالية
Quote: و تلتقيهم بشكل شبه يومى تتلمذ وتتعلم وترى مالايورى
دي الحاله ؟
Post: #30 Title: Re: تقولو جنيت تقولو سكران مش فارقة معاى انا ن Author: بدر الدين الأمير Date: 11-11-2020, 02:38 PM Parent: #28
الاخت والصديقة سلمى عبدالله ام غسان ارملة على عبدالقيوم انسانة الخصال السمحة هاشة وباشة وبلغتنا نحن عرب الجزيرة امراة ضيوف اى مضايقة المهم وقتها كانت تقيم قبلها فى قطر بنت عمها وصديقتها طاهرة عبدالحميد زوجة استاذ اللغة الانجليزية بجامعة قطر وقتها مسعود محمد على قبل هجرتهم لامريكا وطاهرة دى شهادتي فيها مجروحة وكلامى عنها يطول بس خلونا في سلمى عبدالله بعود واحكى عن سلمى عبدالله
Quote: من حميدتى لطرمب ومن طرمب للكباشى والتعايشى والقحاتا والمهنين وحردان الحزب الشيوعى والتطبيع والبرهان وفيصل محمد صالح وتاور والكرونة
بوست ظريف قلنا نريح من القرف دا على قولك ياأمير .... البوريه حار والله ...... دستور يا أهل اللهي ...
Post: #34 Title: Re: تقولو جنيت تقولو سكران مش فارقة معاى انا ن Author: بدر الدين الأمير Date: 11-12-2020, 00:21 AM Parent: #33
الاجنبى دينق اخصائي الجن والعفاريت عارف ناشد الحبوب بابكر قدورة حبابكم عشرة بلا تكشيرة قبل ان اوصل الكلام عن سلمى عبدالله اضيف انه بعد رحيل مصطفى سيد احمد انضم لكوكبة المبدعين السودانين المقيمين بقطر الكائن الشعرى محمد الحسن حسن سالم حميد وقبله كان الفنان هاشم ميرغني أحيانا لمن تلم بى زهجة وملل من طول الغربة اذهب لصديقتى الاكثر من عزيزة المعالجة النفسانية الكاتبة والاكاديمية القطرية دكتورة موزة المالكى وأخبرها بقرارى الحاسم انى انوى العودة للسودان بشكل نهائى كفانى غربة واغتراب ويجينى ردها الساخر الساحر يالخبل انت ويش خصك فى السودان انت في قطر صار عندك قبور كناية عن قبر عمى المربى الجليل على الامير الذى وفد لدولة قطر فى نهاية الستينيات وهو سبب وفادت ابى لدولة قطر ووفادتى المبكرة لها وبلمقابل قبرى الفنان هاشم ميرغنى والشاعر النور عثمان ابكر واعود منها بقرارى للعودة بخفى حنين
لا حول ولا قوة الا بالله... معقولة الفنان هاشم مرغني والشاعر النور عثمان ابكر مدفونين في قطر!!!؟ والله كان مفروض ينقلوا الجثامين عند وفاتهم للسودان ودفنهم هناك في وطنهم الام فهما من رموز الفن والشعر في السودان.. اللهم ارحمهما واغفر لهما وادخلهما الجنة...واللهم ارحم عمك رحمة واسعة وادخله الجنة. وما هذه الدنيا الا رحلة قصيرة وما يتبقى الا الذكرى الطيبة العطرة...
Post: #36 Title: Re: تقولو جنيت تقولو سكران مش فارقة معاى انا ن Author: بدر الدين الأمير Date: 11-12-2020, 01:04 AM Parent: #34
طاهرة عبدالحميد وشخصى كنا نكنى سلمى عبدالله برهينة الشينات التلاتة وطاهرة كانت تحب ان تزور بنت عمها سلمى فى وقت الظهيرة اي قبل ان تبدا سلمى مناوبتها مع الشينات التلاتة وكنا حين نزور سلمى عبدالله فى بداية اقامتها بقطر وتسالها طاهرة مالك مرهقة ترد سلمى على طاهرة بسخرية المحب اعمل شنو يابت عمى انا لمن يطلعو الشايقية كناية عن اهل على عبدالقيوم بجو الشيوعين وبرضو كناية عن انتماء على للحزب الشيوعى وبعد مايطلع الشيوعيين بجو الشعراء كناية عن كون على شاعر النور عثمان ابكر وعبدالحمن مدنى والاخير ابن عمة واخالة على عبدالقيوم ونديده فى المراحل الدراسية وعبدالرحمن اقتصادى ومترجم تحريرى لايشق له غبار مازال مقيم بقطر غير انه حكاى من طراظ فريد عندو طيبة وتسامح انا شخصيا بضايقنى طيبته وتسامحه المهم النور ابكر وعبدالرحمن مدنى متفقين ان كل اشعار على عبدالقيوم مستلهما من ملهمته سلمى عبدالله على فكرة سلمى وطاهرة حفيدات الخليفة عبدالله التعايشى
Post: #37 Title: Re: تقولو جنيت تقولو سكران مش فارقة معاى انا ن Author: بدر الدين الأمير Date: 11-12-2020, 01:41 AM Parent: #36
امتثال عبدالله يابت ياراسية ورزينة أصدقائى دكتور اسماعيل الفحيل والكويتة امنة راشد الحمدان وكلامها علماء نثربلوجيا صدرو كتاب بعنوان رحلة الميلاد والموت فى الخليج اتمنى ان اجد متسع من الوقت كى اجلب شذرات منه الكتاب صدر عن مركز التراث الشعبى لدول الخليح العربى وكان مقره دولة قطر قبل ان يغلق وكل دولة تشيل تراثها الشعبى امنة عادت للكويت وعلى فكرة امنة كانت بتشرف على برفات حفلات مصطفى سيد احمد فى الدوحة دكتور اسماعيل الفحيل غادر الدوحة الى ابوظبى مدير وخبير فى التراث وبعدها نزل المعاش ولان هو مدير وصاحب
Post: #38 Title: Re: تقولو جنيت تقولو سكران مش فارقة معاى انا ن Author: بدر الدين الأمير Date: 11-12-2020, 01:53 AM Parent: #37
عندك اولريدي السيجار والبلو ليبل عارفك مقاطع الكورڤوازير عشان ماكرون وكده ناقصك الطربوش الأحمر ، من معرفتي بيك ظارك بشير لومي خش اليوتوب شغل الاستاذة ننوسة وبالعدم الاستاذة حنان باكمبا وانزل ولا هماك شي
Post: #40 Title: Re: تقولو جنيت تقولو سكران مش فارقة معاى انا ن Author: بدر الدين الأمير Date: 11-12-2020, 02:25 AM Parent: #39
الحشرى الضلالى منتصر هل تعلم ان المنسق العام لشركة اوكسينت هى زوجتى الحالية دكتورة منال السر ام امير
امس جاتنى وقالت لى انا دايرة عقد عملين معك قلت عقد العمل الاول مفهوم ومن حقك بس عقد العمل التانى لزومو شنو قالت اسال ولدك امير ذو الخمسة سنوات هل اقطعها فى مصارينى ولا اسال امير
Quote: الشاعر والمترجم النور عثمان ابكر ومن ثم فنان الفنانين مصطفى سيد احمد والشاعر الحالم على عبدالقيوم وعالم الانثر بلوجيا اى علم الاجناس دكتور اسماعيل الفحيل
انت عارف ياود الامير انت زول شيخ يزوروا فوقك ...الناس الذكرتهم في السطرين ديل من انبل واجمل السودانيين ولنا حظ مع ابوثامر قبل هجرته قضينا معه اجمل الايام في المكتبةالقبطية وكذلك بالجماهيرية الليبية ( ايام لها ايقاع ) مش بتاعت طلعوا ميتينا زاتو .
Post: #43 Title: Re: تقولو جنيت تقولو سكران مش فارقة معاى انا ن Author: بدر الدين الأمير Date: 11-15-2020, 01:02 AM Parent: #42
تهارقا ياموسيقى ياعجوز هل الايقاعات النوبية فيها ايقاع ظار فى طفولتى شاهدت الظار ويقاعات الظار باربجى وفى بواكير الشباب والاغتراب شاهدت الظار بقطر وكان هناك حى النجمة بالدوحة فيهى بيوتات متخصصه فى الظار فى نهاية كل اسبوع كنا نذهب له والظار العندهم فى قطر قادم من سلطنة عمان ومن يقوم بطقس الظار هم عمانين تختلف الطقوس بس نفس الايقاع الذى ياخذك الى حيث تدرى ولاترى
الظار موسيقى سودانية تحتاج للتوثيق والتطوير.. لكن تقول لمنو.. إلا محمد الامين حفظه الله. وأرجو أن لا يفنى هذا الإرث قبل توثيقه وتطويره حتى يكون فى العلن ويستمتع به الجميع.. رجال ونساء، بعد أن نبقى على إيجابياته الموسيقة الإيقاعية ونترك سلبياته (إلا من باب الحفاظ على التراث)
Post: #45 Title: Re: تقولو جنيت تقولو سكران مش فارقة معاى انا ن Author: بدر الدين الأمير Date: 11-15-2020, 02:11 AM Parent: #44
ابو الريش تعال تعال ماتخمنا وتمشى انت زول من شرق السودان عندك تلاقح ثقافات وانا في تقديرى الظار وطقوس الظار جاتنا من الشرق حيث جيرانكم الاثيبوبين اى الأحباش واشهر ظار عندنا هو الظار الحبشى والرقيص الحبشى الذى يحرك ويمنح كل اعضاء الجسد كامل الحرية للتعبير بالرقص عبر الايقاع عن مكنونات الجسد وبلغة الجسد ماموجود عندنا على الاقل فى الوسط النيلى فى تقديرى هو كبت للمراة ان لاتعبر بالرقص اولغة جسدها لذا تتحايل وتلجا المرأة للظار كحل وسط بين ان تتهم بالجنون اوتفرغ طاقتها بهذا الرقص وتلك الايقاعات والطقوس
Quote: فى تقديرى هو كبت للمراة ان لاتعبر بالرقص اولغة جسدها لذا تتحايل وتلجا المرأة للظار كحل وسط بين ان تتهم بالجنون اوتفرغ طاقتها بهذا الرقص وتلك الايقاعات والطقوس
اهلا بدر.. كلامك دا هو رأيى انا برضو.. كلام مظبوط. الحياة زى الموية .. إما تخليها تمشى على طبيعتها.. او تحجزها.. ولكن حجزها لا يمكن ان يكون للأبد. وإلا فسوف تدمر سد النهضة وتغرق السودان وتعدى على السد العالى وتدمر مصر. الظار هو نفس الموسيقى ولكن عن الرجال تسمى فن الرقص والموسيقى وعند النساء تسمى فض الكبت. لكن الحجر على المرأة (جاء بخيره) لهن.. يعنى المرأة بدل ترقص وتفرتك هى الان ترقص على كيفها وتنطط وترقص brakedance كمان وبعد داك تطلع ليها بدهب جديد وخروف ..الخ حسب الدستور بتاعها .. يعنى النسوان ضحكوا على الرجال.. وتانى يوم صاحباتها يقولوا الحمد لله فلانة بقت كويسة.. هههههه
Quote: وطقوس الظار جاتنا من الشرق حيث جيرانكم الاثيبوبين اى الأحباش واشهر ظار عندنا هو الظار الحبشى والرقيص الحبشى الذى يحرك ويمنح كل اعضاء الجسد كامل الحرية
الأغنية للفنانة الإثيوبية أمْسَالْ مَتَكِّي وهي مغنية تنتمي لقبيلة "الوُلُو" وهي هنا تتغنى بهذه الأغنية لإقليم "القُجَّامْ" ومنطقة القجام من أجمل المناطق في إثيوبيا حيث تكثر فيها الخضرة والمياه ومن مدنها "بحردار" حيث ينبع النيل الأزرق من بحيرة تانا وطقسها لا تتعدى درجة الحرارة فيه طول العام عن 17 درجة مئوية وكانت قبل الميلاد تعرف بمملكة قجام ويمتد ضلعها الغربي في شكل مثلث حتى يبلغ مدينة مروي القديمة فيما يعرف الآن بالسودان ولعل هذا هو السبب في انتقال الزار الحبشي للسودان وانتقال رقصة القجام إلى الزار في السودان أنظر إلى الرقص عند القجام في بداية الشريط وفي وسطه وآخره وإلى رقصة الزار في السودان فكلهم يرقص إيقاعاً على أربع .. ولا ننسى أن نشير إلى أن الرقصة في هذه الأغنية تختلط ببعض حركات الإسكستا التي يرقصها الأمهرا بالصدر ويرقصها الولو بالأكتاف .. بقي أن نقول المرأة القجامية كما يقول الإثيوبيين هي الأكثر جمالاً من بين نساء إثيوبيا وهذه تحتاج لشرح ليس مكانه هنا .. أرجو الإحتفاظ لي بالحق في هذه المعلومة الخاصة بانتقال الزار من القجام إلى السودان ....
بوست دسم وجهجه باكاتنا من أربجي والعيكورة والعمارة طه وطابت الشيخ عبد المحمود والفريجاب وود بهاي ... ياخي الأيامات دي بوستات عن زمان وناس زمان وحاجات زمان بوست مايكل جاكسون وأسع الظار ... كونك قابلت الشخصيات دي يا ود الأمير إنت من القلائل المحظوظين في دنياهم ... يا الله حُسن الخاتمة ...
Post: #50 Title: Re: تقولو جنيت تقولو سكران مش فارقة معاى انا ن Author: بدر الدين الأمير Date: 11-18-2020, 00:44 AM Parent: #49
بابكر قدور ماقصرت تب اخونا الفنان المسرحى اوكما اكنيه بالكاين الدرامى محمد السنى دفع الله عندو مقولة لا يمل من ترديدها وهى انو اي سودانى عندو ظار حبشى تقوم تقول ليهو يعنى شنو يقوم يقوليك فسر براك
Post: #51 Title: Re: تقولو جنيت تقولو سكران مش فارقة معاى انا ن Author: بدر الدين الأمير Date: 11-18-2020, 00:57 AM Parent: #50
نزار عبدالوهاب بلا اربجي بلا ريفى الحصاحيصا بلا الجن الاحمر انا ظارى سعب سعب وسعب هل تصدق انو زوجتى موظفة عندى فى الشركة وزميلة فى منبر سودانيزاونلاين بتكتب بسم نجمة وهى وولدنا امير ساكنين معى فى نفس البيت ياخى انا ماقلت اعملو لى كشف انا طالب تدقو لى ظار وداير افتو افتو وافتو
ههههه يا الامير جايب لينا خروف وتقول : زار دى الاّ تكون "عزومة وفرح " او زار عصري . الزار الزار بيكون بي ديك و اهم الشروط ان يكون ديك احمر والادخنة تكون ماليه المكان .
Post: #56 Title: Re: تقولو جنيت تقولو سكران مش فارقة معاى انا ن Author: بدر الدين الأمير Date: 11-18-2020, 07:10 AM Parent: #55
خلاص يا اخلاص قررتى تفنشينى وتسفرينى اربجى ياحليك ياود الباوقة كنت لى سند وعضد
Post: #57 Title: Re: تقولو جنيت تقولو سكران مش فارقة معاى انا ن Author: بدر الدين الأمير Date: 11-18-2020, 07:17 AM Parent: #56
علاء سيد احمد قصدك صدك مشتاقين اناقصدى فوق الضفائر ولع لى النحرقو