لماذا لم تشارك قحط ومجلس الوزراء في تشيع جنازة الشيخ نورين؟ محمود الدقم!!!دا كلام شنو يا ناس؟؟؟؟

09:02 AM November, 08 2020

سودانيز اون لاين
Hassan Farah-جمهورية استونيا
مكتبتى
رابط مختصر

انتقل الي ربه الشيخ نورين الحافظ لكتاب الله اثر حادث حركة مروع واليم، نسال الله له الرحمة والمغفرة والرضوان والجنان العلي، والشيخ نورين محمد صديق احد اعلام البلاد واحد الوجوه الدعوية حتي خبر نعية جاء عقب عودته من رحله دعوية كان قد اتمها واكملها الراحل المقيم باذن ربه، لكن اجله ورحيله الي بارئه كان اقرب.

في مثل هذه المناسبات الحزينة، تـأتلف القلوب، وتجتمع بمخلتف توجاتها السياسية للمشاركة في الحدث بشكل او باخر، مثل اصدار بيان نعي مثلا، المشاركة في تشيع الجثمان، ارسال رسالة خاصة عبر وسائل الاعلام الي اسرة الفقيد من قبل هذا الحزب، او المسؤول او مكتب الوزراء الخ.

ومن حسنات االبشير الشبه يتيمة التي اتي عليها في حياته انه كان مجاملا في البكائيات والحزن،فكان عندما يسمع بوفاة شخصا ما معروف يمتطي سياراته ويهرع الي المقابر ليكون واحدا من الحضور وفي الصفوف الامامية، فلقد شارك البشير في تشيع جنازة الشيخ السلفي محمد سيد حاج وغيرهم،
النسبة للسادة في قحط واحزابهم الكثيفة المتناسلة يوميا، لم نري واحد منهم شارك في تشيع الشيح نورين، ولم نري ممثلا لمجلس الوزراء مثلا شارك ممثلا لحمدوك في هذه الفعالية، صحيح ان الامر نسبيا يعتبر شيء رمزي لكن دلالاته المعنوية ولاسيما في زمن التطبيع مع اسرائيل هذه الايام ستكون ذا نفع ومردود ممتاز للحكومة.

ولمريدي الشهيد الفقيد نورين صديق ستكون جد عظيمة وكبيرة وستكون نقطة ايجابية للراي العام السوداني بان هناك وفدا من مجلس الوزراء مثلا او اي حزب من احزاب قحط قد شاركت في تشيع الجنازة.

الادهي والامر ان حتي وزارة الشؤون الدينية كانت في غياب تام ايضا علي كل حال فصل الدين عن الدولة والعلمانية لا تعني ابدا عدم المجاملة فهذه امور تعتبر من ابجديات الدبلوماسية الشعبية المحلية و حكومة قحط في اشد الحوجة اليها وبشدة، من باب التقارب الاجتماعي، غير ان المجاملة في الوفيات واحدة من اهم وابرز خصائص المجتمع السوداني في الماضي والحاضر، فهل وعيت قحط الدرس؟؟
محمود الدقم
[email protected]

تعليقات:
عامر عثمان:
هذا كلام أبله أراد به هذا الدقم ان يأت على خصلة – يعتقد هو هذا الدقم _ إنها من حسنات أسوأ شخص مر على تاريخ السودان إن لم يكن على تاريخ البشريه جمعاء .. أسأل نفسك يادقم كم روحا أزهقها هذا الشرير .. ؟؟ إذن كان يقتل القتيل ويمشى فى جنازته ..؟؟ ألم يات بفرية ماجاءت فى التاريخ أن يجبر الأمهات على زغاريد الفرح ليلة مقتل فلذات أكبادهن .. ؟؟ ثم أأنت تتربص لكل هنيهة حتى تكيل الذم والسباب للثورة ومكوناتها حتى لو ان المناسبة غير أو أن الموضوع لايستحق .. ؟؟ ويعنى لو لم تجد ماتوجه سهامك المسمومه تجاههم تختلقها .. ؟؟ ثم هل بشيرك هذا رغم أنك وبغفلة قد اجبت ( فكان عندما يسمع بوفاة شخص ما معروف .. !! ) وعلامات التعجب من عندى .. وأسألك يذهب فقط للمعروفين ؟؟ يا رجل زدت هذا الشرير كيل بعير فوق سوئه وشروره .. !!
نصيحة لك نحن فى عهد الحرية والديمقراطية التى حرمنا منها ذلك الشرير .. فقل ما تشاء وأكتب ماتريد فقط سوى المعقول .. !!
سعد الين عبد الحميد:
أخي محمود..معذرة..فعنوانك مثير للفتنة..التي لعن الله من يوقظها..
ما الذي كسبه من شيعهم البشير..ومن عزاهم ونعاهم..وهو يقتل ويسرق الأحياء والأموات؟
يتغيب بعضنا عن تشييع هذا او ذاك لظروف شتى..ومنا من اعتاد ان يحرم نفسه من أجر اتيان هذه الفضيلة..ومع ذلك لا نقاطعه او نثير حوله اي شبهة شخصية ..
يبدو لي سؤالك عن غياب هذه الجماعة او تلك المؤسسة عن مناسبة دينية او اجتماعية طارئة كالوفاة مستغربا..وانت تربطه بزمان التطبيع وفصل الدين عن الدولة.. ما يحمل مقالك اكثر مما قال.
الرحمة والمغفرة للشيخ نورين ورفقائه..ولكافة موتانا..وهدانا الله واياكم الى ما يجمع وليس الى ما يفرق.

حرية التعبير:
المخلوع قتل ما يقارب مليون شخص ،،600الف في الجنوب بإقرار الترابي نفسه عندما باغته مذيع بأن قتلى حرب الجنوب2مليون حسب الحركة الشعبية،فأنكر الترابي ذلك وقال إن العدد لا يتجاوز 600الف ،،وأن البقية ربما قضوا بالجوع أو المرض،،فتامل،،،المخلوع قتل 300الف في دارفور ،بحسب المحكمة الدولية،،إبادة جماعية،،،المخلوع قتل الشعب في النيل الازرق ،وجنوب كرفان ،،دا غير شهداء سبتمبر وديسمبر وكجبار وبورتسودان و الفاشرو شهداء الحركة الطلابية والمعتقلات وغيرها،،فمجرد إيراد اسمه مقزز ،،،،وبشيرك لم يحضر جنازة الترابي ذاتو،،،والترابي حضر جنازة نقد الشيوعي العلماني،،وعشرات الالاف شيعوا محمود عبد العزيز،،ومن قبله مصطفى سيد احمد،،،وحكاية فلان جا وعلان ما جا،، ماجميلة،شوف غيرا،،شوف ليك مدخل مقنع للهجوم على الانتقالية وخليك من الابتزاز العاطفي ..واهم حاجة مخلوعك دا، لا مكان له في اي سياق غير القتل والسرقة والعنصرية والخراب،…رحم الله الفقيد ورفاقه.

بكري الصائغ:
لماذا لم تشارك قحط ومجلس الوزراء في تشيع جنازة الفنان الراحل/ عثمان مصطفي؟!!

دا دقمنا ولا واحد تاني؟

غايتو البرهان وحمبدتى لحقو القصه
حميدتى نعى فى حساباتو فى الوسائط والبرهان حسب الصوره المتداوبه انو مشى عزى

تويتة خلاص كفاية
كان جابت ليها مشي مقابر خلاص الوزراء يبطلوا شغلهم ويتفرغوا للبكيات عشان ما نبقى في مالكم عزيتو فلان وما عزيتو في فلان
علماً بإنه أي زول عاجبنوا الفلالين بتاعينو

Quote: تويتة خلاص كفاية

هههههه ... تفكير ليبرالي شيوعي ... يعني لا فاتحة
لا ترحم لا نخجه نخجتين ...
طيب قروش الكشف تحولوها بي بنكك ولا الدباره شنو ...
غايتو المسعولين البمشو بيت البكا عندهم ظرف مليان
بدخلو ليك في جيب الجلابية ...

زمان يا صلاح كان عندي صاحبي شديد لدرجة سكنا فترة سواء
أيام وفاة أبوي الله يرحمه كان عندو نفسيات ولا شنو ما عارف! المهم ما جاء العزاء رغم إنه أصحابنا المشتركين كلهم اتكلموا معاهو وبقول ليهم خلاص بمشي وما بيجي وهم من زعلهم بيجوا يكلموني
لحدي أمه اتكلمت معاهو وحنستو دة أبو صاحبك اللصيق لازم تمشي ولمن أبى يطلع من البيت ساقت أبوهو وجو عزوني سواء وولدهم أبى يجي

المهم بعديها بي فترة حاول يصلحها بكل الطرق وانا مقفلها بي صبة خرسانية .. نتلاقى يمد يده للسلام أعمل فيها مدنقر ما شايف وامشي أخليهو .. ياخي لدرجة مرة حصل ليه حادث بعد سنوات وسنوات من الموضوع دة وكان في العناية المكثفة بين الحياة والموت اتصلت بي أمه وقالت لي قال إلا يتكلم معاك
قدر ما اتبكى أنا ساكت كفارة ساي ما قلتها ليه وفي النهاية قلت ليه أنا شغال برجع ليك بعد انتهي وقفلت الخط
وحاة الله زمان كنت عوير خلاص البنزلو دة تاني ببقى عندي زيو وزي الحجر واحد :)

قبل فترة كدة اتلاقيت مع صاحبنا مشترك في الخرطوم وقال لي عازمك بكرة فطور في حوش السمك بتاع الرياض .. وشايفو بلف ويدور زي داير يقول حاجة وما قادر في النهاية بي تردد شديد قال لي ياخي داير اتكلم معاك في موضوع فلان
قلت ليه مالو؟ نعل ما حصل ليه مكروه!
قال لي لا لا قصدي قطيعتك ليه؟
قلت ليه وانا مقاطعه في شنو؟ :)
قال لي عشان ما جاء عزاء والدك
قلت ليه عليك دينك دة فهم ليك؟ ياخي كبااااار وعوااااار كدة ونتكلم في عزاني وما عزاني؟ عليك الله خلي العباطة دي وناديهو بكرة يضرب معانا السمك
طبعاً هو بعاين لي مستغرب شديد شغال لي انت جادي ما زعلان منو؟
قلت ليه أزعل منه لشنو؟ وهو ضراني بشنو ذاتو عشان ازعل! يمكن كان كاتب شيكات وعليه أمر قبض اليوم داك؟ يمكن ساااااي كدة ما عندو مزاج يقابل زول .. وأساساً فاتحته دي كانت بترجع أبوي يعني؟ غايتو عباطة جهل بس ليس إلا

كتب ابراهيـم بـوال بنفس فهم الدقم اعلاه :

Quote: الشيخ نورين والمشائخ الثلاثة الذين إختارهم الله وهم من حملة كتاب الله تعالي والعلماء والدعاة والمصلحين نسأل الله لهم الرحمة والمغفرة والقبول من الله تعالي . أن الله يختص لأهل القرآن وخاصته الإنقياء من الناس لعشرتهم في الدنيا والصلاة عليهم يوم الرحيل . كان موكباً مهيباً تلاقت فيها الجموع من كل إحياء الخرطوم والولايات . الآلف والآلف من الناس يذرفون دموعاً ثخينة لا تنقطع طوال فترة التشييع من حوش الخليفة التعايشي ، لا أحد يتحدث ، لا أحد يصدر صوتاً ، ظلوا جميعاً وجوماً سكوتاً ووقوفاً طوال فترة التشييع . كلهم غدوا باردين كالحجارة ولكنها ملتهبة الأوار تعتمل صدورهم بوجع واحد وألم الفراق المر .. دب الركب حزيناً مكلوماً من حوش الخليفة التعايشي وحتي مقابر حمد النيل ، بعد الدفن تبادل المشيعون التعازي ، عندها تفقدت بعضها البعض فلم تجد ، الفريق أول البرهان رأس الدولة ولا نائبه حميدتي ولا رئيس وزراء قحت حمدوك ولا عضو من إعضاء السيادي ولا وزير من وزراء قحت ولا حتي وزير دين قحت مفرح بل ولا حتي قيادي من قيادات الحرية والتغيير ، لم يأتي واحداً منهم مشيعاً أو معزياً أو حتي مستطلعاً ، لماذا ؟ الإجابة عندهم وحدهم ولكن الجميع يعلمون . من كرامات أهل القرآن الكريم أن يشيعهم رصفائهم من حملة كتاب الله تعالي والعلماء والدعاة والمصلحين وليس ضرورياً أن تكون الحكومة العلمانية ومن شايعهم وتبعهم أن يكونوا هناك بالمقابر وخيراً لشيخ نورين والمشائخ أنهم تم تشيعهم دون حضور هؤلاء ، فهؤلاء ليسوا من أهل القرآن ولا من أهل الدين ولا من أهل التقي ولا الصلاح ولكن كان عيباً أن تغيب وتتغيب كل الحكومة عن التشيع ولكنه لخير واراد الله أن يبعد عنه السوء وإعداء الله والشيوعيين لانه هو شيخ ورع ونقي وطاهر .. لو كان البشير موجوداً لكان في مقدمة المشيعين . رحم الله الشيخ نورين ومن معه من المشائخ رحمة واسعة . اللهم ارحمهم واغفر لهم وأكرم نزلهم ووسع مدخلهم واجعل الفردوس مسكنهم

كوزاوي تاني منزل الصورة دي وكاتب تحتها :



صورة الرئيس البشير في جنازة المرحوم الشيخ محمد سيد حاج

الرئيس البشير
كان احد أبناء الوطن الصالحين يفرح لفرحهم ويتألم لفقدهم يشاركهم الافراح والاتراح بدون تكلف، كان مثال حي للرئيس المتواضع إبن البلد الأصيل بغير تكلف.
الصورة في جنازة المرحوم الشيخ محمد سيد حاج
يوماً بعد يوم تكشف لنا الايام معدن هذا الفارس الذي ترجل بعد مؤامرة دولية محكمة نالت من حكمه شارك فيها بنصيب وافر الخونة والارزقية وعملاء المنظمات والمخدوعين والمغيبين والاطفال..


ــــــــ
الناس عاوزة جنازة عشان تقعد تلطم ليس إلا

Abdalla Hamdok
@SudanPMHamdok



بسم الله الرحمن الرحيم

قال تعالى:(كُلُّ مَنْ عَلَيْهَا فَانٍ * وَيَبْقَى وَجْهُ رَبِّكَ ذُو الْجَلالِ وَالإِكْرَامِ)

صدق الله العظيم.

ينعى مجلس الوزراء للأمة السودانية الشيخ المُقرئ نورين محمد صديق وإخوته الحفظة الشيخ علي يعقوب، الشيخ عبد الله عوض الكريم والشيخ مهند الكناني...
--------------------------------------------------------------------------------------------------------------------------------------------------------------------
منقول من صفحة دكتور حمدوك فى تويتر

الشيخ نورين له الرحمة ولكن الحق يقال هو ليس شخصية سياسية ولا عالم ذرة ولا يقدم اي خدمة للدوله ولم يجلب ميداليه ذهبية او اختراع انساني يتطلب تكريما من الدوله ..هذا شان شخصي وهو شخص زاهد في الدنيا نفسها وهاهو يلقي نهايته التي كان يتمناها
حيث توفي وهو قادم من رحله دعوية ..لماذا هذا الزخم الكبير لجنازتة وهو لم يعمل لدنيا اصلا ..